ၾင်ႇမိူင်းၶႄႇ ထူမ်လိၼ်ၶၢမ်းၶဝ်ႈလိၼ် ဝဵင်းပၢင်ႇသၢႆးသေဢမ်ႇၵႃး ပၢႆလွၵ်ႇငိုတ်ႈပႃးၵူၼ်းမိူင်းၸိူဝ်းၵႂႃႇႁၢမ်ႈၶဝ်ဝႃႈ သင်ဢမ်ႇပၼ်သိုပ်ႇႁဵတ်းၵႂႃႇၼႆၸိုင် တေဢမ်ႇႁပ်ႉ သိုဝ်ႉဢွႆႈ တၢင်းၾင်ႇမိူင်းတႆးဝႃႈၼႆ။ တႄႇဢဝ် ဝၼ်းတီႈ 20-25/10/2021 ၼႆႉမႃး ၾင်ႇမိူင်းၶႄႇ ထူမ်လိၼ်ၶဝ်ႈမႃး တၢင်းဝၢၼ်ႈမႂ်ႇသုင် ဝဵင်းပၢင်ႇသၢႆး ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ၊ ၵူၼ်းမိူင်းပိုၼ်ႉတီႈဢွၼ်ၵၼ်ၵႂႃႇႁၢမ်ႈ သၢၼ်ၶတ်း၊ ၶႄႇလၢတ်ႈဝႃႈ   သင်ဢမ်ႇပၼ်ၶႄႇသိုပ်ႇထူမ်လိၼ်ၵႂႃႇၸိုင်ၶႄႇ တေ ဢမ်ႇႁပ်ႉသိုဝ်ႉဢွႆႈ...

ၼႂ်းလိူၼ်ဢွၵ်ႊထိူဝ်ႊပိူဝ်ႊၼႆႉ တီႈဝဵင်းလႃႈသဵဝ်ႈ ၵႆႉလႆႈငိၼ်းသဵင်မၢၵ်ႇတႅၵ်ႇလႄႈ ၵူၼ်းမိူင်း  ဢွၼ်ၵၼ်တူၵ်းၸႂ် တိုၼ်ႇသၢၼ်ႈၵူဝ် ယွၼ်ႉ ဢမ်ႇမီးလွင်ႈႁူမ်ႇလူမ်ႈ ဝႃႈၼႆ။ မိူဝ်ႈဝၼ်းတီႈ 24/10/2021 ယၢမ်းၵၢင်ၶမ်ႈ 7 မူင်းပၢႆ ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ငိၼ်းသဵင်မၢၵ်ႇတႅၵ်ႇ 2 ၵမ်းလႄႈ ႁဵတ်းႁႂ်ႈ ၵူၼ်း မိူင်းၼႂ်းပိုၼ်ႉတီႈ တူၵ်းၸႂ် တိုၼ်ႇသၢၼ်ႇၵူဝ် ယဝ်ႉၵေႃႈ...

မိူဝ်ႈၼႆႉ ဝၼ်းတီႈ 19/10/2021 ယၢမ်းၵၢင်ၼႂ် ၾႆးမႆႈႁိူၼ်း ၸၢႆးယီႈပီး ၵူၼ်းဝၢၼ်ႈၼွင်ၶမ်း ဢိူင်ႇၼွင်ၶမ်း ၸႄႈဝဵင်းၼမ်ႉၶမ်း ၸႄႈတွၼ်ႈ မူႇၸေႊ ၸိုင်ႈတႆးပွတ်းႁွင်ႇ   ၶူဝ်းၶွင် ဢမ်ႇတၼ်းလႆႈ သင်။ ၵူၼ်းဝၢၼ်ႈၼွင်ၶမ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၸႂ်ႈၶႃႈဢေႃႈ ၾႆးမႆႈ ႁိူၼ်းၸၢႆးယီႈပီး။ မႆႈမူတ်းၶႃႈဢေႃႈ ဢမ်ႇတၼ်း လႆႈ ၶူဝ်းသင်ၶႃႈ။...

ၵူၼ်း 4 ၵေႃႉၽၢမ်းတူဝ် မိူၼ်ၵူၼ်း ၵဵပ်းၶွၼ်ႇ သေ ၶဝ်ႈၸူၼ်ႁၢၼ်ႉၶၢႆၾူၼ်း၊  ဢဝ်မိတ်ႈငႃ ၸဝ်ႈၶွင်ႁၢၼ်ႉၶၢႆၾူၼ်းသေ လွၵ်ႇငိုတ်ႈ ၶိုင်ႁိမ်ဢဝ်ငိုၼ်း၊ ဢဝ်ၾူၼ်း။ မိူဝ်ႈၼႆႉ ဝၼ်းတီႈ 14/10/2021 ယၢမ်းၵၢင်ဝၼ်း မွၵ်ႈ 12 မူင်း မီးၵူၼ်း 4 ၵေႃႉ ၶီႇၵႃး Vigo သီလမ်...

 သိုၵ်းမၢၼ်ႈ ယိုတ်းမိူင်းတင်း သိုၵ်းၵူဝ်းၵၢင်ႉ MNDAA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းသႅၼ်ဝီ ၸိုင်ႈတႆး ပွတ်းႁွင်ႇ ၵူၼ်းမိူင်းၺႃးယိုဝ်း တၢႆၵေႃႉၼိုင်ႈ။ မိူဝ်ႈဝၼ်းတီႈ 11/10/2021 ပူၼ်ႉမႃးၼႆႉ  သိုၵ်းမၢၼ်ႈ ယိုတ်းမိူင်း တင်း သိုၵ်းၵူဝ်းၵၢင်ႉ/ ၵဝ်ႈၵၢင်ႉ MNDAA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၵႄႈသႅၼ်ဝီ - လႃႈသဵဝ်ႈသေ သိုၵ်းမၢၼ်ႈ  ယိုဝ်းၽူႈၸၢႆး...

မိူဝ်ႈၼႆႉ ဝၼ်းတီႈ 12/10/2021 ယၢမ်းၵၢင်ဝၼ်းတဵင်ႈ (မွၵ်ႈ 12 မူင်းၶိုင်ႈ) ၾႆးမႆႈႁိူၼ်းၵူၼ်းဝၢၼ်ႈ ဝၢၼ်ႈမွၼ်း ၼႂ်းတူင်ႉ ထုင်ႉဝဵင်းၼမ်ႉလၼ်ႈ ၸႄႈဝဵင်းသီႇပေႃႉ မိူင်းတႆး ပွတ်းႁွင်ႇ။ ၵူၼ်းၼမ်ႉလၼ်ႈ ၵေႃႉၼိုင်ႈ လၢတ်ႈၼႄၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၾႆးမႆႈႁိူၼ်း ယေးၵူၼ်းဝၢၼ်ႈ မွၼ်းလင်ၼိုင်ႈ။ ယွၼ်ႉ သင်လႄႈမႆႈဢၼ်ဝႃႈၼၼ်ႉ တိုၵ်ႉၵူတ်ႇထတ်းလွင်ႈတၢင်း...

ဝၢႆးသေ ၶွင်ႇသီႇသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 8 လိူၼ်ပၢႆ ၵူၼ်းမိူင်းႁႃၵိၼ် လဵင်ႉတွင်ႉ ယၢပ်ႇၽိုတ်ႇ ၵိၼ်းၸႂ်  လိူဝ်ႁႅင်း ၼႂ်းၸႄႈဝဵင်းၼမ်ႉတူႈ ၽူႈလၵ်ႉၵူၼ်းၸူၼ်လိူင်ႇ။   ၼႂ်းၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ   ၶူဝ်းၵုၼ်ႇၶိုၼ်ႈ၊ ၵၢၼ်ငၢၼ်း ဢမ်ႇပေႃးမီး၊ ယႃႈမဝ်းၵမ်ၵေႃႈ လိူင်ႇၼမ် ၼွၵ်ႈလိူဝ်ၼၼ်ႉ တၢင်းပဵၼ်ၶူဝ်ႊဝိတ်ႉ 19...

တီႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇၼၼ်ႉ ၵူၼ်းလၵ်ႉၵူၼ်းၸူၼ်ၼမ်မႃးၵူႈမိုဝ်ႉၵူႈဝၼ်း ၵူၼ်းလၵ်ႉ/ၸူၼ်ရူတ်ႉၶိူင်ႈၵေႃႈမီး 2 ဝၼ်းထပ်းၵၼ်။ ဝၼ်းတီႈ 5/9/2021 မီးၵူၼ်းၸုမ်းၼိုင်ႈ ပႂ်ႉႁႄႉရူတ်ႉၶိူင်ႈၼၢင်းယိင်းၵေႃႉၼိုင်ႈတီႈ တၢင်းဢွၵ်ႇဝဵင်းၼမ်ႉတူႈ ၊ တီႈသဵၼ်ႈတၢင်းလူင် ၼမ်ႉတူႈ - လႃႈသဵဝ်ႈ သေ ၸူၼ်ဢဝ်ရူတ်ႉၶိူင်ႈၼၢင်းယိင်းၼၼ်ႉၵႂႃႇ။ ထိုင်ဝၼ်းတီႈ 6 သမ်ႉ မီးၵူၼ်းၸၵ်ႉၾူၼ်း/မိုဝ်းထိုဝ်ပိူၼ်ႈလႅၼ်ႈ တီႈၼႂ်းဝဵင်းၼမ်ႉတူႈ။ “ၵူၼ်းၸူၼ်ရူတ်ႉၶိူင်ႈၼၼ်ႉမီးၶဝ် 3 ၵေႃႉဝႃႈၼႆၼေႈ...

ၸဝ်ႈတူၼ်ၶူး ၵလျႃႇၼဝမ်ႇသ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၺႃးၵူၼ်းႁၢႆႉၶဝ်ႈယိုဝ်းထိုင်ၼႂ်းဝတ်ႉၵျွင်းသေ လူႉလွၼ်ႇၶဝ်ႈသူၼ်မၢၵ်ႇႁၢၵ်ႈၶမ်းတဵမ် 3 ပီယဝ်ႉသေတႃႉ ပႆႇတီႉၺွပ်းလႆႈ တူဝ်ၵူၼ်းႁၢႆႉ  ။ ဝၼ်းတီႈ 5/10/2021 ၸဝ်ႈတူၼ်ၶူး ၵလျႃႇၼဝမ်ႇသ ၽူႈၵွၼ်းဝတ်ႉၵျွင်းယွတ်ႈ (သူၺ်ႇၵျိၼ်ႇ) ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ လူႉလွၼ်ႇတဵမ် 3 ပီ  ၵူၼ်းမိူင်းၵျွၵ်ႉမႄး  ၽူႈတူင်ႉၼိုင် ၼႂ်းတူင်ႇဝူင်းၵူၼ်း...

ၵူၼ်းမိူင်းၵိုင် သွင်ၵေႃႉ ယဵပ်ႇၺႃးမၢၵ်ႇမႅင်းၾင်လိၼ် ၼႂ်းသူၼ်မၢၵ်ႇၸွၵ်း ဢိူင်ႇႁၢမ်းငၢႆး ယၢမ်းလဵဝ် လႆႈသူင်ႇယူတ်းယႃတူဝ်တီႈႁူင်းယႃဝႆႉ ဝႃႈ ၼႆ။ မိူဝ်ႈဝႃး ဝၼ်းတီႈ 5/10/2021 ယၢမ်းဝၢႆးဝၼ်း 3 မူင်းၶိုင်ႈ ၵူၼ်းမိူင်းၵိုင် သွင်ၵေႃႉ ယဵပ်ႇၺႃးမၢၵ်ႇမႅင်းၾင်လိၼ် ၼႂ်းသူၼ်မၢၵ်ႇၸွၵ်း ႁိမ်း ဝၢၼ်ႈၼေႃႇသႅင် ဢိူင်ႇႁၢမ်းငၢႆး ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း...

ရူတ်ႉၵႃးတၢင်ႇၼမ်ႉမၼ်း လမ်းၼိုင်ႈၺႃးၸူၼ်တီႈႁိမ်းဝၢၼ်ႈပၢင်ႇတိုင်ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ။ ဝၼ်းတီႈ 21 /9/2021 ယၢမ်းၵၢင်ၶိုၼ်း ၵႃးတၢင်ႇၼမ်ႉမၼ်း လုၵ်ႉဝဵင်းလိူဝ်ႇ ၶိုၼ်ႈသႅၼ်ဝီ။ ၺႃးၵူၼ်းၸုမ်းၼိုင်ႈႁႄႉၸူၼ် လႆႈၵႂႃႇငိုၼ်းလႄႈၾူၼ်းတီႈၵူၼ်းႁေႃႈၵႃး၊ သမ်ႉၸႂ်ႉၸဝ်ႈၵႃးဢူၼ်းငိုၼ်းပၼ်ထႅင်ႈ 10 သႅၼ်။ ၵူၼ်းႁေႃႈၵႃးလၢတ်ႈဝႃႈ -“ၶဝ်မီးဢဵၼ်ႁႅင်းမွၵ်ႈ 5 ၵေႃႉဢေႃႈ။ ၶဝ်ဢဝ်ၵႂႃႇ ငိုၼ်းဢၼ်ၶႃႈပႃးမႃး  တင်းမူတ်းၶႃႈ။ ယဝ်ႉၵေႃႈ ၶဝ်ၶိုၼ်းႁႂ်ႈၶႃႈသိုပ်ႇၾူၼ်းၸူး ၸဝ်ႈၵႃးသေ...

ဝၼ်းတီႈ 22/9/2021 မိူဝ်ႈၼႆႉယၢမ်းၵၢင်ၼႂ် ၵူၼ်းၶီႇရူတ်ႉၶိူင်ႈ ၶဝ်ႈဝၢၼ်ႈဢွၵ်ႇဝၢၼ်ႈ ဢႅဝ်ႇႁႃၶၢႆယူး ၺႃးယိုဝ်းတီႈမၢၼ်ႈမႂ်ႇ ဝဵင်းပၢင်ႇသၢႆး ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ။ ၽွင်းၵူၼ်းပႅၵ်ႇၼႃႈပႅၵ်ႇတႃၵေႃႉၼၼ်ႉၶီႇရူတ်ႉၶိူင်ႈမႃးဢႅဝ်ႇၶၢႆယူး ယူႇၼၼ်ႉ မီးၵူၼ်း 2 ၵေႃႉၶီႇရူတ်ႉၶိူင်ႈမႃး သေ ဢဝ်ၵွင်ႈၸမ်ႈ ယိုဝ်းသႂ်ႇ 3 ၵမ်း  ၊ ၵူၼ်းၶၢႆယူး တၢႆထင်တီႈ -...

မၢၵ်ႇတႅၵ်ႇလုၵ်ႈၼိုင်ႈ တီႈလၵ်းသဝ်ၾူၼ်း Mytel ၼႂ်းဢိူင်ႇၶူဝ်မုင်း ၸႄႈဝဵင်းၵျွၵ့်မႄး ၵူၼ်းမိူင်း ဢွၼ်ၵၼ်တူၵ်းၸႂ် တိုၼ်ႇ သၢၼ်ႈ  ဝႃႈၼႆ။ မိူဝ်ႈဝႃး ဝၼ်းတီႈ 20/9/2021 ယၢမ်းႁူဝ်ၶမ်းမွၵ်ႈ 5 မူင်းပၢႆ မၢၵ်ႇတႅၵ်ႇလုၵ်ႈၼိုင်ႈ တီႈလၵ်းသဝ်ၾူၼ်း Mytel ဢၼ်ပၵ်းဝႆ့ ၼႂ်းၵႄႈ ဝၢၼ်ႈၶူဝ်မုင်း - ဝၢၼ်ႈမူၺ်ႇတေႃႇ ၼႂ်းဢိူင်ႇၶူဝ်မုင်း...

ၼၢင်းယိင်း ဢႃယု 30 ပၢႆ ၵူၼ်းမိူင်းပၼ်ႇၵေႃ့ၼိုင်ႈ ထုၵ်ႇၸူၼ် မိူဝ်ႈၽွင်းၵႂႃႇႁႃၼေႃႇ ၼႂ်းထိူၼ်ႇ ၊ ၺႃးၸူၼ်ၽၼ်းတီႈၵွၵ်းႁူဝ်လႄႈ ၵွင်းလင် ယၢမ်း လဵဝ်  ယူတ်းယႃတူဝ်ဝႆ့တီႈႁူင်းယႃလူင် ၵူၼ်းမိူင်း ၸႄႈဝဵင်းမိူင်းပၼ်ႇ ဝႃႈၼႆ။ မိူဝ်ႈဝၼ်းတီႈ 18/9/2021 ယၢမ်းၵၢင်ၼႂ်ၸဝ့် ၼၢင်းဝႅင်း ဢႃယု 30 ပၢႆ ၵႂႃႇႁႃၼေႃႇ...

သိုၵ်း TNLA ၶဝ်ႈသွၵ်ႈတဝ် ၼႂ်းႁိူၼ်းယေး ၽူႈႁွင်ႉၵႂၢမ်းတႆး ၸၢႆးသႅၼ်ၾႃႉ ၼႂ်းဢိူင်ႇပၢင်လူင် ၸႄႈဝဵင်းၼမ်ႉတူႈသေ ဢဝ်ၶူဝ်းၶွင်လၢႆ ၵႂႃႇပႃးထႅင်ႈ လၢႆၸိူဝ်ႉလၢႆပိူင် ဝႃႈၼႆ။ ပူၼ်ႉမႃး မိူဝ်ႈဝၼ်းတီႈ 11/9/2021 ၼၼ်ႉ သိုၵ်းတဢၢင်း TNLA ၶဝ်ႈသွၵ်ႈတဝ် ၼႂ်းႁိူၼ်းယေး မေႃၵႂၢမ်းတႆး ၸၢႆးသႅၼ်ၾႃႉ တီႈဝၢၼ်ႈပၢင်လူင် ဢိူင်ႇပၢင်လူင် ၸႄႈဝဵင်းၼမ်ႉတူႈ...