ႁွင်ႈၵၢၼ်ၾၢႆႇဢီးလူတူၺ်းထိုင်ၵူၼ်းတေႃႇၵူၼ်းၸၢတ်ႈၸိုင်ႈလုမ်ႈၾႃႉUN- OCHA ပိုၼ်ၽၢဝ်ႇမိူဝ်ႈဝၼ်းတီႈ 17/1/2022 ဝႃႈ ဝၢႆးလင်သိုၵ်းမၢၼ်ႈယိုတ်းမိူင်းၼႆႉ ၵူၼ်းပၢႆႈၽေးသိုၵ်းမိူင်းမၢၼ်ႈမီးထိုင် 320000 ဝႃႈၼႆ။
တင်ႈဢဝ်ဝၼ်းတီႈ 1/2/2021 တေႃႇထိုင်ဝၼ်းတီႈ 27/12/2021 ၼႆႉ ၵူၼ်းမိူင်းၸိူဝ်းဢမ်ႇၽွမ်ႉ ဢမ်ႇႁၼ်လီ လွင်ႈသိုၵ်းမၢၼ်ႈယိုတ်းမိူင်းၼၼ်ႉ ၼႄၵၢင်ၸႂ်သၢၼ်ၶတ်း။ သိုၵ်းမၢၼ်ႈလိုပ်ႈလမ်းတီႉၺွပ်းၵူၼ်းမိူင်းလႄႈၵူၼ်းမိူင်းလႆႈပၢႆႈၽေး၊ သိုၵ်းမၢၼ်ႈပိုတ်းယိုဝ်းတိုၵ်းတေႃး သိုၵ်းၵူၼ်းမိူင်းလႄႈ ၵူၼ်းမိူင်းပၢႆႈၽေးသိုၵ်း တေႃႇထိုင်ဝၼ်းမိူဝ်ႈၼႆႉ မီး 320900 ၵေႃႉ။ မိူင်းႁူမ်ႈတုမ်မၢၼ်ႈ လူဝ်ႇတၢင်းၸွႆႈထႅမ် လွင်ႈဢီးလူတူၺ်းထိုင်ၵူၼ်းတေႃႇၵူၼ်း- OCHA ပိုၼ်ၽၢဝ်ႇၼင်ႇၼႆ။
ၼႂ်းဝူင်ႈဝၢင်ႈၼႆႉ တီႈမိူင်းယၢင်းလႅင်ၵေႃႈ ၵူၼ်းမိူင်းၺႃးသိုၵ်းမၢၼ်ႈၽဝ် ၶႃႈႁႅမ်တၢႆ 35 ၵေႃႉ၊ ပႃးၵူၼ်းၸွႆႈထႅမ်တူင်ႇဝူင်းၵူၼ်းလႄႈတင်း လုၵ်ႈဢွၼ်ႇလဵၵ်ႉ 4 ၵေႃႉ။
ပၢင်တိုၵ်းၵေႃႈယင်းတိုၵ်ႉပဵၼ်ယူႇဢမ်ႇထၢတ်ႇ ၊ ၵူၼ်းမိူင်းမၢတ်ႇၸဵပ်းလူႉတၢႆ၊ ႁိူၼ်းယေးၶူဝ်းၶွင် ထုၵ်ႇသိုၵ်းမၢၼ်ႈပိုတ်းယိုဝ်းယႃႉၵွႆ ၊ ၵူၼ်းမိူင်းဢွၼ်ၵၼ်ပၢႆႈဢွၵ်ႇၼွၵ်ႈမိူင်းၵေႃႈမီးယူႇၵူႈဝၼ်း။
