ၵူႈလွင်ႈလွင်ႈ

တွၼ်ႈတႃႇ ၸၢဝ်းၶိူဝ်းမိူင်းႁူမ်ႈတုမ် တေမီးသုၼ်ႇလႆႈၽဵင်ႇပဵင်း၊ သုၼ်ႇလႆႈႁင်းၶေႃၼႆသေ ၸၢဝ်းၶိူဝ်းၼႂ်း မိူင်းႁူမ်ႈတုမ် 7 ၸၢဝ်းၶိူဝ်း ဢၼ်ႁွတ်ႈၽႅဝ် ယူႇသဝ်းႁဵတ်းၵၢၼ်တီႈမိူင်းဢမေႊရိၵႃႊၼၼ်ႉ ႁူမ်ႈၵၼ်ၶွတ်ႇၽွတ်ႇၸုမ်းဢူၺ်းလီ ဝႃႈၼႆ။ ဝၼ်းတီႈ 15/06/2019 ၼၼ်ႉ ၸၢဝ်းၶိူဝ်း ဢၼ်ႁွတ်ႈၽႅဝ်ယူႇဝႆႉတီႈ မိူင်းဢမေႊရိၵႃႊ မိူၼ်ၼင်ႇ တႆး၊ ၶၢင်၊ ယၢင်းလႅင်၊ ယၢင်းၽိူၵ်ႇ၊ ၶျၢင်း၊ မွၼ်းလႄႈ...

ၵွင်ယုၵ်းယၵ်းလူင် ၵႃႊသီႊပူရ်ႊ မိူင်းဢိၼ်ႊတီႊယႃး ၼၼ်ႉ သုင်ၶိုၼ်ႈမႃးၵူဝၼ်း ။ ပေႃးဝႃႈလူတ်ႉ ယုၵ်းယၵ်း လူင်မႃးထွၵ်ႇယုၵ်းယၵ်းယူႇၵူႈမိုဝ်ႉၵူႈဝၼ်းၸိုင် ပီ 2020 ၼႆႉတေသုင်လိူဝ် ႁူင်းၶုမ်ၵုတ်းလူင် တတ်ႉၶျ်မႁႃႊ  ယဝ်ႉ-ဝႃႈၼႆ။ ၵွင်ယုၵ်းယၵ်းလူင် ၵႃႊသီႊပူရ်ႊ ၼႆႉ မီးၾၢႆႇႁွင်ႇဝဵင်းလူင် ၼိဝ်ႊတေႊလီႊ   ၸေႈတွၼ်ႈ ၼိဝ်ႊတေႊလီႊ ၼႂ်းဢိၼ်ႊတီႊယႃး တွၼ်ႈၼိူဝ်။ တၢင်းၵႂၢင်ႈၵွင်ယုၵ်းယၵ်းၼႆႉမီးမွၵ်ႈ...

တွၼ်ႈတႃႇဝၼ်းၵိူတ်ႇ ဢွင်ႇသၢၼ်းၸုၵျီႇၼႆသေ ၽွင်းမိူင်းလူင် ဝဵင်းတႃႈလိူဝ်ႇ ႁၢင်ႈႁႅၼ်း တေပၼ် ၸိုဝ်ႈသဵၼ်ႈတၢင်း 38 ဢၼ်ပိုတ်ႇမႂ်ႇၼႆႉဝႃႈ သဵၼ်ႈတၢင်း ဢွင်ႇသၢၼ်းၸုၵျီႇ ဝႃႈၼႆ။ သဵၼ်ႈတၢင်းလူင် သဵၼ်ႈ 38 (ၼႂ်းၵႄႈ 73 လႄႈ 78 )  ဢၼ်မီးၼႂ်းၸေႈဝဵင်း မႁႃႇဢွင်ႇမျေႇ ဝဵင်းတႃႈလိူဝ်ႇ ၼၼ်ႉ တေၸတ်းပွႆးပိုတ်ႇသဵၼ်ႈတၢင်းသေ...

ရူတ်ႉတူႈ(ၵႃးမၢၼ်ႇလူင်ႇ) ဢၼ်လႅၼ်ႈမူႇၸေႊ - ဝဵင်းလိူဝ်ႇၼၼ်ႉ ပိၼ်ႈတူၵ်းတၢင်း တီႈႁိမ်းဝၢၼ်ႈတူင်ႈၶၢၼ် ၸႄႈဝဵင်း မူႇၸေႊ ၵူၼ်းၸွမ်းၵႃး တၢႆ 2 ၵေႃႉ၊ ၵူၼ်းဢွၵ်ႇတၢင်း မၢတ်ႇ 14 ၵေႃႉ။ ဝၼ်းတီႈ 14/6/2019 ယၢမ်းၵၢင်ၼႂ် မွၵ်ႈ 7 မူင်းၶိုင်ႈၼၼ်ႉ ရူတ်ႉတူႈ ဢၼ်မီးၸိုဝ်ႈဝႃႈ ၵူၼ်းမူႇၸေႊ(မူစယ်သူ)...

မႄႈထဝ်ႈ ၵေႃႉၼိုင်ႈ ဢႃယု 70 ပီပၢႆ ၸွမ်းႁႃလုၵ်ႈလၢင်း ယၢမ်းလဵဝ်မီးဝႆႉတီႈလႅၼ်လိၼ် တႆး - ထႆး ယူႇဝႆႉ 3-4 ဝၼ်းယဝ်ႉ ပႆႇၸၢင်ႈၵႂႃႇတၢင်းလႂ်။ ဝၼ်းတီႈ 10/6/2019 မႃးၼႆႉ မႄႈထဝ်ႈ ၵေႃႉၼိုင်ႈ ၸိုဝ်ႈႁွင်ႉ ပႃႈမူဝ်းပေး ဢႃယု 70 ပီ ပဵၼ်ၵူၼ်းၸႃတိ...

ၵေႃလိၵ်ႈလၢႆးလႄႈ ၾိင်ႈငႄႈတႆး၊ ၶၢင်လႄႈ တဢၢင်း ၸႄႈဝဵင်းမူႇၸေႊ ႁူဝ်ၵူၼ်းမွၵ်ႈ 40 ပၢႆ ဢႅဝ်ႇယဵမ်ႈလဵပ်ႈႁဵၼ်းၼႂ်း သၽႃးမိူင်းတႆး။ ဝၼ်းတီႈ 12/6/2019 ယၢမ်းၵၢင်ၼႂ် 10 ထိုင် 12 မူင်းၵၢင်ဝၼ်း ၸၢႆးၵျေႃႇတဵင်း ၽူႈတႅၼ်းသၽႃး ၸႄႈမိူင်း ၶဵတ်ႇ လိူၵ်ႈတင်ႈ မၢႆ 1 ၸႄႈဝဵင်းမူႇၸေႊ...

ၶွမ်ႊမသျိၼ်ႊၽဵဝ်ႈမူၺ်ႉ ၵၢၼ်ၵိၼ်သူး/ ၵိၼ်လၢပ်ႈ ဢဝ်လိူင်ႈၽူႈႁၢပ်ႇၵၢၼ်လူင်ပွင်ၸိုင်ႈ ၼႂ်းႁွင်ႈၵၢၼ် ၾၢႆႇ ၵဵပ်းသဵၼ်ႈ မၢႆႁူဝ်ၵူၼ်း(လဝၵ) လႃႈသဵဝ်ႈလႄႈ ၽူႈယိင်း 1 ၵေႃႉဢၼ်ႁဵတ်းၶဵဝ်ၵိၼ်ၵၢင်မၼ်း။ ဝၼ်းတီႈ 12/6/2019 ယူႇတီႈၶွမ်ႊမသျိၼ်ႊ ၽဵဝ်ႈမူၺ်ႉ ၵၢၼ်ၵိၼ်သူး/ ၵိၼ်လၢပ်ႈ ဢဝ်လိူင်ႈၸွႆးတြႃး ၽူႈႁၢပ်ႇၵၢၼ် လူင် ပွင်ၸိုင်ႈ ဢၼ်ၵိၼ်သူး/ ၵိၼ်လၢပ်ႈ တီႈၵူၼ်းမိူင်းၸိူဝ်းမႃး...

ၼႂ်းဝူင်ႈပူၼ်ႉမႃးၼႆႉ ပလိၵ်ႈမၢၼ်ႈတီႉၺွပ်းၸၢဝ်းထႆး 2 ၵေႃႉ ဢၼ်လၵ်ႉလွမ်ၶဝ်ႈမႃးယူႇၾင်ႇတႃႈၶီႈလဵၵ်း။ ဝၼ်းတီႈ 9/6/2019 ယၢမ်းၵၢင်ၼႂ် 10 မူင်းပၢႆၼၼ်ႉ ပလိၵ်ႈၸႄႈဝဵင်းတႃႈၶီႈလဵၵ်း တီႉၺွပ်းၵုမ်းၶင်လႆႈ ၸၢဝ်းထႆး ဢႃယု 37 ပီ ၸိုဝ်ႈႁွင်ႉ Mr. Manonoi တီႈပွၵ်ႉဝဵင်းၵႅဝ်ႈ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ၵူတ်ႇထတ်းတီႉလႆႈ ပႃးယႃႈမႃႉ WY...

ယွၼ်ႉပိူဝ်ႈပႃႇမႆႉမူၺ်ႉၼႆသေ တင်ႈဢဝ်ပီ 2014 မႃးလူင်ပွင်ၸိုင်ႈမၢၼ်ႈ ႁၢမ်ႈသူင်ႇမႆႉလီ မႆႉၼိူဝ်ႉၵႅၼ်ႇ ၶၢႆၼွၵ်ႈမိူင်း ထိုင်ဝၼ်းမိူဝ်ႈၼႆႉ မီးၶၢဝ်းတၢင်း 5 ပီ။ ၵူၺ်းၵႃႈယၢမ်းလဵဝ်  တေၶိုၼ်းပၼ် သူင်ႇမႆႉၶၢႆတေႃႇၼွၵ်ႈမိူင်းၶိုၼ်းယဝ်ႉဝႃႈၼႆ။ ၵဵဝ်ႇၵပ်းလွင်ႈၼႆႉ ဢူးၺီႇၺီႇထုၼ်း ၽူႈၸတ်းၵၢၼ်ၵူႈလွင်ႈလွင်ႈ ႁွင်ႈၵၢၼ်ၾၢႆႇသဵၼ်ႈမၢႆ လႄႈၶူင်းၵၢၼ် မႆႉ မိူင်းမၢၼ်ႈ ဢၼ်မီးပႃႈတႂ်ႈႁွင်ႈၵၢၼ်ၽွင်းလူင်ၾၢႆႇႁၵ်ႉသႃသိင်ႇဝႅတ်ႉလွမ်ႉလႄႈ ၶူဝ်းၶွင် ၼိူဝ်လိၼ် တႂ်ႈလိၼ်...

မေႃယႃၼၢင်းမူၺ်ၸၢမ် ဢၼ်ပဵၼ်ပႃးၼၢင်းႁၢင်ႈလီ မေႃႊတႄႊလ် ၼၼ်ႉယွၼ်ႉပိူဝ်ႈသႂ်ႇသိူဝ်ႈၶူဝ်းမၢင်လိူဝ်ႁႅင်း Sexy ႁႅင်းၽႅဝ်ၼႆသေ   ၶွင်ႊသီႊၾၢႆႇယႃႈယႃ မိူင်းမၢၼ်ႈ ယိုတ်းၶိုၼ်းဝႂ်လၢႆႊသိၼ်ႊႁဵတ်းၵၢၼ် မေႃယႃမၼ်းၼၢင်း။ ၶူးလူင်ပႃႇမွၵ်ႉၶ တွၵ်ႊတိူဝ်ႊဢႅတ်ႉသ်ၵျေႃႇလႃႉ  ႁူဝ်ပဝ်ႈ ၶွင်ႊသီႊ ၾၢႆႇယႃႈယႃၸိုင်ႈမိူင်းမၢၼ်ႈ လူင်းလၢႆးမိုဝ်း ဢွၵ်ႇလိၵ်ႈပိုၼ်ၽၢဝ်ႇမိူဝ်ႈဝၼ်းတီႈ 3 လိူၼ်ၵျုၼ်ႊ 2019 ၼႆႉဝႃႈ - မေႃယႃ ၼၢင်းမူၺ်ၸၢမ် ၼႆႉ...

လူတ်ႉၵႃးလႄႈ လူတ်ႉၶိူင်ႈၽႃႇၺႃးၵၼ်တီႈတၢင်းၶဝ်ႈဝဵင်းၵျွၵ်ႉမႄး ။ ၵူၼ်းၶီႇလူတ်ႉၶိူင်ႈ တၢႆတင်းသၢမ်ၵေႃႉ။ မိူဝ်ႈၼႆႉ ဝၼ်းတီႈ 11/6/2019 ယၢမ်းဝၢႆးဝၼ်း လူတ်ႉၵႃးလႄႈ လူတ်ႉၶိူင်ႈ ၽႃႇၺႃးၵၼ်ၼိူဝ်ႈသဵၼ်ႈတၢင်းလူင် ဢေႊသျိူဝ်ႊႁၢႆႊဝေႊ မၢႆလၵ်း 115/5 ။ တီႈ ႁိမ်းဝၢၼ်ႈႁွင်ႈႁႅင်ႈ (ၶျွင်းၶျွၵ်ႉ) ဢၼ်မီးတၢင်းၶဝ်ႈဝဵင်း ၵျွၵ်ႉမႄး။ ၵွၼ်ႇထိုင်ၵျႂၵ်ႉမႄး 7 လၵ်း။ လူတ်ႉၶိူင်ႈၼၼ်ႉ မီးၵူၼ်းၶီႇမႃးၸွမ်းၵၼ်...

သင်ၶၸဝ်ႈ ပွတ်းဢွၵ်ႇၶူင်း ပိုတ်ႇလုမ်းငဝ်ႈငုၼ်းသင်ၶ တီႈဝတ်ႉမွၵ်ႇမႆႇ/ ၵွင်းမူးၶမ်း ဝဵင်းၵဵင်းတုင် ၼႂ်းႁူဝ်လိူၼ်ၼႆႉ ဝႃႈၼႆ။ ဝၼ်းတီႈ 3/6/2019 သင်ၶၸဝ်ႈ ၸိုင်ႈတႆးပွတ်းဢွၵ်ႇၶူင်း ႁူမ်ႈၵၼ်ပိုတ်ႇလုမ်းငဝ်ႈငုၼ်းမုၵ်ႉၸုမ်းလူင်သင်ၶ ၸိုင်ႈတႆး (ပွတ်းဢွၵ်ႇၶူင်း) တီႈဝတ်ႉမွၵ်ႇမႆႇ/ ၵွင်း မူးၶမ်း ဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း တႃႇသင်ၶၸဝ်ႈ ၵူႈမိူင်းမိူင်း ပေႃးတေ လႆႈၵပ်းသိုပ်ႇ တိတ်းတေႃႇၵွင်ႉၵၢႆႇ...

ပလိၵ်ႈတႃႈၶီႈလဵၵ်း ၶဝ်ႈၵူတ်ႇထတ်းၼႂ်းႁၢၼ်ႉလဵၼ်ႈၵဵမ်း တီႈပွၵ်ႉဝၢၼ်ႈၵွင်း တီႉၺွပ်းလႆႈၸဝ်ႈၶွင်ႁၢၼ်ႉၵဵမ်း၊ ၶူင်ႇလဵၼ်ႈ ၵဵမ်း လႄႈ ငိုၼ်း ၵမ်ႈၽွင်ႈ။ ဝၼ်းတီႈ 9/6/2019 ၶၢဝ်းယၢမ်းမွၵ်ႈ 10 မူင်းၵၢင်ၶိုၼ်းၼၼ်ႉ ပလိၵ်ႈမၢၼ်ႈ ၶဝ်ႈၵူတ်ႇထတ်းၼႂ်းႁၢၼ်ႉလဵၼ်ႈၵဵမ်း တီႈပွၵ်ႉ ဝၢၼ်ႈၵွင်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း။ တီႉတူႈၵဵမ်းပႃ 6 ၶူင်ႈလႄႈ မဵတ်ႉငိုၼ်းထႆး ဢၼ်ယွတ်ႇလဵၼ်ႈ...

ၸၢႆးၼုမ်ႇၵေႃႉၼိုင်ႈ ဢႃယု 16 ပီ ဢမ်ႇမီးႁွႆးပေႃႉထုပ်ႉၸဵပ်းယဵၼ်းသင်သေ တၢႆဝႆႉ ႁိမ်းၶၢင်ႈတၢင်း ၼႂ်းၵႄႈ ဝၢၼ်ႈၸၢမ် လၢဝ်းလႄႈ ဝၢၼ်ႈၵုင်းမူင်ႈ ၸႄႈဝဵင်းသီႇ ပေႃႉ ၸိုင်ႈတႆးပွတ်းႁွင်ႇ။ ဝၼ်းတီႈ 9/6/2019 ယၢမ်းဝၢႆးဝၼ်း 3 မူင်း ၸုမ်းၸွႆႈထႅမ်ပရႁိတ (နယ်စည်းမခြားပရဟိတအဖွဲ့) သီႇပေႃႉ လႆႈၵႂႃႇႁပ်ႉဢဝ် တူဝ်တၢႆ မၼ်းၸၢႆးၼႂ်းႁွင်ႈႁႅင်ႈ...

ပွႆးယုၵ်ႉယွင်ႈဝၼ်းၵိူတ်ႇ မေႃၵႂၢမ်းတႆး ၸိုဝ်ႈသဵင်ယႂ်ႇ ၸၢႆးသၢႆမၢဝ်း မၢႆတွင်းဢႃယု ၶွပ်ႈတဵမ် 75 ပီ (ပီၵွၼ်းသႅင်) ၸတ်း ႁဵတ်းၵႂႃႇယဝ်ႉတူဝ်ႈလီငၢမ်း မီးပီႈၼွင်ႉတီႈၸမ်ၵႆလႄႈ မေႃၵႂၢမ်းၸိုဝ်ႈသဵင်ယႂ်ႇ မႃးၶဝ်ႈႁူမ်ႈပၼ်ႁႅင်း တင်းၼမ်လၢႆ။ ဝၼ်းတီႈ 6-7/6/2019 ယၢမ်းၵၢင်ၶမ်ႈ 8:30 မူင်းထိုင်ၵၢင်ၼႂ် 2:30 မူင်း ယူႇတီႈၶွမ်ႊပၼီႊမွၵ်ႇၵွၼ်မူႇၸေႊ ၵၢၼ်တေႃႉသူင်ႇ ၵူၼ်းဢွၵ်ႇတၢင်း...