Saturday, May 25, 2024

 ၵူၼ်းၸၢႆးၵေႃ့ၼိုင်ႈၺႃးၽၼ်းတီႈဝဵင်းတႃႈၶီႈလဵၵ်း

Must read

မိူဝ်ႈဝႃးဝၼ်းတီႈ 16/2/2023 ၵၢင်ၼႂ်ၸဝ့် 1 မူင်းၶိုင်ႈၼၼ့် ၵူၼ်းၸၢႆးၵေႃ့ၼိုင်ႈ ၺႃးၵူၼ်းဢမ်ႇႁူ့ၾၢႆႇၽၼ်း တီႈၼႃႈႁၢၼ့်ၶၢႆၶမ်း ၼၢင်းသူၺ်ႇၸိၼ်း မၢႆ 3  ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။

ၽူႈတူင့်ၼိုင်ႈၼႂ်းၸုမ်းၸွႆႈတူင်ႇဝူင်းၵူၼ်းဢူးလႃ့မူဝ်း ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ ၶဝ်ႈပေႃႈမႄႈလုၵ်ႈ တိုၵ့်ပႆတၢင်းၸွမ်းၵၼ်ယူႇၼႆဝႃႈၼၼ့်။ ၵူၼ်းႁိမ်းထူဝ်းၾူၼ်းမႃး ၶၢဝ်းယၢမ်းပေႃး မီး 1 မူင်းၶိုင်ႈပၢႆၼႆ့ယဝ့်။ၵွၵ်းႁူဝ်မၼ်းတႄ့ မီးႁွႆးၽႃးၽၼ်းဝႆ့ဢေႃႈ။ယွၼ့်သင်လႄႈ မႃးၽၼ်းတႄ့ ဢမ်ႇႁူ့။မီးၵူၼ်းၵေႃ့ၼိုင်ႈ ၶဝ်ႈမႃးၽၼ်းၵႂႃႇၸိူင့်ၼၼ်ၵူၺ်းၼႆဢေႃႈ” – ဝႃႈၼႆ။

- Subscription -

ၵူၼ်းၸၢႆးၵေႃ့ဢၼ်ၺႃးၽၼ်းၼႆ့ ၸိုဝ်ႈ ဢႃးၽျေႃ့ ယူႇဝၢၼ်ႈပႃႇၵူၺ့် ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။ မိူဝ်ႈလဵဝ် ၸုမ်းၸွႆႈတူင်ႇဝူင်းၵူၼ်း ဢူးလႃ့မူဝ်း ၸွႆႈသူင်ႇယူတ်းယႃ တူဝ်ဝႆ့တီႈ ႁူင်းယႃလူင်တႃႈၶီႈလဵၵ်း ၸိုင်ႈတႆးပွတ်းဢွၵ်ႇ။

ၽူႈတူင့်ၼိုင်ႈၼႂ်းၸုမ်းၸွႆႈတူင်ႇဝူင်းၵူၼ်း ဢူးလႃ့မူဝ်းသိုပ်ႇလၢတ်ႈဝႃႈ – “ တီႈတႃႈၶီႈလဵၵ်းၼႆ့ ၶၢဝ်းၵၢင်ၶမ်ႈၵၢင်ႈၶိုၼ်းၵေႃႈ ၵူၼ်းၸိူဝ်းဢမ်ႇလပ်းဢမ်ႇၼွၼ်းႁေ ၵႂႃႇၵႂႃႇမႃးမႃးယူႇတႃႇသေႇၵေႃႈမီးဢေႃႈ။ၵူၼ်းၸိူဝ်းဢမ်ႇမီးႁိူၼ်းဢမ်ႇမီးယေးၵေႃႈ မႃးၼွၼ်းယူႇၸွမ်း ၶႅပ်ႇတၢင်းၼႂ်းဝဵင်းၸိူဝ်းၼႆ့ၵေႃႈ ၼမ်မႃးၼေႈ။လွင်ႈႁုၵ့်ႁၢႆ့ၵေႃႈ ပဵၼ်လႆႈငၢႆႈၼႃႇ” – ဝႃႈၼႆ။

မိူဝ်ႈဝၼ်းတီႈ 16/2/2023 ယၢမ်းၵၢင်ႈၶမ်ႈ 7 မူင်းၶိုင်ႈၼၼ့်ၵေႃႈ ၼုမ်ႇၸၢႆး ဢႃယု 16 ၺႃးၽၼ်းသေ ၶိုင်ဢၢင်ႈၸူၼ်ရူတ့်ၶိူင်ႈ တီႈတၢင်းၶဝ်ႈဝၢၼ်ႈလွႆသထူင်ႇ ၸႄႈဝဵင်းတႃႈၶီႈလဵၵ်းၸိုင်ႈတႆးပွတ်းဢွၵ်ႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း