ၵူၼ်းမိူင်းဝီႊယႅတ်ႊၼၢမ်ႊ လၵ်ႉလွမ်ၶဝ်ႈမိူင်း ႁွတ်ႈထိုင်မိူင်းတႆးပွတ်းဢွၵ်ႇ ၺႃးတီႉၼႂ်းၵႄႈ ၵဵင်းတုင်-မိူင်းၶၢၵ်ႇ 4 ၵေႃႉ ပႃးၵူၼ်းၼမ်းတၢင်းၵေႃႉၼိုင်ႈ။
ၸိူဝ်းၶဝ်ၺႃးတီႉမိူဝ်ႈဝၼ်းတီႈ 5/7/2022 ။ လႆႈႁူႉဝႃႈလုၵ်ႉမိူင်းလၢဝ်းမႃး ဢၢၼ်းၵႂႃႇတႃႈၶီႈလဵၵ်း ဝႃႈၼႆ။
ၽွင်းၶၢဝ်းၶူဝ်ႊဝိတ်ႉလၢမ်းၽႄႈ ၵူၼ်းတင်းလုမ်ႈၾႃႉႁၢမ်းၵၢၼ်ငၢၼ်း ယၢပ်ႇၽိုတ်ႇၵၢၼ်ႁႃၵိၼ်လဵင်ႉတွင်ႉ။ ၵူၺ်းၵႃႈတီႈဝဵင်းတႃႈၶီႈလဵၵ်းလႅၼ်လိၼ်တႆး-ထႆးသမ်ႉ ၸဝ်ႈငိုၼ်းသႃး ၵူၼ်းမိူင်းၶႄႇ ၶဝ်ႈမႃးယူႇသဝ်း ႁဵတ်းၵၢၼ်ပၢႆးမၢၵ်ႈမီး တၢင်းဢွၼ်ႊလၢႆႊ။ ၵမ်ႈၼမ်ပဵၼ်ၵူၼ်းဢမ်ႇမီးဝတ်းဝႂ်သင်သေလၵ်ႉလွမ်ယူႇသဝ်း -ဝဵင်းပေႃးၵိုၼ်းၶွၼ်ႈလူင်ဝႆႉ။
ၵူၼ်းၸိူဝ်းၶဝ်ႈႁႃ ယဵတ်ႈမွၼ်လႆႈတီႈ ၸဝ်ႈၼႃႈတီႈ တႂ်ႈသိုၵ်းမၢၼ်ႈၽွင်းငမ်း ၵေႃႈယူႇလွတ်ႈလီငၢမ်း၊ ယင်းပၢႆၶၢတ်ႈႁွင်ႈၶၢတ်ႈ ႁွင်ႈထႅဝ်တင်းတိုၵ်းတင်းထႅဝ်သေ ႁဵတ်းပၢႆးမၢၵ်ႈမီးလႆႈ။
ၸိူဝ်းဢမ်ႇၶဝ်ႈႁႃယဵတ်ႈမွၼ်လႆႈတႄႉသိုၵ်းမၢၼ်ႈၵႆႉၵႆႉ ၶဝ်ႈသွၵ်ႈတီႉၺွပ်း သေပိုၼ်ၽၢဝ်ႇ ႁဵတ်းၽိုၼ်ႁၢႆးငၢၼ်းတေႃႇၵူၼ်းပႃႈၼိူဝ် – ၵူၼ်းတႃႈၶီႈလဵၵ်းလၢတ်ႈၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ