တၢင်းပဵၼ်ၵႃႇလႃႉ မူ (ၶႆႈဝတ်းမူ ဢႅပ်ႉၾရိၵ) ၽႄႈၼႂ်းၸိုင်ႈတႆးလၢႆလၢႆၸေႈဝဵင်း ၵူၼ်းမိူင်း  ဢမ်ႇႁတ်းၵိၼ်ၼိူဝ်ႉမူ။ ၼႂ်းဝၼ်းတီႈ 17/2/2020   ႁွင်ႈၵၢၼ်ၽွင်းလူင် ၾၢႆႇၽုၵ်ႇသွမ်ႈ ၊ လဵင်ႉလူတူဝ်သတ်းလႄႈ မိူင်ၼမ်ႉ ပိုၼ်ၽၢဝ်ႇဝႃႈ မူတၢႆ  တီႈဢိူင်ႇၼွင်မွၼ် ဝဵင်းလႃႈသဵဝ်ႈ လႆႈၵူတ်ႇထတ်းတူၺ်း လိူတ်ႈမူ ၶေႃႈတွပ်ႇဝႃႈပဵၼ် တၢင်းပဵၼ်   ၼၢဝ်ဢႅပ်ႉၾရိၵ - ဝႃႈၼႆ။ ၻွၵ်ႊတိူဝ်ႊ...

ယူႇတီႈၽွင်းတၢင်လူင်ၾၢႆႇပၢႆးယူႇလီလႄႈ ၾၢႆႇလဵၼ်ႈႁႅင်း မိူင်းႁူမ်ႈတုမ် ဢွၵ်ႇၶေႃႈပိုၼ်ၽၢဝ်ႇဝႆႉဝႃႈ မိူင်းၶႄႇ သူင်ႇလိၵ်ႈၸူးထိုင်  မႃးၸွမ်းၼင်ႇၽူႈလူင်ႉလႅၼ်ႇၶူၼ်ႉၶႂႃႉပိုၼ်ၽၢဝ်ႇဝႆႉဝႃႈ ၸိူဝ်ႉမႅင်း ဝႆးရတ်ႉသ် ၶူဝ်ႊဝိတ်ႉ- 19 (ၶူဝ်ႊရူဝ်ႊၼႃႊ) ၼႆႉ လုၵ်ႉတီႈတူဝ်သတ်း တူဝ်ထိူၼ်ႇမႃးၼႆလႄႈ ယၢမ်းလဵဝ် တီႈမိူင်းၶႄႇၵေႃႈ လႆႈပိၵ်ႉဢိုတ်းဝႆႉ  ၵၢၼ်သိုဝ်ႉၶၢႆ တူဝ်သတ်းတူဝ်ထိူၼ်ႇ ။ ၵွပ်ႈၼၼ် ယူႇတီႈမိူင်းႁူမ်ႈတုမ်မၢၼ်ႈၵေႃႈ ႁႂ်ႈပိၵ်ႉႁၢမ်ႈလွင်ႈသိုဝ်ႉၶၢႆတူဝ်ထိူၼ်ႇ...

လူင်ပွင်ၸိုင်ႈမိူင်းပေႊၵျိင်ႊ ၸိုင်ႈမိူင်းၶႄႇ ၸိသင်ႇႁႂ်ႈၵေႃႇသၢင်ႈႁူင်းၸၢၵ်ႈႁဵတ်းၽႃႈတူမ်းသူပ်း၊ၶူႈၼင် ၼႂ်းၶၢဝ်းတၢင်း 6 ဝၼ်းႁႂ်ႈယဝ်ႉတူဝ်ႈ ၊ တႃႇၸႅၵ်ႇပၼ်ၵူၼ်းမိူင်း ဝႃႈ ၼႆ။ ႁူင်းၸၢၵ်ႈၼႆႉ Construction First Group  ႁပ်ႉပုၼ်ႈၽွၼ်းၵေႃႇသၢင်ႈတီႈဝဵင်းပေႊၵျိင်ႊ တႄႇမိူဝ်ႈဝၼ်းတီႈ 10/2/2020သေ ယဝ်ႉတူဝ်ၼႂ်းဝၼ်းတီႈ 15/2/2020။ ႁူင်းၸၢၵ်ႈၼႆႉ ၼိုင်ႈဝၼ်းႁဵတ်းဢွၵ်ႇၽႃႈ တူမ်းပၢၵ်ႇလႆႈ 250000 ဢၼ်။ တႃႇၵႅတ်ႇၶႄႁႄႈၵင်ႈတၢင်းပဵၼ် ၶူဝ်ႊဝိတ်ႉ...

ႁွင်ႈၵၢၼ် ပၢႆးယူႇလီ ပိုၼ်ၽၢဝ်ႇဝႆႉဝႃႈ ထူပ်းႁၼ်  ၵူၼ်းဢမ်ႇယူႇလီၵေႃႉၼိုင်ႈ လႅပ်ႈတေပဵၼ်တၢင်းပဵၼ် ၸိူဝ်ႉမႅင်းၶူဝ်ႊရူဝ်ႊၼႃႊ လႄႈယၢမ်းလဵဝ် ယူတ်းယႃတူဝ်ဝႆႉတီႈ ႁူင်း ယႃလူင် လႃႈသဵဝ်ႈ ဝႃႈၼႆ။ မိူဝ်ႈဝၼ်းတီႈ 9/2/2020  ပူၼ်ႉမႃး ၽူႈယိင်းၵေႃႉ ႞ ဢႃယု 17 ပီ ပဵၼ်ၵူၼ်းၸႃႇတိ ဝဵင်းလၢဝ်ႇၵၢႆးၸိုင်ႈတႆးပွတ်းႁွင်ႇ မၼ်း ၼၢင်းဢမ်ႇယူႇလီ...

ၸိူဝ်ႉမႅင်းၶူဝ်ႊရူဝ်ႊၼႃႊ ဝၢႆးရတ်ႉသ် ဢၼ်တႄႇၽႄႈၼႂ်းမိူင်းဝူႊႁၢၼ်ႊ ၼၼ်ႉ ၸုမ်းပၢႆးယူႇလီလုမ်ႈၾႃႉ WHO မၵ်းမၼ်ႈၸိုဝ်ႈသဵင်မၼ်းပဵၼ်တၢင်းၵၢၼ်ဝႃႈ Covid- 19 ဝႃႈၼႆ။ Tedros Adhanom Ghebreyesus  ၽူႈၵွၼ်းၾၢႆႇၸီႉသင်ႇ  ပၢႆးယူႇလီလုမ်ႈၾႃႉ WHO ပိုၼ်ၽၢဝ်ႇတီႈလုမ်း ၵျီႇၼီႇဝႃႇ မိူင်းသဝိတ်ႉသိူဝ်ႊလႅၼ်ႊမိူဝ်ႈဝၼ်းတီႈ 11/2/2020 ဝႃႈ Co ၼႆႉမၢႆထိုင် ၶူဝ်ႊရူဝ်ႊၼႃႊ၊  vi...

ၽူႈၸၢႆး ဢႃယု 40 ပၢႆ တီႈၼမ်ႉတူႈ ၵေႃႉၼိုင်ႈ ဢၼ်ထၢင်ႇထိူမ်ဝႃႈ ၸပ်းတၢင်းပဵၼ်ၸိူဝ်ႉမႅင်းမိူင်းၶႄႇဝူႊႁၢၼ်ႊၼၼ်ႉ ၾၢႆႇပၢႆးယူႇလီပိုၼ်ၽၢဝ်ႇဝႃႈ ဢမ်ႇၸႂ်ႈၶႆႈဝတ်းဝူႊႁၢၼ်ႊ ဝႃႈၼႆ။ ဝၼ်းတီႈ 11/2/2020 ယၢမ်းၵၢင်ဝၼ်း ယူႇတီႈႁွင်ႈၵၢၼ်လဵၼ်ႈႁႅင်းလႄႈ ပၢႆးယူႇလီ ပိုၼ်ၽၢဝ်ႇဢွၵ်ႇမႃး ဝႃႈၵူၼ်းၼမ်ႉတူႈ ၽူႈ ၸၢႆးၵေႃႉၼိုင်ႈ ဢၼ်ယူတ်းယႃတူဝ်ဝႆႉတီႈႁူင်းယႃၼမ်ႉတူႈဢမ်ႇၸႂ်ႈ တၢင်းပဵၼ်ဝႆးရတ်ႊသ် ၶူဝ်ႊ ရူဝ်ႊၼႃႊ ဝႃႈၼႆ။ ၽူႈၸၢႆးၵေႃႉၼၼ်ႉပဵၼ်...

ၸိူဝ်ႉမႅင်း ဝၢႆးရၢတ်ႉသ်ၶူဝ်ႊရူဝ်ႊၼႃႊ တၢင်းပဵၼ်ပွတ်ႇၸဵပ်းပွတ်ႇၵႂ်ႈ ဢၼ်တႄႇပဵၼ်တီႈဝဵင်းဝူႊႁၢၼ်ႊ ၸေႈမိူင်း ႁူႊပေႊ ၸိုင်ႈမိူင်းၶႄႇ ၽႄႈၸပ်းဝႆး ။ ယၢမ်းလဵဝ် ၸိူဝ်ႉမႅင်း တၢင်းပဵၼ်ၼႆႉၽႄႈၸပ်းဝႆႉယူႇ ၼႂ်းလုမ်ႈ ၾႃႉ 27 မိူင်း ၵူၺ်းၵႃႈမိူင်းႁူမ်ႈတုမ်မၢၼ်ႈတႄႉ ဢမ်ႇပႆႇႁၼ် ပိုၼ်ၽၢဝ်ႇဝႃႈ ၸိူဝ်ႉမႅင်းၼႆႉ လၢမ်းၽႄႈၶဝ်ႈမႃး။ ၼႂ်းမိူင်းတႆးလူး ငဝ်းလၢႆးဢၼ်တႄႉ ပဵၼ်ႁိုဝ်...

ၵူၼ်းမိူင်းတႆး ၸိူဝ်းၵႂႃႇႁဵတ်းၵၢၼ်ၾင်ႇမိူင်းၶႄႇသေ ပွၵ်ႈႁိူၼ်းၶိုၼ်းၼၼ်ႉ ၾၢႆႇမေႃယႃ ၵူတ်ႇထတ်းလႅပ်ႈတိတ်းၸပ်း ၸိူဝ်ႉမႅင်းဝႆးရတ်ႊသ်ၶူဝ်ႊရူဝ်ႊၼႃႊမီး 6 ၵေႃႉ ၽွင်းလူင်ၾၢႆႇပၢႆးယူႇလီ ၸႄႈမိူင်းတႆးလၢတ်ႈ။ ဝၼ်းတီႈ 9/2/2020 ယၢမ်းၵၢင်ၶမ်ႈၼၼ်ႉ မေႃယႃ ၸႄႈဝဵင်းမွၵ်ႇမႆႇ ၵူတ်ႇႁၼ် ၵူၼ်းပဵၼ်ဝတ်း ဢႆ 4 ၵေႃႉ ငဝ်းလၢႆးလႅပ်ႈ မိူၼ် ၸိူဝ်ႉမႅင်းဝူႊႁၢၼ်ႊ ပဵၼ်ၵူၼ်းဝၢၼ်ႈလွႆၶႂၼ် ဢိူင်ႇႁူဝ်ၼမ်ႉ...

ၸၢဝ်းၶႄႇ ၵေႃႉၼိုင်ႈ မႃးလူႉတၢႆ ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ဝၼ်းတီႈ 6/2/2020 ယူႇတီႈၸုမ်းၸွႆႈထႅမ် ၵရုၼႃႇ မူႇၸေႊ လႆႈဢဝ်ၽွင်တဝ်ႈလုပ်ႇ ၸၢဝ်းၶႄႇ ဢၼ်မႃးလူႉတၢႆ တီႈဝဵင်း မူႇၸေႊၼၼ်ႉသေ မွပ်ႈပၼ် တၢင်းၸဝ်ႈၼႃႈတီႈၾင်ႇမိူင်းၶႄႇၵႂႃႇယဝ်ႉ ဝႃႈၼႆ။ ဢူးတွင်းထုၼ်း ၽူႈၸွႆႈထႅမ် ၼႂ်းၸုမ်းၵရုၼႃႇ မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ “ တေပဵၼ်ၵူၼ်းဢၼ်ၵဵဝ်ႇၶွင်ႈၸွမ်းသေ ၸုမ်းၸုမ်းၸွမ်းလႅၼ်လိၼ်ၼႆႉၶႃႈ။...

ဢိင်ၼိူဝ်လွင်ႈတၢင်းပဵၼ်ၸိူဝ်ႉမႅင်းၶူဝ်ႊရူဝ်ႊၼႃႊၼႆႉသေ တီႈပၢင်ၵၢတ်ႇမၢၵ်ႇမႆႉ 105 လၵ်းၼႆႉ ၵူၼ်းမိူင်းၾင်ႇမိူင်းၶႄႇ ဢမ်ႇၶဝ်ႈမႃးသိုဝ်ႉလႄႈ မီးလွင်ႈတုမ်ႉယွၼ်ႈလူႉ သုမ်း ႁူဝ်ပၢၵ်ႇလႂ် မွၵ်ႈ 70 % ၽူႈမီးပုၼ်ႈၽွၼ်းလၢတ်ႈ။ ဢူးၶိၼ်ႇမွင်ႇ ၵႅမ်ႁူဝ်ပဝ်ႈ ပၢင်ၵၢတ်ႇၶၢႆမၢၵ်ႇမႆႉ 105 လၵ်း လၢတ်ႈတီႈၽူႈတွႆႇႁွၵ်ႈဝႃႈ “ ၵၢၼ်သိုဝ်ႉၶၢႆ တီႈလႅၼ်လိၼ်တႄႉ ဢမ်ႇဢိုတ်းၶႃႈ။ ၵူၺ်းၵႃႈ ပူၼ်ႉမႃးၼၼ်ႉ...

ၽူႈၸၢႆးၵေႃႉၼိုင်ႈ ၵႂႃႇႁဵတ်းၵၢၼ်တၢင်းမိူင်းၶႄႇသေ ပွၵ်ႈမႃး လိၼ်ၸႃႇတိၶိုၼ်း၊ ၾၢႆႇမေႃယႃ ထူပ်းႁၼ် ၸပ်းမီးတၢင်းပဵၼ် ဢၼ်ငဝ်းလၢႆးမိူၼ်တၢင်းပဵၼ်ၶႄႇ ဝူႊႁၢၼ်ၸိူဝ်ႉမႅင်းဝႆးရတ်ႊသ်ၶူဝ်ႊရူဝ်ႊၼႃႊ ဝႃႈၼႆ။ မိူဝ်ႈဝၼ်းတီႈ 1/2/2020 ၼၼ်ႉ ၽူႈၸၢႆး ဢႃယု 40 ပၢႆ ပဵၼ်ၵူၼ်းဝၢၼ်ႈပၢင်ဝူဝ်း ၸႄႈဝဵင်းၼမ်ႉတူႈ ၸိုင်ႈတႆး ပွတ်းႁွင်ႇ ၵႂႃႇ ႁဵတ်းၵၢၼ်တၢင်းမိူင်းၶႄႇသေ ပွၵ်ႈမႃး ဢမ်ႇယူႇလီ...

ၸုမ်းပၢႆးယူႇလီလုမ်ႈၾႃႉ WHO ပိုၼ်ၽၢဝ်ႇ ဝႃႈ တေႁူမ်ႈမိုဝ်းၵၼ်တင်း Google သေ ၶိုင်ပွင်တႃႇပိၵ်ႉ/ႁၢမ်ႈ ၶၢဝ်ႇပွမ် ၶၢဝ်ႇၽိတ်း  ၵဵဝ်ႇၵပ်းၸိူဝ်ႉမႅင်းၶူဝ်ႊရူဝ်ႊၼႃႊ  ဢၼ်ၽႄႈယူႇၼိူဝ်ဢွၼ်ႊလၢႆႊၸိူဝ်းၼႆႉ ဝႃႈၼႆ။ WHO ၸတ်းႁဵတ်းပၢင်ၵုမ်တီႈမိူင်း ၵျီႊၼီႊဝႃႊ မိူဝ်ႈဝၼ်းတီႈ 3/2/2020 သေ တႅၵ်ႉရူဝ်ႉသ် ဢႅတ်ႉႁၼ်ႊၼူဝ်ႊၵတ်ႉ ဝရီႊသႅတ်ႉ ဢၼ်ပဵၼ်ၽူႈယႂ်ႇၵူၼ်းလူင်ၼႂ်းၸုမ်းWHO လၢတ်ႈဝႃႈ -...

လူင်ပွင်ၸိုင်ႈမိူင်းႁူမ်ႈတုမ် လႆႈ ယိုၼ်းမိုဝ်း တႃႇၸွႆႈထႅမ်မိူင်းၶႄႇ ၼႂ်းၵၢၼ်ႁႄႉၵင်ႈ  ၸိူဝ်ႉမႅင်းၶူဝ်ႊရူဝ်ႊၼႃႊ ။ ၽွင်းလူင်မိူင်းႁူမ်ႈတုမ် ဢူးၵျေႃႇတိၼ်ႇ  ဢၼ်ႁပ်ႉပဵၼ်ႁူဝ်ပဝ်ႈၾၢႆႇၵုမ်းထိင်းႁႄႉၵင်ႈ တၢင်းပဵၼ် ပွတ်ႇၵႂ်ႈ ယွၼ်ႉၸိူဝ်ႉမႅင်းဝၢႆးရၢတ်ႉသ် ၶူဝ်ႊရူဝ်ႊၼႃႊ ဝႆႉၼၼ်ႉ ႁူပ်ႉတင်း ၼၢင်းလီႊသႅဝ်ႊယႅၼ်ႊ ၽွင်းတၢင်(ၸူဝ်ႈၶၢဝ်း)  လုမ်းတၢင်မိူင်းၶႄႇ ၵဵဝ်ႇလူၺ်ႈမိူင်းမၢၼ်ႈ မိူဝ်ႈဝၼ်းတီႈ 3/2/2020 သေ ဢုပ်ႇလၢတ်ႈဝႃႈ ပဵၼ်ၸႂ်ဢမ်ႇလီၸွမ်းလွင်ႈ...

ၸွမ်းၼင်ႇ WHO ယူႇၵႄႈၶိုင်ပွင်ပၼ်သေ တႃႇတေႁႄႉၵင်ႈလႆႈတၢင်းပဵၼ်ၶႆႈဝတ်းပွတ်ႇၵႂ်ႈ Coronavirus ၼၼ်ႉယူႇတီႈမိူင်းၶႄႇ ယွမ်းႁပ်ႉၽူႈလူင်ႉလႅၼ်ႇၾၢႆႇပၢႆးယူႇလီ မိူင်းဢမေႊရိၵၼ်ႊ မႃးမိူင်းၶႄႇယဝ်ႉဝႃႈၼႆ။ ၾၢႆႇလူင်ပွင်ၸိုင်ႈၶႄႇ ပိုတ်ႇလၢတ်ႈသႄႉၼႄးဢမေႊရိၵၼ်ႊ  မိူဝ်ႈဝၼ်းတီႈ 3/2/2020 ဝႃႈ- ဢမေႊရိၵၼ်ႊ ဢဝ်ၶိူင်ႈမိၼ်မႃးႁပ်ႉဢဝ်ၵူၼ်းမိူင်းၶဝ်မိူဝ်းၵႂႃႇသေဢမ်ၵႃး ႁၢမ်ႈႁႄႉပႃးၵူၼ်းမိူင်းၶႄႇၶဝ်ႈမိူင်းၶဝ်ၼၼ်ႉ  ႁဵတ်းႁႂ်ႈၵူၼ်းတင်းလုမ်ႈၾႃႉတူင်ႉတိုၼ်ႇၵူဝ်ႁႄ ယုပ်းၽၢၼ်ႈၼိူဝ်မိူင်းၶႄႇ- ၼႆသေ ပိုၼ်ၽၢဝ်ႇပဵၼ်တၢင်းၵၢၼ်ပႃးဝႃႈ ယွမ်းႁပ်ႉၽူႈလူင်ႉလႅၼ်ႇမိူင်းဢမေႊရိၵၼ်ႊ ဢၼ်တေသူင်ႇၶဝ်ႈမိူင်းၶႄႇ တႃႇယူတ်းယႃလႄႈႁႄႉၵင်ႈတၢင်းပဵၼ် Coronavirus...

ႁႂ်ႈပဵၼ်ၵၢၼ်ၵမ်ႉ ႁႅင်းႁူမ်ႈၵၼ်ႁႄႉ တၢင်းပဵၼ် ဝူႊႁၢၼ်ႊ ၶူဝ်ႊရူဝ်ႊၼႃႊ ၼႆသေ ၶွမ်ႊမတီႊ ၸတ်းပွႆး ဝၼ်းၸိူဝ်ႉၸၢတ်ႈၸိုင်ႈတႆး/ဝၼ်းမိူင်းတႆး/ဝၼ်းၶိူဝ်းတႆး 7 February  ၶွပ်ႈတဵမ် 73 ပီ တီႈဝဵင်းၼမ်ႉၶမ်း ၵေႃႈ ၸတ်းႁဵတ်းပၢင်ၵုမ်ၵၼ်သေ တႅပ်းတတ်းဝႃႈ တေဢမ်ႇႁဵတ်းပွႆးယဝ်ႉ ဝႃႈၼႆ။ ၼႂ်ၼႆႉ ဝၼ်းတီႈ 01/02/2020 ၶွမ်ႊမတီႊ ၸတ်းပွႆး...