Thursday, March 28, 2024

ပၢႆးယူႇလီပိုၼ်ၽၢဝ်ႇဝႃႈ ၸၢႆးၼမ်ႉတူႈ ဢမ်ႇမီးမႅင်းၶူဝ်ႊရူဝ်ႊၼႃႊ

Must read

ၽူႈၸၢႆး ဢႃယု 40 ပၢႆ တီႈၼမ်ႉတူႈ ၵေႃႉၼိုင်ႈ ဢၼ်ထၢင်ႇထိူမ်ဝႃႈ ၸပ်းတၢင်းပဵၼ်ၸိူဝ်ႉမႅင်းမိူင်းၶႄႇဝူႊႁၢၼ်ႊၼၼ်ႉ ၾၢႆႇပၢႆးယူႇလီပိုၼ်ၽၢဝ်ႇဝႃႈ ဢမ်ႇၸႂ်ႈၶႆႈဝတ်းဝူႊႁၢၼ်ႊ ဝႃႈၼႆ။

Photo by – ၵူၼ်းမိူင်းၼမ်ႉတူႈ/ ပၢႆႉၶဝ်ႈဢွၵ်ႇ ဝဵင်းၼမ်ႉတူႈ

ဝၼ်းတီႈ 11/2/2020 ယၢမ်းၵၢင်ဝၼ်း ယူႇတီႈႁွင်ႈၵၢၼ်လဵၼ်ႈႁႅင်းလႄႈ ပၢႆးယူႇလီ ပိုၼ်ၽၢဝ်ႇဢွၵ်ႇမႃး ဝႃႈၵူၼ်းၼမ်ႉတူႈ ၽူႈ ၸၢႆးၵေႃႉၼိုင်ႈ ဢၼ်ယူတ်းယႃတူဝ်ဝႆႉတီႈႁူင်းယႃၼမ်ႉတူႈဢမ်ႇၸႂ်ႈ တၢင်းပဵၼ်ဝႆးရတ်ႊသ် ၶူဝ်ႊ ရူဝ်ႊၼႃႊ ဝႃႈၼႆ။

- Subscription -

ၽူႈၸၢႆးၵေႃႉၼၼ်ႉပဵၼ် ၵူၼ်းဝၢၼ်ႈပၢင်ဝူဝ်း ၸႄႈဝဵင်းၼမ်ႉတူႈ ၵႂႃႇႁဵတ်းၵၢၼ်တၢင်းၾင်ႇမိူင်းၶႄႇသေ တိုၵ်ႉပွၵ်ႈမႃးတီႈ မိူင်းၸႃႇတိၶိုၼ်းပႆႇပေႃးႁိုင်။ မိူဝ်ႈဝၼ်းတီႈ 25/1/2020 မၼ်းၸၢႆး မီးလူမ်းၼၢဝ်၊ ဢႆ၊ ၶေႃးၸဵပ်း ဢွၵ်ႇၾၢင်ႁၢင်ႈ ၵူၼ်းၸပ်း တၢင်းပဵၼ်ၸိူဝ်ႉမႅင်းၶူဝ်ႊရူဝ်ႊၼႃႊသေ ထိုင်မႃး ဝၼ်း တီႈ 2/2/2020 လႆႈသူင်ႇယူတ်းယႃတူဝ် တီႈႁူင်းယႃၼမ်ႉတူႈ။ ဝၼ်း တီႈ 11/2/2020 ၵူတ်ႇထတ်းႁူႉဝႃႈ မၼ်းၸၢႆးဢမ်ႇၸႂ်ႈ ပဵၼ်ၵူၼ်း ၸပ်းတၢင်းပဵၼ်ဝႆးရတ်ႊသ်ၶူဝ်ႊရူဝ်ႊၼႃႊ ဝႃႈၼႆ။

တေႃႈလဵဝ် ယူႇတီႈၾၢႆႇမေႃယႃၶဝ် လႆႈထၢင်ႇထိူမ် ဝႆႉဝႃႈၵူၼ်းၸပ်းတၢင်းပဵၼ်ၸိူဝ်ႉမႅင်းဝႆးရတ်ႊသ်ၶူဝ်ႊရူဝ်ႊၼႃႊသေ တိုၵ်ႉ သူင်ႇလိူတ်ႈၵူတ်ႇထတ်းဝႆႉယူႇၼၼ်ႉ မီး 5 ၵေႃႉ ဝႃႈၼႆ။

ၵူၼ်းမိူင်း ဢၼ်ထၢင်ႇထိူမ် မိူၼ်ၵူၼ်းၸပ်းတၢင်းပဵၼ် 6 ၵေႃႉၼၼ်ႉ ၵူၼ်းၼမ်ႉတူႈ 1 ၵေႃႉ၊ ၵူၼ်းမွၵ်ႇမႆႇ 4 ၵေႃႉလႄႈ ၵူၼ်းသီႇသႅင်ႇ 1 ၵေႃႉ။ တေႃႈလဵဝ် ၵူၼ်းသီႇသႅင်ႇ ၵေႃႉၼိုင်ႈၼၼ်ႉ လႆႈသူင်ႇယူတ်းယႃတူဝ်တီႈႁူင်းယႃၸဝ်ႈၸၢမ်ႇထုၼ်း ဝႆႉ။

ဝၼ်းတီႈ 12/2/2020 ဝၼ်းမိူဝ်ႈၼႆႉ ၵူၼ်းၸပ်းတၢင်းပဵၼ် ၸိူဝ်ႉမႅင်းဝႆးရတ်ႊသ်ၶူဝ်ႊရူဝ်ႊၼႃႊ တၢင်းလုမ်ႈၾႃႉၼႆႉ မီးၵႂႃႇ 45,171 ၵေႃႉ၊ တၢႆ 1,115 ၵေႃႉ သိုဝ်ႇၶၢဝ်ႇ South China Morning Post ဢွၵ်ႇဝႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း