လူင်ပွင်ၸိုင်ႈမိူင်းပေႊၵျိင်ႊ ၸိုင်ႈမိူင်းၶႄႇ ၸိသင်ႇႁႂ်ႈၵေႃႇသၢင်ႈႁူင်းၸၢၵ်ႈႁဵတ်းၽႃႈတူမ်းသူပ်း၊ၶူႈၼင် ၼႂ်းၶၢဝ်းတၢင်း 6 ဝၼ်းႁႂ်ႈယဝ်ႉတူဝ်ႈ ၊ တႃႇၸႅၵ်ႇပၼ်ၵူၼ်းမိူင်း ဝႃႈ ၼႆ။
ႁူင်းၸၢၵ်ႈၼႆႉ Construction First Group ႁပ်ႉပုၼ်ႈၽွၼ်းၵေႃႇသၢင်ႈတီႈဝဵင်းပေႊၵျိင်ႊ တႄႇမိူဝ်ႈဝၼ်းတီႈ 10/2/2020သေ ယဝ်ႉတူဝ်ၼႂ်းဝၼ်းတီႈ 15/2/2020။ ႁူင်းၸၢၵ်ႈၼႆႉ ၼိုင်ႈဝၼ်းႁဵတ်းဢွၵ်ႇၽႃႈ တူမ်းပၢၵ်ႇလႆႈ 250000 ဢၼ်။
တႃႇၵႅတ်ႇၶႄႁႄႈၵင်ႈတၢင်းပဵၼ် ၶူဝ်ႊဝိတ်ႉ 19 ၼႆႉယၢမ်းလဵဝ် လူင်ပွင်ၸိုင်ႈမိူင်းၶႄႇ ဝႆႉၼၵ်းပၵ်းၸႂ်ၼိူဝ် ၽႃႈတူမ်းသူပ်းတူမ်းပၢၵ်ႇၼႆႉ ပဵၼ်ဢၼ်လွင်ႈယႂ်ႇ ဢၼ်ၼိုင်ႈသေ ၸိသင်ႇဝႆႉၾၢႆႇပၢႆးယူႇလီဝႃႈ ႁႂ်ႈၵူၼ်းမိူင်းလႆႈၸႂ်ႉၼမ်ၼမ်။ ၾၢႆႇယူတ်းယႃၵေႃႈ ယႃႇပွႆႇႁႂ်ႈၶိူင်ႈယႃႈယႃ ၵိုတ်းၶၢတ်ႇ ႁၢင်ႇႁိုင်။ ႁႂ်ႈမီးဝႆႉတႃႇယူတ်းယႃယူႇတႃႇသေႇ – ဝႃႈၼႆ။
Ref; Xinhua