မိူဝ်ႈၼႆႉ ဝၼ်းတီႈ 28/2/2022 ဝၢႆးဝၼ်းမွၵ်ႈ 3 မူင်းပၢႆ ၵူၼ်း 3 ၵေႃႉ ၶဝ်ႈၸူၼ် ၼႂ်းယေးငိုၼ်း/ ပၢၼ်ႇၵမ်ႇပေႃးၸ KBZ ဢၼ်ပိုတ်ႇဝႆႉ တီႈ ပွၵ်ႉၸၢင်ႈၶမ်း ဝဵင်းသီႇပေႃႉ ၸိုင်ႈတႆးပွတ်းႁွင်ႇ လႆႈငိုၼ်းၵႂႃႇ ႁဵင်သႅၼ်ပၢႆ။
ၵူၼ်း သီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ပဵၼ်ၽူႈၸၢႆး 3 ၵေႃႉ ၶဝ်ႈၸူၼ် ပၢၼ်ႇ KBZ ၵႂႃႇ။ လႆႈငိုၼ်းၵႂႃႇႁဵင်သႅၼ် ပၢႆၼႆၶႃႈ။ ယၢမ်းလဵဝ် တိုၵ်ႉၵူတ်ႇထတ်းလွင်ႈတၢင်းမၼ်းယူႇ ၵူၼ်းႁၢႆႉတႄႉ ပႆႇတီႉလႆႈၶႃႈ”- ဝႃႈၼႆ။
ဢိင်ၼိူဝ် လွင်ႈၼႆႉ လွင်ႈတုမ်ႉတိူဝ်ႉၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး ၵူၼ်းႁၢႆႉၼၼ်ႉတႄႉ ပၢႆႈလွတ်ႈဝႆႉ ပႆႇတီႉလႆႈ ပဵၼ်ၽူႈၸၢႆး 3 ၵေႃႉ ဝႃႈၼႆ။
ယၢမ်းလဵဝ် ယူႇတီႈၽူႈမီးပုၼ်ႈၽွၼ်း ပလိၵ်ႈမၢၼ်ႈ၊ သိုၵ်းမၢၼ်ႈၶဝ် တိုၵ်ႉၵူတ်ႇထတ်းလွင်ႈပိူင်ပဵၼ်လႄႈ တီႈၵွင်ႈထႆႇ CCTV ဝႆႉယူႇ ယဝ်ႉၵေႃႈ ၵူတ်ႇထတ်းၸွမ်းၼႂ်းပိုၼ်ႉတီႈ ႁိမ်းႁွမ်းဝႆႉ ၸိူဝ်းၼၼ်ႉထႅင်ႈ။