Friday, March 29, 2024

ၼႂ်းဝဵင်းတူၼ်ႈတီး မီးၵူၼ်းပႅၵ်ႇၼႃႇ တဝ်ၼႂ်းပွၵ်ႉလႄႈ ၽူႈၸၢႆးလႆႈၸွႆႈၵၼ်ပႂ်ႉ

Must read

တင်ႈတႄႇ သိုၵ်းမၢၼ်ႈ ယိုတ်းဢဝ်ဢႃႇၼႃႇဝၢၼ်ႈမိူင်းမႃး လၢႆဝၢၼ်ႈလၢႆဝဵင်း မီးၵူၼ်းပႅၵ်ႇၼႃႈ ၶဝ်ႈလၵ်ႉ ၶဝ်ႈၽဝ် သွၵ်ႈတဝ် ၼႂ်းပွၵ်ႉၼႂ်းၾၢႆႇ ယၢမ်းၵၢင်ၶမ်ႈၵၢင်ၶိုၼ်း၊ ၼႂ်းဝဵင်းတူၼ်ႈတီးၵေႃႈ လႆႈႁူပ်ႉမိူၼ် ၼၼ် လႄႈ ၸိူဝ်းပဵၼ်ၽူႈၸၢႆး လႆႈၸွႆႈၵၼ် ပႂ်ႉယၢမ်းတူၺ်းလူ။

Photo by – ၵူၼ်းပိုၼ်ႉတီႈ/ ၵူၼ်းလၵ်ႉ ဢၼ်တီႉလႆႈ တီႈတူၼ်ႈတီး မိူဝ်ႈဝၼ်းတီႈ 28/2/2021

ၶမ်ႈဝႃး ဝၼ်းတီႈ 3/3/2021 ယၢမ်းၵၢင်ၶိုၼ်း ၵူၼ်းပႅၵ်ႇၼႃႈ ၶဝ်ႈတဝ်ၸွမ်းပွၵ်ႉ၊ ႁွင်ႈလၢႆႇလင်ႁိူၼ်း ၵူၼ်းဝၢၼ်ႈ၊ လွမ်လၵ်ႉၶူဝ်းၶွင် ၸိူဝ်းၼႆႉလႄႈ ၵူၼ်းမိူင်း မႆႈၸႂ် ၵူဝ်ၺႃး မိူၼ်ဝႃႈ သိုၵ်းမၢၼ်ႈ ပွႆႇၵူၼ်း တူၵ်းၶွၵ်ႈ ၶဝ်ႈလၵ်ႉ ၶဝ်ႈၽဝ် ဝၢၼ်ႈဢိူင်ႇပွၵ်ႉယွမ်ႇ ၵဝ်းႁႂ်ႈဝၢၼ်ႈမိူင်းသုၵ်ႉ ၼႆလႄႈ ၵူၼ်းဝၢၼ်ႈ ၵူၼ်းသူၼ်လႆႈ ၸွႆႈၵၼ်ပႂ်ႉယၢမ်း တူၺ်းလူ ၵူႈဝၼ်းၵူႈ
ၶိုၼ်း။ ႁူဝ်လိူၼ်ၼႆႉမႃး တီႉလႆႈ ဢမ်ႇယွမ်း 5 ၵေႃႉယဝ်ႉ – ဝႃႈၼႆ။

- Subscription -

ၵူၼ်းယူႇပွၵ်ႉၶျၢမ်းမျႃႉတႃႇသီႇ ၵေႃႉၼိုင်ႈလၢတ်ႈဝႃႈ – “ပလိၵ်ႈမၢၼ်ႈ ဢဝ်ၵူၼ်းမႃးပွႆႇ တီႈႁူဝ်တၢင်းၼႆႉ 2 ၵေႃႉ။ တၢင်ႇပွၵ်ႉ ၵေႃႈ မႃးပွႆႇၸိူင်ႉၼၼ်ဝႃႇ။ ၶဝ်ၵႂႃႇတဝ် တၢင်းလင် ႁိူၼ်း၊ ႁွင်ႈလၢႆႇ ၸိူဝ်းၼႆႉ ။ မႃၵေႃႈႁဝ်ႇ။ ၽူႈယိင်းသမ်ႉ ယူႇႁိူၼ်းၽႂ်မၼ်းသေ တွႆႇမေႃႈ တွႆႇပုင်း၊ ၵူၼ်းၸၢႆးသမ်ႉ ပႃးၶွၼ်ႉ ပႃးလႅဝ်း သေလႆႈၸွႆႈၵၼ်ပႂ်ႉလမ်း ဢေႃႈ ။ လႆႈငိၼ်းဝႃႈ သိုၵ်းမၢၼ်ႈ ပွႆႇၵူၼ်းတူၵ်းၶွၵ်ႈ မႃးၵဝ်း ၼႆၶႃႈဝႃႇ”- ဝႃႈၼႆ။

ၼႂ်းၸႄႈဝဵင်းတူၼ်ႈတီးၼႆႉ တင်းမူတ်းမီး 22 ပွၵ်ႉ ၊ တင်ႈတႄႇ ဝၼ်းတီႈ ၼိုင်ႈမႃး တေႃႇ ထိုင်ဝၼ်းမိူဝ်ႈၼႆႉ တီႉလႆႈ ယူႇၵူႈၶမ်ႈ ၼိုင်ႈၶမ်ႈၵေႃႉၼိုင်ႈသွင်ၵေႃႉ၊ မိူဝ်ႈၶမ်ႈဝၼ်းဢႃးတိတ်ႉၼၼ်ႉ တီႉလႆႈ 3 ၵေႃႉ – ဝႃႈၼႆ။

ၵူၼ်းယူႇ ပွၵ်ႉယေႇဢေးၵုၼ်း ၵေႃႉၼိုင်ႈ လၢတ်ႈဝႃႈ – “မိူဝ်ႈဝႃး ၵၢင်ၶမ်ႈၼႆႉ ဢူၼ်ဢၢၼ် တင်းၶိုၼ်းၶႃႈ ယဝ်ႉ။ လႆႈငိၼ်း ဝႃႈ တီႈပွၵ်ႉႁဝ်းၶႃႈၼႆႉ တီႉလႆႈၵူၼ်းလၵ်ႉၵေႃႉၼိုင်ႈ ၼႆၶႃႈဢေႃႈ”- ဝႃႈၼႆ။

တင်ႈတႄႇ သိုၵ်းမၢၼ်ႈ ယိုတ်းဢႃႇၼႃႇ ဝၢၼ်ႈမိူင်းမႃး ၵူၼ်းမိူင်း လႆႈၾၢင်ႉယူႇၾၢင်ႉၵိၼ်၊ ဢမ်ႇမီးလွင်ႈ ႁူမ်ႇလူမ်ႈ၊ ၵၢင်ၶမ်ႈၵၢင်ၶိုၼ်းၵေႃႈ လႆႈၸွႆႈၵၼ်ပႂ်ႉယၢမ်း ႁူဝ်ၵိဝ်ႇ ႁၢင်ၵိဝ်ႇ၊ မၢင်ဝဵင်းၵေႃႈ မီးၵူၼ်း လၵ်ႉၸုတ်ႇလၵ်ႉၽဝ် ႁိူၼ်းယေးၵူၼ်းဝၢၼ်ႈ လႄႈ ႁဵတ်းႁႂ်ႈၵူၼ်းမိူင်းမႆႈၸႂ်။ ၸူဝ်ႈသိုၵ်းယိုတ်းမိူင်းၼႆႉ ပွႆႇၵူၼ်းတူၵ်းၶွၵ်ႈ 23369 ၵေႃႉ (ပွႆႇမိူဝ်ႈ
12/2/2021)။ ၵမ်ႈၼမ်တႄႉ ထတ်းသၢင်ဝႃႈ ဢၼ်ၶဝ်ႈတဝ် ၶဝ်ႈၵဝ်းၼႂ်းပွၵ်ႉၼႂ်းယွမ်ႇၼႆႉ ပဵၼ်ၵူၼ်းဢွၵ်ႇၶွၵ်ႈမႃးၸိူဝ်းၼႆႉဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း