ၽွင်းလူင်ၾၢႆႇတမ်းဝၢင်းတီႈယူႇလႄႈ ၸွႆႈထႅမ်တူင်ႇဝူင်းၵူၼ်း ၸတ်းႁဵတ်းပၢင်ၵုမ်ၵၼ်တင်းၸဝ်ႈတႃႇၼႃႉ ၸုမ်းၸွႆႈ ထႅမ်ၵူၼ်းပၢႆႈၽေးသေ တေလူင်းၵူတ်ႇထတ်းတူၺ်းပၢင်သဝ်းၵူၼ်းပၢႆႈၽေးဢၼ်မီးၼႂ်းမိူင်းတႆး၊ မိူင်းၶၢင်လႄႈ မိူင်း ယၢင်း ဝႃႈၼႆ။ ၶၢဝ်ႇသိုဝ်ႇ The Voice ဢွၵ်ႇဝႆႉဝႃႈ “ ပၢင်သဝ်းၵူၼ်းပၢႆႈၽေး ၼႂ်းၸႄႈမိူင်း မၢင်တီႈတေသိုပ်ႇပိုတ်ႇဝႆႉ။ မၢင်တီႈသမ်ႉ သင်ဝႃႈ ငဝ်းလၢႆးလီၵေႃႈ တေဢိုတ်းပႅတ်ႈယဝ်ႉ။ လိူဝ်ၼၼ်ႉ မၢင်တီႈဢမ်ႇၸၢင်ႈဢိုတ်းပၼ် တေသိုပ်ႇပိုတ်ႇဝႆႉၼၼ်ႉ...

တပ်ႉသိုၵ်းမၢၼ်ႈ တပ်ႉမ 88 ဢၼ်တူင်ႉၼိုင်ၵႂႃႇမႃး ပွတ်းတွၼ်ႈၸႄႈဝဵင်းၵူတ်ႉၶၢႆၼၼ်ႉ ယိုဝ်းၵွင်ႈလူင် ၵႂႃႇၾၢႆႇဝၢၼ်ႈၵူၼ်းသေ မၢၵ်ႇလူင်တူၵ်းသႂ်ႇၵူၼ်းဝၢၼ်ႈ မၢတ်ႇၸဵပ်းႁၢဝ်ႈႁႅင်း 7 ၵေႃႉလႄႈ တၢႆ 1 ၵေႃႉ ဝႃႈၼႆ။ မိူဝ်ႈၼႆႉ ဝၼ်းတီႈ 28/06/2018 ယၢမ်းၵၢင်ၼႂ်ၸဝ်ႉ 6 မူင်းၼၼ်ႉ တပ်ႉသိုၵ်းလူင်ပွင်ၸိုင်ႈမၢၼ်ႈ တပ်ႉမ 88 ယိုဝ်းၵွင်ႈလူင်...

ဢွၼ်ႇယိင်း 33 ၵေႃႉ ဢၼ်ထုၵ်ႇပလိၵ်ႈတီႉၺွပ်း တီႉႁၢၼ်ႉၼူတ်ႈ တီႈမိူင်းၵွၵ်ႇ မိူဝ်ႈႁူဝ်ပီ 2018 ၼၼ်ႉၸဝ်ႈ ၼႃႈတီႈလၢႆၾၢႆႇႁူမ်ႈၵၼ်ၸွႆႈထႅမ်သေ သူင်ႇတူဝ်ပွၵ်ႈႁိူၼ်းၽႂ်မၼ်းယဝ်ႉ။ ယိင်းသၢဝ်တႆး 33 ၵေႃႉ ဢၼ်ထုၵ်ႇတီႉၺွပ်းတီႈႁၢၼ်ႉၼူတ်ႈ Victoria The Secret Forever ၽရႃႊရၢမ်ႊ9မိူင်း ၵွၵ်ႇ ၸိုင်ႈထႆးၼၼ်ႉ ၸဝ်ႈၼႃႈတီႈပလိၵ်ႈထႆး၊ ႁွင်ႈၵၢၼ်ၾၢႆႇသုၼ်ႇလႆႈၵူၼ်း ႁူမ်ႈၵၼ်သူင်ႇပွၵ်ႈမိူဝ်းၶိုၼ်း...

ၵူၼ်းဝၢၼ်ႈ 2 ၵေႃႉ လုၵ်ႉတၢင်းဝဵင်းၵျွၵ်ႉမႄးသေ တေၵႂႃႇတၢင်းဝဵင်းမိူင်းငေႃႉၼၼ်ႉ ယဵပ်ႇၺႃးမၢၵ်ႇတႅၵ်ႇ ဢၼ်ႁၢင်ႈ ၵၢင်ဝႆႉၸွမ်းတၢင်း။ တၢႆထင်တီႈတင်း 2 ၵေႃႉ ဝႃႈၼႆ။ ဝၼ်းတီႈ 20/06/2018 ယၢမ်းၵၢင်ၼႂ် 9:30 မူင်းၼၼ်ႉ ၸၢႆးထုၼ်းၼၢႆႇ ဢႃယု 16 ပီ တင်း ပႃႈဢေးလူင် ၶႃသွင် ၵေႃႉ...

ၵူၼ်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း ဢမ်ႇႁၼ်လီၸွမ်း လွင်ႈၶွမ်ႊပၼီႊလွႆသၢမ်သုမ် ၶိုၼ်ႈၵႃႈၾႆးၾႃႉ 1 ယူႊၼိတ်ႊလႂ် 85 ပျႃး ။ ၵူၼ်းမိူင်းႁူမ်ႈၵၼ် တႅမ်ႈလိၵ်ႈသၢၼ်ၶတ်း တၢင်ႇထိုင် လူင်ပွင်ၸိုင်ႈမိူင်းတႆး ဝႃႈၼႆ။ ဝၼ်းတီႈ 05/06/2018 ၵူၼ်းမိူင်းသၢတ်ႇ ဢဵၼ်ႁႅင်း ႁိမ်း 300 ၵေႃႉ ႁူမ်ႈၵၼ် လူင်းၸိုဝ်ႈ လူင်းလၢႆးမိုဝ်း...

ယေးငိုၼ်းၶႄႇ တီႈလႅၼ်လိၼ် တႆး-ၶႄႇ ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ ၵႆႉၵႆႉပိၵ်ႉ ယိုတ်းပပ်ႉငိုၼ်းၵူၼ်း ၵႃႉပွတ်းမိူင်းတႆး ဢၼ်ဢဝ်ငိုၼ်းၵႂႃႇၵဵပ်းဝႆႉ ႁဵတ်းႁႂ်ႈၵူၼ်းၵႃႉၶၢႆၸွမ်းလႅၼ်လိၼ် ႁူပ်ႉတၢင်းယၢပ်ႇ ဝႃႈၼႆ။ ၵူၼ်းမူႇၸေႊ ဢၼ်ႁဵတ်းၵၢၼ်ၵႃႉၶၢႆ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ တၢင်းၾၢႆႇမိူင်းၶႄႇ ၵမ်းၵမ်း ပိၵ်ႉပႅတ်ႈ ပပ်ႉယေးငိုၼ်း ၵူၼ်းၵႃႉတၢင်းမိူင်းတႆး။ ဢၼ်ၶဝ်ပိၵ်ႉၼၼ်ႉ မၼ်းတုမ်ႉတိူဝ်ႉၵူၼ်းလႅၵ်ႈငိုၼ်းၶဝ်။ ယူႇတီႈ...

ဢိင်ၼိူဝ် တပ်ႉသိုၵ်းလုၵ်ႉၽိုၼ်ႉၼင်ႇၵၼ် ၼႂ်းပိုၼ်ႉတီႈ တၢင်းပွတ်းၸႄႈဝဵင်းမိူင်းၵိုင်ၼၼ်ႉ ပိုတ်းယိုဝ်းၵၼ်သေ တိူဝ်ႉၺႃးၸဝ်ႈသၢင်ႇဢွၼ်ႇ ဢႃယု 8 ၶူပ်ႇတူၼ်ၼိုင်ႈ လႆႈမၢတ်ႇၸဵပ်းႁၢဝ်ႈႁႅင်းၼၼ်ႉ မဵတ်ႉတႃႇထိုင်ယႃႇႁႂ်ႈၵိူတ်ႇၶိုၼ်ႈ ပဵၼ်မႃးပၼ်ႁႃၼႆႉထႅင်ႈ ဝႃႈၼႆ။ ဝၼ်းတီႈ 19/06/2018 သင်ၶၸဝ်ႈ ၸႄႈဝဵင်းမိူင်းၵိုင် တႅမ်ႈလိၵ်ႈမဵတ်ႉတႃႇထိုင် ငဝ်ႈငုၼ်းၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA တင်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA...

လိၼ်သူၼ်ႁႆႈၼႃး ၵူၼ်းဝၢၼ်ႈၶိူဝ်းၶမ်း ဢိူင်ႇႁူးမူၼ်ႈ ၸႄႈဝဵင်းလႃႈသဵဝ်ႈ သိုၵ်းမၢၼ်ႈယိုတ်းၵႂႃႇ 400 ဢေႊၶိူဝ်ႊ ဝႆႉၼၼ်ႉ ၽွင်းလူင်ၾၢႆႇၵႅတ်ႇၶႄလၢတ်ႈဝႃႈ ဢမ်ႇၸၢင်ႈပၼ်ၶိုၼ်းၵူၼ်းမိူင်းလႆႈ ယွၼ်ႉဝႃႈ ၵူၼ်းမိူင်းဢမ်ႇမီးလၵ်း ထၢၼ်သင်တႃႇၼႄဝႃႈပဵၼ်ၸဝ်ႈၶွင်တီႈလိၼ် ဝႃႈၼႆ။ ဝၼ်းတီႈ 20/06/2018 ပၢင်ၵုမ်သၽႃးၸိူဝ်ႉၸၢတ်ႈ ပွၵ်ႈၵမ်း 2 ၵမ်းထူၼ်ႈ 6 တီႈၼေႇပျီႇတေႃႇၼၼ်ႉ ၽူႈတႅၼ်း သၽႃးၸိူဝ်ႉၸၢတ်ႈ ၶဵတ်ႇလိူၵ်ႈတင်ႈ...

ၵူၼ်းမိူင်းမူႇၸေႊမႆႈၸႂ်လွင်ႈႁူမ်ႇလူမ်ႈ ယွၼ်ႉၼိူဝ်သဵၼ်ႈတၢင်းလူင်မိူင်းႁူမ်ႈတုမ် ပွတ်းတွၼ်ႈၸေႊလၢၼ်ႉ မိူင်းမၢဝ်း ၼၼ်ႉ ပဵၼ်ပၢင်တိုၵ်းၵၼ် ႁၼ်မႅၼ်ႈမၢၵ်ႇမႅင်း ႁဵတ်းႁႂ်ႈၵူၼ်းပိုၼ်ႉတီႈလႆႈၾၢင်ႉတႃႇၵႂႃႇမႃး။ ဝၼ်းတီႈ 19/06/2018 ယၢမ်းၵၢင်ဝၼ်း ၸဝ်ႈၼႃးၵေႃႉၼိုင်ႈ လုၵ်ႉတီႈၼႃးသေ တေပွၵ်ႈႁိူၼ်းၼၼ်ႉ ထူပ်းႁၼ် မၢၵ်ႇဢၼ်ႁၢင်ႈၵၢင်ဝႆႉ 2 လုၵ်ႈ တီႈတႂ်ႈၶူဝ် ၼႂ်းၵႄႈဝၢၼ်ႈသၢႆးၶၢဝ် တင်း ဝၢၼ်ႈၸေႊလၢၼ်ႉ ၸႄႈဝဵင်းမူႇၸေႊ ၸိုင်ႈ တႆးပွတ်းႁွင်ႇ။...

ၽူႈၸၢႆးၵေႃႉၼိုင်ႈ ယွင်ႇမဝ်းယႃႈမႃႉသေ ဢဝ်လႅဝ်းလမ်းၾၼ်းၵူၼ်းမိူင်း မီးလွင်ႈမၢတ်ႇၸဵပ်းလႄႈ လူႉတၢႆၼႂ်းၼႃႈ လိၼ်ဝႃႉ ၵုမ်းၵမ်။ ဝၼ်းတီႈ 10/06/2018 ၽူႈၸၢႆးၵေႃႉၼိုင်ႈ မဝ်းယႃႈမႃႉသေ လမ်းၾၼ်းၵူၼ်းမိူင်း ၼႂ်းဝဵင်းမင်းသႅင် ၼႃႈလိၼ်ၽွင်း ငမ်းတူဝ်ၵဝ်ႇဝႃႉ ၸိုင်ႈတႆးပွတ်းဢွၵ်ႇၶူင်း တိူဝ်ႉၺႃးၵူၼ်းမိူင်းလႆႈမၢတ်ႇၸဵပ်း 5 ၵေႃႉလႄႈ လူႉတၢႆ 2 ၵေႃႉ ဝႃႈၼႆ။ သိုဝ်ႇၶၢဝ်ႇ AHN ဢူးၺီႇယၢၼ်ႊ...

တပ်ႉသိုၵ်းမၢၼ်ႈ ၶမရ 502 ဢၼ်ပၵ်းဝႆႉတီႈ ၵျွၵ်ႉမႄး တီႉမတ်ႉဢဝ်ပူႇၵႄႇလႄႈ လုၵ်ႈၸၢႆးပူႇၵႄႇ ဢိၵ်ႇၵူၼ်းဝၢၼ်ႈ   ထႅင်ႈၵေႃႉၼိုင်ႈ တီႈဝၢၼ်ႈၼမ်ႉဢုၼ်ႇ ၸႄႈဝဵင်းသီႇပေႃႉ ထိုင်ယၢမ်းလဵဝ် ပႆႇပွႆႇတူဝ်ၶိုၼ်း ဝႃႈၼႆ။ ပူႇၵႄႇလႄႈ လုၵ်ႈၸၢႆးၼႆႉ ၺႃးတီႉၺွပ်း မိူဝ်ႈဝၼ်းတီႈ 29/05/2018 ယၢမ်းၵၢင်ၼႂ်ၸဝ်ႉ မွၵ်ႈ 1 မူင်း။ လုင်းၸၢႆးမွင်ႇ ပူႇၵႄႇ...

ၽူႈတႅၼ်းသၽႃးၸိူဝ်ႉၸၢတ်ႈ ၸႄႈတွၼ်ႈလွႆလႅမ် လႄႈ ၸႄႈတွၼ်ႈလၢင်းၶိူဝ်း တုၵ်းယွၼ်း တၢင်ႇထိုင် ၼႂ်းပၢင်ၵုမ်သၽႃးၸိူဝ်ႉၸၢတ်ႈ လွင်ႈၼမ်ႉ ၼွင်ၶမ်း ဢၼ်ၵူၼ်းမိူင်းလႆႈၸႂ်ႉတိုဝ်းတႃႇႁဵတ်းႁႆႈသူၼ်ၼႃး ႁိမ်း 100 ဢေႊၶိူဝ်ႊၼၼ်ႉ ႁႂ်ႈၾၢႆႇလူင်ပွင်ၸိုင်ႈ ၸွႆႈ ၵုမ်းလုမ်းလႃးၸွႆႈ ဝႃႈၼႆ။ ဝၼ်းတီႈ 15/06/2018 ပၢင်ၵုမ်သၽႃးၸိူဝ်ႉၸၢတ်ႈ ပွၵ်ႈၵမ်း 2 ၵမ်းထူၼ်ႈ 6 ၼၼ်ႉ...

ၸူၼ်ပႃးမိတ်ႈၶဝ်ႈႁိူၼ်းၵူၼ်းဝၢၼ်ႈ ပွၵ်ႉ 9 ၸႄႈဝဵင်းလႃႈသဵဝ်ႈသေ ၸူၼ်ဢဝ်ငိုၼ်းၶမ်းၵႂႃႇ တင်းၼမ်၊ ယၢမ်းလဵဝ် ပၢႆႈလွတ်ႈဝႆႉ။ ဝၼ်းတီႈ 14/06/2018 ယၢမ်းၵၢင်ဝၼ်း 1:30 မူင်းၼၼ်ႉ ၽူႈၸၢႆးၵေႃႉၼိုင်ႈ ဢမ်ႇႁူႉၸိုဝ်ႈ ယိပ်းမိတ်ႈသေ ၶဝ်ႈ ၸူၼ်ၼႂ်းႁိူၼ်းၵူၼ်းဝၢၼ်ႈ တီႈပွၵ်ႉ 9 ၼႃႈလိၼ် 5 ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဢဝ်မိတ်ႉ...

ၾၢႆႇပလိၵ်ႈၵုမ်းထိင်းလူတ်ႉၵႃး ပိုတ်ႇလၢတ်ႈတီႈၼၵ်ႉၶၢဝ်ႇဝႃႈ ဢမ်ႇလႆႈတီႉၺွပ်း လူတ်ႉၵႃးဢၼ်ဢမ်ႇမီးၶွၼ်ႇ (Without) ၼႂ်းၸႄႈမိူင်းတႆး ဢၼ်လႆႈၵူတ်ႇထတ်းတီႉၺွပ်းၼၼ်ႉ ၸွမ်းၼင်ႇပိူင်လူတ်ႉၵႃးမီးၼၼ်ႉသေ ၵူတ်ႇထတ်းၵူၺ်း ဝႃႈၼႆ။ ဝၼ်းတီႈ 12/06/2018 မဵဝ်းသေႃႇဢွင်ႇ ၵႅမ်ပလိၵ်ႈၾၢႆႇၵုမ်းထိင်းလူတ်ႉ မၢႆ 18 ၸႄႈဝဵင်းတူၼ်ႈတီး သပ်းၸႅင်ႈ ၶၢဝ်ႇ ဝႃႈ လွင်ႈၵၢၼ်တီႉၺွပ်းလူတ်ႉၵႃး ဢၼ်ၸိူဝ်းဢမ်ႇမီးၶွၼ်ႇၼၼ်ႉ ဢမ်ႇၸႂ်ႈ။ ယူႇတီႈပလိၵ်ႈၾၢႆႇၵုမ်းထိင်းလူတ်ႉလူင်း ၵူတ်ႇထတ်း...

ၵူၼ်းပၢႆႈၽေးသိုၵ်း ဢၼ်ယူႇၸွမ်းၶႅမ်ႉပၢင်သဝ်းပၢႆႈၽေး လႅၼ်လိၼ်တႆး - ထႆး 6 တီႈ ႁူဝ်ၵူၼ်း 6,000 ပၢႆ ၸိူဝ်း ႁူပ်ႉထူပ်းလွင်ႈယၢပ်ႇ ၽိုတ်ႇၼႆႉ မီးၸဝ်ႈတႃႇၼၵမ်ႉၸွႆႈၶဝ်ႈသၢၼ်တႃႇၶဝ်ႈ 1,000 ထူင်ပၢႆ ဝႃႈၼႆ။ ယူႇတီႈၶွမ်ႊမတီႊၵူၼ်းမိူင်းတႆးပၢႆႈၽေး(လႅၼ်လိၼ်ထႆး) လႆႈဢွၼ်ၵၼ်တူင်ႉၼိုင် ႁႃငိုၼ်းၵွင်ၵၢင်သေ သိုဝ်ႉၶဝ်ႈ သၢၼ်သူင်ႇၵႂႃႇ တင်းမူတ်း 1,130 ထူင်...