ၵူႈလွင်ႈလွင်ႈ

ပီႈၼွင်ႉတၵ်ႉၵႃႇသတ်ႉထႃး ဢိူင်ႇၶိူဝ်းၼိမ်း ၸႄႈဝဵင်းလႃႈသဵဝ်ႈ တေလုမ်းလႃးၶၢပ်ႈတူဝ် ၸဝ်ႈသြႃႇ ပၺ်ၺႃၸေႃးတ ဝတ်ႉၶိူဝ်းၼိမ်း တႃႇၶၢဝ်းတၢင်း 5 ဝၼ်း။ ၵူၼ်းႁၢႆႉ/ ၸုမ်းဢမ်ႇႁူႉၾၢႆႇ 2 ၵေႃႉ ၶဝ်ႈယိုဝ်းၸဝ်ႈတူၼ်ၶူး ၸဝ်ႈသြႃႇပၺ်ၺႃၸေႃးတ ၸဝ်ႈၵွၼ်းဝတ်ႉၶိူဝ်းၼိမ်း ဢိူင်ႇၶိူဝ်း ၼိမ်း ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ လူႉလွၼ်ႇၵႂႃႇထင်တီႈ တီႈၼႂ်းဝၢင်းဝတ်ႉ မိူဝ်ႈဝၼ်းတီႈ 20/10/2019...

ႁၢၼ်ႉၶၢႆၼမ်ႉမၼ်းရူတ်ႉ တၢင်းၶဝ်ႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ ၺႃးၵူၼ်း ဢဝ်မၢၵ်ႇပွမ်းပွမ် လွၵ်ႇငိုတ်ႈ ၼႂ်းႁွင်ႈၼမ်ႉသေ သူင်ႇလိၵ်ႈ ယွၼ်းငိုၼ်း 10 သႅၼ်ပျႃး ဝႃႈၼႆ။ မိူဝ်ႈၼႆႉ ဝၼ်းတီႈ 21/10/2019 ယၢမ်းၵၢင်ၼႂ် ႁၢၼ်ႉၶၢႆၼမ်ႉမၼ်း DENKO ဢၼ်ပိုတ်ႇဝႆႉႁိမ်းဝၢၼ်ႈၶူဝ်ဢုင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၺႃးၵူၼ်း/ ဢဝ်မၢၵ်ႇပွမ်းပွမ်လွၵ်ႇငိုတ်ႈ ပၼ်လိၵ်ႈယွၼ်းငိုၼ်း 10...

ႁၢင်ပီႈ 2019 ၼႆႉ ၶႄႇ ထႆး ၼပ်ႉႁူဝ်မိုၼ်ႇၶဝ်ႈမႃး ၼႂ်းဝဵင်းတႃႈၶီႈလဵၵ်းသေ ႁဵတ်းၵၢၼ်ပၢႆးမၢၵ်ႈမီး - ၵၢၼ်တေႃႇလွင်း၊ ၵၢၼ်ႁူင်းႁႅမ်း၊ ၵၢၼ်ပႂ်ႉၶွမ်ႊၽိဝ်ႊတိူဝ်ႊ တွပ်ႇလၢတ်ႈၵၢၼ်လဵၼ်ႈလွင်း ၼိူဝ် ဢွၼ်ႊလၢႆႊ  Internet ၸိူဝ်းၼႆႉ ။ ႁွင်ႈၵၢၼ်လူင် ၾၢႆႇ တွင်ႈတဵဝ်းဢႅဝ်ႇယဵမ်ႈ လႄႈ ၵၢၼ်ႁူင်းႁႅမ်း မိူင်းႁူမ်ႈတုမ်မၢၼ်ႈ လူင်ပွင်ၸိုင်ႈ...

မိူဝ်ႈၼႆႉ ဝၼ်းတီႈ 20/10/2019 ယၢမ်းႁူဝ်ၶမ်ႈ မွၵ်ႈ 6:45 မူင်းၼၼ်ႉ ၵူၼ်းႁၢႆႉ ၶဝ်ႈယိုဝ်း ၸဝ်ႈတူၼ်ၶူး ပၺ်ၺႃၸေႃးတ ၽူႈၵွၼ်းဝတ်ႉၶိူဝ်းၼိမ်း ဢႃယု 45 ပီ ဝႃႇသႃ 25 ဝႃႇ တီႈၼႂ်းဝၢင်းဝတ်ႉၶိူဝ်းၼိမ်း ဢိူင်ႇၶိူဝ်းၼိမ်း ၸႄ  ႈဝဵင်း လႃႈသဵဝ်ႈ ၸိုင်ႈတႆးပွတ်းႁွင်ႇ။ ၸၢႆးႁၢၼ်ႇ...

ၵူၼ်းမိူင်းၶႄႇ 5 ၵေႃႉ ပွမ်တူဝ်ပဵၼ်ပလိၵ်ႈမၢၼ်ႈသေ လၵ်ႉၶဝ်ႈမႃးၼႂ်းၼႃႈလိၼ်ၽွင်းငမ်းတူဝ်ၵဝ်ႇ ၵဝ်ႈၵၢင်ႉ ဝဵင်းလၢဝ်ႇၵၢႆး လႅၼ်လိၼ် တႆး - ၶႄႇ ပလိၵ်ႈမၢၼ်ႈတီႉၺွပ်းၵူတ်ႇထတ်းဝႆႉယူႇ ဝႃႈၼႆ။ ဝၼ်းတီႈ15/10/2019 ယၢမ်းၵၢင်ၶမ်ႈ ပလိၵ်ႈမၢၼ်ႈဝဵင်းလၢဝ်ႇၵၢႆး တီႉၺွပ်းၵူၼ်းၸၢဝ်းၶႄႇ 5 ၵေႃႉ လၵ်ႉၶဝ်ႈမိူင်း တီႈၼႂ်း ၼႃႈလိၼ် သူၺ်ႇသိၼ် ဝဵင်းလၢဝ်ႇၵၢႆး။ ၸေႃႇၶိၼ်ႇဢွင်ႇ ၽူႈၵွၼ်းပလိၵ်ႈၸႄႈမိူင်းတႆး...

ၵူၼ်းဝၢၼ်ႈပၢင်ႇသိမ်ႇ ၽူႈၸၢႆး 2 ၵေႃႉ ႁိမ်ၼမ်ႉၼႃးၵၼ် ထိုင်တီႈၽိတ်းမေႃးၵၼ် ပေႃႉထုပ်ႉ ႁူဝ်ၵၼ်တႅၵ်ႇ ဢွၵ်ႇလိူတ်ႈ။ ဝၼ်းတီႈ 16/10/2019 ယၢမ်းၵၢင်ၼႂ် 9 မူင်း လုင်းၸၢႆးဢွင်ႇပီး ဢႃယု 62 ပီ တင်း လုင်းၸၢႆးၵျေႃႇ ဢႃယု 48 ပီ ၽိတ်းမေႃး ၵၼ်...

ပူႇၵႄႇ မၢၼ်ႈၵွင်း ဢိူင်ႇၼႃးၵုၼ်လူင် ၸႄႈဝဵင်းလႃႈသဵဝ်ႈ ၺႃးၸုမ်းဢမ်ႇႁူႉၾၢႆႇယိုဝ်းတၢႆ။ ဝၼ်းတီႈ 15/10/2019 ယၢမ်းၵၢင်ၼႂ် လုင်းမႃႇၵူး ဢႃယု 60 ပီ ပူႇၵႄႇ/ ၵူၼ်းလူင်ဝၢၼ်ႈ မၢၼ်ႈၵွင်း ၺႃးၸုမ်းဢမ်ႇႁူႉၾၢႆႇ ယိုဝ်း မၢၵ်ႇၵွင်ႈတိူဝ်ႉၸွမ်းတူဝ် 6 ႁွႆးသေ လူႉတၢႆထင်တီႈ တီႈႁိူၼ်းမၼ်းၸၢႆး။ ၸၢႆးထုၼ်း ၸုမ်းၵူၼ်းၼုမ်ႇ ၸွႆႈထႅမ်တူင်ႇဝူင်းၵူၼ်း ၸႄႈဝဵင်းလႃႈသဵဝ်ႈ...

ၵႃးၽႃႇၵၼ် တီႈဝၢၼ်ႈၼွင်ဢေႃႈ ၸႄႈဝဵင်းၵဵင်းတုင် ၼိူဝ်သဵၼ်ႈတၢင်းလူင် ၵဵင်းတုင် - မိူင်းၶၢၵ်ႇ လူႉၵွႆတင်းၼမ်။ မိူဝ်ႈဝၼ်းတီႈ12/10/2019 ယၢမ်းၵၢင်ဝၼ်းၼၼ်ႉ ၵႃးသႅၼ်း Vigo (ဝီႊၵူဝ်ႊ) သီလမ် တင်း ၵႃးမၢၵ်ႉတူး လႄႈ ၵႃးပရူဝ်ႊ ပွၵ်ႉ 3 လမ်း ၽႃႇၵၼ် တီႈဝၢၼ်ႈၼွင်ဢေႃႈ ၼိူဝ်သဵၼ်ႈတၢင်း ၵဵင်းတုင်...

ၾႆးမႆႈ ႁွင်ႈလိုဝ်ႈသဝ်း ၵူၼ်းႁဵတ်းၵၢၼ်လူင်ပွင်ၸိုင်ႈ ၾၢႆႇၵဵပ်းၶွၼ်ႇ တီႈလႅၼ်လိၼ်တႆး - ၶႄႇ ဝဵင်းပၢင်ႇသၢႆး၊ ဢမ်ႇမီး လွင်ႈလူႉတၢႆ။ ဝၼ်းတီႈ 14/10/2019 ယၢမ်းၵၢင်ၶမ်ႈ မွၵ်ႈ 7 မူင်းၶိုင်ႈၼၼ်ႉ ၾႆးၾႃႉသျွတ်ႉသေ မႆႈႁွင်ႈလိုဝ်ႈသဝ်း ၵူၼ်းႁဵတ်းၵၢၼ်လူင် ပွင်ၸိုင်ႈၾၢႆႇၵဵပ်းၶွၼ်ႇ တႃႇ 6 ႁွင်ႈ တီႈဝဵင်းပၢင်ႇသၢႆး ၸႄႈတွၼ်ႈမူႇၸေႊ...

ၸုမ်းၵူၼ်းၼုမ်ႇတႆးၼႂ်းၵဵင်းမႆႇ ႁူမ်ႈၵၼ် သႂ်ႇပၼ်ၾွၼ်ႉ ယူႊၼီႊၶူတ်ႉ (Unicode) ၼႂ်းၾူၼ်း/ မိုဝ်းထိုဝ်လႄႈ ၶွမ်ႊၽိဝ်ႊ တိူဝ်ႊပီႈၼွင်ႉမႃးပွႆးဢွၵ်ႇဝႃႇ ႁိမ်း 100 ၶိူင်ႈ ၼႂ်းဝၼ်းဢွၵ်ႇဝႃႇသႃ။ ဝၼ်းတီႈ 13/10/2019 ယၢမ်းၵၢင်ၼႂ် 9 မူင်း ထိုင် 17 မူင်းႁူဝ်ၶမ်ႈ ယူႇတီႈၵေႃလိၵ်ႈလၢႆးလႄႈၾိင်ႈငႄႈတႆး ၵဵင်းမႆႇ၊ ၸုမ်း IT...

လူင်ပွင်ၸိုင်ႈမိူင်းၵျပၼ်ႊ ပိုၼ်ၽၢဝ်ႇတေႁူမ်ႈမိုဝ်းၵၼ်တင်းၸုမ်းၵူၼ်းမိူင်း  တႃႇၸွႆႈထႅမ်ၵူၼ်းမိူင်း ၸိူဝ်းၺႃးၽေးလူမ်းလႅင်ႉ ႁႃႊၵိပိသ်ႉ ၽတ်ႉပဝ်ႇ သေတိုၵ်ႉၶၢင်ႉၶမ်ဝႆႉၼႂ်းၵႄႈၼမ်ႉထူမ်ႈ။ ထႃႊရူဝ်ႊ ၶူဝ်ႊၼူဝ်ႊ ၽွင်းလူင်ၾၢႆႇၼႂ်းမိူင်း  မိူင်းၵျပၼ်ႊ ပိုၼ်ၽၢဝ်ႇမိူဝ်ႈၼႆႉ ဝၼ်းတီႈ 14/10/2019 ဝႃႈ- “ၶၢဝ်းတၢင်းလမ်ႇလွင်ႈ 72 ၸူဝ်ႈမူင်း( 3 ဝၼ်း)လင်ၺႃးလူမ်းလႅင်ႉၽတ်ႉပဝ်ႇၼႆႉ  ၸုမ်းၸွႆႈထႅမ် တၵ်းလႆႈသႂ်ႇၸႂ်သႂ်ႇႁႅင်း ၸွႆႈထႅမ်ၵူၼ်းမိူင်း ဢၼ်တိုၵ်ႉၶၢင်ႉၶမ်ယူႇၼႂ်းၵႄႈၼမ်ႉထူမ်ႈ ႁႂ်ႈလွတ်ႈၽေးၵူႈၵေႃႉ”...

ဝၼ်းဢွၵ်ႇဝႃႇ ဝၼ်းတိတ်ႉၼႆႉ သင်ၶၸဝ်ႈ 3 တူၼ် ယေႃးမုၼ်ၵႂႃႇပၢင်လူႇတၢၼ်းသင်ၶၸဝ်ႈ ၵႂႃႇယဵပ်ႇၺႃးမၢၵ်ႇမႅင်းၾင်လိၼ် မၢတ်ႇၸဵပ်းတင်း 3 ၸဝ်ႈ။ ဝၼ်းဢွၵ်ႇဝႃႇသႃ ဝၼ်းတီႈ 13/10/2019 ယၢမ်းၵၢင်ၶမ်ႈ 7 မူင်း သင်ၶၸဝ်ႈ 3 တူၼ် ဝၢၼ်ႈပၢင်ႇတမေႃႉ ၵိင်ႇၸေႈဝဵင်းမိူင်းငေႃႉ ၸေႈဝဵင်းၵျွၵ်ႉမႄး   ယေႃးမုၼ်ၵႂႃႇဝၢၼ်ႈလွႆၶလေး ၸေႈဝဵင်းၼမ်ႉသၼ်ႇ ယဵပ်ႇၺႃးမၢၵ်ႇမႅင်းလႄႈသင်ၶၸဝ်ႈမၢတ်ႇၸဵပ်းတင်း...

ၸဝ်ႈသၢင်ႇသွင်ပႃး တီႈဝတ်ႉဝၢၼ်ႈၼမ်ႉ ဢိူင်ႇၵၢတ်ႇထၢႆႈၸေႈဝဵင်းၵဵင်းတုင် လဵၼ်ႈမၢၵ်ႇထုပ်ႉမၢၵ်ႇၾႆးၶၢဝ်းဢွၵ်ႇဝႃႇ တႅၵ်ႇသႂ်ႇၼႃႈတႃမၢတ်ႇၸဵပ်း၊ မိုဝ်းၶၢတ်ႇ လႆႈသူင်ႇယူတ်းယႃတူဝ်ဝႆႉတီႈႁူင်းယႃ။ ဝၼ်းတီႈ 12 /10/2019 ၸဝ်ႈသၢင်ႇ  ၽၼွႆႉသႅင် ဢႃယု 17 ပီလႄႈ ၸဝ်ႈသၢင်ႇဢွၼ်ႇ ၽသၢမ်လႃႈ ဢႃယု 13 ပီ တီႈဝတ်ႉဝၢၼ်ႈၼမ်ႉ  လဵၼ်ႈမၢၵ်ႇထုပ်ႉမၢၵ်ႇၾႆးတႅၵ်ႇသႂ်ႇ ထိုင်တီႈၼိဝ်ႉမိုဝ်းၶၢတ်ႇဝႃႈၼႆ။ ၸၢႆးတိပ်ႉ ၵူၼ်းၵဵင်းတုင်လၢတ်ႈတီႈၽူႈတွႆႇႁွၵ်ႈဝႃႈ - ...

ဝၼ်းလိူၼ်သိပ်းဢဵတ်းမူၼ်း ဝၼ်းဢွၵ်ႇဝႃႇၼၼ်ႉ ႁူင်းၾႆးမိၼ်လုၵ်ႈၼိုင်ႈ တူၵ်းလူင်းမႃးသႂ်ႇ ရူတ်ႉၵႃးဢၼ်ၵိုတ်းဝႆႉၼႂ်းပၢင်ႁူင်းၾႆးမိၼ်ဢဝေႇယႃႇလႄႈၾႆးမႆႈရူတ်ႉၵႃးလမ်းၼိုင်ႈ-ထိုင်ယၢမ်းလဵဝ်ယင်းပႆႇႁၼ်ၸဝ်ႈၶွင်ရူတ်ႉ။ ဝၼ်းတီႈ 13/10/2019 ယၢမ်းၵၢင်ၶိုၼ်း 11 မူင်းၶိုင်ႈ ႁူင်းၾႆးမိၼ်တူၵ်းသႂ်ႇရူတ်ႉၵႃးဢၼ်ၵိုတ်းဝႆႉ 3 လမ်း။ တႃႇသွင်လမ်းတႄႉ တၼ်းပၢႆႈလွတ်ႈသေတႃႉ တႃႇၼိုင်ႈလမ်းတႄႉ ဢမ်ႇႁၼ်ၸဝ်ႈၶွင် ။ တွၵ်ႊတိူဝ်ႊ တၢၼ်းဝိၼ်း ႁူဝ်ပဝ်ႈၸုမ်းမေႃႁဵတ်းႁူင်းၾႆးမိၼ် မိူင်းတႆး လၢတ်ႈတီႈၽူႈတွႆႇႁွၵ်ႈဝႃႈ-  “ပဵၼ်ႁူင်းၾႆးမိၼ်ဢၼ်ပွႆႇဢဵၼ်ႈ ။ ဢမ်ႇၸႂ်ႈႁူင်းၾႆးမိၼ်ဢၼ်တေၶဝ်ႈၶေႉၶဵင်ႇလိူၼ်သိပ်းသွင်ၼႆႉၶႃႈ။...

ႁွင်ႈၵၢၼ်ၾၢႆႇၾိင်ႈၾႃႉမိူင်းၵျပၼ်ႊ ပိုၼ်ၽၢဝ်ႇဝႃႈ လူမ်းလႅင်ႉ တၢႆႊၾုၼ်ႊ ႁႃႊၵိပိသ်ႉ ၵိူတ်ႇၶိုၼ်ႈ ၼိူဝ်ၼႃႈၼမ်ႉ သမုတ်ႉတြႃႇ ပၸိၾိၵ်ႉ  လႆႈဝႃႈပဵၼ်လူမ်းလႅင်ႉ ဢၼ်ႁႅင်းသုတ်းၼႂ်းလုမ်ႈၾႃႉ ၼႂ်းႁွပ်ႈ 60 ပီ ၼိုင်ႈၸူဝ်ႈမူင်းၽတ်ႉပဝ်ႇထိုင် 160 လၵ်း။ ယၢမ်းလဵဝ် တၢႆႊၾုၼ်ႊ ႁႃႊၵိပိသ်ႉ ၼႆႉ မီး ဝၼ်းဢွၵ်ႇမိူင်းၶႄႇ မီးၾၢႆႇၸၢၼ်းမိူင်းၵျပၼ်ႊသေ တူင်ႉၼိုင်ၶိုၼ်ႈၵႂႃႇတၢင်းႁွင်ႇ...