ရူတ်ႉၶိူင်ႈၽႃႇၺႃးရူတ်ႉၵႃးတၢင်ႇၵုၼ်ႇၵိုတ်းဝႆႉႁိမ်းတၢင်း တီႈၸႄႈဝဵင်းဢွင်ႇပၢၼ်း ၵူၼ်းၶပ်းရူတ်ႉၶိူင်ႈတၢႆထင်တီႈ။ မိူဝ်ႈဝၼ်းတီႈ 15/7/2023 ယၢမ်းၶမ်ႈ 10 မူင်းၼၼ်ႉ ၵႃးတၢင်ႇၵုၼ်ႇလမ်းၼိုင်ႈ ၵွႆသေ ၵိုတ်းဝႆႉ ၼိူဝ်သဵၼ်ႈတၢင်းလူင်ပျီႇထွင်ႇၸု(သဵၼ်ႈတၢင်းၵႂႃႇမႃး ဢွင်ႇပၢၼ်း - တူၼ်ႈတီး) တၢင်းၶဝ်ႈဢွၵ်ႇဝဵင်း  ႁိမ်းႁူင်းႁဵၼ်းပိတ်ႉၸုပၼ်ႇ (ပစ္စုပ္ပန်ကျောင်း) တီႈၸႄႈဝဵင်းဢွင်ႇပၢၼ်း သမ်ႉမီးရူတ်ႉၶိူင်ႈလမ်းၼိုင်ႈ ဢမ်ႇၾၢင်ႉမႅၼ်ႈ ႁေႃႈမႃးၽႃႇၺႃးၵႃး၊  ၵူၼ်းႁေႃႈလူႉတၢႆထင်တီႈ ၼႆယဝ်ႉ။ ၸုမ်းၸွႆႈၶႅၵ်ႇလီပၢင်ၸႃႉဢွင်ႇပၢၼ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -...

လုၵ်ႈဢွၼ်ႇၸၢႆးၵိၼ်ၸၢင်ႈလဵင်ႉဝူဝ်းတီႈလႃႈသဵဝ်ႈ 2 ၵေႃႉ ဢၼ်ပႃးၵႂႃႇၸွမ်းရူတ်ႉ 3 လေႃႉသေ ႁၢႆၵႂႃႇလႆႈ 20 ဝၼ်းပၢႆၼၼ်ႉ  ႁၼ်ၶိုၼ်းၵေႃႉၼိုင်ႈ။ လုၵ်ႈဢွၼ်ႇၵေႃႉၼႆႉ ႁၼ်ၶိုၼ်းတီႈၼႂ်းၸႄႈဝဵင်းလႃႈသဵဝ်ႈ မိူဝ်ႈဝႃး ဝၼ်းတီႈ 16/7/2023 ယၢမ်းႁူဝ်ၶမ်ႈ။ ထႅင်ႈၵေႃႉယႂ်ႇ (ဢႃယု 18 )ၼၼ်ႉတႄႉ ပႆႇႁၼ် ၶိုၼ်းဝႃႈၼႆ။ ၵူၼ်းပိုၼ်ႉတီႈၸႄႈဝဵင်းလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ႁၼ်ၶိုၼ်းၵေႃႉလဵၵ်ႉၼၼ်ႉ...

ဢူၺ်းၵေႃႉၵၼ် 2 ၵေႃႉ တီႈဢွင်ႇပၢၼ်း ယဝ်ႉယွၵ်ႇၵၼ် ထိုင်တီႈၸႂ်လမ်သေ တႅင်းၵၼ်တၢႆၵေႃႉၼိုင်ႈ။ မိူဝ်ႈဝၼ်းတီႈ 16/7/2023 ယၢမ်း 11 မူင်း ဢူၺ်းၵေႃႉၵၼ် 2 ၵေႃႉ တီႈပွၵ်ႉၺွင်ႇပိၼ်ႇထွင်ႇ ႁိမ်းၵၢတ်ႇပျီႇသႃႇယႃႇ(တႂ်ႈ) ၸႄႈဝဵင်းဢွင်ႇပၢၼ်း ၵိၼ်ၵျေႃႇယဝ်ႉယွၵ်ႇၵၼ် ထိုင်တီႈၸႂ်လမ်သေ တႅင်းၵၼ် တၢႆၵေႃႉၼိုင်ႈ။ ၸုမ်းၸွႆႈၶႅၵ်ႇလီပၢင်ၸႃႉဢွင်ႇပၢၼ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “  တႆးၵေႃႉၵၼ်...

ပီၼႆႉ ၸဝ်ႈသိလ်ထမ်း ၶူးဝႃးဝုၼ်းၸုမ်ႉ ဢတိတ်ႉထၢၼ်ႇ ၶဝ်ႈဝႃႇသႃ တီႈထမ်ႈၽႃႉပၢတ်ႇ မိူင်းၶၼ် ဝဵင်းမိူင်းလႃးသေ ယွၼ်ႉပၢႆးယူႇလီ ဢမ်ႇတဵမ်ထူၼ်ႈလႄႈ လႆႈၶၢႆႉမႃးၶဝ်ႈဝႃႇသႃ တီႈမိူင်းၽူင်း။ ဝၼ်းတီႈ 11/7/2023 ၼႆႉ ၸဝ်ႈသိလ်ထမ်း ၶူးဝႃးဝုၼ်းၸုမ်ႉ ဢတိတ်ႉထၢၼ်ႇ တႄႇၶဝ်ႈထမ်ႈ တိုဝ်းၵမ်သိလ် ၼႂ်းဝႃႇသႃၶိုၼ်း တီႈထမ်ႈၸၢမ်ပူး ဢိူင်ႇမိူင်းၽူင်း ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း...

ႁႅင်းၵၢၼ်တီႈ ဝဵင်းမူႇၸေႊ 7 ၵေႃႉ ၵိၼ်ၺႃးႁဵပ်းမိူဝ်ႇသေ ပဵၼ်ၶီႈႁၢၵ်ႈသွင်ႁူၼ် လိူဝ်ၸႂ်ႁႅင်းဝႆႉ။ မိူဝ်ႈဝၼ်းတီႈ 11/7/2023 ယၢမ်းႁူဝ်ၶမ်ႈၼၼ်ႉ ၵူၼ်းႁဵတ်းၵၢၼ်တီႈမူႇၸေႊ 7 ၵေႃႉ ၵိၼ်ၺႃးႁဵပ်းမိူဝ်ႇသေ ပၼ်ႇမဝ်းတူၼ်ႉႁၢၵ်ႈ ထိုင်တီႈလႆႈႁၢမ်သူင်ႇယူတ်းယႃ  ။ ၸုမ်းၸွႆႈတူင်ႇဝူင်းၵူၼ်းၵရုၼႃႇမူႇၸေႊလၢတ်ႈတီႈၽူႈတွႆႇႁွၵ်ႈဝႃႈ - “ ၶၢဝ်းၼႆႉ ပဵၼ်ၶၢဝ်းႁဵပ်းလိူင်ႇ။ ဢၼ်ၶဝ်ၵိၼ်ၼႆႉၵေႃႈ ၶဝ်ပိတ်းဢဝ်ၸွမ်းသူၼ်ၸွမ်းႁိူၵ်ႈသေ ႁုင်ၵိၼ်။မိူဝ်ႈၶဝ်ၵိၼ်ၼၼ်ႉ တိုၵ်ႉတူၵ်းၶိုင်ႈၵူၺ်း...

မၢၵ်ႇၵမ်းၵမ်းတႅၵ်ႇ ၸွမ်းႁိမ်းႁူင်းႁႅမ်းလႄႈ ႁၢၼ်ႉၵိၼ်ၵျေႃႇ(Bar) တီႈၸႄႈဝဵင်းလႃႈသဵဝ်ႈ ၵူၼ်းမိူင်းတူၵ်းၸႂ်ၵူဝ်ႁႄ။  သိုၵ်းမၢၼ်ႈယိုတ်းမိူင်းမႃး ၶၢဝ်းတၢင်း 2 ပီပၢႆ မၢၵ်ႇၵမ်းၵမ်းတႅၵ်ႇ ၸွမ်းႁိမ်းႁူင်းႁႅမ်း လႄႈႁၢၼ်ႉၵိၼ်ၵျေႃႇ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ဢမ်ႇမီးၸုမ်းလႂ် ႁႄႉႁၢမ်ႈၵႄႈလိတ်ႈပၼ်လႆႈ  ။ ၵူၼ်းလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ လွင်ႈမၢၵ်ႇၵမ်းၵမ်းတႅၵ်ႇၼႆႉ ၵမ်ႈၽွင်ႈၵေႃႈဝႃႈ ၸုမ်းယိပ်းၵွင်ႈၵၢင်ႇၶဝ် မႃးႁၢင်ႈမၢၵ်ႇ လွၵ်ႇငိုတ်ႈ ။...

မိူဝ်ႈၼႆႉ ဝၼ်းတီႈ 11/7/2023 ၸဝ်ႈၵွၼ်းၸိူင်း (ႁွင်ႉ) ၸဝ်ႈမူဝ်ႁိူင်း ၽူႈႁၢပ်ႇၵၢၼ်ၸိူဝ်ႉၸၢတ်ႈတႆး ၽူႈၼမ်းတပ်ႉသိုၵ်း ၽွမ်ႉ ႁူမ်ႈလုၵ်ႉၽိုၼ်ႉၸိုင်ႈတႆး (SURA-Shan United Revolutionary Army) လူႉသဵင်ႈသုတ်းမုၼ် ၶွပ်ႈတဵမ် 32 ပီ ပီႈၼွင်ႉ လုၵ်ႈလၢင်းၼၢင်းမေးလႄႈ လုၵ်ႈၼွင်ႈပွင်ႈပၢႆ ႁူမ်ႈၵၼ် ႁဵတ်းတၢင်းလူႇပၼ် တီႈဝတ်ႉၾႃႉဝဵင်းဢိၼ်း...

ႁၢၼ်ႉၵိၼ်ၵျေႃႇ KTV ၸိုဝ်ႈယႂ်ႇ တႃႈၶီႈလဵၵ်း 5 ႁၢၼ်ႉ ၺႃးသင်ႇဢိုတ်းဝႆႉ ၸူဝ်ႈၶၢဝ်း။ ၼႂ်းဝၼ်းတီႈ 6 လိူၼ်ၵျူႊလၢႆႊၼႆႉ ပလိၵ်ႈမၢၼ်ႈလႄႈ ႁွင်ႈၵၢၼ်လၢႆလၢႆဢၼ် ဢၼ်ယူႇတႂ်ႈသိုၵ်းမၢၼ်ႈ လူင်းပိုၼ်ႉတီႈ ၵူတ်ႇထတ်း ႁၢၼ်ႉၵိၼ်ၵျေႃႇလၢႆလၢႆတီႈ ၼႂ်းၸႄႈဝဵင်းတႃႈၶီႈလဵၵ်းသေ ႁၢၼ်ႉလႂ် ဢမ်ႇၸွမ်းပိူင်ၼင်ႇ ၶဝ်တမ်းဝၢင်း ဝႆႉၸိုင် ၺႃးသင်ႇၵိုတ်းဢိုတ်းၵၢၼ် ၸူဝ်ႈၶၢဝ်းဝႃႈၼႆ။ ၵူၼ်းႁဵတ်းၵၢၼ် KTV...

ၸၢႆးလွမ်ႉဝုၼ်း မေႃၵႂၢမ်းတႆး တေႁွင်ႉၵႂၢမ်းႁႃငိုၼ်းၵွင်ၵၢင် ၸွႆႈထႅမ်ၵႃႈယူတ်းယႃပၼ် မေႃတႅမ်ႈၵႂၢမ်း ၸၢႆးလၢဝ်သႂ် ၸဝ်ႈပၢႆး မွၼ်းတႆး ၵိုၵ်းပိုၼ်း ၸိုဝ်ႈသဵင်ယႂ်ႇ ဢၼ်ဢမ်ႇယူႇလီမႃး မီးၶၢဝ်းတၢင်းလိူၼ်ပၢႆယဝ်ႉ။ ပေႃးထိုင်မႃး ဝၼ်းတီႈ 15/7/2023 (ဝၼ်းသဝ်) ယၢမ်းၵၢင်ၶမ်ႈ ၸၢႆးလွမ်ႉဝုၼ်း မေႃၵႂၢမ်းတႆး ၸိုဝ်ႈသဵင်ယႂ်ႇ တေၵႂႃႇႁွင်ႉၽဵင်း ၵႂၢမ်းႁႃငိုၼ်းၵွင်ၵၢင် တီႈႁၢၼ်ႉၶၢႆၶဝ်ႈၽၵ်းတႆး (မိူင်းလႅင်း) ဝဵင်းလူင်မိူင်းၵွၵ်ႇ...

ၵႃးႁူၵ်းလေႃႉတင်းရူတ်ႉၶိူင်ႈပဵၼ်ၽေးၵိုင်ႉၵၢင်ႉ ၽႃႇၵၼ်တီႈမူႇၸေႊ ၵူၼ်းၼုမ်ႇၵေႃႉၼိုင်ႈ  တၢႆထင်တီႈ။ မိူဝ်ႈဝႃး ဝၼ်းတီႈ 9/7/2023 ယၢမ်းႁူဝ်ၶမ်ႈ 5 မူင်းၼၼ်ႉ ၵႃးႁူၵ်းလေႃႉ တင်းရူတ်ႉၶိူင်ႈ ပဵၼ်ၽေးၵိုင်ႉၵၢင်ႉၽႃႇၵၼ် တီႈႁိမ်းပွၵ်ႉတေႃႇယွတ်ႈ ၸႄႈဝဵင်းမူႇၸေႊ ၵူၼ်းၼုမ်ႇၵေႃႉဢၼ်ႁေႃႈရူတ်ႉၶိူင်ႈ လူႉတၢႆထင်တီႈ။ ၸုမ်းၸွႆႈတူင်ႇဝူင်းၵူၼ်းမူႇၸေႊ နှလုံးလှ လၢတ်ႈတီႈၽူႈတွႆႇႁွၵ်ႈဝႃႈ - “ ပဵၼ်ၵႂႃႇတီႈတၢင်းလူင်းၵုင်းတေႃႇယွတ်ႈၼၼ်ႉ။ ၽႂ်ၽိတ်းၽႂ်ထုၵ်ႇတႄႉဢမ်ႇႁူႉ ။ လႅပ်ႈတေႁေႃႈဝႆးတင်းသွင်ၾၢႆႇ။  ...

ၼႂ်းလိူၼ်ၵျူႊလၢႆႊၼႆႉ  သိုၵ်းမၢၼ်ႈ သင်ႇႁႂ်ႈ ၵူၼ်းမိူင်းၸႄႈဝဵင်းတူၼ်ႈတီး တၢင်ႇသဵၼ်ႈသၢႆမၢႆၶႅၵ်ႇပၼ် သပ်းသေးယွႆႈယႅမ်းလိူဝ်ၵဝ်ႇ။ ၼၢင်းယိင်းၵေႃႉဢၼ်မႃးထင်သဝ်းတီႈဝဵင်းတူၼ်ႈတီးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - မိူဝ်ႈၵူႈပွၵ်ႈၼႆ ပေႃးပွင်ႇၶၢဝ်ႇပၼ် ၸိုဝ်ႈလႄႈ မၢတ်ႈပုင်ႇတိၼ်ႇ ၵေႃႈလႆႈယဝ်ႉ။မိူဝ်ႈလဵဝ်သမ်ႉ ၸိုဝ်ႈ ၵေႃႈလႆႈပၼ် ၸိုဝ်ႈၸဝ်ႈႁိူၼ်း ၵေႃႈ တေလႆႈပၼ်။ၸဝ်ႈႁိူၼ်းပဵၼ်ၽႂ် ယူႇလႂ် ႁဵတ်းၵၢၼ်သင်ၸိူဝ်းၼႆႉ လႆႈလၢတ်ႈပၼ်မူတ်း ။ ယဝ်ႉၵေႃႈ ၶႅပ်းႁၢင်ႈႁဝ်းၵေႃႈ...

ၼႂ်းလိူၼ်ၵျုၼ်ႊပူၼ်ႉမႃး တီႈဝဵင်းလႃႈသဵဝ်ႈ မီးလွင်ႈမၢၵ်ႇတႅၵ်ႇလၢႆလၢႆၵမ်း၊ မီးလွင်ႈလၵ်ႉၸၵ်ႉၶုတ်ႈၸူၼ်ႁိမ်ၶူဝ်းၶွင်ၵၼ် ပၼ်ႁႃတင်းၼမ်ၵူၺ်းဢမ်ႇၵႃး မီးပႃးထႅင်ႈလွင်ႈရူတ်ႉၵႃး ၵမ်းၵမ်း ၽႃႇၺႃးၵၼ်လႄႈမီးလွင်ႈမၢတ်ႇၸဵပ်းလူႉတၢႆၼမ်။ မိူဝ်ႈဝၼ်းတီႈ 1 လိူၼ်ၵျုၼ်ႊၼၼ်ႉ ၵႃးၽႃႇၵၼ်ၼႂ်းၸႄႈဝဵင်းလႃႈသဵဝ်ႈ ၵူၼ်းတၢႆ 2 ၵေႃႉ မၢတ်ႇၸဵပ်း 12 ၵေႃႉ ၸုမ်းၸွႆႈထႅမ်တူင်ႇဝူင်းၵူၼ်းလၢတ်ႈတီႈၽူႈတွႆႇႁွၵ်ႈၼင်ႇၼႆ။ လိူဝ်ၼၼ်ႉ ဢိင်ၼိူဝ်ၵူၼ်းတိတ်းၸပ်းယႃႈမဝ်းၵမ်လိူင်ႇၼမ် ယူႇၸွမ်းၶၢင်ႈတၢင်း ၼႂ်းဝဵင်းလႃႈသဵဝ်ႈ၊ ၼႂ်းလိူၼ်ၵျုၼ်ႊလိူၼ်လဵဝ် တီႈပွၵ်ႉ 12၊...

ႁေႃလူင်ၵဵင်းတုင်လင်မႂ်ႇ ဢၼ်ယူႇတီႈ ၸွမ်ၸိၵ်းသိုၵ်းမၢၼ်ႈ ယိုတ်းမိူင်း မိၼ်းဢွင်ႇလၢႆႇ ဢွၼ်ႁူဝ်ၵေႃႇသၢင်ႈမႃး ၼၼ်ႉ ယၢမ်းလဵဝ် ယဝ်ႉတူဝ်ႈၵႂႃႇ 60 - 70% ယဝ်ႉလႄႈ ဢၢၼ်းဝႆႉ တေၵေႃႇသၢင်ႈႁႂ်ႈယဝ်ႉ ဝၢႆးဢွၵ်ႇဝႃႇသႃၼႆႉ။ ႁေႃလူင်ၵဵင်းတုင် လင်မႂ်ႇ ဢၼ်ၵေႃႇသၢင်ႈတီႈမႂ်ႇ ႁႂ်ႈမိူၼ်ႁေႃၵဝ်ႇၶိုၼ်းၼႆႉ တႄႇၵေႃႇသၢင်ႈႁဵတ်းမႃး မိူဝ်ႈလိူၼ်ၵျုၼ်ႊ 2022 ။ တေဢၢၼ်းၵေႃႇသၢင်ႈႁႂ်ႈယဝ်ႉ...

လုၵ်ႈဢွၼ်ႇၸၢႆးၵိၼ်ၸၢင်ႈလဵင်ႉဝူဝ်းတီႈၸႄႈဝဵင်းလႃႈသဵဝ်ႈ 2 ၵေႃႉ ႁၢႆၵႂႃႇလႆႈ 10 ဝၼ်းပၢႆ ယဝ်ႉ သွၵ်ႈႁႃပႆႇႁၼ်ၶိုၼ်း။ လုၵ်ႈဢွၼ်ႇၼႆႉႁၢႆၵႂႃႇၸဵမ်မိူဝ်ႈ ဝၼ်းတီႈ 25/6/2023 ။ တင်းသွင်ၵေႃႉလုၵ်ႉတၢင်းဝၢၼ်ႈ မႃးၵိၼ်ၸၢင်ႈလဵင်ႉဝူဝ်း တီႈဢိူင်ႇၼမ်ႉပွင်ႈ ၸႄႈဝဵင်းလႃႈသဵဝ်ႈ၊ တေႃႇထိုင်ယၢမ်းလဵဝ်ႁၢႆၵႂႃႇလႆႈ 10 ဝၼ်းပၢႆ ယဝ်ႉ ယင်းပႆႇႁၼ်ၶိုၼ်း။ ၵူၼ်းပိုၼ်ႉတီႈၸႄႈဝဵင်းလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ လုၵ်ႈဢွၼ်ႇဢၼ်ႁၢႆၵႂႃႇၼႆႉ ပဵၼ်လုၵ်ႈဢွၼ်ႇ...

Mark Zuckerberg ၸဝ်ႈၶွင် ၾဵတ်ႉသ်ပုၵ်ႉ လႄႈၶွမ်ႊပၼီႊ မေႊတႃႊ ႁဵတ်းဢွၵ်ႇ ဢႅပ်ႉပလီႇၵေးသျိၼ်း Threads သေပိုၼ်ၽၢဝ်ႇဝၼ်းတီႈ 6 လိူၼ်ၵျူႊလၢႆႊၼႆႉ။ ႁၢင်ႈဢႅပ်ႉပလီႇၵေးသျိၼ်း Threads ၼႆႉပဵၼ် တူဝ်လိၵ်ႈ a သေမီးဢၼ်ပၼ်ႇႁွပ်ႈဝႆႉ ။ မၼ်းၸၢႆးတၢင်ႇဝႆႉဝႃႈ ယူႇတီႈ ဢႅပ်ႉပလီႇၵေးသျိၼ်း Threads သေ ယိၼ်းလီႁပ်ႉတွၼ်ႈ...