ပၢင်တေႃႇလွင်း တီႈဝဵင်းပၢင်လူင် ၸတ်းႁဵတ်းမႃးၶၢဝ်းတၢင်း 10 ဝၼ်းပၢႆ သူင်ႇသဵင်လင်ယၢမ်းၵၢင်ၶမ်ႈၵၢင်ၶိုၼ်း ၵူၼ်းမိူင်းဢမ်ႇၸၢင်ႈလပ်းၸၢင်ႈၼွၼ်း တုၵ်းယွၼ်းႁႂ်ႈၸဵဝ်းၵိုတ်းပိၵ်ႉပၢင်တေႃႇလွင်းဝႃႈၼႆ။ ပၢင်တေႃႇလွင်းၼႆႉ ပိုတ်ႇဝႆႉတီႈ ၽြႃးလေးသူး ၾၢႆႇတူၵ်းၵျွင်းဝၢၼ်ႈဢႅၼ်ႇ ၼႂ်းဝဵင်းပၢင်လူင် ၸႄႈဝဵင်းလွႆလႅမ်။ တႄႇပိုတ်ႇမႃးၸဵမ်မိူဝ်ႈဝၼ်းတီႈ 31/01/2023 ။ ပိုတ်ႇယၢမ်းၵၢင်ဝၼ်းလႄႈတင်းၵၢင်ၶိုၼ်း။ မီးပႃးပၢင်မူၼ်ႈသိူဝ်းပၢၼ်မႂ်ႇထႅင်ႈလႄႈ ႁဵတ်းႁႂ်ႈသဵင် ၽဵင်းၵႂၢမ်း ဢိၵ်ႇသဵင်ႁုၼ်ႉမေႃးလင်ႁႅင်း ဢႃးလႃး...

မိူဝ်ႈဝၼ်းတီႈ 11/2/2023 ယၢမ်းၵၢင်ၼႂ် 9 မူင်းၶိုင်ႈၼၼ့် ၾႆးမႆႈႁိူၼ်း 2 လင်ထပ်းၵၼ် တီႈဝၢၼ်ႈၼႃးၵွၼ်း ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၸုမ်းၸွႆႈတူင်ႇဝူင်းၵူၼ်း (ပေးသောလက် စေတနာရှင်အသင်း) ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ၸပ်း တဵၼ်းၽြႃးႁေ ၾႆးတဵၼ်းလူမ့် လၢမ်းမႆႈၵႂႃႇၼႆဢေႃႈ။ ႁိူၼ်းဢၼ်ၾႆးမႆႈၵႂႃႇၼႆ့ ပဵၼ်ႁိူၼ်းတႆးပၢၼ်ၵူႈပွၵ်ႈၼၼ်ႉၶႃႈ...

 ဝၼ်းတီႈ 11/2/2023 ယၢမ်းၵၢင်ၼႂ် 9 မူင်းၼၼ့် ၵူၼ်းဝၢၼ်ႈႁၼ် တူဝ်တၢႆၵူၼ်းၸၢႆးၵေႃ့ၼိုင်ႈ တီႈၼႂ်းတူင်ႈၼႃး ႁိမ်းပွၵ့်5 ဝၢၼ်ႈၼွင်လဵၵ်း ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇ။ ၸုမ်းၸွႆႈတူင်ႇဝူင်းၵူၼ်း မိဘသွေးအလှူရှင်အသင်း ၵေႃ့ၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ တၢႆ ၼႂ်းၼႃးၼၼ့် ဢေႃႈ။  ဢမ်ႇပေႃးၵႆဝဵင်း။ႁိမ်းသဵၼ်ႈတၢင်းၶႅပ်ႇဝဵင်း ၼၼ့်ၼႃႇ။ သဵၼ်ႈတၢင်းဝေႃႇၶူၵ့်ၼႆၵေႃႈ ဝႃႈလႆႈ။မၼ်းတၢႆယွၼ့်သင်တႄ့ ဢမ်ႁူႉၸွမ်းလီလီ...

မိူဝ်ႈဝႃးဝၼ်းတီႈ 9/2/2023 ၵၢင်ၼႂ် 10 မူင်းၶိုင်ႈၼၼ့် ၵူၼ်းၸၢႆးၵေႃႉၼိုင်ႈ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၺႃးၽၼ်းၸွမ်းၵွၵ်းႁူဝ်ႁၢဝ်ႈႁႅင်း  လႄႈၸွမ်းတူဝ်ၶိင်း လိူတ်ႈဢွၵ်ႇၼမ်ႁႅင်း ထိုင်တီႈဢမ်ႇတွင်းဢမ်ႇလၢတ်ႈသင်လႆႈ ။ ၸုမ်းၸွႆႈတူင်ႇဝူင်းၵူၼ်း သူၺ်ႇလႅင်ႇမႅတ့်တႃႇၵေႃႉၼိုင်ႈလၢတ်ႈ တီႈၽူ့တွႆႇႁွၵ်ႈဝႃႈ - “ ၸႂ်ႈယဝ့် မီးၵူၼ်းထူဝ်းမႃးလၢတ်ႈဝႃႈ ၵူၼ်းၸၢႆးၵေႃႉၼိုင်ႈ ၺႃးပိူၼ်ႈၽၼ်းၼႆလႄႈ ႁဝ်းၵႂႃႇၸွႆႈဢဝ်တူဝ်မၼ်းသူင်ႇထိုင်ႁူင်းယႃဢေႃႈ။ႁၼ်မၼ်းမီးယူႇတီႈ ႁိမ်းၵျွင်းသိၼ်ႇတွင်ႇတိတ့်ၶႂႃ့  ႁိမ်းဝၢၼ်ႈတွင်ၼဝ်ႈၼၼ့်ဢေႃႈ။...

ၵူၼ်းၼုမ်ႇၵေႃႉၼိုင်ႈ တီႈဝဵင်းမူႇၸႄႈ ၸူမ်ၼမ့်တၢႆ ႁိမ်းမင်ႇၵလႃႇမူႇၸေႊ။ မိူဝ်ႈဝၼ်းတီႈ 6/2/2023 ယၢမ်းႁူဝ်ၶမ်ႈ 5 မူင်း ၵူၼ်းၼုမ်ႇၵေႃႉၼိုင်ႈ ၸူမ်ၼမ့်မၢဝ်းတၢႆ တီႈဝဵင်းမူႇၸေႊ ဢၼ်ယၢၼ်ၵၼ်တၢင်း မင်ႇၵလႃႇမူႇၸႄႈ မွၵ်ႈၼိုင်ႈလၵ်း။ ၸုမ်းၸွႆႈတူင်ႇဝူင်းၵူၼ်း နှလုံးလှ လၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၵူၼ်းၼုမ်ႇၼႆၼႃႇၼေႃႈ ၶဝ်တေႁူမ်ႈ ၵၼ်သေ ၵႂႃႇၵိၼ်ၵျေႃႇၵၼ်ၵႂႃႈ။ သမ့်တေမႆႈလႄႈ ဢွၼ်ၵၼ်လူင်းလုၺ်းၼမ့်ႁဵတ်းၼႆႁိုဝ်ဢမ်ႇႁူႉ...

ၼုမ်ႇယိင်းဢွၼ်ႇၵေႃ့ၼိုင်ႈ ၵူၼ်းတၢင်ႉယၢၼ်း ၵႂႃႇႁႃႁဵတ်းၵၢၼ်တၢင်းမိူင်းပွၵ့်-ပၢင်သၢင်းသေ ႁၢႆတူဝ်ၵႂႃႇလႆႈ 8 ဝၼ်းယဝ့်ပႆႇႁၼ်ၶိုၼ်း။ ၸိုဝ်ႈမၼ်းၼၢင်းႁွင်ႉ ၼၢင်းထူၺ်းၼူ့ ဢႃယု 15 ပီ ဢွၵ်ႇႁိူၼ်းၵႂႃႇ ႁဵတ်းၵၢၼ်တၢင်းမိူင်းပွၵ့် ၶၢဝ်းတၢင်းၶိုင်ႈပီပၢႆယဝ်ႉ၊  မိူဝ်ႈဝၼ်းတီႈ 31 /01/ 2023 ယၢမ်းဝၢႆးဝၼ်း 3 မူင်း   မၼ်းၼၢင်းဝႃႈတေၵႂႃႇႁဵတ်းၵၢၼ်တီႈပၢင်သၢင်းၼႆသေ လုၵ်ႉတီႈ ႁွင်ႈသဝ်းသေဢွၵ်ႇၵႂႃႇ ဢဝ်ႁၢႆလၢႆပႅတ်ႈၵၢင်တၢင်း၊...

 ၵူၼ်းၸၢႆး 2 ၵေႃႉတီႈဝဵင်းပၢင်ႁူႈ(ပၢင်ႇဢူႈလူင်) ထုၵ်ႇတႅင်းတၢႆၼိူဝ်သဵၼ်ႈတၢင်းလူင် ၼႂ်းဝဵင်းဢၼ်မီးႁိမ်းႁူင်းႁႅမ်းပၢၼ်းၶျႄႇရီႇ။ မိူဝ်ႈၼႆ့ ဝၼ်းတီႈ 7/2/2023 ယၢမ်းၵၢင်ၼႂ် 7 မူင်းၼၼ့်  တူဝ်တၢႆၵူၼ်းၸၢႆး 2 ၵေႃႉ မီးဝႆႉတီႈၼိူဝ်သဵၼ်ႈတၢင်းလူင် ၶျႄႇရီႇ ႁိမ်းႁူင်းႁႅမ်းပၢၼ်းၶျႄႇရီႇ ၸႄႈဝဵင်းပၢင်ႁူႈ ။မီးၵူၼ်းၸႅင်ႈလႄႈၸုမ်းၸွႆႈထႅမ် ၸင်ႇၼႅတ်ႈၵႂႃႇတူၺ်း တႃႇၸွႆႈထႅမ် ။လႅပ်ႈၺႃးတႅင်းတၢႆၸဵမ်ၶမ်ႈဝႃးယဝ်ႉဝႃႈၼႆ။ ၸုမ်းၸွႆႈတူင်ႇဝူင်းၵူၼ်း သၼ်ႇတိသုၶ ( သန္တိသုခ...

ၵႃးလမ်းၼိုင်ႈ တီႈလွႆၶေႃ ယဵပ်ႇၺႃးမၢၵ်ႇ   ၵူၼ်းၶီႇမႃးၸွမ်း မၢတ်ႇၸဵပ်း 2 ၵေႃႉ လူ့တၢႆထင်တီႈ 4 ၵေႃႉ။ မိူဝ်ႈဝႃး ဝၼ်းတီႈ 6/2/2023 ဝၢႆးဝၼ်း 2 မူင်း ၵႃးၵူၼ်းႁိူၼ်း လမ်းၼိုင်ႈ ယဵပ်ႇၺႃးမၢၵ်ႇၼိူဝ်သဵၼ်ႈတၢင်းလူင် ႁိမ်းဝၢၼ်ႈၸယၢတ်ႉၽိဝ်ႇ ၸႄႈဝဵင်းလွႆၶေႃ မီးၵူၼ်းမၢတ်ႇၸဵပ်းႁၢဝ်ႈႁႅင်း 2 ၵေႃႉ လူ့တၢႆထင်တီႈ...

မိူဝ်ႈၼႆႉ ဝၼ်းတီႈ 2/2/2023 ယၢမ်းၵၢင်ဝၼ်း 11:15 မူင်း မၢၵ်ႇတႅၵ်ႇ ၼိူဝ်သဵၼ်ႈတၢင်းၵမ်ႉၵေႃႇ ပွၵ်ႉႁူဝ်မူၼ်ႇ ဝဵင်းမူႇၸေႊ လုၵ်ႈၼိုင်ႈ တႅၵ်ႇတိူဝ်ႉသႂ်ႇ ၽူႈၸၢႆး ၵူၼ်းမိူင်းၵေႃႉၼိုင်ႈ လႆႈမၢတ်ႇၸဵပ်းၸွမ်း ၼႆယဝ်ႉ။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈၼႆႉ တီႈႁူင်းႁေႃ (မဵဝ်ႉတေႃႇၶၢၼ်းမ) ၼၼ်ႉ ၶဝ်ႁဵတ်းပွႆး(လေႇလၢၼ်ႇ)...

တီႈဝဵင်းပၢင်လူင် ၶိုၼ်းမီးပၢင်တေႃႇလွင်း သမ်ႉပိုတ်ႇၼႂ်းဝၢၼ်ႈလႄႈႁဵတ်းႁႂ်ႈသဵင်လင်မေႃးႁႅင်း တုမ်ႉယွၼ်ႈထိုင်ၵူၼ်းဝၢၼ်ႈ ဢမ်ႇၸၢင်ႈလပ်းၸၢင်ႈ ၼွၼ်း ဢမ်ႇမီးလွင်ႈႁူမ်ႇလူမ်ႈဝႃႈၼႆ။ တႄႇဢဝ် ဝၼ်းတီႈ 31/1/2023 ၼႆႉမႃး တီႈဝဵင်းပၢင်လူင် ၸႄႈဝဵင်းလွႆလႅမ် တႄႇပိုတ်ႇပၢင်တေႃႇလွင်းမႃး တီႈႁိူၼ်းၸဝ်ႈ တႅင်ႇလူင် ဢၼ်မီးတီႈၽြႃးလေးသူး ၾၢႆႇတူၵ်းၵျွင်းဝၢၼ်ႈဢႅၼ်ႇၼၼ်ႉ ၵူၼ်းၵႂႃႇတေႃႇလွင်း ၵိုၼ်းၶွၼ်ႈၼမ်သေ ဢမ်ႇၵႃး ယဝ်ႉၵေႃႈ မီးပႃးပၢင်မူၼ်ႈသိူဝ်းၽဵင်းၵႂၢမ်းသဵင်လင်ထႅင်ႈလႄႈ ယွၼ်ႈထိုင်ၵူၼ်းပိုၼ်ႉတီႈ...

မိူဝ်ႈၼႆႉ ဝၼ်းတီႈ 1/2/2023 ယၢမ်းၵၢင်ၼႂ်မွၵ်ႈ 8:50 မူင်း မၢၵ်ႇတႅၵ်ႇ ႁိမ်းၶူင်ႇႁိူဝ်းမိၼ်ၵဝ်ႇ တီႈပွၵ်ႉၼိူဝ် ဝဵင်းမူႇၸေႊ လႅၼ်လိၼ်တႆး - ၶႄႇ လုၵ်ႈၼိုင်ႈ သဵင်လင်ႁႅင်းလႄႈၵူၼ်းပိုၼ်ႉတီႈတူၵ်းၸႂ်။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ မၢၵ်ႇတႅၵ်ႇ တီႈႁိမ်းပၢင်ႇႁိူဝ်းမိၼ်ၵဝ်ႇ ပွၵ်ႉၼိူဝ် လုၵ်ႈ ၼိုင်ႈ...

ပၢင်တေႃႇလွင်းတီႈၸႄႈဝဵင်းတၢင်ႉယၢၼ်း ၵိုၼ်းၶွၼ်ႈ ပႃးၸဵမ်လုၵ်ႈဢွၼ်ႇ ဢႃယု 10 ၶူပ်ႇပၢႆ ဢွၼ်ၵၼ်ၵႂႃႇတေႃႇလွင်း ပေႃႈမႄႈလႄႈၵူၼ်းၼႂ်းဝၢၼ်ႈမႆႈၸႂ်။ ၸဝ်ႈတႅင်ႇပၢင်လွင်း ၼႄၼႃႈတိူဝ်ႈဝႃႈပဵၼ်ၶၢဝ်းပီမႂ်ႇၶႄႇၼႆသေပိုတ်ႇပၢင်တေႃႇလွင်းဝႆႉၼႂ်းဝၢၼ်ႈၼမ်ႉၽၵ်းလၢၼ်း ၸႄႈဝဵင်းတၢင်ႉယၢၼ်း။ ၼၢင်းယိင်း ၵူၼ်းတၢင်ႉယၢၼ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ-“မီးႁိမ်းလွႆမွၵ်ႇၵွၼ်ႇၼၼ်ႉၶႃႈၼေႈ။ လုၵ်ႈဢွၼ်ႇ 10 ၶူပ်ႇၸိူဝ်းၼႆႉ မႃးလဵၼ်ႈတေႃႇလွင်း ပေႃးထၢၼ်ႇၵၢၼ်ၵိၼ်ၶဝ်ႈၵိၼ်ၼမ်ႉ ၶႃႈၼေႈ။ မၢင်ၵေႃႉမီးပေႃႈၶဝ်မႃးသွၼ်ပၼ်ပႃးလုၵ်ႈဢွၼ်ႇလဵၼ်ႈၵွၼ်ႇၶႃႈယဝ်ႉ”- ဝႃႈၼႆ။ လုၵ်ႈဢွၼ်ႇၸိူဝ်းမႃးလဵၼ်ႈတေႃႇလွင်း ယိပ်းမၢင်မိုၼ်ႇ မၢင်ႁႃႈႁဵင်သေလဵၼ်ႈလွၼ်ႉလွၼ်ႉ။ “လုၵ်ႈဢွၼ်ႇၼႆႉယိပ်းမၢင်မိုၼ်ႇႁေလွင်းလူင်ယူႇၶႃႈၼေႈ ။ ၵမ်ႈၽွင်ႈယင်းတေဢမ်ႇႁူႉမၢင်ႁဵင်မၢင်မိုၼ်ႇသင်ၵွၼ်ႇၶႃႈယူဝ်းတူၺ်းတႄႉ။ ပီၼႆႉ...

တႄႇဢဝ်မိူဝ်ႈဝၼ်းတီႈ 27 ထိုင် 29/1/2023 သၢမ်ဝၼ်းထပ်းၵၼ် ရူတ့်ၶိူင်ႈ ၵူၼ်းမိူင်း ပွၵ့် 12 ဝၢၼ်ႈၼႃးႁၢတ်ႇၵႃ ၺႃးလၵ့် 2 လမ်းလႄႈ ၺႃးၸူၼ် လမ်းၼိုင်ႈ။ ၵူၼ်းပိုၼ့်တီႈၼၢင်းယိင်းဝဵင်းလႃႈသဵဝ်ႈၵေႃ့ၼိုင်ႈလၢတ်ႈတီႈ ၽူႈတွႆႇႁွၵ်ႈဝႃႈ- “ ဢႃးးးလူဝ်ႉ- ၽူႈလၵ့်ၵူၼ်းၸူၼ်ၼမ်ၼႅၼ်ႇ။ၶႂ်ႈဝႃႈမီးၵူႈဝၼ်းယဝ့်။သၢမ်ဝၼ်းထပ်းၵၼ်ယဝ့်ဢေႃႈၼႆ့ ဝၢၼ်ႈႁဝ်းၼႆ့။ မိူဝ်ႈတႃႇဝၼ်း မႃးလၵ့်ဢဝ် သင်ႇၵေႇ(ရူတ်ႉၶိူင်ႈ) ႁိူၼ်းတၢင်းၸၢၼ်းၼၼ့်ၵႂႃႇဢေႃႈ။ထႅင်ႈဝၼ်းၼိုင်ႈသမ့်...

ၵူၼ်းၵိၼ်ၸၢင်ႈလဵင်ႉပႄႉ ၽိတ်းမေႃးၵၼ်တင်း ၼွင်ႉၸၢႆးမႄႈလဵင်ႉၸဝ်ႈပႄႉ  ထိုင်တီႈတႅင်းၵၼ် တၢႆ   တီႈဝဵင်းတႃႈလိူဝ်ႇ ၸႄႈတွၼ်ႈတႃႈၶီႈလဵၵ်း  ။ လွင်ႈၽၼ်းတႅင်းၵၼ်တၢႆၼႆႉပဵၼ်ၵႂႃႇ မိူဝ်ႈၼႆႉ ဝၼ်းတီႈ 30/1/2023 ၵၢင်ဝၼ်း 12 မူင်း  တီႈဢိူင်ႇၼႃးယွင်း ဝဵင်းတႃႈလိူဝ်ႇ ၸႄႈတွၼ်ႈတႃႈၶီႈလဵၵ်း  ။ ၸုမ်းၸွႆႈတူင်ႇဝူင်းၵူၼ်းလေႃးၵပႃႇလ ဝဵင်းတႃႈလိူဝ်ႇ လၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၽူႈၸၢႆးဢၼ် တၢႆ...

မိူဝ်ႈၼႆႉ ဝၼ်းတီႈ 30/1/2023 ယၢမ်းၵၢင်ၼႂ်ၸဝ်ႉ 4 မူင်းပၢႆ ၾႆးမႆႈႁိူၼ်းလုင်းၵွၼ်းတႆႇၺ - ပႃႈယုမ်ႉလႄႈ လုင်းၸိင်ႇၼ - ပႃႈ မီးဢွင်ႇ တီႈဝၢၼ်ႈၵုၼ်မူင်ႈ ပွၵ်ႉ 1 ဝဵင်းၵဵင်းတွင်း ၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၶူဝ်းႁိူၼ်းယေး ဢမ်ႇတၼ်း လႆႈ လူႉသုမ်းၼမ် လွင်ႈၵူၼ်းမၢတ်ႇၸဵပ်းလူႉတၢႆ...