ယူႇတီႈၽွင်းတၢင်လူင်ၾၢႆႇပၢႆးယူႇလီလႄႈ ၾၢႆႇလဵၼ်ႈႁႅင်း မိူင်းႁူမ်ႈတုမ် ဢွၵ်ႇၶေႃႈပိုၼ်ၽၢဝ်ႇဝႆႉဝႃႈ မိူင်းၶႄႇ သူင်ႇလိၵ်ႈၸူးထိုင် မႃးၸွမ်းၼင်ႇၽူႈလူင်ႉလႅၼ်ႇၶူၼ်ႉၶႂႃႉပိုၼ်ၽၢဝ်ႇဝႆႉဝႃႈ ၸိူဝ်ႉမႅင်း ဝႆးရတ်ႉသ် ၶူဝ်ႊဝိတ်ႉ- 19 (ၶူဝ်ႊရူဝ်ႊၼႃႊ) ၼႆႉ လုၵ်ႉတီႈတူဝ်သတ်း တူဝ်ထိူၼ်ႇမႃးၼႆလႄႈ ယၢမ်းလဵဝ် တီႈမိူင်းၶႄႇၵေႃႈ လႆႈပိၵ်ႉဢိုတ်းဝႆႉ ၵၢၼ်သိုဝ်ႉၶၢႆ တူဝ်သတ်းတူဝ်ထိူၼ်ႇ ။ ၵွပ်ႈၼၼ် ယူႇတီႈမိူင်းႁူမ်ႈတုမ်မၢၼ်ႈၵေႃႈ ႁႂ်ႈပိၵ်ႉႁၢမ်ႈလွင်ႈသိုဝ်ႉၶၢႆတူဝ်ထိူၼ်ႇ ၼႂ်းမိူင်းမၢၼ်ႈပွတ်းႁွင်ႇသေၵမ်း ဝႃႈၼႆ။
ၵဵဝ်ႇၵပ်းလွင်ႈၼႆႉ ၻွၵ်ႊတိူဝ်ႊမျိၼ်ႉသူၺ်ႇ ၽွင်းလူင်ၾၢႆႇလဵၼ်ႈႁႅင်းလႄႈ ပၢႆးယူႇလီ ၵေႃႈၶိုၼ်းတွပ်ႇဝႃႈ – တႃႇတေႁႄႉၵင်ႈရေႃးၵႃႇတၢင်းပဵၼ်ၽႄႈငၢႆႈယွၼ်ႉတူဝ်သတ်း ၼၼ်ႉ ထုၵ်ႇလႆႈပၵ်းတႃႁၢမ်ႈႁႄႉ ၵၢၼ်ၵႃႉၶၢႆတူဝ်ထိူၼ်ႇယူႇ- ဝႃႈၼႆ။
ၵူၺ်းၵႃႈ ဢၼ်လူင်ပွင်ၸိုင်ႈမိူင်းႁူမ်ႈတုမ်လႄႈ မိူင်းၶႄႇ တိုၵ်ႉဢၢင်ႈတေလူင်းလၢႆးမိုဝ်း လႆႈၸႂ်တႃႇႁူမ်ႈၵၼ်ၵႅတ်ႇၶႄတူဝ်ထိူၼ်ႇယူႇၼၼ်ႉ ယွၼ်ႉပိူဝ်ႈၸိူဝ်ႉမႅင်းၶူဝ်ႊဝိတ်ႉ 19 သေ လႆႈၵိုတ်းယင်ႉဝႆႉ ၽူႈမီးပုၼ်ႈၽွၼ်းတီႈႁွင်ႈၵၢၼ်ၾၢႆႇ ႁၵ်ႉသႃသိင်ႇဝႅတ်ႉလွမ်ႉ ၵေႃႉၼိုင်ႈလၢတ်ႈ။
ၵဵဝ်ႇၵပ်းလွင်ႈၼႆႉ ၸုမ်း We Can တူင်ႉၼိုင်တႃႇႁၵ်ႉသႃသိင်ႇဝႅတ်ႉလွမ်ႉလၢတ်ႈဝႃႈ တႃႇၵႅတ်ႇၶႄ တူဝ်ထိူၼ်ႇၼၼ်ႉ ၾၢႆႇမိူင်းၶႄႇသႂ်ႇၸႂ်တူင်ႉၼိုင်မႃးၼႆၵေႃႈပဵၼ်ငဝ်းလၢႆးလီဢၼ်ၼိုင်ႈဝႃႈၼႆ။
“ဢၼ်ၵႃးမိူင်းမၢၼ်ႈၵူၺ်းၶႃႈ။ တင်းလုမ်ႈၾႃႉယဝ်ႉ ဢၼ်သူင်ႇတူဝ်ထိူၼ်ႇၶၢႆတေႃႇမိူင်းၶႄႇယူႇၼႆႉ ” တွၵ်ႊတိူဝ်ႊ တေႃႇသပႄႇမိၼ်း ၽူႈၵေႃႇတင်ႈၸုမ်း We Can လၢတ်ႈ။
ဝၼ်းတီႈ 19/2/2020 ဝၼ်းမိူဝ်ႈၼႆႉ ၵူၼ်းၸပ်းၸိူဝ်ႉမႅင်းဝႆးရတ်ႉသ် ၶူဝ်ႊဝိတ်ႉ 19 တင်းလုမ်ႈၾႃႉ မီး 75000 ပၢႆသေ ဢၼ်တၢႆယွၼ်ႉတၢင်းပဵၼ်ၼႆႉမီး 2000 ပၢႆယဝ်ႉဝႃႈၼႆ။
Ref; 7 Day