တႄႇႁၢင်လိူၼ်မေႊၼႆႉမႃး ၾူၼ်တူၵ်းဢမ်ႇထၢတ်ႇ ႁဵတ်းႁႂ်ႈတူၼ်ႈမႆႉလူမ်ႉ ၊ သဵၼ်ႈတၢင်းလူႉၵွႆ ၾႆးၾႃႉၶၢတ်ႇ ၊ ၼမ်ႉၶၢတ်ႇ တီႈၼႂ်းၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း သိုၵ်းမၢၼ်ႈသမ်ႉ ဢမ်ႇပၼ်ၸႂ်ႉၾူၼ်းထႅင်ႈ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵိၼ်းၸႂ်။ ၼၢင်းယိင်း ၵူၼ်းမိူင်းဝဵင်းယႂႃႇငၢၼ်ႇ လၢတ်ႈၽူႈတွႆႇႁွၵ်ႈဝႃႈ -“ၸဵမ်မိူဝ်ႈ ၾူၼ်တူၵ်းဢမ်ႇထၢတ်ႇ ႁၢင်လိူၼ် မေႊၼႆႉမႃး ၾႆးဢမ်ႇမႃးၼႆႉမီး 15 ဝၼ်းယဝ်ႉ၊ ၼမ်ႉၵေႃႈ ဢမ်ႇလႆႈ၊...

သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈၸၢၵ်ႈ PSMS သေ ၵူတ်ႇထတ်းၵူၼ်းၸိူဝ်းႁဵတ်း CDM လႄႈ ၵူၼ်းၸိူဝ်း ၺႃးမၢႆမီႈမတ်ႉတႃ 505 (က) ၸိူဝ်းၼႆႉႁၢဝ်ႈႁႅင်း ၼႂ်းမိူင်းတႆးလၢႆလၢႆတီႈ။ ဝၢႆးသေ သိုၵ်းမၢၼ်ႈ ဢွၵ်ႇသဵၼ်ႈၸိုဝ်ႈ ၵူၼ်းၸိူဝ်းသၢၼ်ၶတ်းၶဝ်ယဝ်ႉၼၼ်ႉ ၵူၼ်းမိူင်းဢၼ်ႁဵတ်း CDM ၸိူဝ်းၼၼ်ႉ ၺႃးတီႉၺွပ်းၵုမ်းတူဝ်ဝႆႉတင်းၼမ်။ မိူၼ်ၼင်ႇ တီႈၵဵတ်ႉလၢၼ်ႇ သိုၵ်းမၢၼ်ႈ...

တႃႇၵမ်ႉၸွႆႈ သိုၵ်းမၢၼ်ႈလႄႈ ပျီႇတူႉၸိတ်ႉ PNO ၼႆသေ ၵၢင်ႉၵႄႇၼႂ်းပွၵ်ႉဝဵင်းပၢင်လွင်း ၸိုင်ႈတႆး ပွတ်းၸၢၼ်း လူင်းၵဵပ်းငိုၼ်းၵူၼ်းမိူင်း ဝႃႈၼႆ။ တႄႇႁူဝ်လိူၼ် ၵျုၼ်ႊၼႆႉမႃး  ၵၢင်ႉၵႄႇၼႂ်းပွၵ်ႉ ဝဵင်းပၢင်လွင်း ပၼ်ၶေႃႈဢၢင်ႈဝႃႈ တႃႇၵမ်ႉၸွႆႈ ၼႂ်းပွၵ်ႉၼႂ်းယွမ်ၼႆသေ လူင်းၵဵပ်းငိုၼ်းၵူၼ်းမိူင်းၼိုင်ႈႁိူၼ်းလႂ် 2 မိုၼ်ႇပျႃး။ ၵူၼ်းၸၢႆးပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ -“မိူဝ်ႈဝႃးၼႆႉ မႃးၵဵပ်းၼိုင်ႈႁိူၼ်း 2 မိုၼ်ႇ...

ၵူၼ်းမိူင်းတႆးၼႆႉ တုၵ်ႉၸွမ်းသိုၵ်းမၢၼ်ႈ သုၵ်ႉၸွမ်းသိုၵ်းၸၢဝ်းၶိူဝ်း ၸိူဝ်းလုၵ်ႉတိုၼ်ႇယိုဝ်းၵၼ်ၼႂ်းမိူင်းတႆး ဢမ်ႇတွၼ်ႉလႆႈယူႇလူၺ်ႈတၢင်းၵတ်းယဵၼ်မႃး။ ဝဵင်းဢၼ်မီးပၢင်တိုၵ်း ၵေႃႈ လႆႈပၢႆႈၽေးသိုၵ်းသိူဝ်၊ ဝဵင်းဢၼ် ဢမ်ႇမီးပၢင်တိုၵ်းၵေႃႈ သမ်ႉလႆႈၵူဝ်မၢႆမီႈဢၼ်သိုၵ်းမၢၼ်ႈႁဵတ်းဢွၵ်ႇမႃး ၼင်ႇၶဝ်ၶႂ်ႈႁဵတ်းၶႂ်ႈပဵၼ် ဢၼ်ၼိုင်ႈယဝ်ႉ ဢၼ်ၼိုင်ႈ။ တီႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇၵေႃႈ ယူႇယူႇသိုၵ်းမၢၼ်ႈမႃး ႁၢမ်ႈၵူၼ်းမိူင်း ၵႂႃႇဢဝ်မႆႉပႅၵ်ႇ မႃးၶၢႆတေႃႇၵၼ် ၼႆထႅင်ႈ။  ၽွင်းၾႆးၾႃႉ ဢမ်ႇမႃးၶၢဝ်းၵၢင်ဝၼ်းၸိူင်ႉၼႆ တေႁႂ်ႈၵူၼ်းမိူင်းႁဵတ်းႁိုဝ်ႁုင်ၵိၼ်ႁုင်ယမ်ႉ။ ဢမ်ႇမီးမႆႉပႅၵ်ႇ...

တႄႇႁူဝ်လိူၼ်ၵျုၼ်ႊမႃး သိုၵ်းၵဝ်ႈၵၢင်ႉ MNDAA ႁွင်ႉဢဝ်ၵၢင်ႉၵႄႇ ၼႂ်းၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ႁဵတ်းပၢင်ၵုမ်သေ တဵၵ်းၶၢၼ်းယွၼ်းၵူၼ်းမိူင်း ၵူႈပွၵ်ႉၵူႈဝၢၼ်ႈၵူႈဢိူင်ႇ ႁႂ်ႈၶဝ်ႈႁၢပ်ႇထၢမ်း ၵၢၼ်သိုၵ်း ၼိုင်ႈဝၢၼ်ႈလႂ် ဢေႇသုတ်း သွင်ၵေႃႉ တိုၼ်းတေလႆႈႁႃပၼ်ႁႂ်ႈလႆႈ။ ဝၢႆးလင် ၽႅၼ်ယၼ်ႇသိုၵ်း 1027 သိုၵ်းၵဝ်ႈၵၢင်ႉ ၶဝ်ႈၵုမ်းၵမ် ဝဵင်းသႅၼ်ဝီသေ ပၼ်ႇၵၢၼ်ၾၢႆႇဢုပ်ႉပိူင်ႇၽွင်းငမ်းယဝ်ႉ တဵၵ်းၶၢၼ်းယွၼ်းၵူၼ်းသိုၵ်းမႂ်ႇ တီႈၵၢင်ႉၵႄႇၵူႈပွၵ်ႉၵူႈဢိူင်ႇၸိူင်ႉၼႆ မီးၵႂႃႇ...

ဝၼ်းတီႈ 30/05/2025 ယၢမ်းဝၢႆးဝၼ်းမွၵ်ႈ 3 မူင်း သိုၵ်းမၢၼ်ႈ ယိုတ်းမိူင်း လၢမ်းယိုဝ်းၵွင်ႈလူင် ၼႂ်းထုင်ႉမိူင်းပၢႆး ၸိုင်ႈတႆးပွတ်းၸၢၼ်း တႅၵ်ႇတိူဝ်ႉၵူၼ်းပိုၼ်ႉတီႈ ၵေႃႉၼိုင်ႈ တၢႆထင်တီႈ။ ဝၼ်းၼၼ်ႉ ဢမ်ႇမီးပၢင်တိုၵ်းသင်သေ သိုၵ်းမၢၼ်ႈ တင်ႈၸႂ်လၢမ်းယိုဝ်းၵွင်ႈလူင်သႂ်ႇ ၼႂ်းထုင်ႉမိူင်းပၢႆး။ မၢၵ်ႇလူင်တူၵ်းတႅၵ်ႇ ႁိမ်းၶူဝ်လူင်မိူင်းပၢႆးသေ ၸၢၵ်ႇမၢၵ်ႇတိူဝ်ႉ ၵူၼ်းၸၢႆး ၵေႃႉၼိုင်ႈ ဢၼ်တိုၵ်ႉမဵတ်းပႃယူႇႁိမ်းၼၼ်ႉ တၢႆထင်တီႈ၊...

ပလိၵ်ႈသိုၵ်းမၢၼ်ႈ တီႉၺွပ်းရူတ်ႉၵႃး ၼႂ်းၸႄႈဝဵင်းတူၼ်ႈတီး ႁၢဝ်ႈႁႅင်း ႁဵတ်းႁႂ်ႈၵူၼ်းမိူင်း ဢမ်ႇၸၢင်ႈႁႃ ၵိၼ်လဵင်ႉတွင်ႉသင် ထိုင်တီႈၵူၼ်းမိူင်း ဢမ်ႇႁပ်ႉလႆႈယဝ်ႉလႄႈ ၸင်ႇတိုၵ်းသူၼ်းၵၼ် တႅမ်ႈလိၵ်ႈသႂ်ႇၼိူဝ် ငိုၼ်းၸေႈၸႅၵ်ႇၼႂ်းဝၢၼ်ႈၼႂ်းဝဵင်း ႁႂ်ႈၼႄၵၢင်ၸႂ်သၢၼ်ၶတ်း လူၺ်ႈမိပ်ႇႁွၼ်းရူတ်ႉပတ်းပိုၼ်ႉတူဝ်ႈဝဵင်း ဝႃႈၼႆ။ မိူဝ်ႈၼႆႉ ဝၼ်းတီႈ 31/05/2025 ယၢမ်းၵၢင်ၼႂ် ၵူၼ်းမိူင်းလၵ်ႉလွမ်တႅမ်ႈလိၵ်ႈၼိူဝ်ငိုၼ်းၸေႈသေ ပိုၼ်ၼႂ်း ဝၢၼ်ႈၼႂ်းဝဵင်း ၸွမ်းၵၢတ်ႇလူင်မဵဝ်ႉမ ၊ ၵၢတ်ႇမၢႆ...

ဝၼ်းတီႈ 30/05/2025 ယၢမ်းၵၢင်ဝၼ်း ပလိၵ်ႈမၢၼ်ႈသိုၵ်းမၢၼ်ႈ ၵူတ်ႇထတ်းရူတ်ႉၵႃး ဢၼ်ဢမ်ႇမီး ဝတ်းဝႂ်လၢႆႊသိၼ်ႊ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ ၼၢင်းယိင်း ၵူၼ်းမိူင်းတူၼ်ႈတီး လၢတ်ႈၽူႈတွႆႇႁွၵ်ႈဝႃႈ -“မိူဝ်ႈဝႃး တႄႇတီႉတီႈတၢင်းလဵပ်ႈဝဵင်းတူၼ်ႈတီးလႄႈ တၢင်းဢထၵ 4 ပလိၵ်ႈသိုၵ်းမၢၼ်ႈ ၵူတ်ႇထတ်းၵႃး ၸိူဝ်းဢမ်ႇမီးလၢႆႊသိၼ်ႊ၊ ၵူႈပွၵ်ႈတႄႉ ၶဝ်ၵူတ်ႇထတ်းရူတ်ႉၵူၺ်း၊ တႄႇမိူဝ်ႈဝႃးတႄႉ တီႉၺွပ်းပႃး ၵႃးယဝ်ႉ”- ဝႃႈၼႆ။ ဝၢႆးလင်...

သိုၵ်းမၢၼ်ႈတင်း PNO ၽဝ်ႁိူၼ်းယေးၵူၼ်းမိူင်း ဝၢၼ်ႈသွင်းပျွင်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၾႆးမႆႈလူႉၵွႆၵႂႃႇၼပ်ႉႁူဝ်သိပ်းလင်။ တႄႇဝၼ်းတီႈ 17/05/2025 ၼႆႉမႃးတေႃႇထိုင်ဝၼ်းတီႈ 29/05/2025 ၼႆႉ သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO ႁူမ်ႈၵၼ်ပိုတ်းယိုဝ်းၵၼ်တင်း ၸုမ်းၵႅတ်ႇၶႄႇၵူၼ်းမိူင်း PDF ႁၢဝ်ႈႁႅင်း။ ၽွင်းၸုမ်း လုၵ်ႉၽိုၼ်ႉထွႆဢွၵ်ႇၼႂ်းဝၢၼ်ႈၼၼ်ႉ သိုၵ်းမၢၼ်ႈႁူမ်ႈ ပျီႇတူႉၸိတ်ႉ PNO ၽဝ်ပႃး...

မိူဝ်ႈဝႃး ဝၼ်းတီႈ 29/05/2025 ယၢမ်းႁူဝ်ၶမ်ႈ 6 မူင်းပၢႆ မၢၵ်ႇတႅၵ်ႇၼႂ်းဝၢင်းႁိူၼ်း ၽွင်းၸဝ်ႈႁိူၼ်းတိုၵ်ႉၵႂႃႇ ၽဵဝ်ႈယုၵ်းယၢၵ်း ႁဵတ်းလွင်ႈမူတ်းသႂ် တီႈဝၢၼ်ႈႁူဝ်တႃႈ ဝဵင်းသႅၼ်ဝီ ၸိုင်ႈတႆးပွတ်းႁွင်ႇ။ ႁိူၼ်းဢၼ်ၺႃးမၢၵ်ႇတႅၵ်ႇၵႂႃႇၼၼ်ႉ ၸဝ်ႈႁိူၼ်းလႆႈပၢႆႈၽေးပၢင်တိုၵ်း 1027 လွပ်ႈၼိုင်ႈသေ တိုၵ်ႉလႆႈပွၵ်ႈမႃးယူႇ ၶိုၼ်းႁိူၼ်းၵူၺ်း သမ်ႉၺႃးမၢၵ်ႇတႅၵ်ႇသႂ်ႇ ၽွင်းတိုၵ်ႉၵႂႃႇၽဵဝ်ႈၼႂ်းသိုင်ႇလႄႈ ႁဵတ်းႁႂ်ႈတူၵ်းၸႂ်ၵူဝ် ၵႂႃႇႁႅင်းတႄႉတႄႉၼႆ ၵူၼ်းမိူင်းပိုၼ်ႉတီႈ ဝၢၼ်ႈႁူဝ်တႃႈ...

ဢမေႊရိၵၼ်ႊ ၵိုတ်းလိုဝ်ႈၵၢၼ်ၵူတ်ႇထတ်း လွင်ႈတၢင်ႇယိုၼ်ႈ ယွၼ်းဝီႊသႃႊလုၵ်ႈႁဵၼ်း တီႈမိူင်းဢမေႊရိၵၼ်ႊဝႆႉ ၸူဝ်ႈၶၢဝ်း ဝႃႈၼႆ။ လွင်ႈၼႆႉ လူင်ပွင်ၸိုင်ႈဢမေႊရိၵၼ်ႊ လႆႈၸီႉသင်ႇလူင်းတီႈ လုမ်းၽွင်တၢင်ဢမေႊရိၵၼ်ႊ ႁႂ်ႈၵိုတ်းလိုဝ်ႈဝႆႉ လွင်ႈတေတွင်ႈထၢမ် (interview) လုၵ်ႈႁဵၼ်းမႂ်ႇ ၸိူဝ်းတၢင်ႇယိုၼ်ႈဝႆႉ ဝီႊသႃႊ လုၵ်ႈႁဵၼ်း။ တေလႆႈၵိုတ်းလိုဝ်ႈဝႆႉ တေႃႇထိုင်ၶေႃႈၸီႉသင်ႇ ဢွၵ်ႇမႃးထႅင်ႈၵမ်းၼိုင်ႈ ဝႃႈၼႆ။ လိူဝ်ၼၼ်ႉ မိူင်းဢမေႊရိၵၼ်ႊ ဝူၼ်ႉဝႃႈတေၵူတ်ႇထတ်းပႃး လွင်ႈတူင်ႉၼိုင်...

ယၢမ်းလဵဝ် တီႈဝဵင်းႁူဝ်ပူင်းၼႆႉ ႁွင်ႈၵၢၼ်ၾၢႆႇလိူမ်ႈလႆႇ ၵဵပ်းၶွၼ်ႇယွၼ်းငိုၼ်း ၵူၼ်းၵႃႉၶၢႆၸွမ်းၵၢတ်ႇၵူႈလိူၼ် ၵူၺ်းၵႃႈ တႃႇမႃးၵဵပ်းၽဵဝ်ႈပၼ်ၶိုၼ်းသမ်ႉ ဢမ်ႇပေႃးၵႆႉမီး လွင်ႈၼႆႉ ႁဵတ်းႁႂ်ႈၵူၼ်းမိူင်းပိုၼ်ႉတီႈ ထူပ်းလွင်ႈယၢပ်ႇ တႃႇၵႂႃႇမႃးၵႃႉၶၢႆ။ ၵူၼ်းပိုၼ်ႉတီႈ ဝဵင်းႁူဝ်ပူင်း လၢတ်ႈတီႈၽူႈတွႆႇႁွၵ်ႈဝႃႈ -“ၾၢႆႇလိူမ်ႈလႆႇသိုၵ်းမၢၼ်ႈ မႃးၵဵပ်းငိုၼ်း ၵဵပ်းၶွၼ်ႇ ၵူႈလိူၼ် ၵူၺ်းၵႃႈ တႃႇတေၵဵပ်းၽဵဝ်ႈပၼ်ၶိုၼ်းယုၵ်းယၢၵ်းၸိူဝ်းၼႆႉသမ်ႉ ဢမ်ႇပေႃးၵႆႉမီး ယွၼ်ႉၼၼ် ၸွမ်းၵၢတ်ႇၸိူဝ်းၼႆႉ မၢင်တီႈၵေႃႈ...

မိူဝ်ႈၼႆႉ ဝၼ်းတီႈ 29/05/2025 ယၢမ်းၵၢင်ၼႂ် သိုၵ်းမၢၼ်ႈ ထႅမ်ႁႅင်းသိုၵ်း လေႃႇတိုၵ်း တပ်ႉသိုၵ်းတဢၢင်း TNLA တီႈဝၢၼ်ႈၼွင်လဵၵ်ႉ တေႃႇထိုင်ဝၢၼ်ႈသူၺ်ႇမူႉတေႃး ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ သွင်ၾၢႆႇပဵၼ်ပၢင်တိုၵ်းၵၼ် ႁၢဝ်ႈႁႅင်း။ ၵဵဝ်ႇလူၺ်ႈလွင်ႈၼႆႉ ၵူၼ်းမိူင်းလၢတ်ႈတီႈ သိုဝ်ႇၶၢဝ်ႇသူၺ်ႇၽီႇမျေႇဝႃႈ - “ပၢင်တိုၵ်းၼႆႉ တႄႇပဵၼ်ၸဵမ် မိူဝ်ႈဝႃး ဝၼ်းတီႈ 28 တေႃႇထိုင်ၼႂ်ၼႆႉ...

ယၢမ်းလဵဝ် ထိုင်ၶၢဝ်းပိုတ်ႇႁူင်းႁဵၼ်းၶိုၼ်းယဝ်ႉသေတႃႉ ယွၼ်ႉၼႂ်းမိူင်းတႆးလၢႆတီႈလၢႆဝဵင်း တိုၵ်ႉပဵၼ်ပၢင် တိုၵ်းသိုၵ်းသိူဝ်ယူႇလႄႈ ႁဵတ်းႁႂ်ႈပေႃးမႄႈလုၵ်ႈႁဵၼ်းၶဝ် မီးလွင်ႈမႆႈၸႂ်တႃႇသူင်ႇလုၵ်ႈလၢင်း ၶိုၼ်ႈႁဵၼ်း။ လိူဝ်ၼၼ်ႉ ၵၢၼ်ၵႃႉၶၢႆၸိူဝ်းၼႆႉၵေႃႈ ဢမ်ႇပဵၼ်ၵၢၼ် ၶူဝ်းၵုၼ်ႇၶွင်ၵိၼ်ယႅမ်ႉလႄႈ ၶိူင်ႈၸႂ်ႉတိုဝ်းတႃႇၼႂ်း ၵၢၼ်ႁဵၼ်းၸိူဝ်းၼႆႉၵေႃႈ ၵႃႈၶိုၼ်ႈမႃးၵူႈမိုဝ်ႉၵူႈဝၼ်း ၼႆယဝ်ႉ။ ပေႃႈမႄႈလုၵ်ႈဢွၼ်ႇ ၼႂ်းၸႄႈဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “သုၼ်ႇတူဝ်ပေႃႈမႄႈသေ သုၼ်ႇ တူဝ်လုၵ်ႈဢွၼ်ႇၼႆႉ ပေႃးတေၶိုၼ်ႈၵျွင်းမႃး မိူၼ်ၼင်ႇ သိူဝ်ႈၽိူၵ်ႇ...

တႄႇႁူဝ်လိူၼ်မေႊၼႆႉမႃး သိုၵ်းၵဝ်ႈၵၢင်ႉ မႄးၵုမ်းႁဵတ်းသၢင်ႈမႂ်ႇၶိုၼ်း ၶူဝ်လူင်ဝဵင်းသႅၼ်ဝီ ဢၼ်မီးၼိူဝ် သဵၼ်ႈတၢင်းလူင်ႁၢႆးဝေး ၵႂႃႇမႃးဝဵင်းလႃႈသဵဝ်ႈ - ဝဵင်းမူႇၸေႊ ၸိုင်ႈတႆးပွတ်းႁွင်ႇ။ မိူဝ်ႈၼႆႉ ဝၼ်းတီႈ 29/05/2025 ယၢမ်းၵၢင်ၼႂ်ၸဝ်ႉၼႆႉ သိုၵ်းၵဝ်ႈၵၢင်ႉ (MNDAA) ယိုဝ်းၵွင်ႈပၼ်ၾၢင်ႉ ႁႂ်ႈပဵၼ်မိၵ်ႇမၢႆ ပိုတ်ႇၶူဝ်လူင် ၶၢမ်ႈၼမ်ႉတူႈ ဝဵင်းသႅၼ်ဝီ ၸိုင်ႈတႆးပွတ်းႁွင်ႇ။ ၵူၼ်းမိူင်းပိုၼ်ႉတီႈ ဝဵင်းသႅၼ်ဝီ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...