ၵူၼ်းပၢႆႈၽေးသိုၵ်း တီႈဢိူင်ႇပၢင်ႇၵေႇတု တိုၵ်ႉၵိုတ်းႁူဝ်ၵူၼ်း 300 ပၢႆ ပႆႇၸၢင်ႈမိူဝ်း၊ထူပ်းတၢင်းယၢပ်ႇၽိုတ်ႇ ၶဝ်ႈၼမ်ႉတၢင်းၵိၼ်   ဝႃႈၼႆ။ ၵူၼ်းပၢႆႈၽေးသိုၵ်း ဝၢၼ်ႈၵုင်းလႅင်း ဢၼ်ပၢႆႈမႃးသွၼ်ႈဝႆႉ တီႈဢိူင်ႇပၢင်ႇၵေႇတု ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ႁူဝ်ၵူၼ်း 300 ပၢႆ လင်ႁိူၼ်း 90 လင် ယၢမ်းလဵဝ် ထူပ်းတၢင်းယၢပ်ႇၽိုတ်ႇ ၵိၼ်းၸႂ် လွင်ႈၶဝ်ႈၼမ်ႉတၢင်းၵိၼ်...

ၽွင်းၶူဝ်ႊဝိတ်ႉတႄႇလၢမ်းၽႄႈ ၵူၼ်းႁဵတ်းၵၢၼ်တၢင်ႇတီႈဢွၼ်ၵၼ်ပွၵ်ႈႁိူၼ်းၶိုၼ်း၊ ထိုင်သိုၵ်းမၢၼ်ႈယိုတ်းမိူင်း ၵၢၼ်ႁႃ ၵိၼ်လဵင်ႉတွင်ႉယၢပ်ႇ ၵူၼ်းမိူင်းတႆး - မိူင်းႁူမ်ႈတုမ်  ၶိုၼ်းဢွၼ်ၵၼ်ၵႂႃႇႁဵတ်းၵၢၼ် တၢင်း ဝဵင်းလၢဝ်ႇၵၢႆး ၼမ် ထိုင်တီႈလႆႈႁိမ်ၵၢၼ်ၵၼ် ၵမ်ႈၽွင်ႈပေႃးလႆႈပွၵ်ႈႁိူၼ်းၶိုၼ်း။  ၾၢႆႇၼိုင်ႈ လႅၼ်လိၼ်ၶႄႇ ယင်းပႆႇပိုတ်ႇၶိုၼ်းလႄႈ ၵူၼ်းဢွၼ်ၵၼ်ၵႂႃႇၶွၼ်ႈၵိုၼ်းဝႆႉတီႈ ဝဵင်းၵၢတ်ႇၵဝ်ႇလၢဝ်ႇၵၢႆး ၼႃႈလိၼ်ၽွင်းငမ်းတူဝ်ၵဝ်ႇ ၵဝ်ႈၵၢင်ႉ (ၸွမ်းၼင်ႇပိူင်ငဝ်ႈပိုင်းမိူင်း 2008 )။ ၵၢၼ်သမ်ႉဢမ်ႇလိူင်ႇမိူၼ်ၵူႈပွၵ်ႈလႄႈ...

သင်ၶၸဝ်ႈလႄႈ ၵူၼ်းမိူင်းတႆး  ယိပ်းပၢႆႉသေ တုၵ်းယွၼ်း ႁႂ်ႈၸုမ်းယိပ်းၵွင်ႈၵၢင်ႇၼႂ်းၸိုင်ႈတႆးတင်းမူတ်း ၵိုတ်းပၢင်တိုၵ်း  တေႃးၵၼ်ယူႇယၢမ်းလဵဝ်ၼႆႉ ဝႃႈၼႆ။ မိူဝ်ႈဝၼ်းတီႈ 13/11/2021 ယၢမ်းဝၢႆးဝၼ်း ယူႇတီႈၵေႃႁူမ်ႈသၢင်ႈလွင်ႈငမ်းယဵၼ်သင်ႇၶႃႇလႄႈ ၵူၼ်းမိူင်းတႆး ၸဵမ်သင်ၶ ၸဝ်ႈလႄႈ ၵူၼ်းမိူင်းလၢႆၸႄႈဝဵင်းႁူမ်ႈၵၼ်သေ ၵႂႃႇၸွႆႈထႅမ် ၵူၼ်းပၢႆႈၽေးသိုၵ်း တီႈႁူင်းႁေႃ ၵေႃလိၵ်ႈလၢႆးလႄႈ ၾိင်ႈငႄႈတႆး ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၊...

ၵူၼ်းပၢႆႈၽေးသိုၵ်း ၸႄႈဝဵင်းသီႇပေႃႉ ႁူဝ်ၵူၼ်း 400 ပၢႆ ဢၼ်ပၢႆႈမႃးသွၼ်ႈဝႆႉၸွမ်းဝတ်ႉဝႃးၽႃသိူဝ်ႇ ၶၢဝ်းတၢင်း 7 ဝၼ်းမႃးၼႆႉ ဢွၼ်ၵၼ် ပွၵ်ႈ ၶိုၼ်းႁိူၼ်းယေးၽႂ်မၼ်းယဝ်ႉ။ ၵူၼ်းပၢႆႈၽေးသိုၵ်း  ဢၼ်ပၢႆႈမႃးသွၼ်ႈဝႆႉ တီႈဢွင်ႇမင်ႇၵလႃႇၽူဝ်းတေႃႇ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉ မႄး ၸိုင်ႈတႆးပွတ်းႁွင်ႇ ႁူဝ်ၵူၼ်း 416 ၵေႃႉၼၼ်ႉ မိူဝ်ႈဝႃး ဝၼ်းတီႈ 14/11/2021...

ဢိင်ၼိူဝ် ၸုမ်းသိုၵ်း ၼႂ်းမိူင်းတႆး ၼင်ႇၵၼ် ယိုဝ်းၵၼ်သေ ၵူၼ်းမိူင်း ၸိူဝ်းပၢႆႈၽေး ပၢင်တိုၵ်း မႃးမီးယူႇတီႈ ႁူင်းႁေႃၵေႃလိၵ်ႈလၢႆး ၸႄႈဝဵင်းၵျွၵ်ႉမႄးၼၼ်ႉ ႁူပ်ႉတၢင်းယၢပ်ႇ ၼမ်ႉၵိၼ် ၼမ်ႉၸႂ်ႉ မႃးၵူႈဝၼ်း။ ယၢမ်းလဵဝ် ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉတီႈ ၵေႃလိၵ်ႈလၢႆးလႄးၾိင်ႈငႄႈတႆး ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ႁူဝ်ၵူၼ်း 600 ပၢႆ ။...

မိူဝ်ႈၼႆႉ ဝၼ်းတီႈ 11/11/2021 ယၢမ်းၵၢင်ၼႂ် မွၵ်ႈ 5 မူင်းပၢႆ သဵင်ၵွင်ႈတႅၵ်ႇၼႂ်းဢိူင်ႇ ပၢင်ႇၵေႇတု၊ ႁၢမ်းငၢႆးလႄႈ တူင်ႇလၢဝ်း ၼႂ်း ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ။ ပၢင်တိုၵ်းဢၼ်ပဵၼ် ၼႂ်းဢိူင်ႇပၢင်ႇၵေႇတု တႄႉ တၢင်းဝၢၼ်ႈၵုင်းပဝ်း၊ ၵုင်းလႅင်းလႄႈ လွႆယွႆး 3 ဝၢၼ်ႈ။ ယွၼ်ႉပၢင်တိုၵ်းသေ...

ၵူၼ်းမိူင်းၵူဝ်းၵေႃႉၼိုင်ႈ ၵႂႃႇတူၺ်းသူၼ်  ၺႃးသိုၵ်းမၢၼ်ႈ တီႉၺွပ်းယိုဝ်းတၢႆပႅတ်ႈ ဝႃႈၼႆ။ မိူဝ်ႈဝၼ်းတီႈ 1/11/2021 ပူၼ်ႉမႃးၼႆႉ ၽူႈၸၢႆးၵူၼ်းဝၢၼ်ႈပွၵ်ႉ 4 ၸႄႈဝဵင်းမိူင်းၵူဝ်း   ၵေႃႉၼိုင်ႈ ၵႂႃႇ တူၺ်းသူၼ်  ထူပ်းၺႃး သိုၵ်းမၢၼ်ႈ  ၸွမ်းတၢင်း ၺႃးတီႉၺွပ်းၵုမ်းတူဝ်ၵႂႃႇသေယိုဝ်းတၢႆပႅတ်ႈ  ။ ၵူၼ်း မိူင်းၵူဝ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈဝၼ်းၼၼ်ႉ မွၵ်ႈဝၢႆးဝၼ်း...

ယၢမ်းလဵဝ် ၵူၼ်းပၢႆႈၽေးသိုၵ်း တီႈဢိူင်ႇပၢင်ႇၵေႇတု ႁူဝ်ၵူၼ်း 327 ၵေႃႉ ပႆႇႁတ်းပွၵ်ႈႁိူၼ်းယေးၵၼ် ယွၼ်ႉၼႂ်းပိုၼ်ႉတီႈ ပႆႇမီးလွင်ႈၼိမ်သဝ်း တိုၵ်ႉမီးသိုၵ်းတူင်ႉၼိုင် ၶဵင်ၶႅင်ႈၵၼ်ယူႇ။ မိူဝ်ႈၼႆႉ ဝၼ်းတီႈ 10/11/2021 ၵူၼ်းဝၢၼ်ႈၵုင်းပဝ်း၊ ပၢင်ႇၵွင်းမူး၊ ၼမ်ႉႁူးလႄႈ ၼွင်လႅဝ် ႁူဝ်ၵူၼ်း 105 ၵေႃႉ လင်ႁိူၼ်း 34 လင် ဢၼ်ပၢႆႈ...

သိုၵ်း RCSS ၵဵပ်းသိုၵ်းတၢင်းၵဵင်းတွင်း၊ SSPP သမ်ႉ ၵဵပ်းသိုၵ်းမိူင်းသူႈ လႄႈ ၵူၼ်းမိူင်းၵဵၼ်ၶူဝ်းပၢႆႈ မၢင်ၸိူဝ်းပၢႆႈၵႂႃႇ တၢင်းလွႆလႅမ် တူၼ်ႈတီး၊ မၢင်ၸိူဝ်းပၢႆႈၵႂႃႇတၢင်းလႃႈသဵဝ်ႈ၊ ၵမ်ႈၼမ် ပၢႆႈၸူးလႅၼ်လိၼ်ထႆး။ မိူဝ်ႈၼႆႉ ဝၼ်းတီႈ 10/11/2021 ယၢမ်းၵၢင်ၼႂ် ၸဵမ်ၽွင်းမိူင်းပႆႇလႅင်း တေႃႇထိုင် ၵၢင်ၼႂ် 7 မူင်းပၢႆ သိုၵ်း SSPP...

ၵူၼ်းပၢႆႈၽေးသိုၵ်း ၸႄႈဝဵင်းသီႇပေႃႉ ႁူဝ်ၵူၼ်း 300 ပၢႆ လူဝ်ႇတၢင်းၸွႆႈထႅမ် တၢင်းၵိၼ်တၢင်းယႅမ်ႉ ဝႃႈၼႆ။ ဝၼ်းတီႈ 7/11/2021 သိုၵ်းဢူၺ်းလီပွတ်းႁွင်ႇတင်း သိုၵ်း RCSS ပဵၼ်ပၢင်တိုၵ်း ႁိမ်းဝၢၼ်ႈႁၢတ်ႇလႅၼ်ႈ၊ သူၼ်လူင်၊ ၶျွင်းသူင်ႇ ၸိူဝ်းၼႆႉသေ ၵူၼ်းဝၢၼ်ႈတူၵ်းၸႂ်ၵူဝ် လႆႈဢွၼ်ၵၼ်ပၢႆႈ မႃးသွၼ်ႈဝႆႉတီႈဝတ်ႉၽူဝ်းတေႃႇ ဝဵင်းသီႇပေႃႉ ၸိုင်ႈတႆးပွတ်းႁွင်ႇ ႁူဝ်ၵူၼ်း 300...

သိုၵ်းမၢၼ်ႈ မၢပ်ႈၼႄးဝႃႈ ပဵၼ်ၸုမ်း PDF ၼႆသေ တီႉၺွပ်းၵူၼ်းမိူင်းၾၢႆၶုၼ်ၵႂႃႇ 6 ၵေႃႉ ၼႂ်းၼၼ်ႉ ၵူၼ်းၼုမ်ႇ ဢႃယုပႆႇတဵမ် 18 ပီ ပႃး ၵႂႃႇ 2 ၵေႃႉ ဝႃႈၼႆ။ မိူဝ်ႈဝႃး ဝၼ်းတီႈ 8/11/2021 ယၢမ်းၵၢင်ဝၼ်း မွၵ်ႈ 12 မူင်း...

ၸုမ်းဢူၺ်းလီပွတ်းႁွင်ႇလႄႈ RCSS ပဵၼ်ပၢင်တိုၵ်းႁၢဝ်ႈႁႅင်း တၢင်းပွတ်းသီႇပေႃႉသေ ၵူၼ်းမိူင်းပိုၼ်ႉတီႈ လႆႈပၢႆႈၶဝ်ႈဝဵင်းမွၵ်ႈ 300 ဝႃႈၼႆ။ မိူဝ်ႈဝႃး ဝၼ်းတီႈ 7/11/2021 သိုၵ်းဢူၺ်းလီပွတ်းႁွင်ႇတင်း သိုၵ်း RCSS ပဵၼ်ပၢင်တိုၵ်း ႁိမ်းဝၢၼ်ႈႁၢတ်ႇလႅၼ်ႈ၊ သူၼ်လူင်၊ ၶျွင်းသူင်ႇ ၸိူဝ်းၼႆႉသေ ၵူၼ်းဝၢၼ်ႈတူၵ်းၸႂ်ၵူဝ် လႆႈဢွၼ်ၵၼ်ပၢႆႈ မႃးသွၼ်ႈဝႆႉတီႈဝတ်ႉၽူဝ်းတေႃႇ ဝဵင်းသီႇပေႃႉ ၸိုင်ႈတႆးပွတ်းႁွင်ႇ ႁူဝ်ၵူၼ်း...

လူင်ပွင်ၸိုင်ႈၶႄႇ ပိၵ်ႉဢိုတ်း Lockdown ႁၢမ်ႈၵူၼ်းမိူင်းမၢဝ်း ၶဝ်ႈဢွၵ်ႇၵၼ် ၵမ်းၼႆႉ ႁိုင်မႃးႁိမ်း 7 လိူၼ်၊ ၵူၼ်းဝၢၼ်ႈၵူၼ်ႈသူၼ် ဢမ်ႇၸၢင်ႈၵႂႃႇမႃး ႁႃၵိၼ်လဵင်ႉတွင်ႉလႄႈ မိူဝ်ႈၼႆႉၵူၼ်းဝၢၼ်ႈ ၸူဝ်းၵၼ်ဢွၵ်ႇၼႄၵၢင်ၸႂ် တေႃႇလူင်ပွင်ၸိုင်ႈမိူင်းၶႄႇထႅင်ႈ။ မိူဝ်ႈၼႆႉ ဝၼ်းတီႈ 5/11/2021 ပီႈၼွင်ႉမၢၼ်ႈဢၢႆႈလူင် ဢိူင်ႇၼွင်တဝ်း ၸႄႈဝဵင်းမိူင်းမၢဝ်း ၼႂ်းၼႃႈလိၼ်ၽွင်းငမ်း တူဝ်ၵဝ်ႇ တႂ်ႈၶူင်း/မိူင်းၶႄႇ ဢၼ်တေႃႇၼႃႈ...

 ၵူၼ်းပၢႆႈၽေးသိုၵ်း ဢၼ်လုၵ်ႉတီႈဢိူင်ႇႁူးသူၼ် ၶၢႆႉပၢႆႈမႃး ၼႂ်းဝဵင်းၵျွၵ်ႉမႄး ႁူဝ်ၵူၼ်း ႁဵင်ပၢႆ လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်း ၵိၼ်လႄႈ ၽႃႈယၢင်/ မူဝ်းၵႃႇ  ။ သဵင်ၵွင်ႈတႅၵ်ႇထႅင်ႈလႄႈ ၵူၼ်းပၢႆႈၽေးသိုၵ်း ၼႂ်းဢိူင်ႇႁူးသူၼ် သိုပ်ႇၶၢႆႉပၢႆႈမႃး ၼႂ်းဝဵင်းၵျွၵ်ႉမႄး မိူဝ်ႈဝႃးဝၼ်းတီႈ 4/11/2021 ။ ယၢမ်းလဵဝ် လူဝ်ႇတၢင်းၸွႆႈထႅမ် ၶဝ်ႈ ၼမ်ႉတၢင်းၵိၼ်ႁၢဝ်ႈႁႅင်းလႄႈ ၽႃႈယၢင်/...

သဵင်ၵွင်ႈတႅၵ်ႇႁၢဝ်ႈႁႅင်း ႁိမ်းဢိူင်ႇႁူးသူၼ် လႄႈ ၵူၼ်းပၢႆႈၽေးပၢင်တိုၵ်း ဢၼ်ပၢႆႈမႃးသွၼ်ႈဝႆႉ တီႈဢိူင်ႇႁူးသူၼ် ႁဵင်ပၢႆၼၼ်ႉ လႆႈသိုပ်ႇၶၢႆႉပၢႆႈၶဝ်ႈဝဵင်း၊ ထိုင်ၼႂ်း ဝဵင်းၵျွၵ်ႉမႄးထႅင်ႈ 800 ပၢႆ။ ၼႂ်းဝူင်ႈၼႆႉ သိုၵ်းဢူၺ်းလီပွတ်းႁွင်ႇ ဢၼ်မီး SSPP, TNLA တင်း သိုၵ်း RCSS ပဵၼ်ပၢင်တိုၵ်းၵၼ်ထႅင်ႈ ႁိမ်းႁွမ်းဢိူင်ႇႁူးသူၼ် ၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ...