မိူဝ်ႈၼႆႉ ဝၼ်းတီႈ 18/2/2021 ယၢမ်းၵၢင်ၼႂ် 6 မူင်း ၵူၼ်းဢမ်ႇ ႁူႉၾၢႆႇဢဝ်မၢၵ်ႇဝိုတ်ႉထိုမ်ႈသႂ်ႇလုမ်းၵပ်းသၢၼ်ႇ RCSS ဢၼ်မီးတီႈပွၵ်ႉ 9 တိုဝ်ႉလႅင် ၼႂ်း ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ။
ၸဝ်ႈႁၢၼ် ၶမ်းၸၢမ်ႇ ၽူႈၶၢၼ်ပၢၵ်ႇ RCSS လၢတ်ႈဝႃႈ – “ၼႂ်ၼႆႉ 6 မူင်း လုမ်းၵပ်းသၢၼ်ႁဝ်းၶႃႈဢၼ်မီးတီႈၵျွၵ်ႉမႄး ၺႃးပိူၼ်ႈဢဝ်မၢၵ်ႇမႃးပွႆႇ 2 လုၵ်ႈ ၵူၼ်းတႄႉ ဢမ်ႇမီးၽႂ်ပဵၼ်သင် ၵူၺ်းၵႃႈ တိူဝ်ႉၺႃးၵႃးတင်း ႁိူၼ်းလူႉၵွႆၵႂႃႇၽွင်ႈ ၵႂႃႇ”- ဝႃႈၼႆ။
ပဵၼ်ၼမ်ႉမိုဝ်းၽႂ် ၸုမ်းလႂ် ႁဵတ်းဢၼ်ဝႃႈၼၼ်ႉ တိုၵ်ႉၵူတ်ႇထတ်းတူၺ်း ယူႇ ဝႃႈၼႆ။
တႄႇဢဝ် မွၵ်ႈႁူဝ်လိူၼ်ၾႅပ်ႊၿိဝ်ႊရီႊ 2021 ၼႆႉမႃး တေႃႇထိုင် ယၢမ်း လဵဝ် (ဝၢႆးသေသိုၵ်းမၢၼ်ႈ ယိုတ်း ဢႃႇၼႃႇၼႆႉမႃး) သိုၵ်း RCSS တင်း သိုၵ်းမၢၼ်ႈ၊ သိုၵ်း RCSS တင်း ၸုမ်းဢူၺ်းလီ ပွတ်းႁွင်ႇ လႆႈပဵၼ်ပၢင်တိုၵ်းၵၼ်မႃးႁၢဝ်ႈႁႅင်း ၼႂ်းၸႄႈဝဵင်းၵျွၵ်ႉမႄး ၸႄႈဝဵင်းၼမ်ႉတူႈ လႄႈ ၸႄႈဝဵင်းသီႇပေႃႉ။
ယၢမ်းလဵဝ် ၼႂ်း 3 ၸႄႈဝဵင်းၼႆႉ မီးၵူၼ်းပၢႆႈၽေးသိုၵ်းဢမ်ႇယွမ်းႁဵင်။