ယၢမ်းလဵဝ် ၼႂ်းမိူင်းတႆးၼႆႉ မီးဝႆႉ 13 ၸႄႈတွၼ်ႈ  သိုၵ်းမၢၼ်ႈဢၢၼ်းၶိုင်ၸႅၵ်ႇသေထႅမ်ထႅင်ႈ ၸႄႈတွၼ်ႈမႂ်ႇ 7 ၸႄႈတွၼ်ႈ ႁူမ်ႈၵၼ်တေပဵၼ် 20 ၸႄႈတွၼ်ႈ။ မိူင်းတႆး ပွတ်းႁွင်ႇ မီး 7 ၸႄႈတွၼ်ႈ ။ ပဵၼ် ၸႄႈတွၼ်ႈလႃႈသဵဝ်ႈ ၊ ၸႄႈတွၼ်ႈမူႇၸေႊ ၊ ၸႄႈတွၼ်ႈၵျွၵ်ႉမႄး၊...

ၶူဝ်းၶွင်ဢၼ်ၸဝ်ႈတႃႇၼ ၸဝ်ႈၽူႈမီးၸေႇတၼႃႇ လၢႆလၢႆတၢင်းၸွႆႈထႅမ်တႃႇၵူၼ်းပၢႆႈၽေးသိုၵ်း ဢၼ်လုၵ်ႉမိူင်းယၢင်းလႅင်မႃးၼၼ်ႉ တႃႇတေႃႇသူင်ႇထိုင်မိုဝ်းၵူၼ်းပၢႆႈၽေးသိုၵ်း ယၢပ်ႇၽိုတ်ႇလိူဝ်ႁႅင်း ယွၼ်ႉသိုၵ်းမၢၼ်ႈၵူတ်ႇထတ်းထဵတ်ႈထၢမ်၊ ၸဝ်ႈၵႃးဢမ်ႇႁတ်းတၢင်ႇၵႂႃႇပၼ် ။ ၵူၼ်းပၢႆႈၽေးသိုၵ်း ၸႄႈမိူင်းယၢင်းလႅင် ဢၼ်ပၢႆႈမႃးသွၼ်ႈဝႆႉ ၼႂ်းၸႄႈဝဵင်းတူၼ်ႈတီး၊ ပၢင်လွင်း၊ သီႇသႅင်ႇ၊ ႁူဝ်ပူင်း၊ ဢွင်ႇပၢၼ်းလႄႈ တၢင်ႇ ၸႄႈဝဵင်း ၼႂ်းၸိုင်ႈတႆးပွတ်းၸၢၼ်း ထူပ်းတၢင်းယၢပ်ႇၽိုတ်ႇ တႃႇၶဝ်ႈၼမ်ႉတၢင်းၵိၼ် လွင်ႈၼုင်ႈဝႆ။  ၽႃႈႁူမ်ႇၶူဝ်းၼွၼ်း ဢၼ်ၸဝ်ႈတႃႇၼ...

  ဝၼ်းတီႈ 8/1/2022  ယူႇတီႈၼႃႈလိၼ်သိုၵ်းမၢႆ 1 ၵဵင်းတုင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၸတ်းႁဵတ်းပၢင်ပွႆးဝၼ်းလုၵ်ႈဢွၼ်ႇလုမ်ႈၾႃႉ တီႈႁူင်းႁဵၼ်းၸိူဝ်ႉၸၢတ်ႈမၢႆ 2 လွႆၵေႃႇဝၼ်း ၼႆယဝ်ႉ။ ၼႂ်းပၢင်ပွႆးဝၼ်းလုၵ်ႈဢွၼ်ႇလုမ်ႈၾႃႉ တီႈလွႆၵေႃႇဝၼ်းၼၼ်ႉ တႄႇၶၢဝ်းယၢမ်းၵၢင်ၼႂ် 9 မူင်း ပိုတ်ႇပၢင်ၵႅဝ်ႈသေ မွၵ်ႇဢဝ် ၽူႈယႂ်ႇၵူၼ်းလူင် မွၵ်ႇ လၢတ်ႈၶေႃႈၵႂၢမ်း၊ လူႇဢၢၼ်ႇၼႄ ပိုၼ်းပဵၼ်မႃး...

ၸုမ်းၸွႆႈထႅမ်ၵူၼ်းပၢႆႈၽေးသိုၵ်းတီႈဝဵင်းၵျွၵ်ႉမႄး ၸတ်းပၢင်သွၼ်ႁဵတ်းၶဝ်ႈမုၼ်းတီႈပၢင်သဝ်း တႃႇၶၢဝ်းတၢင်း 5 ဝၼ်း ယဝ်ႉတူဝ်ႈလီငၢမ်း။ ပၢင်သွၼ်ႁဵတ်းၶဝ်ႈမုၼ်းၼႆႉပဵၼ်ဝၼ်းတီႈ 6-10/1/2022 တီႈပၢင်သဝ်းၵူၼ်းပၢႆႈၽေးသိုၵ်း တီႈၵေႃလိၵ်ႈလၢႆးလႄႈၾိင်ႈငႄႈတႆးဝဵင်းၵျွၵ်ႉမႄးသေ ၸတ်းပွႆးလူင်းပၢင်သွၼ်ၵႂႃႇမိူဝ်ႈဝႃးဝၼ်းတီႈ 11။ “ပူင်သွၼ်ပၼ်ၵူၼ်းပၢႆႈၽေးသိုၵ်း လၢႆးႁဵတ်းၶဝ်ႈမုၼ်းၶဵၵ်ႉ၊ ရဵၼ်းပူဝ်းၶဵၵ်ႉ၊ ပတ်ႊထႃႊၶဵၵ်ႉ၊ ၶျွၵ်ႉၵလႅတ်ႉၶဵၵ်ႉ ၸိူဝ်းၼႆႉတင်းမူတ်း 12 မဵဝ်းဢေႃႈ။ သွၼ်ပၼ်ၵူၼ်းၼုမ်ႇၸိူဝ်းပၢႆႈၽေးသိုၵ်း လႄႈတင်းၸိူဝ်း ဢမ်ႇပၢႆႈၽေးသိုၵ်းယဝ်ႉၶႃႈ။ ၵမ်ႈၼမ်ပဵၼ်ၼၢင်းယိင်းဢေႃႈဢၼ်မႃးႁဵၼ်း။ ၸုမ်းသွၼ်မေႃတိၼ်မေႃမိုဝ်း  LTLG...

ၸဝ်ႈသြႃႇဝႃႇရိၼ်ႇတ ၸဝ်ႈၵွၼ်းဝတ်ႉတီႇယသထၢၼ် (တႆး) လူႉလွၼ်ႇ ၶဝ်ႈသူၼ်မၢၵ်ႇႁၢၵ်ႈၶမ်း လူၺ်ႈတၢင်းပဵၼ်ၸပ်းတူဝ်။ ဝၼ်းတီႈ 5/1/2022 ၶၢဝ်းယၢမ်းၵၢင်ၼႂ် 10:19 ၸဝ်ႈသြႃႇဝႃႇရိၼ်ႇတ ၸဝ်ႈၵွၼ်းဝတ်ႉတီႇယသထၢၼ် (ၵျွင်းတႆး) ၸႄႈဝဵင်းမႄႈတႅင် ၸႄႈတွၼ်ႈၵဵင်းမႆႇ လူႉလွၼ်ႇၶဝ်ႈသူၼ်မၢၵ်ႇႁၢၵ်ႈၶမ်း လူၺ်ႈတၢင်းပဵၼ် သဵၼ်ႈလိူတ်ႈႁူဝ် ၸႂ်တိပ်ႇ၊ တၢင်းပဵၼ်လိူတ်ႈသုင်၊ တၢင်းပဵၼ်ႁူဝ်ၸႂ်ဢိၵ်ႇထႅင်ႈတၢင်းပဵၼ်လၢႆလၢႆမဵဝ်း ၽွင်းဢႃယုၸဝ်ႈလႆႈ 74 ပီ ဝႃႇ...

ႁွင်ႈၵၢၼ်ၾၢႆႇႁူင်းႁႅမ်းလႄႈ ဢွၵ်ႇၶၢဝ်းတၢင်း ၶွင်ႇသီႇသိုၵ်းမၢၼ်ႈ ႁူမ်ႈ ၾၢႆႇၽွင်းငမ်း ၸႄႈဝဵင်းၵဵင်းတုင် ဝဵင်းလွႆမူၺ် သေ ႁဵတ်းပွႆးမွၵ်ႇၵွၼ်ႇ ၶၢဝ်းတၢင်း 5 ဝၼ်း၊ ၵူၼ်းဝၢၼ်ႈ ၵူၼ်းမိူင်း ၼႂ်းပိုၼ်ႉတီႈ မႆႈၸႂ် ၵူဝ်တၢင်းပဵၼ် ၶူဝ်ႊဝိတ်ႉ 19 ၽႄႈလၢမ်းထႅင်ႈ။ မိူဝ်ႈၼႆႉ ဝၼ်းတီႈ 6/1/2022 တေႃႇထိုင် ဝၼ်းတီႈ...

ၵူၼ်းဝၢၼ်ႈဢိူင်ႇႁူးသူၼ် ဢိူင်ႇပုင်းလူင် ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ယူႇၵိၼ်ယၢပ်ႇၽိုတ်ႇလႄႈသိုပ်ႇပၢႆႈလူင်းထိုင်ၸႄႈဝဵင်းလွၵ်ႉၸွၵ်ႇ ။ ဝၼ်းတီႈ 2/1/2022 ပူၼ်ႉမႃးၼႆႉ ၵူၼ်းပၢႆႈၽေးသိုၵ်း ႁူဝ်ၵူၼ်း 400 ပၢႆၼႂ်းၸႄႈဝဵင်းၵျွၵ်ႉမႄး သိုပ်ႇယၢႆႉၶၢႆႉတီႈလူင်းမႃးယူႇၼႂ်းဢိူင်ႇၵဵင်းၶမ်းၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း။ လုင်းၸၢႆးလႅင်းႁၢၼ် ႁူဝ်ပဝ်ႈၵေႃလိၵ်ႈလၢႆးလႄႈၾိင်ႈငႄႈတႆး ၸႄႈဝဵင်းၵျွၵ်ႉမႄး ဢၼ်ၸွႆႈထႅမ်ၵူၼ်းပၢႆႈၽေးသိုၵ်းၼၼ်ႉလၢတ်ႈတီႈၽူႈတွႆႇႁွၵ်ႈဝႃႈ - “တႃႇၵႄႈလိတ်ႈပၼ်ႁႃ တႃႇႁႃၵိၼ်လဵင်ႉတွင်ႉၶႃႈဢိူဝ်ႈ။ တေသိုပ်ႇယူႇသဝ်းၵႂႃႇတီႈပၢင်သဝ်းၵူၼ်းပၢႆႈၽေးသိုၵ်းၵေႃႈ ပေႃးၶၢဝ်းယၢဝ်း သမ်ႉတေယၢပ်ႇၽိုတ်ႇတႃႇၶဝ်ႁဵတ်းၼႆၶႃႈဢိူဝ်ႈ။ ၾၢႆႇၼိုင်ႈ...

မေႃၼပ်ႉသွၼ်ႇ ပေႇတၢင်ႇၵႃလႃးပတ်းပိုၼ်ႉမိူင်းႁူမ်ႈတုမ်ဢွၼ်ၵၼ်ၼပ်ႉသွၼ်ႇဢွၵ်ႇမႃးမိူၼ်ၵၼ်ဝႃႈ ၼႂ်းပီ 2022 ၼႆႉၽူႈၼမ်းၸိၵ်းၸွမ်သိုၵ်းမၢၼ်ႈ မိၼ်းဢွင်ႇလၢႆႇ လႄႈ သိုၵ်းယိုတ်းမိူင်းတင်းၸုမ်းတင်းၸိူဝ်း မီးၵိင်းၵဵဝ်ႇတေတူၵ်းသုမ်းၵူႈၸိူဝ်ႉၵူႈလွင်ႈ ဝႃႈၼႆ။ ပေႇတၢင်ႇၵႃလႃးၽိုၼ်ၵျၢမ်းဢၼ်ႁေႃးဝႆႉတႃႇပီ 2022 ၼႆႉၵူႈၽိုၼ် ပႃးၸဵမ်လိၵ်ႈမႁႃႇသၢင်းၵျၢၼ်ႇ၊ ဢိၵ်ႇပႃးတင်း မေႃႁူးလႃး သြႃႇၸေႇယႃႇၵူဝ်ႇ ၵေႃႉဢၼ်ၸမ်ၸႂ်ၵၼ်တင်းပႃႇတီႇသၢင်ႇသီႈ လႄႈတပ်ႉသိုၵ်းမၢၼ်ႈ ၵေႃႈယင်း ၼပ်ႉသွၼ်ႇတႅမ်ႈဢွၵ်ႇဝႆႉဝႃႈ  - ၸုမ်းၸိူဝ်းဢၼ်ၽွင်းငမ်းဝၢၼ်ႈမိူင်း မီးၵိင်းၵဵဝ်ႇတူၵ်းသုမ်းၵူၼ်ႇပင်း ၵူႈၸိူဝ်ႉၵူႈလွင်ႈ...

ဝၢၼ်ႈႁူဝ်ၼႃး ၸႄႈဝဵင်းလႃႈသဵဝ်ႈ  ဢၼ်ပိုင်ႈဢိင်ၵၢၼ်သၢၼ်သၢတ်ႇၶၢႆၼၼ်ႉ  ထူပ်းတၢင်းယၢပ်ႇၽိုတ်ႇ လွင်ႈၼုင်ႈဝႆလႄႈ ၶဝ်ႈ ၼမ်ႉတၢင်းၵိၼ် တင်းဝၢၼ်ႈ၊ မၢင်ႁိူၼ်းဢမ်ႇမီးၶဝ်ႈၵိၼ် ယွၼ်ႉၶူဝ်ႊဝိတ်ႉလႄႈဢမ်ႇမီးၽႂ်မႃးသိုဝ်ႉၶၢႆၵႃႉသၢတ်ႇ  ။   ဝၢၼ်ႈႁူဝ်ၼႃးၼႆႉ  မီးၼႂ်းၵႄႈ လႃႈသဵဝ်ႈ မိူင်းယေႃ ၊ ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တင်း မူတ်းလင်ႁိူၼ်းမီး မွၵ်ႈ 100 ၵမ်ႈၼမ် ႁဵတ်းၵၢၼ်...

ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉတီႈဝတ်ႉၵုင်းၸူင် ဢိူင်ႇႁၢမ်းငၢႆး ႁူဝ်ၵူၼ်း 130 ပၢႆ ၼၼ်ႉ ပၢႆႈဢွၵ်ႇႁိူၼ်းမႃး လႆႈၼိုင်ႈဝူင်ႈယဝ်ႉလႄႈ ၸႂ်တိတ်းမၢၵ်ႇၶဝ်ႈတဝ်ႈၼမ်ႉၼႂ်းသူၼ်ၼႂ်းႁိူၵ်ႈ ၶႂ်ႈၶိုၼ်းပွၵ်ႈႁိူၼ်းၼႃႇယဝ်ႉဝႃႈၼႆ။ ၵူၼ်းပၢႆႈၽေးသိုၵ်းၸိူဝ်းၼႆႉ ပဵၼ်ၵူၼ်းဝၢၼ်ႈၽႃလၢမ်းလႄႈ ဝၢၼ်ႈပႅၵ်ႇၼႃးမူၼ်း ၼႂ်းဢိူင်ႇဝၢင်ႈမိူင်း ၸႄႈဝဵင်းမိူင်းၵိုင်။ RCSS လႄႈ  SSPP ပိုတ်းယိုဝ်းတိုၵ်းတေႃးၵၼ်ၼႂ်းဝၼ်းတီႈ 8 ပူၼ်ႉမႃးၼႆႉ ႁၢဝ်ႈႁႅင်း၊ ပၢင်တိုၵ်းပဵၼ်ၸမ်ဝၢၼ်ႈၵူၼ်းၼႃႇလႄႈ ဢွၼ်ၵၼ်ပၢႆႈမႃးသူၼ်ႈတီႈဝတ်ႉၵုင်းၸူင်...

ၵူၼ်းဝၢၼ်ႈၶျွင်းသူင်ႇ ဝဵင်းသီႇပေႃႉ ႁူဝ်ၵူၼ်း 40 ပၢႆပၢႆႈၽေးသိုၵ်းမႃးလႆႈႁိမ်းၸမ်ပီ ၊ တေႃႇထိုင်ယၢမ်းလဵဝ်ပႆႇၸၢင်ႈပွၵ်ႈၶိုၼ်းႁိူၼ်းယေး မႆႈၸႂ်တႃႇမိူဝ်းပူၵ်းပွင်ႁိူၼ်းယေးဢၼ်လူႉၵွႆယွၼ်ႉပၢင်တိုၵ်း၊ တႃႇမိူဝ်း ယူႇသဝ်းႁႃၵိၼ်လဵင်ႉတွင်ႉ သမ်ႉမႆႈၸႂ်လွင်ႈႁူမ်ႇလူမ်ႈ။   ၵူၼ်းဝၢၼ်ႈၶျွင်းသူင်ႇ ႁူဝ်ၵူၼ်း 40 ပၢႆ လင်ၶႃးႁိူၼ်း 13 လင် လႆႈပၢႆႈၽေးသိုၵ်း ဢွၵ်ႇမႃး မိူဝ်ႈလိူၼ်မၢတ်ႊၶျ်ႊ(လိူၼ်ထူၼ်ႈသၢမ်) 2021 ။ ...

လုၵ်ႈလိူၼ်ၻီႊသႅမ်ႊပိူဝ်ႊ ဝၼ်းတီႈ 10 ၼႆႉ ပဵၼ်ဝၼ်းသုၼ်ႇလႆႈသုၼ်ႇပဵၼ်ၵူၼ်း ၵူႈမိူင်းမိူင်းယဝ်ႉ ၼႂ်းဝၼ်းၼၼ်ႉ ၵူၼ်းၼႂ်းမိူင်းႁူမ်ႈတုမ်ႁဝ်း ၶႃႈ ႁႂ်ႈလႆႈၸူဝ်းၵၼ် ၶိုင်ၶွမ်ႈၶတ်းလူၺ်ႈလၢႆးတၢင်းၼိမ်ယဵၼ်ဢၼ်ႁွင်ႉဝႃႈ (Silent Strike) လႆႈႁၼ်သေႃႇသူၼ်းၵၼ် ၼိူဝ် Social Media ၼိူဝ်ၵၢင်ႁၢဝ် ပေႃးၽူင်ႉၵၼ်လူင်ဝႆႉ။ၶွင်ႇသီႇသိုၵ်းမၢၼ်ႈ ယိုတ်းသိမ်းၸူၼ်ဢဝ် ဢႃႇၼႃႇ ၸိုင်ႈမိူင်းၼႆႉ ႁဵတ်းႁႂ်ႈတုမ်ႉတိူဝ်ႉ ၸဵပ်းသၢင်ႈသႂ်ႇ...

ၵူၼ်းမၢၼ်း ၵေႃႉ႞ ဢၼ်ပၢႆႈၽေးသိုၵ်းမႃးသွၼ်ႈဝႆႉတီႈ ႁူင်းႁဵၼ်းၸၼ်ႉသုင်ၵိင်ႇၽႄ ဢိူင်ႇမိူင်းတၢင်ႈ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၼၼ်ႉ ႁူပ်ႉတၢင်းယၢပ်ႇတႃႇလဵင်ႉလုၵ်ႈ။ မႄႈမၼ်း ၵူၼ်းဝၢၼ်ႈပၢင်ၵွၼ် လႆႈပၢႆႈၽေးသိုၵ်းမႃးသွၼ်ႈဝႆႉ တီႈဢိူင်ႇတၢင်ႇၼႆႉ မီးၶၢဝ်းတၢင်း လၢႆလိူၼ် ပႆႇလႆႈပွၵ်ႈၶိုၼ်းႁိူၼ်းယေး။ တွင်ႉမၼ်းၼၢင်းသမ်ႉၵႄႇ မႃးၵူႈဝၼ်း၊ တူဝ်မၼ်းသမ်ႉ မီးတၢင်းပဵၼ်တႂ် ၾၢႆႇၼိုင်ႈလူဝ်ႇငိုၼ်းတႃႇယူတ်းယႃႇတူဝ်၊ ၾၢႆႇၼိုင်ႈသမ်ႉလူဝ်ႇငိုၼ်း တႃႇ လဵင်ႉလုၵ်ႈ၊ မေႃယႃသမ်ႉဝႃႈ...

ၶၢဝ်းတၢင်းသိုၵ်းမၢၼ်ႈၵုမ်းထိင်း(ယိုတ်း) ဝၢၼ်ႈမိူင်းမႃးၼႆႉ  မီးၸုမ်းယိပ်းၵွင်ႈၵၢင်ႇ ႁဵတ်းႁၢႆႉတေႃႇၵူၼ်းမိူင်းလႄႈပဵၼ်ၸုမ်းဢၼ်ၸၼ်ႉတႅမ်ႇတႄႉတႄႉ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ လၢတ်ႈတီႈပၢင်ၵုမ်လုမ်းႁူဝ်ပဝ်ႈၶွင်ႇသီႇသိုၵ်းၼင်ႇၼႆ။ ပၢင်ၵုမ်ၼၼ်ႉၸတ်းႁဵတ်းမိူဝ်ႈဝၼ်းတီႈ 13 လိူၼ်တီႊသႅမ်ႊပိူဝ်ႊ သေ ၸွမ်ၸိၵ်းသိုၵ်းမၢၼ်ႈ မလဢ လၢတ်ႈတီႈပၢင်ၵုမ်ၼၼ်ႉဝႃႈ- ၸုမ်းဢၼ်ယိပ်းၵွင်ႈသေ ၸႂ်ႉလၢႆးႁုၵ်ႉႁၢႆႉပိုတ်းယိုဝ်းတိုၵ်းတေႃးတေႃႇၵူၼ်းမိူင်း ႁဵတ်းႁႂ်ႈၵူၼ်းမိူင်းၵူဝ်ႁႄၼႆႉ ပဵၼ်ၸုမ်းဢၼ်ၸၼ်ႉတႅမ်ႇတႄႉတႄႉ။ ပၢၼ်ဝၢၼ်ႈမိူင်းတီႊမူဝ်ႊၵရေႊသီႊၼႆႉ ဢၼ်ႁဵတ်းႁၢႆႉလွၵ်ႇငိုတ်ႈၵူၼ်းမိူင်းႁႂ်ႈၵူဝ်ၼႆႉ ပဵၼ်လၢႆးႁဵတ်းဢၼ်သၢၼ်ၶတ်းၵၼ်တင်းပိူင်တီႊမူဝ်ႊၵရေႊသီႊ- ၼႆ သိုဝ်ႇၶၢဝ်ႇၶွင်သိုၵ်းမၢၼ်ႈ ဢၼ်ပဵၼ် မျႃႇဝတီႇ...

ဝၼ်းတီႈ 14/12/2021 မိူဝ်ႈၼႆႉယၢမ်းၵၢင်ၶမ်ႈမွၵ်ႈ 6 မူင်းပၢႆ မၢၵ်ႇတႅၵ်ႇတီႈႁူင်းႁႅမ်း ပိၼ်ႇလူင်ႇထဵၵ်ႉထႃး ဢၼ်မီႁိမ်းၵျွင်းၽြႃးၵၢင်ဝဵင်း ဝဵင်းၼမ်ႉၶမ်း ။ ဝၢႆးလင်မၢၵ်ႇတႅၵ်ႇ ၸုမ်းပျီႇတူႉၸိတ်ႉ တႂ်ႈသိုၵ်းမၢၼ်ႈ ၵုမ်းၵမ်ၸိူဝ်းၼၼ်ႉႁွတ်ႈထိုင်မႃးသေ တီႉၺွပ်းဢဝ်ၵူၼ်းၼုမ်ႇ 2 ၵေႃႉ ဝႃႈၼႆ။ ၽူႈၸၢႆး ၵူၼ်းၼမ်ႉၶမ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“ဝၢႆးလင်မၢၵ်ႇတႅၵ်ႇယဝ်ႉ ပျီႇတူႉၸိတ်ႉၶဝ်ထိုင်မႃးတီႈႁူင်းႁႅမ်းၼၼ်ႉသေ ႁၼ်ၵူၼ်းၼုမ်ႇ 2 ၵေႃႉၶီႇရူတ်ႉၶိူင်ႈလတ်းမႃးလႄႈ ႁႄႉသေတီႉဢဝ်ၵူၼ်းၼုမ်ႇၼၼ်ႉၵႂႃႇၶႃႈဢေႃႈ။...