Friday, March 1, 2024

ၵူၼ်းၼုမ်ႇ မူႇၸေႊ ထုၵ်ႇယိုဝ်းတၢႆ ၵေႃႉၼိုင်ႈ

Must read

မိူဝ်ႈၼႆႉ ဝၼ်းတီႈ 2/11/2021 ယၢမ်းဝၢႆးဝၼ်း 3 မူင်းပၢႆ ၵူၼ်းၼုမ်ႇၽူႈၸၢႆး ဢႃယု မွၵ်ႈ 20 ၵေႃႉၼိုင်ႈ ထုၵ်ႇယိုဝ်းတၢႆ ႁိမ်းၵၢတ်ႇၶၢင် (ကချင် စျေး) ပွၵ်ႉႁူဝ်မူၼ်ႇ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။

ယိုဝ်းၵၼ် မူႇၸေႊ
Photo CJ- ၵူၼ်းၼုမ်ႇ မူႇၸေႊ ထုၵ်ႇယိုဝ်းတၢႆ 2/11/2021

ၽူႈၸွႆႈထႅမ် ၸုမ်းပရႁိတ မူႇၸေႊ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ၵူၼ်းၼုမ်ႇ ဢႃယုမွၵ်ႈ 20 ၼႆႉ ထုၵ်ႇယိုဝ်းတၢႆ တီႈ ႁိမ်းၵၢတ်ႇၶၢင်ၶႃႈဢေႃႈ။ ၸိုဝ်ႈမၼ်းၸၢႆးဝႃႈႁိုဝ်တႄႉ ဢမ်ႇလႆႈႁူႉၶႃႈ။ လႆႈႁၼ်ယိုဝ်းသႂ်ႇ 2 တီႈ။ တီႈၵွၵ်းႁူဝ် လုၵ်ႈၼိုင်ႈလႄႈ တီႈၶေႃးလုၵ်ႈၼိုင်ႈ ၶႃႈ”- ဝႃႈၼႆ။

- Subscription -

လွင်ႈယိုဝ်းၵၼ်ၼႆႉ ပဵၼ်ၼမ်ႉမိုဝ်းၽႂ် ၸုမ်းလႂ် ၊ယွၼ်ႉသင်လႄႈယိုဝ်းၵၼ်  ဢၼ်ဝႃႈၼၼ်ႉ ပႆႇလႆႈႁူႉ ယၢမ်းလဵဝ် တူဝ်တၢႆ ၵူၼ်းၼုမ်ႇၼႆႉ လႆႈသူင်ႇဝႆႉတီႈႁူင်းယႃလူင် ၵူၼ်းမိူင်းမူႇၸေႊဝႆႉ ဝႃႈၼႆ။

ၵူၼ်းၼုမ်ႇ ဢၼ်ထုၵ်ႇယိုဝ်းတၢႆၼႆႉ လႆႈႁူႉဝႃႈပဵၼ်ၵူၼ်း  ပွၵ်ႉၵၢတ်ႇ ၸႄႈဝဵင်းမူႇၸေႊ ၼႆယဝ်ႉ။

ဝၢႆးလင် ၶွင်ႇသီႇသိုၵ်းမၢၼ်ႈ ယိုတ်းမိူင်းမႃးၼႆႉ ၼႂ်းၸႄႈဝဵင်းမူႇၸေႊ ၵႆႉမီးလွင်ႈပိုတ်းယိုဝ်းၵၼ်တၢႆ၊ မၢၵ်ႇတႅၵ်ႇ၊ ၾႆးမႆႈ ၸဵမ်ၸိူဝ်းၼႆႉမႃး ၶိူဝ်းယႂ်း  ။

မိူဝ်ႈဝၼ်းတီႈ 26/6/2021 ယၢမ်းၵၢင်ၶမ်ႈ မွၵ်ႈ 8 မူင်း ၵူၼ်းမၢၼ်ႈႁွင်းလွႆ ဢိူင်ႇၼွင်လွင်း ၸႄႈဝဵင်းမူႇၸေႊ မီးၵူၼ်းႁၢႆႉ 3 ၵေႃႉ ၶီႇရူတ်ၶိူင်ႈ မႃးသေ ၶဝ်ႈယိုဝ်းမၼ်းၸၢႆး ထိုင်ၼႂ်းႁိူၼ်း မၢၵ်ႇၵွင်ႈတိူဝ်ႉၺႃး 5 ၵမ်း မၢတ်ႇၸဵပ်းႁၢဝ်ႈႁႅင်းသေ လႆႈသူင်ႇယူတ်းယႃတူဝ် တီႈၼမ်ႉၶမ်း ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း