ငဝ်ႈငုၼ်းတီႇမူဝ်ႇၶရေႇသီႇၸိူဝ်ႉၶိူဝ်းတႆး (ႁိုဝ်) ပႃႇတီႇႁူဝ်သိူဝ် SNLD  ၸႄႈဝဵင်းတၢင်ႉယၢၼ်း ႁၢင်ႈႁႅၼ်းတႃႇယိုၼ်ႈလိၵ်ႈထိုင်ၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ်တႃႇႁႂ်ႈၵူၼ်းမိူင်းတၢင်ႉယၢၼ်းတေလႆႈတွတ်ႈၶႅပ်းၵၢင်ၸႂ် ပၢင်လိူၵ်ႈတင်ႈ 2020။  ဢိင်ၼိူဝ်ၶွမ်ႊမသျိၼ်ႊပၢင်လိူၵ်ႈတင်ႈ မိူင်းႁူမ်ႈတုမ်ပိုၼ်ၽၢဝ်ႇ ပိုၼ်ႉတီႈဢၼ်တေဢမ်ႇၸတ်းပၢင်လိူၵ်ႈတင်ႈ မိူဝ်ႈဝၼ်းတီႈ 16/10/2020 ၼၼ်ႉ ၸႄႈဝဵင်းတၢင်ႉယၢၼ်းၵေႃႈၶဝ်ႈပႃး  11 ဢိူင်ႇ။  ၼင်ႇႁိုဝ်ၵူၼ်းမိူင်းတၢင်ႉယၢၼ်း တေဢမ်ႇသုမ်းသုၼ်ႇလႆႈၵူၼ်းမိူင်းၼၼ်ႉ ယူႇတီႈၸုမ်းပွင်ၵၢၼ် ၸႄႈဝဵင်းတၢင်ႉယၢၼ်း တေတႅမ်ႈလိၵ်ႈယိုၼ်ႈယွၼ်းတၢင်ႇထိုင် ၶွမ်ႊမသျိၼ်ႊ မိူင်းႁူမ်ႈတုမ် ဝႃႈၼႆ။ ၸၢႆးပႃႉ...

ၵူၼ်းဝၢၼ်ႈၸိူဝ်းပၢႆႈၽေးသိုၵ်းတီႈဝဵင်းၵျွၵ်ႉမႄး ထူပ်းႁၼ် မၢၵ်ႇၵွင်ႈလူင် ပီၵူၺ်ႈထႅင်ႈ  ၼႂ်းဝၢင်းႁိူၼ်းၵူၼ်းဝၢၼ်ႈ တီႈဢိူင်ႇပုင်ႇ ဝူဝ်း ၸႄႈဝဵင်းၵျွၵ်ႉမႄးလႄႈႁဵတ်းႁႂ်ႈၵူၼ်းဝၢၼ်ႈလႆယူႇသဝ်းၼႂ်းငဝ်းလၢႆးဢၼ်မႆႈၸႂ်ၵူဝ်ႁႄ။ ဝၼ်းတီႈ 17/10/2020 ယၢမ်းၵၢင်ၼႂ် ၵူၼ်းဝၢၼ်ႈ ထူပ်းႁၼ် မၢၵ်ႇပီၵူၺ်ႈ ဢၼ်မူၵ်းယုမ်းဝႆႉ တီႈႁိမ်းၸဵင်ႇႁူဝ်ႉ ၼႂ်းဝၢင်းႁိူၼ်း ပႃႈၸဵင်ႇပီး ၼႂ်းဝၢၼ်ႈပုင်ႇဝူဝ်း ဢိူင်ႇပုင်ႇဝူဝ်း ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ ၼႂ်းလိူၼ်ၼႆႉၵူၺ်း တီႈဝၢၼ်ႈပုင်ႇဝူဝ်းၼႆႉၵူၼ်းဝၢၼ်ႈထူပ်းႁၼ် မၢၵ်ႇပီၵူၺ်ႈ...

ၵူၼ်းပၢႆႈၽေးသိုၵ်း ၸိူဝ်းယူႇသဝ်းဝႆႉတီႈဝတ်ႉၵျွင်းမုၼ်ၸဝ်ႈၼႂ်းဝဵင်းၵျွၵ်ႉမႄးၼၼ်ႉ မၢင်တီႈမၢင်ဝၢၼ်ႈ ငဝ်းလၢႆးသိုၵ်းသိူဝ် ယဵၼ်ဝႆႉယဝ်ႉလႄႈ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း၊ လၢႆလၢႆဝၢၼ်ႈၺႃးသွၵ်ႈတဝ်ႁိူၼ်း ယႃႉၶူဝ်းၶွင်ဝႆႉမၢၵ်ႇမီႈမိူဝ်ဝႆႉ။ တႄႇဢဝ် ဝၼ်းတီႈ 16-17/10/2020 ၼႆႉမႃး ၵူၼ်းပၢႆႈၽေးသိုၵ်းဢၼ်မီးတီႈပုင်ႇဝူဝ်း၊ ႁႆးၵုၺ်၊ တွင်ႇထဵၵ်ႈ(လွႆတေး)၊ ႁူဝ်ၼမ်ႉ၊ ဢုမ်ႁိတ်း ဢိၵ်ႇထႅင်ႈလၢႆလၢႆတီႈၸိူဝ်းၼႆႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း ။ ၼၢင်းၸၢမ်လႅင်း ၽူႈပွင်ၵၢၼ်ၵူႈလွင်ႈလွင်ႈ ယိပ်းသဵၼ်ႈမၢႆၵူၼ်းပၢႆႈၽေးသိုၵ်း တီႈဝတ်ႉပုင်ႇဝူဝ်း လၢတ်ႈဝႃႈ...

ဝၢၼ်ႈၼႃးႁႆးလူင် ၼႆႉ ပဵၼ်ယွင်ၶဝ်ႈ ယေးၶဝ်ႈ ပဵၼ်ထုင်ႉဢၼ်ဢွၵ်ႇ ၶဝ်ႈၶႅမ်ႉ၊ ၶဝ်ႈလီ၊ လိၼ်ၸမ်ႉ ၼမ်ႉလိူင်ႇ၊ သၽႃႇဝ မီးၵႃႈၶၼ်လႄႈ ၵေးၼမ်ႉၵေႃႈ မီးၸိုဝ်ႈဝႃႈ ၼမ်ႉၶမ်း၊ တေးလွႆလူင် ဢၼ်မီး တၢင်းဢွၵ်ႇဝၢၼ်ႈ ၼၼ်ႉၵေႃႈ ႁိၵ်ႈၸိုဝ်ႈဝႃႈလွႆၶမ်း။ ပဵၼ်ဝၢၼ်ႈဢၼ်ယူႇၵျေႃႇ ယူႇသႃႇ ဢမ်ႇတွၼ်ႉမီး ၽေးသိုၵ်းသိူဝ်၊ ဢမ်ႇတွၼ်ႉမီး...

ဝၼ်းတီႈ 16/10/2020 ၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ်ပိုၼ်ၽၢဝ်ႇ ၼႃႈလိၼ်ဢၼ်တေဢမ်ႇလိူၵ်ႈတင်ႈ ၼႂ်းမိူင်းႁူမ်ႈတုမ် ၵမ်ႈၼမ်ပဵၼ်ၼႂ်းၼႃႈလိၼ်ၸၢဝ်းၶိူဝ်း ၼႂ်းၼၼ်ႉမိူင်းတႆးပႃး 23 ၸႄႈဝဵင်း လႄႈ 134 ဢိူင်ႇ ။ ၼႂ်းၶေႃႈပိုၼ်ၽၢဝ်ႇၼၼ်ႉၼႂ်းမိူင်းတႆး ၼွၵ်ႈလိူဝ် 5 ၸႄႈဝဵင်း မိူင်းလႃး၊ ပၢင်သၢင်း၊ ၼႃးၽၢၼ်း၊မိူင်းမႂ်ႇ၊ ပၢင်ဝၢႆ (ၼႃႈလိၼ်ဝႃႉၽွင်းငမ်း)ယဝ်ႉ ဝဵင်းမိူင်းၵိုင် ၸိုင်ႈတႆးပွတ်းၸၢၼ်း တီႈဢမ်ႇမီးပၢင်တိုၵ်းသိုၵ်းသိူဝ်လႄႈ...

ၵေႃလိၵ်ႈလၢႆး လႄႈ ၸုမ်းၵူၼ်းၼုမ်ႇတႆး ဝဵင်းမူႇၸေႊ တူင်ႉၼိုင် ႁပ်ႉငိုၼ်းၵမ်ႉၸွႆႈ တီႈ ပီႈၼွင်ႉ ထုင်ႉမၢဝ်း လႆႈငိုၼ်း 300 သႅၼ်ပျႃးသေ ဢဝ်သိုဝ်ႉၶူဝ်းၶွင် ၵႂႃႇၵမ်ႉၸွႆႈ ၵူၼ်းပၢႆႈၽေး သိုၵ်းလူင်ပွင်ၸိုင်ႈမၢၼ်ႈ လေႃႇတိုၵ်း RCSS/SSA ၼႂ်းၸႄႈဝဵင်းၵျွၵ်ႉမႄး ။ မိူဝ်ႈၼႆႉ ဝၼ်းတီႈ 16/10/2020 ၵေႃလိၵ်ႈလၢႆး/ၵူၼ်းၼုမ်ႇ တၢင်းထုင်ႉမၢဝ်း...

ပႃႇတီႇသၢင်ႇသီႈ ၼႂ်းၸႄႈဝဵင်းမိူင်းသူႈ ယွၼ်းတၢင်းၸွႆႈထႅမ် ၽူႈၵွၼ်းဝၢၼ်ႈ/ဢိူင်ႇ ၸွႆႈႁွင်ႉၵူၼ်းဝၢၼ်ႈ ၵူၼ်းၼုမ်ႇ ၸွႆႈပႃႇတီႇသၢင်ႇသီႈလဵပ်ႈဝဵင်း ၼႄဢဵၼ်ႁႅင်းတႃႇဢွင်ႇပေႉပၢင်လိူၵ်ႈတင်ႈ။ မိူဝ်ႈဝၼ်းတီႈ 15/10/2020 တင်ႈတႄႇၵၢင်ၼႂ်ယၢမ်း 09:00 မူင်း တေႃႇထိုင်ယၢမ်းဝၢႆးဝၼ်းႁူဝ်ၶမ်ႈ၊ ပႃႇတီႇသၢင်ႇသီႈ (USDP) ၸႄႈဝဵင်းမိူင်းသူႈ ႁႂ်ႈႁူဝ်ၼႃႈၵၢင်ႉၵႄႇ ဝၢၼ်ႈ/ဢိူင်ႇ ၼႄၾၢင်ႁၢင်ႈ ပႃႇတီႇ တႃႇဢွင်ႇပေႉ၊ ဢၼ်မႃး မီး ယၢင်းလမ်...

ၸိုင်ႈတႆးပွတ်းဢွၵ်ႇၶူင်း ၼႂ်းၸႄႈတွၼ်ႈမိူင်းသၢတ်ႇ ၸႄႈဝဵင်းမိူင်းသၢတ်ႇၼၼ်ႉ မီးၶၢဝ်ႇလိုဝ်းၵၼ်ဝႃႈ သင်ၵူၼ်းၶိူဝ်းတႆး တွတ်ႈၶႅပ်းၵၢင်ၸႂ်ပၼ်ပႃႇတီႇတႆးၼႆ ၵူၼ်းၼုမ်ႇတႆး တင်းသဵင်ႈ တေလႆႈၵႂႃႇႁဵတ်းသိုၵ်းတႆးလွႆတႆးလႅင်း ဢၼ်ဝႃႈၼၼ်ႉ RCSS/SSA တွပ်ႇလၢတ်ႈဝႃႈ “ပဵၼ်ၵၢၼ်ယႃႉၸိုဝ်ႈသဵင်ပႃႇတီႇတႆး၊ တပ်ႉသိုၵ်းတႆးၵူၺ်း” ဝႃႈၼႆ။ ၵၢင်လိူၼ်ဢွၵ်ႇထူဝ်ႇပိူဝ်ႊ ၼႃႈပၢင်လိူၵ်ႈတင်ႈ လူဝ်ႇထႅင်ႈမွၵ်ႇ 20 ဝၼ်းၵူၺ်းၼႆႉ ပႃႇတီႇ ဢၼ်ဢဵၼ်ႁႅင်းယႂ်ႇဢၼ်ၼိုင်ႈ လူင်းသူၼ်းတုမ်ႁႃသဵင် ဝႃႈ “သင်ဝႃႈ...

သိုၵ်းလူင်ပွင်ၸိုင်ႈမၢၼ်ႈ ႁႅၼ်းသိုၵ်းလေႃႇတိုၵ်း RCSS/SSA ယဝ်ႉ ၶိုၼ်ႈယူႇၼိူဝ် ႁိူၼ်းၵူၼ်းဝၢၼ်ႈ၊ သွၵ်ႈတဝ် ႁိူၼ်းယေးၵူၼ်း ဢဝ်ၵိၼ်ၶူဝ်းၶွင်ၵူၼ်းဝၢၼ်ႈ လႄႈ ၵူၼ်းမိူင်းၸိူဝ်းၺႃးၸၢၵ်ႇသိုၵ်း မီးယူႇတီႈဝတ်ႉ 3 ႁဵင် ပၢႆၼၼ်ႉ ပႆႇႁတ်းပွၵ်ႈၶိုၼ်းဝၢၼ်ႈၵဝ်ႇ။ ထုင်ႉၸဵင်ႇၸၢၼ်းဝၼ်းဢွၵ်ႇဝဵင်းၵျွၵ်ႉမႄး၊ ၾၢႆႇၸၢၼ်းဝဵင်းၵျွၵ်ႉမႄး တီႈဢၼ် ၶွင်ႇသီႇဢဝ်ၶိုၼ်းၸိုင်ႈတႆး RCSS/SSA ယူႇသဝ်းတူင်ႉၼိုင်ၼၼ်ႉ သိုၵ်းမၢၼ်ႈ ႁႅၼ်းသိုၵ်းလေႃႇတိုၵ်း ပဵၼ်ပၢင်တိုၵ်းၵၼ်လၢႆမိုဝ်ႉလၢႆၵမ်း၊...

ပႃႇတီႇသိူဝ်ၽိူၵ်ႇ ပူၵ်းပၢႆႉ သူၼ်းတုမ်ႁႃသဵင် ၼႂ်းၸႄႈဝဵင်းမူႇၸေႊ ၼပ်ႉႁူဝ်သိပ်းတီႈ ၼႂ်းၼၼ်ႉ ဢၼ်ထုၵ်ႇယႃႉလႅဝ် လၢႆလၢႆတီႈ။ ပႃႇတီႇ သိူဝ်ၽိူၵ်ႇ တေၶဝ်ႈၶႅင်ႇ ၼႂ်းၸႄႈဝဵင်းမူႇၸေႊ မီး 4 တီႈၼင်ႈ၊ ပူၵ်းပၢႆႉ ႁႃသဵင် ဝႆႉ 50 တီႈ ပၢႆ ၼႂ်းၼၼ်ႉ ဢၼ်ၺႃးယႃႉလႅဝ် ပဵၼ်တီႈ ဝၢၼ်ႈႁႆး...

ၽွင်းၵူၼ်းဝၢၼ်ႈၼမ်ႉမၢၵ်ႇႁိၼ်ပၢႆၽေးသိုၵ်း ၵႂႃႇသွၼ်ႈယူႇတီႈဝတ်ႉဝႃးၽႃသိူဝ်ႇ ၶၢဝ်းတၢင်း 9 မိုဝ်ႉ 10 ဝၼ်းၼႆႉၼၼ်ႉ တပ်ႉသိုၵ်းလူင်ပွင်ၸိုင်ႈ ဢၼ်ၶဝ်ႈယူႇဝႆႉၼႂ်းဝၢၼ်ႈ သွၵ်ႈတဝ်ၶူဝ်းႁိူၼ်း ၵူၼ်းဝၢၼ်ႈ ယႃႉၵိၼ်မူၵႆႇဝူဝ်းၵႂၢႆးၵူၼ်းဝၢၼ်ႈ။ မိူဝ်ႈၼႆႉဝၼ်းတီႈ 14/10/2020 ၼႆႉ ၵူၼ်းဝၢၼ်ႈၼမ်ႉမၢၵ်ႇႁိၼ် 35 လင်ၶႃးႁိူၼ်း ၊ ဢၼ်ပၢႆႈၽေးသိုၵ်းၵႂႃႇသွၼ်ႈယူႇတီႈဝတ်ႉၵျွင်းၼမ်ႉမၢၵ်ႇႁိၼ် ၸႄႈဝဵင်းၵျွၵ်ႉမႄးၼၼ်ႉ ၼိုင်ႈႁိူၼ်းၼိုင်ႈၵေႃႉ ၶိုၼ်းပွၵ်ႈမိူဝ်းၸႂ်းႁိူၼ်းယေးၽႂ်မၼ်းလႄႈထူပ်းႁၼ် ၶူဝ်းႁိူၼ်း...

မိူဝ်ႈဝႃးဝၼ်းတီႈ 9/10/2020 ပၢႆႉႁၢင်ႈၼေႃႇၽူႈတႅၼ်းပႃႇတီႇႁူဝ်သိူဝ် ဢၼ်တေၶေႉၶဵင်ႇၼႂ်းၸႄႈဝဵင်းၼမ်ႉၶမ်း ဢၼ်ပၵ်းပူၵ်းဝႆႉတီႈဝၢၼ်ႈၵုင်းသႃႇၼၼ်ႉ ၺႃးယႃႉလႅဝ်ပုတ်းႁၵ်း။ ၵဵဝ်ႇၵပ်းလွင်ႈၼႆႉ ၸၢႆးလဵၵ်ႉ ၽူႈၶၢၼ်ပၢၵ်ႇပႃႇတီႇႁူဝ်သိူဝ် SNLD လၢတ်ႈတီႈၽူႈတွႆႇႁွၵ်ႈဝႃႈ - “လွင်ႈပူတ်းပၢႆႉၵၼ် ယႃႉၼႃႈယႃႉတႃၵၼ်ၸိူင်ႉၼႆၼႆႉ မိူၼ်တင်းၼႄဝႃႈ ၵူၼ်းမိူင်းႁဝ်းၶႃႈၼႆႉ ပႆႇယွမ်းႁပ်ႉဢၼ်ဝႃႈ လွင်ႈၸုမ်ႇၵူႈႁိူင်ႈႁၢင်ႇၵၼ် ဢၼ်ဝႃႈ Diversity ၼၼ်ႉၼႆၵေႃႈတေလႆႈဝႃႈ ဝႃႈၶေႃႈၼေႃႈ။ ထႅင်ႈလွင်ႈၼိုင်ႈၵေႃႈ ၵူၼ်းမိူင်းႁဝ်းၼႆႉ ...

ပၢင်တိုၵ်းတီႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ မၢၵ်ႇလူင်တူၵ်းသႂ်ႇႁိူၼ်းၵူၼ်းဝၢၼ်ႈ ႁိူၼ်းယေးရူတ်ႉၵႃးလုၵွႆ ၵူၼ်းမၢတ်ႇၸဵပ်းၵေႃႉၼိုင်ႈ သိုၵ်းလူင်ပွင်ၸိုင်ႈပိုၼ်ၽၢဝ်ႇဝႃႈ ပဵၼ် RCSS ယိုဝ်း လွင်ႈၼႆႉသိုၵ်းတႆးတွပ်ႇၵႄႈဝႃႈ ဢမ်ႇလႆႈယိုဝ်း။ မၢၵ်ႇလူင်ၼႆႉ တူၵ်းသႂ်ႇႁိူၼ်းၵူၼ်းဝၢၼ်ႈၶၢင်ႈၶၢႆး ဢိူင်ႇၶၢင်ႈၶၢႆး ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ မိူဝ်ႈဝၼ်းတီႈ 4/10/2020 ၽွင်းပၢင်တိုၵ်း သိုၵ်းလူင်ပွင်ၸိုင်ႈလႄႈ သိုၵ်း RCSS/SSA ။  ဝၼ်းတီႈ 6/10/2020 ၼၼ်ႉ...

သိုၵ်းလူင်ပွင်ၸိုင်ႈမၢၼ်ႈ ပိုတ်ႇၼႃႈသိုၵ်း လေႃႇတိုၵ်း RCSS တၢင်းပွတ်းၵျွၵ်ႉမႄး ႁၢဝ်ႈႁႅင်း ၵူၼ်းမိူင်းၼပ်ႉႁူဝ်ႁဵင် လႆႈပၢႆႈ ယၢၼ်ႁိူၼ်းယေးတီႈယူႇတၼ်းသဝ်း ယၢပ်ႇၽိုတ်ႇတႃႇၶဝ်ႈၼမ်ႉတၢင်းၵိၼ်၊ ၼႂ်းၵူၼ်းပၢႆႈၽႄးသိုၵ်းၼၼ်ႉ ၵမ်ႈၼမ်ပဵၼ်လုၵ်ႈဢွၼ်ႇ၊ ၼၢင်းယိင်းလႄႈ ၵူၼ်းထဝ်ႈ ။ သိုၵ်းလူင်ပွင်ၸိုင်ႈမၢၼ်ႈ လၢႆတပ်ႉၸုမ်း၊ လၢႆတပ်ႉၵွင်၊ ပႃးၸဵမ် တပ်ႉလူမ်း ႁႅၼ်းသိုၵ်း လေႃႇတိုၵ်း ၶွင်ႇသီႇဢဝ်ၶိုၼ်း ၸိုင်ႈတႆး/ တပ်ႉသိုၵ်းၸိုင်ႈတႆး...

သိုၵ်းလူင်ပွင်ၸိုင်ႈမၢၼ်ႈ ထႅမ်ႁႅင်းသိုၵ်းလၢႆတပ်ႉၵွင်၊ ၸႂ်ႉၶိူင်မိၼ်ၸွႆႈတိုၵ်း ႁဵတ်းသိုၵ်းတေႃႇ တပ်ႉၶွင်ႇသီႇဢဝ်ၶိုၼ်း ၸိုင်ႈတႆး ၼႂ်းၸႄႈဝဵင်းၵျွၵ်ႉမႄးလႄႈ ၵူၼ်းဝၢၼ်ႈ ႁိမ်း သၢမ်ႁဵင်ၵေႃႉ လၢႆႈပၢႆႈယၢၼ်ႁိူၼ်းယေးတီႈယူႇ။ မိူဝ်ႈၼႆႉ ဝၼ်းတီႈ 8/10/2020 ယၢမ်းၵၢင်ၼႂ် သိုၵ်းလူင်ပွင်ၸိုင်ႈမၢၼ်ႈတင်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈ တႆး RCSS/SSA သိုပ်ႇပဵၼ်ပၢင်တိုၵ်းၵၼ်ထႅင်ႈ ႁၢဝ်ႈႁႅင်း ၼႂ်းၵႄႈဝၢၼ်ႈၵုင်းၺွင်ႇလႄႈ ၼမ်ႉမေႃႇၽီလူး ၼႂ်းၸႄႈဝဵင်းၵျွၵ်ႉ...