ဝၼ်းထိ 27 လိူၼ်သႅပ်ႉထႅမ်ႇပိူဝ်ႇၼႆႉပဵၼ်ဝၼ်း ပိုတ်ႇတူဝ် Search Engine တီႈ Google ၶွပ်ႈတဵမ် 25 ပီ။
Search Engine ၶွင် Google ဢၼ်ၵူၼ်းလုမ်ႈၾႃႉၸႂ်ႉၼမ်သုတ်းၼႂ်းၵၢၼ်ၶူၼ်ႉႁႃၶေႃႈမုလ်း ၼႆႉ မီးၵူၼ်းၼုမ်ႇလုၵ်ႈႁဵၼ်း 2 ၵေႃႉ Sergey Brin လႄႈ Larry Page ဢၼ်ႁဵၼ်းလိၵ်ႈဝႆႉတီႈၸၼ်ႉၸွမ် Stanford University တႄႇၶူၼ်ႉၶႂႃႉဝူၼ်ႉလွင်ႈႁႃၶေႃႈမုလ်းၼႂ်း ၵူႊၵိူဝ်လ်ႊ လူၺ်ႈလၢႆးတႅမ်ႈ Keyword ႁႃ။
ၶဝ်တင်းသွင်ၵေႃႉ လူင်းမိုဝ်း ႁဵတ်းသၢင်ႈဢွင်ႇမၢၼ်သေ လူင်းလၢႆးမိုဝ်းၶေႃႈလႆႈၸႂ်တင်း Google မိူဝ်ႈဝၼ်းတီႈ 4 သႅပ်ႉထႅမ်ႇပိူဝ်ႇ 1998။ ၵူၺ်းၵႃႈ ဢၼ်လႆႈပိုတ်ႇတူဝ်ပဵၼ်တၢင်းၵၢၼ် ပဵၼ်ၼႂ်းဝၼ်းတီႈ 27 သႅပ်ႉထႅမ်ႇပိူဝ်ႇ 1998 လႄႈၸင်ႇဢဝ်ဝၼ်းတီႈ 27 မၢႆပဵၼ်ဝၼ်းၵိူတ်ႇ ဝႃႈၼႆ။
Larry Page ၼႆႉ ၵိူတ်ႇတီႈဝဵင်း မိတ်ႉၶျီႇၵၼ်ႇ ၸိုင်ႈမိူင်းဢမေႊရိၵၼ်ႊ ။ ယၢမ်းလဵဝ်ဢႃယုလႆႈ 50 ပီ။ Sergey Brin ၼႆႉသမ်ႉၵိူတ်ႇမိူင်း ရတ်ႉသျႃး။ ၵူၺ်းၵႃႈႁပ်ႉပဵၼ်ၵူၼ်းမိူင်းဢမေႊရိၵၼ်ႊဝႆႉ။ ယၢမ်းလဵဝ်မၼ်းၸၢႆးၵေႃႈဢႃယုမီးမွၵ်ႈ 50 ပီ။ မၼ်းၸၢႆးၶဝ်ႈပႃးၼႂ်းသဵၼ်ႈမၢႆၽူႈမၢၵ်ႈၵူၼ်းမီးလုမ်ႈၾႃႉဝႆႉ။
Search Engine တီႈ Google ၼႆႉ ယၢမ်းလဵဝ်ပဵၼ်ဢၼ်မီးၽွၼ်းလီတွၼ်ႈတႃႇၵူၼ်းၼႂ်းလုမ်ႈၾႃႉ ၼႂ်းၵၢၼ်ၶူၼ်ႉႁႃၶေႃႈမုၼ်း ဢၼ်ၶႂ်ႈႁူႉ ၸၢင်ႈႁူႉလႆႈၵူႈလွင်ႈ၊ ၵူၼ်းၼုမ်ႇဝၼ်းမိူဝ်ႈၼႆႉဢွၼ်ၵၼ် မၢႆဝႃႈပဵၼ်မၢၵ်ႇတႃၽီ ၼႆလူးၵွၼ်ႇ။
