ၵူၼ်းၼုမ်ႇ ၸိူဝ်းတူင်ႉၼိုင် ၼႂ်းဝဵင်းတူၼ်ႈတီး ႁႃငိုၼ်းၵွင်ၵၢင် ၸွႆႈထႅမ် ၵူၼ်းပၢႆႈၽေးသိုၵ်း ၼၼ်ႉ ထုၵ်ႇၼႄးဝႃႈ ႁႃငိုၼ်းၸွႆႈ ၸုမ်းၵႅတ်ႇၶႄၵူၼ်းမိူင်း PDF ၼႆသေ ၺႃး ၸုမ်းသိုၵ်းမၢၼ်ႈယိုတ်းဢႃႇၼႃႇ တီႉၺွပ်းယဵတ်ႈၶွတ်ႈ။ မိူဝ်ႈပူၼ်ႉမႃး ဝၼ်းတီႈ 9/10/2021 ယၢမ်းၵၢင်ၶိုၼ်း မွၵ်ႈ 10 မူင်းၶိုင်ႈ ၵူၼ်းၼုမ်ႇ ၸိုဝ်ႈႁွင်ႉ မွင်ႇမိၼ်းၶၢၼ်ႉဢွင်ႇ...

ၸုမ်းသိုဝ်ႇၶၢဝ်ႇလွတ်ႈလႅဝ်းလိုၵ်ႉလမ်ႇ မိူင်းမၢၼ်ႈ MPFI-D ပိုၼ်ၽၢဝ်ႇႁႂ်ႈသိုၵ်းမၢၼ်ႈပွႆႇပၼ်ၶိုၼ်းၵူၼ်းႁဵတ်းၵၢၼ်ၶၢဝ်ႇ ဢၼ်ၺႃးတီႉဝႆႉ ဝႃႈၼႆ။ တင်ႈတႄႇ သိုၵ်းမၢၼ်ႈယိုတ်းဢႃႇၼႃႇဝၢၼ်ႈမိူင်းမႃး လိူၼ် ၾႅပ်ႉပိဝ်ႊရီႊ တေႃႇထိုင်ယၢမ်းလဵဝ် သိုၵ်းမၢၼ်ႈ ပူၼ်ႉပႅၼ်သုၼ်ႇလႆႈ ၸုမ်းသိုဝ်ႇၶၢဝ်ႇ လႄႈၵူၼ်းႁဵတ်းၵၢၼ်ၶၢဝ်ႇ။ တီႉၺွပ်းၵႂႃႇဢမ်ႇယွမ်း 80 ၵေႃႉပၢႆ။  ႁွင်ႈၵၢၼ်ၶၢဝ်ႇဢၼ်ၺႃးသင်ႇႁၢမ်ႈပိၵ်ႉဢိုတ်းၵိုတ်းၵၢၼ်မီး 8 ဢၼ်။ လွင်ႈၼႆႉ ၸုမ်းသိုဝ်ႇၶၢဝ်ႇလွတ်ႈလႅဝ်းလိုၵ်ႉလမ်ႇ Myanmar Press Freedom...

ပီႈၼွင်ႉၸၢဝ်းတႆး ၸိူဝ်းႁွတ်ႈၽႅဝ်ယူႇဝႆႉ မိူင်းဢမေႊရိၵၼ်ႊ ႁူမ်ႈၵၼ်သေ ၸွႆႈထႅမ် ၵူၼ်းပၢႆႈၽေးသိုၵ်း ၼႂ်းမိူင်းတႆးလႄႈ မိူင်းယၢင်းလႅင် ။ မိူဝ်ႈဝႃး ဝၼ်းတီႈ 10/10/2021 ယူႇတီႈမူႇၸုမ်းၸၢဝ်းၶိူဝ်းတႆး မိူင်းဢမေရိၵၢၼ်ႇ/ အမေရိကန်သျှမ်းတိုင်းရင်းသားများအဖွဲ့ (SHAN AMERICAN COMMUNITY) လႆႈၵမ်ႉၸွႆႈထႅမ်မႃး တႃႇၵူၼ်းပၢႆႈၽေးသိုၵ်း ၼႂ်းၸႄႈဝဵင်း မိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်း ၸၢၼ်း...

ၸွမ်သိုၵ်း ထုၼ်းထုၼ်းၼွင်ႇ  ၽွင်းလူင်ၾၢႆႇလႅၼ်လိၼ်  ၶွင်ႇသီႇသိုၵ်းမၢၼ်ႈ လၢတ်ႈ ၵူၼ်းဝၢၼ်ႈၵူၼ်းမိူင်း  ၶၢဝ်းတၢင်းဝဵင်းပူႇထဝ်ႈ (ပူႇတႃႇဢူဝ်ႇ) မိူင်းၶၢင် ဝႃႈ ယႃႇတူၺ်း ယႃႇထွမ်ႇၶၢဝ်ႇ  BBC, VOA, DVB ၸိူဝ်းၼႆႉ ဝႃႈၼႆ။  ဝၼ်းတီႈ 3/10/2021 ၸွမ်သိုၵ်းထုၼ်းထုၼ်းၼွင်ႇ ဢွၵ်ႇၶၢဝ်းတၢင်းၵႂႃႇတၢင်းဝဵင်းၼွင်မူၼ်ႇ၊ မၶျၢၼ်းပေႃး၊ ၶွင်ႇလၢၼ်ႇၽူး၊ ပၢင်ၼၢင်းတိၼ်ႇ ၸိူဝ်းၼႆႉသေ...

ၵူၼ်းပၢႆႈၽေးသိုၵ်းဢၼ်မႃးမီးတီႈမိူင်းငေႃႉ ၸႄႈဝဵင်းၵျွၵ်ႉမႄး ၸိူဝ်းဢမ်ႇမီးမၢႆၾၢင် (မၢတ်ႈပူင်ႇတိၼ်ႇ) ၼၼ်ႉ ယၢပ်ႇၽိုတ်ႇတႃႇသမ်းၶဵမ်ႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ။ ၸိူဝ်းၶဝ်ပၢႆႈၽေးသိုၵ်းမႃး ဢမ်ႇတၼ်းလႆႈဢဝ်မၢႆၾၢင် ၸႄႈဝႂ်သင်မႃးလူး။ ၵမ်ႈၽွင်ႈၵေႃႈ ဢႃယုတဵမ် 18 ယဝ်ႉၵေႃႈ ပႆႇလႆႈႁဵတ်း မၢႆၾၢင်။ ၵွပ်ႈၼႆလႄႈ ဢမ်ႇၸၢင်ႈၵႂႃႇသမ်းၶဵမ် ယႃႈယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ ၸိူင်ႉပိူၼ်ႈ။ ယၢမ်းလဵဝ်တႄႉ ၸွႆႈၶဝ်တၢင်ႇယွၼ်းမၢႆၾၢင်ဝႆႉယူႇ- ၽူႈၸွႆႈထႅမ် ၵူၼ်းပၢႆႈၽေးသိုၵ်းတီႈ...

ၼၢႆးမွၼ်ႇၼူႉ ဢႃယု 86 ပီ ၵူၼ်းဝၢၼ်ႈႁူဝ်ၶၢႆး ဢၼ်ၶီႇထူဝ်ႈလႃႈၵျီႈပၢႆႈၽေးပၢင်တိုၵ်း မႃးပိၼ်ႈၵၢင်တၢင်း မၢတ်ႇၸဵပ်းလႄႈ လႆႈၵႂႃႇယူတ်းယႃတူဝ်ဝႆႉတီႈႁူင်းယႃၸဝ်ႈၸၢမ်ႇထုၼ်းဝဵင်းတူၼ်ႈတီးၼၼ်ႉ လူႉသဵင်ႈၵႂႃႇၼႂ်ၼႆႉ 8/10/2021 သေ ၸုမ်းပရႁိတ ၼမ်ႉၶူင်းဝဵင်းတူၼ်ႈတီးၸွႆႈထႅမ်လုမ်းလႃးၶၢပ်ႈတူဝ်ယဝ်ႉလီငၢမ်း။ ၵူၼ်းၼုမ်ႇၽူႈၶဝ်ႈပႃးၼႂ်းၸုမ်းၸွႆႈထႅမ်လွင်ႈယူတ်းယႃတူဝ် ၼၢႆးမွၼ်ႇၼူႉ ၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ -“တီႈတႄႉမၼ်း ၼၢႆးမွၼ်ႇၼူႉၼႆႉသမ်ႉပေႃးယူႇလီယဝ်ႉၼၼ်ႉ။ ႁူဝ်ၶဝ်ႇမၼ်း ဢၼ်လႆႈၽႃႇတတ်းမၼ်းဝႆႉပေႃးလီမႃးယဝ်ႉ ။ ဝူင်ႈတေမႃးၼႆႉသမ်ႉပေႃးတေဢၢင်ႈပွၵ်ႈမိူဝ်းၶိုၼ်းမိူင်းၵိုင်ယဝ်ႉၶႃႈဢေႃႈ။ ထိုင်မႃးၼႂ်ၼႆႉ မွၵ်ႈ...

ဢူးၵျေႃႇမူဝ်းထုၼ်း  ၽွင်းတၢင်လူင်မၢၼ်ႈ ၼမ်းလၢတ်ႈတိုၵ်းသူၼ်းၼႂ်းပၢင်ၵုမ်လူင်ၸၢတ်ႈၸိုင်ႈလုမ်ႈၾႃႉဝႃႈ ႁႂ်ႈၵူႈမိူင်းမိူင်း ႁႂ်ႈဢဝ်လိူင်ႈပၼ်တူတ်ႈတၢမ်ႇ သိုၵ်းမၢၼ်ႈ ဢၼ်လႆႈႁဵတ်းလွင်ႈပူၼ်ႉပႅၼ်သုၼ်ႇလႆႈၼၢင်းယိင်းၼႂ်းပတ်းပိုၼ်ႉမိူင်းမၢၼ်ႈ လႄႈဢၼ်ၶဝ်လႆႈပူၼ်ႉပႅၼ်ႁဵတ်းလွင်ႈႁၢႆႉၸႃႉ တင်းမူတ်းဝႃႈၼႆ။ ပၢင်ၵုမ်လူင်ၸၢတ်ႈၸိုင်ႈလုမ်ႈၾႃႉ UN ၵမ်းထူၼ်ႈ 76  သိုပ်ႇၸတ်းႁဵတ်းၼႂ်းဝၼ်းတီႈ 6/10/2021  မိူဝ်ႈၼႆႉ  တီႈဝဵင်းလူင် ၼိဝ်ႊယွၵ်ႉ ၸိုင်ႈမိူင်းဢမေႊရိၵၼ်ႇ ဢုပ်ႇၵုမ်ၵၼ်ၼႂ်းႁူဝ်ၶေႃႈ  ယုၵ်ႉမုၼ်းသုၼ်ႇလႆႈၼၢင်းယိင်း ။ ဢူးၵျေႃႇမူဝ်းထုၼ်း လၢတ်ႈဝႃႈ - ၾိင်ႈၸႅၵ်ႇၸၼ်ႉၼၢင်းယိင်းၼႆႉ...

ၶွင်ႇသီႇသိုၵ်းမၢၼ်ႈ  တီႉၺွပ်း ၽူႈႁွင်ႉၽဵင်းၵႂၢမ်းတႆးလႅင်ၵႂႃႇၵေႃႉၼိုင်ႈ ယူႇတီႈပေႃႈမႄႈပီႈၼွင်ႉၸိူဝ်ႉၶိူဝ်း ၵပ်ႇသိုပ်ႇတိတ်းတေႃႇဢမ်ႇ လႆႈ ပဵၼ်လွင်ႈမႆႈၸႂ်  ဝႃႈၼႆ။ မိူဝ်ႈဝၼ်းတီႈ 1/10/2021 ပူၼ်ႉမႃးၼႆႉ ၸၢႆးဝေႇယၢၼ်ႇဢွင်ႇ ၽူႈႁွင်ႉၵႂၢမ်းၽဵင်းတႆးလႅင် ထုၵ်ႇၶွင်ႇသီႇသိုၵ်းမၢၼ်ႈ ယိုတ်းမိူင်း ၶဝ်ႈတီႉၺွပ်း မၼ်းၸၢႆးလႄႈ တင်းဢူၺ်းၵေႃႉမၼ်းၸၢႆးထႅင်ႈ 2 ၵေႃႉ ၼႂ်းဝဵင်းႁူမ်ႈမၢၵ်ႇလၢင်း တိူင်းၸႄႈၵႅင်း။ ၶွင်ႇသီႇသိုၵ်းမၢၼ်ႈ ၼႄလွင်ႈတၢင်းဝႃႈ ယွၼ်ႉ...

ၵူၼ်းမိူင်းၵိုင် သွင်ၵေႃႉ ယဵပ်ႇၺႃးမၢၵ်ႇမႅင်းၾင်လိၼ် ၼႂ်းသူၼ်မၢၵ်ႇၸွၵ်း ဢိူင်ႇႁၢမ်းငၢႆး ယၢမ်းလဵဝ် လႆႈသူင်ႇယူတ်းယႃတူဝ်တီႈႁူင်းယႃဝႆႉ ဝႃႈ ၼႆ။ မိူဝ်ႈဝႃး ဝၼ်းတီႈ 5/10/2021 ယၢမ်းဝၢႆးဝၼ်း 3 မူင်းၶိုင်ႈ ၵူၼ်းမိူင်းၵိုင် သွင်ၵေႃႉ ယဵပ်ႇၺႃးမၢၵ်ႇမႅင်းၾင်လိၼ် ၼႂ်းသူၼ်မၢၵ်ႇၸွၵ်း ႁိမ်း ဝၢၼ်ႈၼေႃႇသႅင် ဢိူင်ႇႁၢမ်းငၢႆး ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း...

သိုၵ်းမၢၼ်ႈပႂ်ႉၵဵတ်ႉ/လၢၼ်ႇ တီႈၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ၵူတ်ႇထတ်းၵူၼ်းၵႂႃႇမႃးၸွမ်းတႃႈၸွမ်းတၢင်း၊ ပေႃးပဵၼ်ၼၢင်းယိင်းဢွၼ်ႇ လတ်းၵႂႃႇမႃး တွင်ႈထၢမ်ဢုပ်ႇလၢတ်ႈတေႃႇႁိုင် ယွၵ်ႇလၢတ်ႈပူၼ်ႉပႅၼ်သုၼ်ႇလႆႈ တေႃႇၼႃႈတေႃႇတႃ ႁဵတ်းႁႂ်ႈၵူၼ်းမိူင်းၵႂႃႇမႃးသုၵ်ႉၸႂ်။ ဝၼ်းတီႈ 3/10/2021 သိုၵ်းမၢၼ်ႈပႂ်ႉၵဵတ်ႉ/လၢၼ်ႇတီႈ ႁူၺ်ႈလိၼ်လမ် ၼႂ်းၵႄႈ တႃႈၶီႈလဵၵ်း-မိူင်းၽူင်း ၼၼ်ႉ ယွၵ်ႇလဵၼ်ႈၵဝ်းလၢတ်ႈ ၼၢင်းယိင်း ၵူၼ်းၼုမ်ႇ ပူၼ်ႉပႅၼ်လိူဝ်ႁႅင်း ၊ တုမ်ႉတိူဝ်ႉပႃးသလေႇၼၢင်းယိင်း။ ၼၢင်းယိင်းၵေႃႉထုၵ်ႇၺႃးသိုၵ်းမၢၼ်ႈလၢတ်ႈယွၵ်ႇပူၼ်ႈပႅၼ်သူပ်းၵႂၢမ်း ၼၼ်ႉလၢတ်ႈတီႈၽူႈတွႆႇႁွၵ်ႈဝႃႈ-“ ၶႃႈၵႂႃႇသူင်ႇ...

ၵူၼ်းဝၢၼ်ႈပၢင်လႅင် ဢိူင်ႇပၢင်လႅင် ၸႄႈဝဵင်းၵျွၵ်ႉမႄး 6 ၵေႃႉ ၺႃးၸုမ်းဢူၺ်းလီပွတ်းႁွင်ႇ ၵုမ်းတူဝ် ႁွင်ႉဝႆႉ ပႆႇပွႆႇပၼ်ၶိုၼ်း ။ ဝၼ်းတီႈ 2/10/2021 ၵူၼ်းဝၢၼ်ႈပၢင်လႅင် ဢိူင်ႇပၢင်လႅင်ၸႄႈဝဵင်းၵျွၵ်ႉမႄး 6 ၵေႃႉ ယွၼ်ႉပိူဝ်ႈပဵၼ်ၵူၼ်းသိုၵ်း ၵဝ်ႇ RCSS ၼႆသေ ၸုမ်းဢူၺ်းလီၶဝ်ႈမႃးၼႂ်းဝၢၼ်ႈသေ ႁွင်ႉဢဝ်ၵႂႃႇၵုမ်းတူဝ်ဝႆႉ...

သင်ၶၸဝ်ႈ ထုင်ႉပူင်း သီႇသႅင်ႇ ႁူမ်ႈၵၼ် ၽွတ်ႈၸုမ်းပွင်ၵၢၼ် တႃႇၸွႆႈထႅမ်ၵူၼ်းပၢႆႈၽေးသိုၵ်း ၼႂ်းမိူင်းတႆး ဝႃႈၼႆ။ မိူဝ်ႈဝႃး ဝၼ်းတီႈ 4/10/2021 သင်ၶၸဝ်ႈ ထုင်ႉပူင်း ၸတ်းႁဵတ်းပၢင်ၵုမ် ဢုပ်ႇဢူဝ်းၵၼ် တီႈဝတ်ႉၵုၼ်ၵွင်းမူး ဢိူင်ႇၼွင်မွၼ် ၸႄႈဝဵင်းသီႇသႅင်ႇ ႁူမ်ႈၵၼ် ၽွတ်ႈ ၸုမ်းပွင်ႈၵၢၼ် တႃႇၸွႆႈထႅမ်ၵူၼ်းပၢႆႈၽေးသိုၵ်း  ၼႂ်းမိူင်းတႆးယၢမ်းလဵဝ် ၼႆယဝ်ႉ။ ၸဝ်ႈၶူးဝႃႇလိင်ႇတ ၸဝ်ႈၵွၼ်းဝတ်ႉသၢႆလႅင်းမႂ်ႇ...

မိူဝ်ႈၼႆႉ ဝၼ်းတီႈ 5/10/2021 ယၢမ်းၵၢင်ၼႂ် ၸၢႆးလူၺ် ဢႃယု 30 ပီ ၵူၼ်းဝၢၼ်ႈၵုင်းပဝ်း ဢိူင်ႇပၢင်ႇၵေႇတု ၸႄႈဝဵင်းမိူင်းၵိုင် ၸႄႈတွၼ်ႈ လွႆလႅမ် ၸိုင်ႈတႆးပွတ်းၸၢၼ်း ဢၼ်ၺႃးၸၢၵ်ႇမၢၵ်ႇ ၸွမ်းၼႂ်းၵႄႈပၢင်တိုၵ်း RCSS တင်း SSPP ၼၼ်ႉ လႆႈလူႉတၢႆၵႂႃႇ တီႈႁူင်းယႃလူင် ၵူၼ်းမိူင်း ဝဵင်းမိူင်းၵိုင်...

ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉ တီႈမိူင်းငေႃႉ ၸႄႈဝဵင်းၵျွၵ်ႉမႄးၼၼ်ႉ ယၢမ်းလဵဝ် ႁူဝ်ၵူၼ်း 260 ပၢႆ  ပဵၼ်ၵူၼ်းထဝ်ႈ လုၵ်ႈဢွၼ်ႇလႄႈ မႄႈယိင်းၵမ်ႈၼမ်၊  မႄႈမၢၼ်းပႃး 10 ၵေႃႉ ဝႃႈၼႆ။ ၸိူဝ်းၶဝ်မီးတီႈ ဝတ်ႉတႃႈလူင် ၵိင်ႇၽႄႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး။ လိူၼ်သႅပ်ႊထႅမ်ႊပိူဝ်ႊ ပူၼ်ႉမႃးၼႆႉ  ၵိူတ်ႇလုၵ်ႈဢွၼ်ႇၼႂ်းပၢင်သဝ်းၼၼ်ႉ 2 ၵေႃႉ ။...

တႃႇႁႄႉၵင်ႈတၢင်းပဵၼ်ၵၢပ်ႈၵႃႇလ ၶူဝ်ႊရူဝ်ႊၼႃႊ ၶူဝ်ႊဝိတ်ႉ 19 ၼႆသေ ၾၢႆႇမိူင်းၶႄႇ သင်ႇပိၵ်ႉၽၵ်းတူ ၵၢၼ်ၵႃႉၶၢႆ လႅၼ်လိၼ်ၶႄႇ-တႆး ၵူႈႁူးလႆႈမႃးၶၢဝ်းတၢင်းၸမ် 2 ပီ ယၢမ်းလဵဝ်သမ်ႉၶိုင်ဢၢင်ႈပိုတ်ႇၽၵ်းတူၵၢၼ်ၵႃႉၶၢႆ ဢၼ်မႂ်ႇၼႂ်းၵႄႈ ၶျိၼ်ႊသူၺ်ႊႁေႃႊ(ဝဵင်းၼမ်ႉၽႃႈ) - လၢဝ်ႇၵၢႆး(ဝဵင်းၵၢတ်ႇၵဝ်ႇ) လႄႈ ၸႄႈတွၼ်ႈလၢင်ႊၶျၢင်ႊ (ၼႂ်းမိူင်းၶႄႇ)။  ၽၵ်းတူလႅၼ်လိၼ်ဢၼ်မႂ်ႇ ဢၼ်ၶႄႇၶိုင်တႃႇပိုတ်ႇယူႇယၢမ်းလဵဝ်ၼႆႉပဵၼ်တီႈႁိမ်းလၵ်းၶႅၼ်ႈလႅၼ်လိၼ် BP-124 ၼႂ်းၸႄႈဝဵင်း လၢဝ်ႇၵၢႆး...