ၵူၼ်းမၢၼ်း ၵေႃႉ႞ ဢၼ်ပၢႆႈၽေးသိုၵ်းမႃးသွၼ်ႈဝႆႉတီႈ ႁူင်းႁဵၼ်းၸၼ်ႉသုင်ၵိင်ႇၽႄ ဢိူင်ႇမိူင်းတၢင်ႈ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼၼ်ႉ ႁူပ်ႉတၢင်းယၢပ်ႇတႃႇလဵင်ႉလုၵ်ႈ။ မႄႈမၼ်း ၵူၼ်းဝၢၼ်ႈပၢင်ၵွၼ် လႆႈပၢႆႈၽေးသိုၵ်းမႃးသွၼ်ႈဝႆႉ တီႈဢိူင်ႇတၢင်ႇၼႆႉ မီးၶၢဝ်းတၢင်း လၢႆလိူၼ် ပႆႇလႆႈပွၵ်ႈၶိုၼ်းႁိူၼ်းယေး။ တွင်ႉမၼ်းၼၢင်းသမ်ႉၵႄႇ မႃးၵူႈဝၼ်း၊ တူဝ်မၼ်းသမ်ႉ မီးတၢင်းပဵၼ်တႂ် ၾၢႆႇၼိုင်ႈလူဝ်ႇငိုၼ်းတႃႇယူတ်းယႃႇတူဝ်၊ ၾၢႆႇၼိုင်ႈသမ်ႉလူဝ်ႇငိုၼ်း တႃႇ လဵင်ႉလုၵ်ႈ၊ မေႃယႃသမ်ႉဝႃႈ...

ၵူၼ်းပၢႆႈၽေးသိုၵ်းဢၼ်ႁွတ်ႈၽႅဝ်သွၼ်ႈယူႇဝႆႉတီႈဝတ်ႉၵျွင်းၵုင်းၸူင် ဢိူင်ႇႁၢမ်းငၢႆး ၸႄႈဝဵင်းမိူင်းၵိုင် တိုၵ်ႉၵိုၼ်းယူႇ 130 ပၢႆ ပႆႇၸၢင်ႈပွၵ်ႈၶိုၼ်းႁိူၼ်းယေး ယွၼ်ႉပိူဝ်ႈသိုၵ်းသွင်ၸုမ်းတိုၵ်ႉၶဵင်ႈၶႅင်ၵၢၼ်သိုၵ်းၵၼ်ယူႇ။ ၵူၼ်းပၢႆႈၽေး 130 ပၢႆၼႆႉပဵၼ်ၵူၼ်းဝၢၼ်ႈၽႃလၢမ်းလႄႈ ဝၢၼ်ႈပႅၵ်ႇၼႃးမူၼ်း ဢၼ်ပၢႆႈဢွၵ်ႇမႃး ယွၼ်ႉ RCSS လႄႈ SSPP ပိုတ်းယိုဝ်းၵၼ် မိူဝ်ႈဝၼ်းတီႈ 8 /12/2021 ၼႆႉ။ ၽွင်းၼၼ်ႉပၢႆႈဢွၵ်ႇမႃးၽွမ်ႉၵၼ် 4 ဝၢၼ်ႈသေတႃႉ...

လုၵ်ႈဢွၼ်ႇၸၢႆးဢွၼ်ႇၵေႃႉၼိုင်ႈ ဢႃယု 15 ပီၵူၼ်းဝၢၼ်ႈၵွင်းမူး ၸႄႈဝဵင်းၵေးသီး ဢၢၼ်းၵႂႃႇၸူးပေႃႈမႄႈမၼ်းတီႈႁႆႈသေ ၵႂႃႇယဵပ်ႇၺႃးမၢၵ်ႇမႅင်းလုၵ်ႈၼိုင်ႈ တႅၵ်ႇတိူဝ်ႉသႂ်ႇမၢတ်ႇၸဵပ်းလိူဝ်ႁႅင်းယၢမ်းလဵဝ် ယူတ်းယႃတူဝ်ဝႆႉတီႈႁူင်းယႃၵေးသီး။ မိူဝ်ႈဝႃး ဝၼ်းတီႈ 13/12/2021 ယၢမ်းၵၢင်ၼႂ် 8 မူင်းပၢႆ ၸၢႆးပၢၼ်းသႅင် ဢႃယု 15 ပီ လုၵ်ႈၸၢႆး လုင်းဝီး ပႃႈသွင်ႇ ယူႇဝၢၼ်ႈၵွင်းမူး ဢိူင်ႇဝၢၼ်ႈၶုမ်ႇ ၸႄႈဝဵင်းၵေးသီး...

သိုၵ်း TNLA ၼႂ်းၸႄႈဝဵင်းၼမ်ႉတူႈ ၸုမ်းၼိုင်ႈယဝ်ႉၸုမ်းၼိုင်ႈၶဝ်ႈႁၢၼ်ႉတၢင်းၵိၼ် သင်ႇၵိၼ်ယႅမ်ႉယဝ်ႉ ႁႂ်ႈၸဝ်ႉႁၢၼ်ႉၵႂႃႇၵဵပ်းငိုၼ်းတီႈၵၢင်ႉၵႄႇဝၢၼ်ႈဢိူင်ႇ ၵူၼ်းမိူင်းယၢပ်ႇၸႂ်ၸွမ်း။ “ယၢမ်းလဵဝ်ၶဝ်မႃးပၵ်းပၢင်သဝ်းယူႇၼႂ်းဝၢၼ်ႈၼႂ်းဝဵင်း၊ ၶဝ်ၶႆႈၵိၼ်ႁၢၼ်ႉလႂ်ၵေႃႈၶဝ်ႈၵႂႃႇသင်ႇၵိၼ် ၊ ၵႃႈတၢင်းၵိၼ်ၶဝ်သမ်ႉ ၸႂ်ႉၵႂႃႇယွၼ်းတီႈၵၢင်ႉၵႄႇဝၢၼ်ႈဢိူင်ႇ၊ ၸဝ်ႈႁၢၼ်ႉၵေႃႈ ဢမ်ႇႁတ်းထဵင်ဢမ်ႇႁတ်းလၢတ်ႈလူးၼေႃႈ လႆႈၵႂႃႇယွၼ်းတီႈၵၢင်ႉၵႄႇ။ ဢမ်ႇၼၼ် ၶဝ်တေတဵင်ၵႂၢမ်းဝႆႉတီႈၵၢင်ႉၵႄႇႁိုဝ်ၵေႃႈဢမ်ႇႁူႉ တႃႇႁႂ်ႈႁပ်ႉပုၼ်ႈၽွၼ်းလဵင်ႉလူလွင်ႈၵိၼ်ယမ်ႉၶဝ်ၼၼ်ႉ။ မၼ်းႁိုဝ်တေၶၢမ်ႇလႆႈၶႃႈလႃႇၼေႃ ယၢပ်ႇၸႂ်ဢေႃႈ ”ၵူၼ်းမိူင်းၼမ်ႉတူႈ ၵေႃႉၼိုင်ႈလၢတ်ႈၽူႈတွႆႇႁွၵ်ႈၼင်ႇၼႆ။ လွင်ႈ TNLA ပူၼ်ႉပႅၼ်သုၼ်ႇလႆႈၵူၼ်းဝၢၼ်ႈ ၸဝ်ႉႁၢၼ်ႈလႄႈ...

ၵူၼ်းၼုမ်ႇ ဝၢၼ်ႈၼႃးဝၢဝ်း ၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ 2 ၵေႃႉ ၺႃး သိုၵ်း SSPP တီႉၺွပ်းၵႂႃႇ ၵူၼ်းပိုၼ်ႉတီႈလၢတ်ႈ။ ၵူၼ်းၼုမ်ႇ 2 ၵေႃႉၼႆႉ ပဵၼ် ၸၢႆးယွၼ်း ဢႃယု 16 ပီလႄႈ ၸၢႆးပၼ်ႇတိ ဢႃယု 17 ပီ။ တႃႇႁဵတ်းသိုၵ်းၼႆသေ မီးၵူၼ်းၸုမ်းၼိုင်ႈ...

ပျီႇတူႉၸိတ်ႉ ၵႃလီႉ တပ်ႉၸုမ်း 7 ဢဵၼ်ႁႅင်းၼပ်ႉ 10 ပႃးၵွင်ႈၸေးမိုဝ်းသေ ၵႂႃႇၸႂ်ႉၵူၼ်းၼႂ်းၵၢတ်ႇၵဝ်ႇ ၵႃလီႉ ၶၢႆႉၵႂႃႇၶၢႆ ၼႂ်းၵၢတ်ႇမႂ်ႇ၊ ၵူၼ်းၼႂ်းၵၢတ်ႇဢုပ်ႇလၢတ်ႈ တွပ်ႇထဵင် ၾၢႆႇပျီႇတူႉၸိတ်ႉဢမ်ႇႁပ်ႉ ထိုင်တီႈတီႉမတ်ႉ ပေႃႉထုပ်ႉ ၵူၼ်းၶၢႆ ၽၵ်း ၽူႈယိင်း 2 ၵေႃႉ ပဵၼ်လိူတ်ႈ ပဵၼ်ယၢင်။  မိူဝ်ႈဝႃး ဝၼ်းတီႈ...

ၽူႈၵွၼ်းဢိူင်ႇ ပၢင်ႇၵေႇတု ၵေႃႉဢၼ်တူင်ႉၼိုင်သႂ်ႇႁႅင်းၸွႆႈထႅမ်ၵူၼ်းပၢႆႈၽေးသိုၵ်းမႃးတႃႇသေႇၼၼ်ႉ ထုၵ်ႇၵူၼ်းဢမ်ႇႁူႉၾၢႆႇ 2 ၵေႃႉ ၶဝ်ႈယိုဝ်းထိုင်ၼႂ်းႁိူၼ်း မၢတ်ႇၸဵပ်းႁၢဝ်ႈႁႅင်း လႆႈႁၢမ်တူဝ်သူင်ႇႁူင်းယႃ။ လုၵ်ႈလၢင်းၵူၼ်းႁိူၼ်းလုင်းၵျီႇတဵင်း ၽူႈၵွၼ်းဢိူင်ႇပၢင်ႇၵေႇတု လၢတ်ႈဝႃႈ ၵူၼ်းသွင်ၵေႃႉၶဝ်ႈမႃးယိုဝ်းပေႃႈၶဝ်  ထိုင်ၼႂ်းႁိူၼ်း မိူဝ်ႈဝၼ်းတီႈ 11/12/2021 ယၢမ်းႁူဝ်ၶမ်ႈ မွၵ်ႈ 6 မူင်း။ ၵူၼ်းႁၢႆႉၼၼ်ႉ ပဵၼ်ၽႂ်ဢမ်ႇႁူႉ ၵူၺ်းၵႃႈလၢတ်ႈၵႂၢမ်းတႆးတေႃႇၶဝ် ဝႃႈၼႆ။  “ ၽွင်းၼၼ်ႉ...

သိုၵ်းတဢၢင်း TNLA ၵဵပ်းၶွၼ်ႇၵူၼ်းၶၢႆၶူဝ်းၼႂ်းၵၢတ်ႇၼမ်ႉၶမ်း ႁၢဝ်ႈႁႅင်း ထပ်းၵၼ်၊ ယွၼ်းၶွၼ်ႇ သုင်လႄႈ ၵူၼ်းၶၢႆၶူဝ်းၵိၼ်းၸႂ် ၽွမ်ႉၵၼ်တေၼႄၵၢင်ၸႂ်လူၺ်ႈလၢႆးဢမ်ႇပိုတ်ႇႁၢၼ်ႉၶၢႆၶူဝ်းၼႂ်းၵၢတ်ႇ 3 ဝၼ်း ဝႃႈၼႆ။ ၵူၼ်းၶၢႆၶူဝ်းၵုၼ်ႇၼႂ်းၵၢတ်ႇၼမ်ႉၶမ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ပေႃးပဵၼ်ႁၢၼ်ႉၶၢႆၶူဝ်းၵုၼ်ႇ ၵိၼ်ယႅမ်ႉ (ၵူင်ႇၸူင်ႇသႅင်ႇ) ၼႆ ၶဝ်ယွၼ်း တီႈၵႄႇသုတ်း 6 သႅၼ်ပျႃး။ ႁဝ်းၶႃႈ ဢွၼ်ၵၼ်ယွၼ်းသဵတ်ႈ လႄႈ...

ၵူၼ်းဝၢၼ်ႈၵွင်းဝႅပ်ႈ ဢိူင်ႇၶွင်းဢိ ၸႄႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်းၵေႃႉၼိုင်ႈၺႃးသိုၵ်းမၢၼ်ႈတီႉၵႂႃႇလႆႈ 4 ဝူင်ႈပၢႆ ပီႈၼွင်ႉၵူၼ်းႁိူၼ်းတိုၵ်ႉၵႂႃႇႁၼ်ၶိုၼ်းတူဝ်တၢႆမၼ်းၸၢႆးတီႈထိူၼ်ႇႁိမ်းဝၢၼ်ႈ သမ်ႉပေႃးတူႇၵႂ်ႈဝႆႉယဝ်ႉ ႁဵတ်းႁႂ်ႈၵူၼ်းႁိူၼ်းမၼ်းတိူဝ်ႉၸႂ်ဢမ်ႇမီးလွင်ႈႁူမ်ႇလူမ်ႈ။ ၵူဝ်ႇလႃႉဝိၼ်း ဢႃယု 30 ပီပၢႆၵူၼ်းဝၢၼ်ႈၵွင်းဝႅပ်ႈၼႆႉ သိုၵ်းမၢၼ်ႈၶဝ်ႈသွၵ်ႈႁိူၼ်းမၼ်းသေ ၵူတ်ႇထတ်းႁၼ်ၶႅပ်းႁၢင်ႈၵွင်ႈၵၢင်ႇ ၼႂ်းမိုဝ်းထိုဝ်မၼ်းၸၢႆးလႄႈ တီႉၺွပ်းၵႂႃႇ မိူဝ်ႈဝၼ်းတီႈ 12/11/2021 ဝႃႈၼႆ။ ၵူၼ်းဝၢၼ်ႈၵွင်းဝႅပ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “မၼ်းပဵၼ်ၵူၼ်းႁဵတ်းၵၢၼ်တူင်ႇဝူင်းၵူၼ်းၵူၺ်း။ မၼ်းႁႃလဵင်ႉတွင်ႉမႄႈမၼ်းလႄႈၼွင်ႉယိင်းမၼ်းသိုဝ်ႈသိုဝ်ႈယူဝ်းယူဝ်း။ သိုၵ်းမၢၼ်ႈမႃးတူၺ်းၾူၼ်းမၼ်း  ႁၼ်ၶႅပ်းႁၢင်ႈၵွင်ႈလႄႈ ၼႆသေၼႄးမၼ်းဝႃႈ...

ၽူႈသိုဝ်ႇၶၢဝ်ႇၵၢမ်ႇပေႃးၸတၢႆး 3 ၵေႃႉလႄႈ ၵူၼ်းၼုမ်ႇ ၵေႃႉ႞ ထုၵ်ႇမၢပ်ႇၼႄးဝႃႈ ပဵၼ်ၽူႈသိုဝ်ႇၶၢဝ်ႇ ၵၢမ်ႇပေႃႉၸတၢႆး ၼႆသေ ထုၵ်ႇသိုၵ်းမၢၼ်ႈတီႉၺွပ်း ဢဝ်လိူင်ႈၸွႆးတြႃးဝႆႉ လူၺ်ႈမတ်ႉတႃ 505 (က) ၼၼ်ႉ   သိုၵ်းမၢၼ်ႈ ပၼ်တူတ်ႈတၢမ်ႇၶွၵ်ႈ ၼိုင်ႈၵေႃႉလႂ်သၢမ်ပီ။ မိူဝ်ႈၼႆႉ ဝၼ်းတီႈ 10/12/2021 ယူႇတီႈၶွင်ႇသီႇသိုၵ်းမၢၼ်ႈ ယိုတ်းမိူင်း တီႈၶွၵ်ႈတွင်ႇလေးလူင်း ၸႄႈဝဵင်းယွင်ႁူၺ်ႈ...

မိူဝ်ႈၼႆႉ ဝၼ်းတီႈ 10/12/2021 တူၵ်ႈမႅၼ်ႈဝၼ်းသုၼ်ႇလႆႈသုၼ်ႇပဵၼ်ၵူၼ်း လုမ်ႈၾႃႉသေ တႄႇဢဝ်ၵၢင်ၼႂ်ၼႆႉမႃး ယူႇတီႈၵူၼ်းမိူင်းပိုၼ်ႉတီႈ ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆး ပွတ်းႁွင်ႇ ၽွမ်ႉၸႂ်ၵၼ်သေ ၼႄၵၢင်ၸႂ် သၢၼ်ၶတ်းတေႃႇ ၶွင်ႇသီႇသိုၵ်းမၢၼ်ႈ ယိုတ်းမိူင်း လူၺ်ႈလၢႆးဢမ်ႇဢွၵ်ႇႁိူၼ်း တႄႇၶၢဝ်းၵၢင်ၼႂ် 7 မူင်းတေႃႇထိုင် ဝၢႆးဝၼ်း 4 မူင်း  ။ ၵူၼ်းပိုၼ်ႉတီႈ...

မိူဝ်ႈၼႆႉ ဝၼ်းတီႈ 10/12/2021 တႄႇဢဝ် ယၢမ်းၵၢင်ၼႂ် 6 မူင်းပၢႆမႃး  သိုၵ်းမၢၼ်ႈ ယိုတ်းမိူင်း ၼႂ်းၸႄႈဝဵင်းမိူင်းသၢတ်ႇ ၸိုင်ႈတႆး ပွတ်း ဢွၵ်ႇၶူင်း ဢဝ်ဢဵၼ်ႁႅင်းတင်းၼမ်လၢႆသေ ၶီႇရူတ်ႉၵႃး ပၼ်ႇလဵပ်ႈဝဵင်းယဝ်ႉၵေႃႈ ထႅမ်ႁႅင်းသိုၵ်းပႂ်ႉၸွမ်း ၼႂ်းပိုၼ်ႉတီႈ ၼႂ်းၵိဝ်ႇ သဵၼ်ႈတၢင်းလူင် ၵၢင်ဝဵင်း ၸိူဝ်းၼႆႉထႅင်ႈ တင်းၼမ်။ ၵူၼ်းပိုၼ်ႉတီႈ မိူင်းသၢတ်ႇ...

ၼႂ်းဝၼ်းသုၼ်ႇလႆႈၵူၼ်းလုမ်ႈၾႃႉ ဝၼ်းတီႈ 10/12/2021 မိူဝ်ႈၼႆႉ ၾၢႆႇလိူမ်ႈလႆႇမူႇၸေႊ ပိုၼ်ၽၢဝ်ႇၸဵမ်ၸဝ်ႉဝႃႈ ၽႂ်ၶဝ်ႈႁူမ်ႈ Silent Strike တေသင်ႇပိၵ်ႉၵၢတ်ႇလိူၼ်ၼိုင်ႈၼႆသေတႃႉ ၵူၼ်းမိူင်းၽွမ်ႉၵၼ် ယဵၼ်သီႇတင်းဝၼ်း ထိုင်ယၢမ်းၵၢင်ဝၼ်း 1 မူင်း မၢၵ်ႇတႅၵ်ႇတီႈလုမ်းလိူမ်ႈလႆႇ မီးၵူၼ်းမၢတ်ႇၸဵပ်း 2 ၵေႃႉ ဝႃႈၼႆ။ တႃႇႁႂ်ႈလုမ်ႈၾႃႉႁူႉလွင်ႈၵူၼ်းမိူင်းမၢၼ်ႈ မိူင်းတႆးပတ်းပိုၼ်ႉ ထုၵ်ႇပူၼ်ႉပႅၼ်သုၼ်ႇလႆႈၵူၼ်းဝႆႉယူႇၼႆၼၼ်ႉသေ ၵူၼ်းမိူင်းမူႇၸေႊ ၸိုင်ႈတႆးပွတ်းႁွင်ႇၵေႃႈၶဝ်ႈႁူမ်ႈ...

မိူဝ်ႈၼႆႉ ဝၼ်းတီႈ 9/12/2021 ယၢမ်းၵၢင်ၼႂ် မွၵ်ႈ 2 မူင်းၶိုင်ႈ ၶွင်ႇသီႇသိုၵ်းမၢၼ်ႈ ယိုတ်းမိူင်း တင်း သိုၵ်းၶၢင် KIA ပဵၼ်ပၢင်တိုၵ်းၵၼ် တီႈႁိမ်း ဝၢၼ်ႈၼမ်ႉပႃၶီး ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈ ၼႂ်းၵႄႈၵူတ်ႉၶၢႆ - သႅၼ်ဝီ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ...

တႄႇဢဝ် ဝၼ်းတီႈ 8/12/2021 ၼႆႉမႃး ၵႃႈ Package Internet ဢၼ်ၸႂ်ႉတိုဝ်းၸွမ်း ၼႂ်း Sim Card ၾူၼ်း မိူၼ်ၼင်ႇ MPT, Mytel, Ooredoo လႄႈ Telenor ၸိူဝ်းၼႆႉ ပုင်ႈၶိုၼ်ႈ  တူပ်ႉၼႅပ်ႇ။ မိူဝ်ႈၵူႈပွၵ်ႈ ၵႃႈၼႅတ်ႇ(ဢိၼ်ႊထိူဝ်ႊၼႅတ်ႉ) 1 MB...