ႁေႃလူင်ၵဵင်းတုင်လင်မႂ်ႇ ဢၼ်ယူႇတီႈ ၸွမ်ၸိၵ်းသိုၵ်းမၢၼ်ႈ ယိုတ်းမိူင်း မိၼ်းဢွင်ႇလၢႆႇ ဢွၼ်ႁူဝ်ၵေႃႇသၢင်ႈမႃး ၼၼ်ႉ ယၢမ်းလဵဝ် ယဝ်ႉတူဝ်ႈၵႂႃႇ 60 - 70% ယဝ်ႉလႄႈ ဢၢၼ်းဝႆႉ တေၵေႃႇသၢင်ႈႁႂ်ႈယဝ်ႉ ဝၢႆးဢွၵ်ႇဝႃႇသႃၼႆႉ။ ႁေႃလူင်ၵဵင်းတုင် လင်မႂ်ႇ ဢၼ်ၵေႃႇသၢင်ႈတီႈမႂ်ႇ ႁႂ်ႈမိူၼ်ႁေႃၵဝ်ႇၶိုၼ်းၼႆႉ တႄႇၵေႃႇသၢင်ႈႁဵတ်းမႃး မိူဝ်ႈလိူၼ်ၵျုၼ်ႊ 2022 ။ တေဢၢၼ်းၵေႃႇသၢင်ႈႁႂ်ႈယဝ်ႉ...

လုၵ်ႈဢွၼ်ႇၸၢႆးၵိၼ်ၸၢင်ႈလဵင်ႉဝူဝ်းတီႈၸႄႈဝဵင်းလႃႈသဵဝ်ႈ 2 ၵေႃႉ ႁၢႆၵႂႃႇလႆႈ 10 ဝၼ်းပၢႆ ယဝ်ႉ သွၵ်ႈႁႃပႆႇႁၼ်ၶိုၼ်း။ လုၵ်ႈဢွၼ်ႇၼႆႉႁၢႆၵႂႃႇၸဵမ်မိူဝ်ႈ ဝၼ်းတီႈ 25/6/2023 ။ တင်းသွင်ၵေႃႉလုၵ်ႉတၢင်းဝၢၼ်ႈ မႃးၵိၼ်ၸၢင်ႈလဵင်ႉဝူဝ်း တီႈဢိူင်ႇၼမ်ႉပွင်ႈ ၸႄႈဝဵင်းလႃႈသဵဝ်ႈ၊ တေႃႇထိုင်ယၢမ်းလဵဝ်ႁၢႆၵႂႃႇလႆႈ 10 ဝၼ်းပၢႆ ယဝ်ႉ ယင်းပႆႇႁၼ်ၶိုၼ်း။ ၵူၼ်းပိုၼ်ႉတီႈၸႄႈဝဵင်းလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ လုၵ်ႈဢွၼ်ႇဢၼ်ႁၢႆၵႂႃႇၼႆႉ ပဵၼ်လုၵ်ႈဢွၼ်ႇ...

Mark Zuckerberg ၸဝ်ႈၶွင် ၾဵတ်ႉသ်ပုၵ်ႉ လႄႈၶွမ်ႊပၼီႊ မေႊတႃႊ ႁဵတ်းဢွၵ်ႇ ဢႅပ်ႉပလီႇၵေးသျိၼ်း Threads သေပိုၼ်ၽၢဝ်ႇဝၼ်းတီႈ 6 လိူၼ်ၵျူႊလၢႆႊၼႆႉ။ ႁၢင်ႈဢႅပ်ႉပလီႇၵေးသျိၼ်း Threads ၼႆႉပဵၼ် တူဝ်လိၵ်ႈ a သေမီးဢၼ်ပၼ်ႇႁွပ်ႈဝႆႉ ။ မၼ်းၸၢႆးတၢင်ႇဝႆႉဝႃႈ ယူႇတီႈ ဢႅပ်ႉပလီႇၵေးသျိၼ်း Threads သေ ယိၼ်းလီႁပ်ႉတွၼ်ႈ...

ၽွင်းဝၢၼ်ႈမိူင်းသုၵ်ႉယုင်ႈ ၵူၼ်းမိူင်းႁူမ်ႈတုမ်ၼပ်ႉႁူဝ်လၢၼ်ႉ လႆႈပၢႆႈၽေးသိုၵ်းမၢၼ်ႈယူႇၼႆႉ တီႈမိူင်းထႆးတႄႉ - ၼႂ်းသဵၼ်ႈမၢႆၵူၼ်းၼွၵ်ႈမိူင်း ဢၼ်သိုဝ်ႉႁွင်ႈႁိူၼ်းတီႈယူႇ (ၶွၼ်ႊတူဝ်ႊမီႊၼီႊယမ်ႊ) ၵႃႈယႂ်ႇသေ ယူႇသဝ်းၼႆႉ ပႃးၵူၼ်းမိူင်းမၢၼ်ႈတင်းၼမ်ၼႆ ၸုမ်းၵႃႉၶၢႆႁွင်ႈႁိူၼ်း မိူင်းထႆး ဢွၼ်ၵၼ်တႅမ်ႈတၢင်ႇထတ်းသၢင်ဝႆႉၼင်ႇၼႆ။ ၵူၼ်းမိူင်းမၢၼ်ႈ ဢၼ်ႁဵတ်းၵၢၼ်ၸွႆႈႁႃသိုဝ်ႉႁွင်ႈႁိူၼ်း(ၶွၼ်ႊတူဝ်ႊ) ၼႂ်းဝဵင်းလူင်ၵုင်းထဵပ်ႈၵေႃႉၼိုင်ႈလၢတ်ႈဝႃႈ - ႁွင်ႈၶွၼ်ႊတူဝ်ႊ ဢၼ်ၵူၼ်းသူင်ၵၼ်သိုဝ်ႉ ယၢမ်းလဵဝ် ၼိုင်ႈႁွင်ႈ တေမီးၵႃႈၶၼ် ၼႂ်းၵႄႈ 6...

ၵႃးတၢင်ႇမၢၵ်ႇၵွင်ႈၸိုၼ်းယၢမ်းလမ်းၼိုင်ႈ ၾႆးမႆႈတီႈၼိူဝ်သဵၼ်ႈတၢင်း ၼႂ်းၵႄႈၵေးသီး - မိူင်းၵၢဝ် ၵူၼ်းႁေႃႈၵႃး ႁၢႆဝႆႉ။ မိူဝ်ႈဝၼ်းတီႈ 3/7/2023 ပူၼ်ႉမႃးၼႆႉ ၵႃးသႅၼ်း ဢႅဝ်လ်ႊၽၢတ်ႊ Alphard လမ်းၼိုင်ႈ ဢၼ်တၢင်ႇမၢၵ်ႇၵွင်ႈၸိုၼ်းယၢမ်းဝႆႉၼၼ်ႉ ၾႆးမႆႈယူႇၼိူဝ်သဵၼ်ႈတၢင်း ၼႂ်းၵႄႈ မိူင်းၵၢဝ် - ၵေးသီး ၸႄႈဝဵင်းၵေးသီး ၸႄႈတွၼ်ႈလွႆလႅမ် ၵူၼ်းႁေႃႈၵႃးတႄႉ ႁၢႆဝႆႉၼႆယဝ်ႉ။ ၵူၼ်းၼႂ်းပိုၼ်ႉတီႈၵေးသီးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

ၵူၼ်းမိူင်းၾၢင်သွင်ၵေႃႉၽူဝ်မေး ၽိတ်းမေႃးထဵင်ၵၼ်ယွၼ်ႉပိူဝ်ႈၶႅၼ်ၵၼ်သေ ၵေႃႉပဵၼ်မေးတႅင်းၽူဝ်တၢႆၵၢင်ဝၢၼ်ႈ   ။ မိူဝ်ႈၼႆႉ ဝၼ်းတီႈ 5/7/2023 ယၢမ်းၵၢင်ဝၼ်း သွင်ၽူဝ်မေး ၵူၼ်းဝၢၼ်ႈႁူၺ်ႈမၢၵ်ႇလဵမ်ႉ ဢိူင်ႇမွၼ်ႉပိၼ်ႇ ဝဵင်းမိူင်းၾၢင် ၸႄႈတွၼ်ႈၵဵင်းမႂ်ႇၸိုင်ႈထႆး  ၽိတ်းမေႃးၵႂၢမ်းၼမ်ၵၼ်ႁၢဝ်ႈႁႅင်း  ၵေႃႉပဵၼ်မေးၼႄးၽူဝ်မီးၸူႉၼႆသေ တႅင်းၽူဝ်တၢႆၵၢင်ဝၢၼ်ႈ။  သိုဝ်ႇထႆးၵဵင်းမႂ်ႇၼိဝ်းသ်ဢွၵ်ႇဝႆႉဝႃႈ - “ ၵူၼ်းဝၢၼ်ႈလႄႈၵေႃႉပဵၼ်မေးၼၢင်းၼၼ်ႉလၢတ်ႈဝႃႈ - ၵေႃႉပဵၼ်ၽူဝ် လၵ်ႉလဵၼ်ႈၼၢင်းယိင်းၵူၼ်းၼႂ်း ဝၢၼ်ႈလဵဝ်ၵၼ်။  ၵေႃႉပဵၼ်မေးၼၢင်းႁူႉၵႂႃႇသေ ဢမ်ႇႁၢၼ်ႉၸႂ်လႄႈ...

ၵူၼ်းႁဵတ်းၵၢၼ် ပိၼ်ႇၽႃႇသႃႇ တီႈမူႇၸေႊ လႅၼ်လိၼ်တႆး-ၶႄႇ ႁၢမ်းငိုၼ်းလိူၼ်  3 လိူၼ်ပၢႆ ထိုင်မိူဝ်ႈလဵဝ်ပႆႇလႆႈ ယူႇယၢပ်ႇၵိၼ်းၸႂ်။ ၸဵမ်မိူဝ်ႈ ပိုတ်ႇၽၵ်းတူၶဝ်ႈမိူင်း လႅၼ်လိၼ်တႆး-ၶႄႇမႃး ၶၢဝ်းတၢင်း 3 လိူၼ်ပၢႆ ၵူၼ်းႁဵတ်းၵၢၼ် ပိၼ်ႇၽႃႇသႃႇ(ႁိုဝ်) လၢမ်ႈ ဢၼ်ၾၢႆႇလူင်ပွင်ၸိုင်ႈၶႄႇ ပၼ်ပုၼ်ႈၽွၼ်းဝႆႉၸိူဝ်းၼၼ်ႉ ၶၢတ်ႇငိုၼ်းလိူၼ်မႃး ထိုင်မိူဝ်ႈလဵဝ် ပႆႇယွၼ်းလႆႈ ၼႆယဝ်ႉ။ ၵူၼ်းၼႂ်းပိုၼ်ႉတီႈမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ...

ၾႆးမႆႈႁၢၼ်ႉၶၢႆၵုၼ်ႇယွႆႈ ထပ်းၵၼ် 2 ႁၢၼ်ႉ  တီႈၸႄႈဝဵင်းတၢင်ႉယၢၼ်း လူႉယႂ်ႇသုမ်းၼမ်။ မိူဝ်ႈဝႃး ဝၼ်းတီႈ 3/7/2023 ယၢမ်းၶမ်ႈ 9 မူင်းၶိုင်ႈၼၼ်ႉ ၾႆးမႆႈႁၢၼ်ႉၶၢႆၵုၼ်ႇယွႆႈႁၢၼ်ႉၼိုင်ႈ ၼႂ်းဝၢၼ်ႈပၢင်ဢုမ် ဢိူင်ႇမိူင်းတွမ်း ၸႄႈဝဵင်းတၢင်ႉယၢၼ်း မီးလွင်ႈလူႉယႂ်ႇသုမ်းၼမ်ၼႆယဝ်ႉ။ ၼၢင်းယိင်းၵူၼ်းၼႂ်းပိုၼ်ႉတီႈတၢင်ႉယၢၼ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ႁၢၼ်ႉၶၢႆၵုၼ်ႇၼၼ်ႉ ၸပ်းတဵၼ်းယုင်းသေယဝ်ႉ လၢမ်းမႆႈပႃးၶူဝ်းၶွင်ၼႂ်းႁၢၼ်ႉ။မႆႈပႅတ်ႈသဵင်ႈမူတ်းဢမ်ႇတၼ်းလႆႈသင်။လိူဝ်ၼၼ်ႉ လၢမ်းမႆႈပႃး ထႅင်ႈႁၢၼ်ႉၼိုင်ႈ။ၵူၺ်းၵႃႈ တၼ်းၶႄလႆႈယူႇၵမ်ႈၽွင်ႈလႄႈ...

ပီၼႆႉ ၸဝ်ႈသိလ်ထမ်း ၶူးဝႃးဝုၼ်းၸုမ်ႉ ယေႃးမုၼ် ၶဝ်ႈထမ်ႈ တိုဝ်းၵမ်သိလ် ၼႂ်းဝႃႇသႃ တီႈၼႃႈလိၼ်ၶိုၵ်ႉတွၼ်းမၢႆ 4 ဝဵင်း မိူင်းလႃး ၸိုင်ႈတႆး ပွတ်းဢွၵ်ႇၶူင်း။ မိူဝ်ႈဝႃး ဝၼ်းတီႈ 2/7/2023 တူၵ်းမႅၼ်ႈလိူၼ်ပႅတ်ႇမူၼ်း (လိူၼ်ပထမ) ယၢမ်းဝၢႆးဝၼ်း ယူႇတီႈ လုၵ်ႈၼွင်ႉပွင်ႈပၢႆ ၸိူဝ်းယူႇတၢင်း မိူင်းၽူင်း၊ တႃႈၶီႈလဵၵ်း၊ မိူင်းလႃး...

မေႃတႅမ်ႈၵႂၢမ်း - ၸၢႆးလၢဝ်သႂ် ၸဝ်ႈပၢႆးမွၼ်းတႆး ၵိုၵ်းပိုၼ်း ၸိုဝ်ႈသဵင်ယႂ်ႇ ဢမ်ႇယူႇလီမႃး မီးၶၢဝ်းတၢင်းလိူၼ်ပၢႆ ယွၼ်ႉတၢင်းပဵၼ်ၵူၼ်းထဝ်ႈ ဝႃႈၼႆ။ ၸၢႆးလၢဝ်သႂ် ၽူႈတႅင်ႇတႅမ်ႈၽဵင်းၵႂၢမ်းတႆး - ၵေႃႉပဵၼ်ပီႈဢၢႆႈလူင် မေႃႁွင်ႉၵႂၢမ်း ၸၢႆးသၢႆမၢဝ်း ၸဝ်ႈပၢႆးမွၼ်း ၵိုၵ်းပိုၼ်း ၸိုင်ႈသဵင်ယႂ်ႇၼၼ်ႉ ယၢမ်းလဵဝ်ပဵၼ်ဝႆႉ ယဵဝ်ႈဝၢၼ်၊ တပ်းလႄႈ ပွတ်ႇၵႂ်ႈသေ...

ၾၢႆႇထတ်းၵူၼ်းၶဝ်ႈမိူင်း (လဝၵ)  မိူင်းၽျၢၵ်ႈ သင်ႇႁႂ်ႈ ၵူၼ်းမိူင်းလူင်းၸိုဝ်ႈပၼ်သဵၼ်ႈမၢႆ တႃႇႁဵတ်းမၢႆၾၢင်( မၢတ်ႇပူင်ႇတိၼ်ႇ) သမၢတ်ႉၵၢတ်ႉ Smart Card။ ၼႂ်းဝူင်ႈၼႆႉ ၾၢႆႇထတ်းၵူၼ်းၶဝ်ႈမိူင်း လဝၵ ( လူဝင်မူကြီးကြပ်ရေးနှင့်ပြည်သူ့အင်အားဝန်ကြီးဌာန) တီႈမိူင်းၽျၢၵ်ႈ ၸိုင်ႈတႆးပွတ်းဢွၵ်ႇ ဢၼ်ယူႇတႂ်ႈသိုၵ်းမၢၼ်ႈ သင်ႇႁႂ်ႈၵူၼ်းမိူင်းၵႂႃႇပၼ်သဵၼ်ႈမၢႆလူင်းၸိုဝ်ႈ တီႈလုမ်းသေ လၢတ်ႈဝႃႈ တေႁဵတ်းပၼ်မၢႆၾၢင်ဝႂ်ၶႅင်(ႁိုဝ်) သမၢတ်ႉၵၢတ်ႉ ။ ၵူၼ်းမိူင်းၽျၢၵ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -...

ၵႃးတင်းရူတ်ႉၶိူင်ႈၽႃႇၵၼ်တီႈသႅၼ်ဝီ ၵူၼ်းၸၢႆးၵေႃႉၼိုင်မၢတ်ႇၸဵပ်းႁၢဝ်ႈႁႅင်း ၶႃႁၢၵ်း လႆႈႁၢမ်သူင်ႇႁူင်းယႃ။ မိူဝ်ႈဝႃး ဝၼ်းတီႈ 28/6/2023 ယၢမ်းၵၢင်ဝၼ်း 12 မူင်းပၢႆၼၼ်ႉ ၵႃးတင်းရူတ်ႉၶိူင်ႈၽႃႇၵၼ်ၼိူဝ်သဵၼ်ႈတၢင်း သႅၼ်ဝီ-လႃႈသဵဝ်ႈ တီႈဝၢၼ်ႈၼမ်ႉႁူးတဝ်ႇ ၸႄႈဝဵင်းသႅၼ်ဝီ  ။ ၸုမ်းၸွႆႈတူင်ႇဝူင်းၵူၼ်းသႅၼ်ဝီ(အနှိုင်းမဲ့ကုသိုလ်)လၢတ်ႈတီႈၽူႈတွႆႇႁွၵ်ႈဝႃႈ -  “ ၵႃးတင်းရူတ်ႉၶိူင်ႈ ၽႃႇၵၼ်ႁႅင်း။  ၵႃးလမ်းၼၼ်ႉ လႅပ်ႈတေလူင်းၵႂႃႇတၢင်းလႃႈသဵဝ်ႈ။ ရူတ်ႉၶိူင်ႈၼၼ်ႉတႄႉ လုၵ်ႉတၢင်းလႂ်မႃး တေၵႂႃႇတၢင်းလႂ် ဢမ်ႇတၼ်းလႆႈႁူႉ။...

ၽူႈလႅၼ်ႇၵၢၼ်မိူင်း ၸၢတ်ႈၸိုင်ႈလုမ်ႈၾႃႉ UN ၸီႉၸႅင်ႈထိုင်တၢင်းတၼ်ၵၢၼ်ၵႄႈလိတ်ႈပၼ်ႁႃၼႂ်းမိူင်းမၢၼ်ႈ ဝူင်ႇဝွၵ်ႇထိုင်ၽူႈၼမ်းၶွင်သိုၵ်းမၢၼ်ႈတၵ်းလႆႈႁပ်ႉၽိတ်းထုၵ်ႇ(ဢဝ်ပုၼ်ႈၽွၼ်း) ထူဝ်ႊမသ်း ဢႅၼ်ႊၶရူႊဝ် ၽူႈႁၢႆးငၢၼ်းၶိုၵ်ႉတွၼ်းၶွင်ၸၢတ်ႈၸိုင်ႈလုမ်ႈၾႃႉ ၵဵဝ်ႇလွင်ႈငဝ်းလၢႆးသူၼ်ႇလႆႈၵူၼ်း ၼႂ်း မိူင်းမၢၼ်ႈၵၢဝ်ႇလၢတ်ႈဝႃႈ ၸုမ်းႁူမ်ႈတုမ်ၸၢတ်ႈၸိုင်ႈဢေႊသျိူဝ်ႊၸဵင်ႇၸၢၼ်းဝၼ်းဢွၵ်ႇပွတ်းတႂ်ႈ (ဢႃႊသဵၼ်ႊ) တၵ်းဢမ်ႇထုၵ်ႇလႆႈမီးသူၼ်ႇႁူမ်ႈၸွမ်းၽူႈၼမ်းၶွင်သိုၵ်းမၢၼ်ႈ။ ၵွပ်ႈဢမ်ႇမီးလွင်ႈၶိုပ်ႈၼႃႈ ၼႂ်းလွင်ႈၶပ်းၶိုင်ၵၢၼ် ၸွမ်းၼင်ႇၽႅၼ် 5 ၶေႃႈ ဢၼ်တူၵ်းလူင်းၵၼ်ဝႆႉၼႂ်းဝူင်ႈၵၢင်ၸုမ်းဢႃႊသျဵၼ်ႊ လႄႈလူင်ပွင်ၸိုင်ႈသိုၵ်းမၢၼ်ႈ ႁုပ်ႈ ယိုတ်းဢမ်းၼၢၸ်ႈ မိူဝ်ႈဝၼ်းတီႈ 1 ...

သိုၵ်းမၢၼ်ႈၵဵပ်းသဵၼ်ႈမၢႆႁူဝ်ၵူၼ်းတွၼ်ႈတႃႇပၢင်လိူၵ်ႈတင်ႈ ဢၼ်ၶဝ်ဢၢၼ်းဢွၼ်ၼမ်းၸတ်းႁဵတ်း၊ ယၢမ်းလဵဝ်သိုၵ်းမၢၼ်ႈပိုၼ်ၽၢဝ်ႇဝႃႈ ၵဵပ်းယဝ်ႉ 90 ပိူဝ်ႊသႅၼ်ႊယဝ်ႉသေတႃႉ တေၸတ်းပၢင်လိူၵ်ႈတင်ႈမိူဝ်ႈလႂ်လၢႆးလႂ်ၵေႃႈပႆႇပိုၼ်ၽၢဝ်ႇတႅတ်ႈတေႃး။ ၵူၼ်းမိူင်းတႃႈၵုင်ႈ ဢၼ်ၶဝ်ႈပႃးၼႂ်းၵၢၼ်ၵဵပ်းသဵၼ်ႈမၢႆႁူဝ်ၵူၼ်းၵေႃႉၼိုင်ႈလၢတ်ႈတီႈၶၢဝ်ႇ RFA ဝႃႈ -“ယၢမ်းလဵဝ် ငဝ်းလၢႆးဝၢၼ်ႈမိူင်းသုၵ်ႉယုင်ႈ ၊ သဵၼ်ႈမၢႆႁူဝ်ႁိူၼ်းဢမ်ႇတႅတ်ႈတေႃး၊ သိုၵ်းမၢၼ်ႈလိုပ်ႈလမ်းတီႉၺွပ်းလႄႈ ၵူၼ်းၼုမ်ႇဢၼ်လႆႈပၢႆႈၶဝ်ႈထိူၼ်ႇ၊ ပၢႆႈၵႂႃႇယူႇၼွၵ်ႈမိူင်း၊ ၵမ်ႈၽွင်ႈၶဝ်ႈယူႇၼႂ်းၶွၵ်ႈ၊ ၵူၼ်းဢၼ်တၢႆၼႂ်းပၢင်တိုၵ်းၵေႃႈၼမ်၊ တၢႆၽွင်းၼႄၵၢင်ၸႂ်သၢၼ်ၶတ်းသိုၵ်းမၢၼ်ႈၼၼ်ႉၵေႃႈၼမ်လႄႈ တႃႇတေၵဵပ်းလႆႈသဵၼ်ႈမၢႆတႅတ်ႈတေႃးဢမ်ႇငၢႆႈငၢႆႈ။ ဢမ်ႇဝႃႈတင်းမူတ်းလႃႈ တႃႇ 25...

ၵႃးလမ်းၼိုင်ႈဢၼ်ႁေႃႈမႃးၸွမ်းသၼ်လွႆၼႂ်းၵႄႈတၢင်ႉယၢၼ်းလႄႈပၢင်သၢင်း ၽွင်းႁွတ်ႈထိုင်ႁိမ်းတီႈတေလူင်းလွႆၵႂႃႇၸူးၾင်ႇၼမ်ႉၶူင်းၼၼ်ႉ ၵႃးတူၵ်းႁူၺ်ႈလိုၵ်ႉ ၵူၼ်းၶပ်းရူတ်ႉတၢႆၵေႃႉၼိုင်ႈ။ ဝၼ်းတီႈ 26 လိူၼ်ၵျုၼ်ႊ ဝၼ်းၸၼ်ယၢမ်းႁူဝ်ၶမ်ႈ 5 မူင်း ၵႃးလမ်းၼိုင်ႈႁေႃႈမႃးၸွမ်းသၼ်လွႆၼႂ်းၵႄႈ ပၢင်သၢင်းလႄႈတၢင်ႉယၢၼ်း၊ ၵႃးၶိုၼ်းထွႆလင်သေ တူၵ်းၵႂႃႇၼႂ်းႁူၺ်ႈလိုၵ်ႉ 400 ပေႇ ၵူၼ်းႁေႃႈၵႃးတၢႆထင်တီႈၼႆ ၸုမ်းၶႄၾႆးဢၼ်ၵႂႃႇၸွႆႈထႅမ်ပၼ်ၼၼ်ႉလၢတ်ႈၼင်ႇၼႆ။ “ၼႂ်းၵႃးၼၼ်ႉၼွၵ်ႈလိူဝ်ၵူၼ်ႁေႃႈၵႃးယဝ်ႉမီးပႃးၽူႈၸၢႆးၵေႃႉၼိုင်ႈ ၼၢင်းယိင်းၵေႃႉၼိုင်ႈလႄႈလုၵ်ႈဢွၼ်ႇၵေႃႉၼိုင်ႈ။ ၶဝ်လၢတ်ႈဝႃႈ ၽွင်းၶိုၼ်ႈလွႆမႃးၼၼ်ႉ ၵူၼ်းၶပ်းမၼ်းသမ်ႉမႃးလႅၵ်ႈၵီႊယႃႊၵၢင်လွႆ ။ ၵီႊယႃႊမၼ်းဢမ်ႇၶဝ်ႈလႄႈ ၶိုၼ်းထွႆလင်...