တင်ႈတႄႇ သိုၵ်းမၢၼ်ႈ ယိုတ်းဢဝ်ဢႃႇၼႃႇဝၢၼ်ႈမိူင်းမႃး လၢႆဝၢၼ်ႈလၢႆဝဵင်း မီးၵူၼ်းပႅၵ်ႇၼႃႈ ၶဝ်ႈလၵ်ႉ ၶဝ်ႈၽဝ် သွၵ်ႈတဝ် ၼႂ်းပွၵ်ႉၼႂ်းၾၢႆႇ ယၢမ်းၵၢင်ၶမ်ႈၵၢင်ၶိုၼ်း၊ ၼႂ်းဝဵင်းတူၼ်ႈတီးၵေႃႈ လႆႈႁူပ်ႉမိူၼ် ၼၼ် လႄႈ ၸိူဝ်းပဵၼ်ၽူႈၸၢႆး လႆႈၸွႆႈၵၼ် ပႂ်ႉယၢမ်းတူၺ်းလူ။ ၶမ်ႈဝႃး ဝၼ်းတီႈ 3/3/2021 ယၢမ်းၵၢင်ၶိုၼ်း ၵူၼ်းပႅၵ်ႇၼႃႈ ၶဝ်ႈတဝ်ၸွမ်းပွၵ်ႉ၊ ႁွင်ႈလၢႆႇလင်ႁိူၼ်း ၵူၼ်းဝၢၼ်ႈ၊...

ၵူၼ်းမိူင်းသႅၼ်ဝီ ၸိုင်ႈတႆးပွတ်းႁွင်ႇ ဢမ်ႇလႆႈၸႂ် ပၢင်တေႃႇလွင်း ဢၼ်ပိုတ်ႇႁဵတ်းႁိမ်းၸမ်ဝၢၼ်ႈ  မႆႈၸႂ်ၵူဝ် ၵူၼ်းၼုမ်ႇတၢင်းယၢမ်ႈလူႉလႄႈ ၵူဝ်ယႃႈမဝ်းၵမ်ၽႄႈလိူင်ႇၼမ် ဝႃႈၼႆ။ တင်ႈဢဝ်ဝၼ်းတီႈ 19/2/2021 ၼႆႉမႃး ၽူႈၵွၼ်းဝၢၼ်ႈဢိူင်ႇ ပၼ်ၸဝ်ႈတႅင်ႇပၢင်တေႃႇလွင်း မႃးတင်ႈပၢင်တေႃႇလွင်း တီႈဝၢၼ်ႈၶူဝ်ဢုတ်ႇ ၼႂ်းဢိူင်ႇပၢင်ႇလေႃႉ ၸႄႈဝဵင်းသႅၼ်ဝီ။ မီးၶၢဝ်ႇဝႃႈၼေပၼ်ၸတ်းတႃႇၶၢဝ်းတၢင်း 10 ဝၼ်း  ၼႆလႄႈၵူၼ်းမိူင်း ထုင်ႉပၢင်ႇလေႃႉဢမ်ႇလႆႈၸႂ်၊ ၾၢႆႇၼိုင်ႈၵေႃႈၵၢၼ်မိူင်းဢမ်ႇၼိမ်သဝ်းသေဢမ်ႇၵႃး တၢင်းပဵၼ်ၶူဝ်ႊဝိတ်ႉ...

မိူဝ်ႈၼႆႉ ဝၼ်းတီႈ 18/2/2021 ယၢမ်းၵၢင်ၼႂ် 6 မူင်း ၵူၼ်းဢမ်ႇ ႁူႉၾၢႆႇဢဝ်မၢၵ်ႇဝိုတ်ႉထိုမ်ႈသႂ်ႇလုမ်းၵပ်းသၢၼ်ႇ RCSS ဢၼ်မီးတီႈပွၵ်ႉ 9 တိုဝ်ႉလႅင် ၼႂ်း ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ။ ၸဝ်ႈႁၢၼ် ၶမ်းၸၢမ်ႇ ၽူႈၶၢၼ်ပၢၵ်ႇ RCSS လၢတ်ႈဝႃႈ - “ၼႂ်ၼႆႉ 6 မူင်း...

တီႈမူႇၸေႊ မီးၵူၼ်းဢမ်ႇႁူႉၾၢႆႇ ဢဝ်ၵၼ်ႈၶႄႈ ထိုမ်ႈသႂ်ႇ ႁိူၼ်းၵူၼ်းဝၢၼ်ႈ ၶိုင်ဢၢင်ႈၽဝ် ၸဝ်ႈႁိူၼ်းတၼ်းႁူႉဝႆးသေ ဢမ်ႇတၼ်းပဵၼ်ၽဝ် ။ ဝၼ်းတီႈ 15/2/2021 ယၢမ်းၵၢင်ၶိုၼ်းမွၵ်ႈ 12 မူင်းၼႆႉ မီးၵူၼ်းၸုမ်းၼိုင်ႈ ဢဵၼ်ႁႅင်း မွၵ်ႈ 2 ၵေႃႉ ဢဝ်ၵၢၼ်ႈၶေႈ ထိုမ်ႈသႂ်ႇ ၼႂ်းႁိူၼ်း ၵူၼ်းဝၢၼ်ႈ လင်ၼိုင်ႈ တီႈဝၢၼ်ႈႁူဝ်ၼႃး...

ၵႃးတၢင်ႇၶဝ်ႈၵၢပ်ႇ လမ်းၼိုင်ႈ ပိၼ်ႈၶႂမ်ႈတူၵ်းႁွင်ႈ ၼႂ်းၸႄႈဝဵင်းၵျွၵ်ႉမႄး မီးၵူၼ်းလူႉတၢႆ ထင်တီႈ 3 ၵေႃႉ မၢတ်ႇၸဵပ်း 2 ၵေႃႉ  ။ မိူဝ်ႈၼႆႉ ဝၼ်းတီႈ 3/2/2021 ယၢမ်းၵၢင်ၼႂ် 9 မူင်း ၵႃးတၢင်ႇၶဝ်ႈၵၢပ်ႇ ပိၼ်ႈၶႂမ်ႈ တူၵ်းႁွင်ႈ တီႈလုၵ်းမေႃႇၶၢၼ် ၼႂ်းၵႄႈ ဝၢၼ်ႈၼမ်ႉႁၢင်ႈၶိူင်ႈလႄႈ ဝၢၼ်ႈႁႆးၵုၺ်...

ၵူၼ်းဝၢၼ်ႈပၢင်မၢၵ်ႇမိုဝ်း ၵျွၵ်ႉမႄး ယဵပ်ႇၺႃးမၢၵ်ႇမႅင်းၾင်လိၼ် တႅၵ်ႇသႂ်ႇ ၽွင်းၵႂႃႇႁႃမႃႉ ၊ မၢတ်ႇၸဵပ်းလိူဝ်ႁႅင်း လႆႈႁၢမ်သူင်ႇႁူင်းယႃ။ ပဵၼ်ၸၢႆးတဵင်းဢွင်ႇ ဢႃယု 35 ပီ ပဵၼ် ပဵၼ်လုၵ်ႈၸၢႆး လုင်းၵႃႇဝိ ပႃႈမၢႆ ၵူၼ်းဝၢၼ်ႈပၢင်မၢၵ်ႇမိုဝ်း ၵႂႃႇႁႃမႃႉမၼ်းၸၢႆး ဢၼ်ပွႆႇဝႆႉတၢင်းဝၢၼ်ႈၸႃႇတီႇႁွင်ႇ သေၵႂႃႇယဵပ်ႇၺႃးမၢၵ်ႇမႅင်းၾင်လိၼ် မိူဝ်ႈဝႃးဝၼ်းတီႈ 26/1/2021 ယၢမ်းႁူဝ်ၶမ်ႈ ။ ဝၢၼ်ႈၸႃႇတီႇႁွင်ႇၼႆႉ...

ၵူၼ်းၶီႇလူတ်ႉၶိူင်ႈ 2 ၵေႃႉမႃးယိုဝ်းႁၢၼ်ႉၶၢႆၶဝ်ႈၽၵ်း M2K ၵျွၵ်ႉမႄး ၵူၼ်းၼင်ႈၵိၼ်ၶဝ်ႈၼႂ်းႁၢၼ်ႉ မၢတ်ႇၸဵပ်း 2 ၵေႃႉလႆႈႁၢမ်သူင်ႇႁူင်းယႃ။ ဝၼ်းတီႈ 25/1/2021 ယၢမ်းၵၢင်ၶမ်ႈ မွၵ်ႈ 8 မူင်းၶိုင်ႈ မီးၵူၼ်း/ၸုမ်းဢမ်ႇႁူႉၾၢႆႇ ပဵၼ်ၽူႈၸၢႆး 2 ၵေႃႉ ၶီႈရူတ်ႉၶိူင်ႈမႃးသေ လၢၵ်ႈၵွင်ႈယိုဝ်းၶဝ်ႈၼႂ်းႁၢၼ်ႉၶၢႆၶဝ်ႈၽၵ်း M2K ဢၼ်မီးၼိူဝ်သဵၼ်ႈတၢင်း ဢွင်ႇသၢၼ်း ပွၵ်ႉ...

လုင်းသႅင်ႁၢၼ် ၽူႈၵွၼ်းဢိူင်ႇ ၵုင်းသႃႇသီႇပေႃႉ ၺႃးယိုဝ်းတၢႆ ၼႆႉ  ၽူႈတႅၼ်းသၽႃး ၸႄႈဝဵင်း သီႇပေႃႉ ၼၢင်းမွၼ်းမွၼ်းပဝ်း ၵၢဝ်ႇယွၼ်းဝႃႈ ႁႂ်ႈလုင်းသႅင်ႁၢၼ်ပဵၼ်ၵေႃႉလိုၼ်းသုတ်း ဢၼ်ပဵၼ်တႆးသေ လႆႈတၢႆယွၼ်ႉ ၸုမ်းသိုၵ်းတႆး ၼၼ်ႉ ဝႃႈၼႆ။ ဝၼ်းတီႈ 23/1/2021 ၼႆႉ ၼၢင်းမွၼ်းမွၼ်းပဝ်း ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈမၢႆ 1 ဢိၵ်ႇပႃႇတီႇႁူဝ်သိူဝ် ၼႂ်းၸႄႈဝဵင်းသီႇပေႃႉၵမ်ႈၽွင်ႈ၊...

(တွင်ႈထၢမ် ၸဝ်ႈႁၢၼ်ၸၢႆးၽူင်းႁၢၼ် ၽူႈၶၢၼ်ပၢၵ်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA) ဝၼ်းတီႈ 23/1/2021 ၼႆႉ မီးၶၢဝ်ႇဢွၵ်ႇမႃးဝႃႈ လုင်းၸၢႆးသႅင်ႁၢၼ် ၽူႈၵွၼ်းဢိူင်ႇ ၵုင်းသႃႇၸႄႈဝဵင်းသီႇပေႃႉ ၺႃးသိုၵ်းပႃႇတီႇမႂ်ႇသုင်ၸိုင်ႈတႆးၶႃႈႁႅမ်တၢႆၼႆသေ မီးပႃးႁၢင်ႈထၢႆႇဢၼ်ၵူၼ်းဝၢၼ်ႈၵႂႃႇသွၵ်ႈႁႃတူဝ်ၼႂ်းထိူၼ်ႇ ႁိမ်းဝၢၼ်ႈၽႃၶိူဝ်း။ လိူဝ်ၼၼ်ႉ ၸိူဝ်းပဵၼ်လုၵ်ႈလၢၼ်လုင်းသႅင်ႁၢၼ်ၵေႃႈ ပိုၼ်ၽၢဝ်ႇဝႃႈ ၽဝ်ၶၢပ်ႈတူဝ်ၵေႃႉပဵၼ်ပေႃႈယဝ်ႉယႃႇ တီႈၼႂ်းထိူၼ်ႇ ႁိမ်းဝၢၼ်ႈၽႃၶိူဝ်းၼၼ်ႉၵမ်းလဵဝ်ယဝ်ႉဝႃႈၼႆ ။ ၵဵဝ်ႇၵပ်းလွင်ႈၼႆႉ လွင်ႈမၼ်းမီးၸိူင်ႉႁိုဝ်...

ၵူၼ်းႁေႃႈၵႃးတၢင်ႇထၢၼ်ႇ ၶၢႆ ၼႂ်းၸႄႈဝဵင်းမူႇၸေႊ ၵေႃႉၼိုင်ႈ ၺႃးယိုဝ်း  တိူဝ်ႉၶႃလူင် ပွင်ႇပဵၼ်ႁူး ယၢမ်းလဵဝ်ယႃတူဝ်ဝႆႉယူႇတီႈ ႁူင်းယႃမူႇၸေႊ ဝႃႈၼႆ။ ဝၼ်းတီႈ 21/1/2021 ယၢမ်းၵၢင်ၼႂ်ၸဝ်ႉ မွၵ်ႈ 2 မူင်းၶိုင်ႈ ၽွင်းၸဝ်ႈၵႃးတၢင်ႇထၢၼ်ႇ ႁေႃႈၵႃး ႁွတ်ႈထိုင်ႁိမ်း ပၢင်ႇပိတ်ႉမၢၵ်ႇၼင် ဝၢၼ်ႈၼမ်ႉႁွႆ ဢိူင်ႇမိူင်းယူႉ105 လၵ်း ၸႄႈဝဵင်းမူႇၸေႊၼၼ်ႉ မီးၵူၼ်းသၢမ်ၵေႃႉၶီႇရူတ်ႉၶိူင်ႈမႃးၸွမ်းတင်းလင်သေယိုဝ်းသႂ်ႇလႄႈ...

ၵူၼ်းမူႇၸေႊ ၵေႃႉၼိုင်ႈ ထုၵ်ႇလုၵ်ႈၼွင်ႉ/ၵူၼ်းႁဵတ်းၵၢၼ် ၸဝ်ႈၵဝ်ႇ ၶဝ်ႈၸူၼ် ၼႂ်းႁိူၼ်း၊ ၾၼ်းမၼ်းၼၢင်းမၢတ်ႇၸဵပ်း ၊ ယၢမ်းလဵဝ် ၶဝ်ႈယူတ်းယႃတူဝ်ဝႆႉယူႇတီႈႁူင်းယႃမူႇၸေႊ။ မိူဝ်ႈၼႆႉ ဝၼ်းတီႈ 22/1/2021 ယၢမ်းၵၢင်ဝၼ်းမွၵ်ႈ 12 မူင်းၶိုင်ႈၼႆႉ ၼၢင်းလႃႉလႃႉဝိၼ်း ယူႇပွၵ်ႉၸၢၼ်း ဝဵင်းမူႇၸေႊ ၸိုင်ႈတႆးပွတ်းႁွင်ႇ ထုၵ်ႇလုၵ်ႈၼွင်ႉ/ ၵူၼ်းႁဵတ်းၵၢၼ် ၶဝ်ႈၸူၼ်ၼႂ်းႁိူၼ်းယေးၸဝ်ႈၵဝ်ႇသေ ဢဝ်ၽႃႉၾၼ်းသႂ်ႇ တီႈၵွၵ်းႁူဝ်မၼ်းၼၢင်း...

မိူဝ်ႈၼႆႉ ယၢမ်းဝၢႆးဝၼ်း ၾႆးမႆႈပႃႇ မႆႈၸွမ်းတၢပ်ႈလွႆသေ လၢမ်းၶဝ်ႈသၢပ်ႇဝဵင်းတူၼ်ႈတီး မႆႈပႃး ႁိူၼ်းၵူၼ်း ဢၼ်မီးၼႂ်းပွၵ်ႉၵၢၼ်ႇၵျီး လင်႞ ၊ ၶူဝ်းႁိူၼ်းၶူဝ်းယေး ဢမ်ႇတၼ်းလႆႈသင် ။  မိူဝ်ႈၼႆႉ ဝၼ်းတီႈ 14/1/2021 ယၢမ်းဝၢႆးဝၼ်း ၾႆးပႃႇလၢမ်း မႆႈႁိမ်းသၢပ်ႇဝဵင်းဝဵင်း ပွၵ်ႉၵၢၼ်ႇၵျီး မူႇ 3 (နယ်မြေ ၃) ၸႄႈဝဵင်းတူၼ်ႈတီး...

ၵူၼ်းဝၢၼ်ႈမၢၼ်ႈလွႆၼိူဝ် ၸႄႈဝဵင်းၼမ်ႉသၼ်ႇ ၸိုင်ႈတႆးပွတ်းႁွင်ႇ ၼပ်ႉပၢၵ်ႇ ပႆတၢင်းၼေၵၢင်ၸႂ် တုၵ်းယွၼ်းႁႂ်ႈ KIA ပွႆႇပၼ်ၵူၼ်းဝၢၼ်ႈ 6 ၵေႃႉ ၼၼ်ႉၶိုၼ်းၽႂ်းၽႂ်းဝႃႈၼႆ။ ၵူၼ်းဝၢၼ်ႈ မၢၼ်ႈလွႆၼိူဝ် 6 ၵေႃႉ ၵႂႃႇၽၼ်းၽိုၼ်းသေ ၺႃးသိုၵ်း KIA  တီႉၺွပ်းၵႂႃႇ  ယင်းပႆႇပွႆႇမႃးၶိုၼ်းလႄႈ  မိူဝ်ႈၼႆႉဝၼ်းတီႈ 12/1/2021 ၵူၼ်းဝၢၼ်ႈမၢၼ်ႈလွႆၼိူဝ်မွၵ်ႈ 300 ႁူမ်ႈၵၼ်ပႆတၢင်းၼေၵၢင်ၸႂ်...

ၽူႈၸၢႆး 2 ၵေႃႉ ယိုဝ်းသွင်ၽူဝ်မေး တီႈဝဵင်းၼမ်ႉလၼ်ႈ ၵေႃႉပဵၼ်မေး လူႉတၢႆ  ၵေႃႉပဵၼ်ၽူဝ်မၢတ်ႇၸဵပ်း လႆႈသူင်ႇယူတ်းယႃတူဝ် တီႈဝဵင်းလႃႈသဵဝ်ႈ ပဵၼ်ယွၼ်ႉသင်ယင်းပႆႇလႆႈႁူႉ ဝႃႈၼႆ။ ဝၼ်းတီႈ 11/1/2021 ယၢမ်းႁူဝ်ၶမ်ႈ မွၵ်ႈ 5 မူင်းၶိုင်ႈ ၵူၼ်း 2 ၵေႃႉၼၼ်ႉယိုဝ်း  ၸၢႆးယီႈလႄႈၼၢင်း ဝုၼ်း 2 ၽူဝ်မေးယူႇပွၵ်ႉၵွင်းလၢင်း...

ၵူၼ်းမိူင်းငေႃႉ ဢႃယု 55 ပီ ၵေႃႉၼိုင်ႈ ၺႃးယိုဝ်း မၢတ်ႇၸဵပ်းသေ လႆႈသူင်ႇယူတ်းယႃတူဝ် တီႈႁူင်းယႃလူင်ၵျွၵ်ႉမႄး ။ ဝၼ်းတီႈ 7/1/2021 ယၢမ်းၵၢင်ၼႂ် မွၵ်ႈ 10 မူင်းၶိုင်ႈ ၼၢင်းဢေးယွၼ်း ၵူၼ်းဝၢၼ်ႈပွၵ်ႉၵၢတ်ႇ   ၼႂ်းၵိင်ႇၽႄၸႄႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ထုၵ်ႇၵူၼ်းဢမ်ႇႁူႉၾၢႆႇ ဢဝ်ၵွင်ႈသတ်ႉယမ်း ယိုဝ်းသႂ်ႇ ၼႂ်းသူၼ်ၼဵင်ႈမၼ်းၼၢင်း...