Wednesday, June 19, 2024

ၵႃးတၢင်ႇႁႅင်းၵၢၼ်ယၢၼ်မိူင်းၽႃႇၺႃးၵႃးတၢင်ႇမႆႉ မီးလွင်ႈမၢတ်ႇၸဵပ်းလူႉတၢႆ

Must read

ၵႃးတၢင်ႇႁႅင်းၵၢၼ်ယၢၼ်မိူင်းလမ်းၼိုင်ႈ ပဵၼ်ၽေးၵိုင်ႉၵၢင်ႉ ၽႃႇၺႃးၵႃး 10 လေႃႉ လမ်းၼိုင်ႈ လႄႈ မီးၵူၼ်းတၢႆ ၵေႃႉၼိုင်ႈမၢတ်ႇၸဵပ်း 5 ၵေႃႉ တီႈဝဵင်းၵၢၼ်ႊၶျၼပူႊရီႊ မိူင်းထႆး။

ၸဝ်ႈၼႃႈတီႈမႃးၸွႆႈႁႅင်းၵၢၼ်ဢၼ်ထူပ်းၽေးရူတ်ႉပိၼ်ႈသေမၢတ်ႇၸဵပ်းဝႆႉ

မိူဝ်ႈဝႃး ဝၼ်းတီႈ 16/8/2023 ယၢမ်းၵၢင်ၼႂ် ၼႃႈလုမ်းတေႃႉသူင်ႇ(ၶူၼ်သူင်ႇ) ဝဵင်းၵၢၼ်ႊၶျၼပူႊရီႊ ၵႃးတၢင်ႇႁႅင်းၵၢၼ်ၽႃႇၺႃးရူတ်ႉၵႃး 10 လေႃႉလမ်းၼိုင်ႈသေ ၵႃးတၢင်ႇႁႅင်းၵၢၼ်ယၢၼ်မိူင်း ပိၼ်ႈၶွမ်ႈမၢတ်ႇၸဵပ်းလူႉတၢႆ။

- Subscription -

ၽိူဝ်ႇႁဝ်းၶႃႈၵႂႃႇႁၼ် ၵူၼ်းမၢတ်ႇၸဵပ်းႁႅင်းမီး 5 ၵေႃႉ။ ႁၼ်ၼၢင်းယိင်းၵေႃႉၼိုင်ႈ မၢတ်ႇၸဵပ်းႁႅင်းသေတၢႆဝႆႉ ၊ ၼႂ်းဢွမ်ႈၵွတ်ႇမၼ်းမီးဝႆႉလုၵ်ႈဢွၼ်ႇ ဢႃယုမွၵ်ႈ 6 ၶူပ်ႇၵေႃႉၼိုင်ႈ။ ၸိူဝ်းၶဝ်ပဵၼ်ႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ ။ ၸိူဝ်းၶဝ်ပဵၼ်တင်းၵၢၼ်ၵူႈၵေႃႉယူႇၶႃႈ။ ၶဝ်မီးဝတ်းဝႂ်ၵူႈၵေႃႉယူႇ ” – ၸုမ်းၸွႆႈထႅမ်ၵူၼ်းမၢတ်ႇၸဵပ်းလူႉတၢႆ ၵေႃႉၼိုင်ႈလၢတ်ႈၼင်ႇၼႆ။

တီႈႁိမ်းရူတ်ႉၵႃးၶဝ်ဢၼ်ပိၼ်ႈၶွမ်ႈဝႆႉၼၼ်ႉသမ်ႉ မီးဝႆႉၵႃး 10 လေႃႉတၢင်ႇမႆႉလမ်းၼိုင်ႈ ။ ၵူၼ်းႁေႃႈရူတ်ႉ 10 လေႃႉလၢတ်ႈဝႃႈ – “ဢၢၼ်းမႃးသူင်ႇမႆႉတီႈဝဵင်းၵၢၼ်ႊၶျၼ ပူႊရီႊ။ ၽိူဝ်ႇထိုင်တီႈတၢင်းၽႄၼၼ်ႉ မီးၵႃးလမ်းၼိုင်ႈမႃးၽႃႇသႂ်ႇၵူၼ်ႈရူတ်ႉ။ ၽိူဝ်ႇလူင်းၵႂႃႇတူၺ်းလႆႈႁၼ် ၵႃးတၢင်ႇတူဝ်ႇယူဝ်ႇတႃႇဢၼ်တၢင်ႇၵူၼ်းမႃးၼၼ်ႉပိၼ်ႈဝႆႉသေမီးၵူၼ်းမၢတ်ႇၸဵပ်းပႃး။ လႅပ်ႈတေၵူၼ်းႁေႃႈရူတ်ႉၶဝ်ငဝ်လပ်းႁိုဝ် ဢမ်ႇၼၼ်ႁေႃႈဝႆးႁိုဝ် ၸိူဝ်းၼႆႉယူဝ်ႉ ” ဝႃႈၼႆ။

ၵူၼ်းႁေႃႈရူတ်ႉၵႃးဢၼ်တၢင်ႇႁႅင်းၵၢၼ်မႃးသေမႃးပိၼ်ႈၶွမ်ႈၼၼ်ႉၵေႃႈ ပဵၼ်ႁႅင်းၵၢၼ်ၵူၺ်းၼင်ႇၵဝ်ႇ။ ယၢမ်းလဵဝ်မၢတ်ႇၸဵပ်းႁၢဝ်ႈႁႅင်းသေ လႆႈယူတ်းယႃတူဝ်ဝႆႉလႄႈပေႃးၸိုၼ်ႈၶႅၼ်းမႃး ၸဝ်ႈၼႃႈတီႈၸင်ႇတေသိုပ်ႇထတ်းထၢမ်တူၺ်းတူၺ်းထႅင်ႈ- ၶၢဝ်ႇထႆးႁၢႆးငၢၼ်းဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း