ၵူၼ်းမူႇၸေႊ 3 ၵေႃႉၺႃးၶႃႈလူႉတၢႆသေ ၸွၵ်းထူင်ၵႂႃႇပႅတ်ႈၼႂ်းၵွင်ႈယုၵ်းယၢၵ်း ဢၼ်မီးႁိမ်းဝၢၼ်ႈႁူဝ်ၼွင်။ ဝၼ်းတီႈ 21/10/2023 ယၢမ်း10 မူင်း ထူပ်းႁၼ်ထူင်ၸၢၼ်ႈ ဢၼ်ႁေႃႇပူၵ်ႉတူဝ်ၵူၼ်းတၢႆၼဝ်ႈဝႆႉ 3 ၵေႃႉ တီႈၵွင်ယုၵ်းယၢၵ်း ႁိမ်းဝၢၼ်ႈႁူဝ်ၼွင် ၸႄႈဝဵင်းမူႇၸေႊ ။ ၵူၼ်းပိုၼ်ႉတီႈၼႂ်းဝဵင်းမူႊၸေႊၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ၶဝ်ပိၵ်ႉသႅင်ႇၶဝ်ဝႆႉ မွၵ်ႈ 10 ဝၼ်းၼႆႉလႄႈ ထၢင်ႇဝႃႈ...

ၵူၼ်းမိူင်းၶႄႇ ၸုမ်းလႅၼ်ၵိၼ်ငိုၼ်းတၢင်းဢွၼ်ႊလၢႆႊ ဢၼ်မႃးႁဵတ်းၵိၼ် ၼႂ်းၼႃႈတီႈတပ်ႉသိုၵ်းဝႃႉ UWSA ၵုမ်းၵမ် ၼၼ်ႉ ယွၼ်ႉမီးၶၢဝ်ႇဝႃႈလူင်ပွင်ၸိုင်ႈၶႄႇ သင်ႇႁႂ်ႈသိုၵ်းဝႃႉ တီႉၺွပ်းသူင်ႇတူဝ်ပၼ်ၶိုၼ်းၼႆလႄႈ ဢွၼ်ၵၼ်ပၢႆႈမႃးမူၵ်း တီႈဝဵင်းမိူင်းယႆ မွၵ်ႈ 800 ၵေႃႉ။ တႄႇဢဝ် ႁူဝ်လိူၼ်ဢွၵ်ႊထိူဝ်ႊပိူဝ်ႊ 2023 ၼႆႉမႃး ၵူၼ်းမိူင်းၶႄႇ မွၵ်ႈ 800 ၵေႃႉ လုၵ်ႉတီႈဝဵင်းပၢင်သၢင်း ပၢႆႈမႃးမူၵ်းသွၼ်ႈဝႆႉ...

မီးၸုမ်းဢမ်ႇႁူႉၾၢႆႇ ဢႅဝ်ႇၵဵပ်းၶွၼ်ႇ တီႈၸဝ်ႈၶွင်ႁၢၼ်ႉၶၢႆၶဝ်ႈၽၵ်းလႄႈ ႁၢၼ်ႉၶၢႆၶူဝ်းၵုၼ်ႇ ၼႂ်းဢိူင်ႇႁူဝ်ယ ဝဵင်းမိူင်းယႆ မႃးၶိူဝ်းယႂ်း ၼိုင်ႈႁၢၼ်ႉလႂ် ႁႂ်ႈသႂ်ႇပၼ် 100 သႅၼ်ပျႃး။ ပူၼ်ႉမႃး မိူဝ်ႈဝၼ်းတီႈ 17/10/2023 မီးၸုမ်းဢမ်ႇႁူႉၾၢႆႇ ပူၵ်ႉၼႃႈတႃ သႂ်ႇၶူဝ်းၵူၼ်းမိူင်း လၢႆၵေႃႉသေ ဢႅဝ်ႇပၼ် လိၵ်ႈၸူး တီႈႁၢၼ်ႉၶၢႆၶဝ်ႈၽၵ်းလႄႈ ႁၢၼ်ႉၶၢႆၶူဝ်းၵုၼ်ႇ ၸွမ်းၼႂ်းဢိူင်ႇႁူဝ်ယ ၸႄႈဝဵင်းမိူင်းယႆ ၸႄႈတွၼ်ႈလႃႈသဵဝ်ႈ...

ၵႃး - ရူတ်ႉၶိူင်ႈၽႃႇၵၼ် တီႈဝဵင်းၼမ်ႉလၼ်ႈ ၵူၼ်းၶီႇရူတ်ႉၶိူင်ႈတၢႆ ပဵၼ်ၵူၼ်းသိုၵ်း SSPP ၊ ၸဝ်ႈၵႃးၶိုင်ႁေႃႈပၢႆႈ ဢမ်ႇတၼ်းပူၼ်ႉ ယွၼ်ႉမၢၵ်ႇၵႃးလၼ်ဢွၵ်ႇၸွမ်းတၢင်းသေ ထုၵ်ႇတီႉၺွပ်းၵုမ်းတူဝ်။ ပူၼ်ႉမႃး ဝၼ်းတီႈ 17/10/2023 ယၢမ်းၵၢင်ၼႂ် 9:20 မူင်း ၸၢႆးမၼ်ႇတလ ၵူၼ်းသိုၵ်း SSPP ထုၵ်ႇၵႃးၽႃႇသႂ်ႇ ၼႂ်းၵႄႈ ဝၢၼ်ႈၶူဝ်ႁၢၵ်းလႄႈ...

မိူဝ်ႈၼႆႉ ဝၼ်းတီႈ 18/10/2023  ယၢမ်းၵၢင်ၼႂ် 9 မူင်းပၢႆၼၼ်ႉ  ၵူၼ်းဝၢၼ်ႈႁၢတ်ႇ ၸႄႈဝဵင်းလၢင်းၶိူဝ်း 2 ၵေႃႉ ၺႃးမူၵ်ႇၾႆးတႅၵ်ႇသႂ်ႇ လူႉတၢႆထင်တီႈ ႁိူၼ်းယေးလူႉၵွႆ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈယဝ်ႉ ငိၼ်းဝႃႈမၼ်းၵႂႃႇၶၢႆၶူဝ်းၼႂ်းၵၢတ်ႇသေပွၵ်ႈမႃး ၊ မိူဝ်ႈမႃးထိုင်ႁိူၼ်းၼၼ်ႉ ဢၢင်ႈတေႃႉဢဝ် မူၵ်ႇၾႆးၼိူဝ်ရူတ်ႉၶိူင်ႈၼၼ်ႉ ၶဝ်ႈၼႂ်းႁိူၼ်း။ ၽွင်းၼၼ်ႉသမ်ႉ မူၵ်ႇၾႆး...

မီးၵူၼ်းဢမ်ႇႁူႉၾၢႆႇ လႅၼ်ၵိၼ်ငိုၼ်း တီႈၸဝ်ႈၵွၼ်းဝတ်ႉဝၢၼ်ႈၵႅဝ်ႈလူင် ဝဵင်းတႃႈၶီႈလဵၵ်းၵႂႃႇ ဢမ်ႇယွမ်း 1,000,000 ဝၢတ်ႇ (ၼိုင်ႈလၢၼ်ႉဝၢတ်ႇ ငိုၼ်းထႆး)။ ၸဝ်ႈၶူး ၼၼ်ႇတႃႇသႃႇရ (ႁွင်ႉ) သၢႆလႅင်းၶိူဝ်း ၸဝ်ႈၵွၼ်းဝတ်ႉဝၢၼ်ႈၵႅဝ်ႈလူင် ဢိူင်ႇၽင်မိၼ် ၸႄႈဝဵင်းတႃႈၶီႈလဵၵ်း ၸိုင်ႈတႆး ပွတ်းဢွၵ်ႇၶူင်း လႅၼ်လိၼ်တႆး - ထႆး ထုၵ်ႇၵူၼ်းဢမ်ႇႁူႉၾၢႆႇ လႅၼ်ဢဝ်ငိုၼ်းၸဝ်ႈၵႂႃႇ 1,500,000 ဝၢတ်ႇ...

ၵူၼ်းမိူင်းၶႄႇ ၸိူဝ်းမႃးထင်သဝ်း ၼႂ်းမိူင်းတႆးသေ ႁဵတ်းၵိၼ်ၵၢၼ်လွၵ်ႇၵိၼ်ငိုၼ်းၼိူဝ် ဢွၼ်ႊလၢႆႊၼမ် ယွၼ်ႉႁႅင်းဢီး လူင်ပွင်ၸိုင်ႈၶႄႇသေ သိုၵ်းဝႃႉ UWSA သႂ်ႇႁႅင်းလူင်းပိုၼ်ႉတီႈ ၵူတ်ႇသွၵ်ႈ ။ မိူဝ်ႈဝၼ်းတီႈ 14/10/2023 ယၢမ်းၵၢင်ၼႂ်  သိုၵ်းဝႃႉ UWSA လူင်းၵူတ်ႇထတ်း  ၵူၼ်းမိူင်းၶႄႇ ၸိူဝ်းမႃး ထင်သဝ်းတီႈ ဢိူင်ႇမိူင်းယွၼ်း ၊ ၸႄႈဝဵင်းမိူင်းသၢတ်ႇ ၊...

မီးလွင်ႈၵဵဝ်ႇၶွင်ႈၸွမ်း ၵၢၼ်လႅၼ်ငိုၼ်းၼိူဝ်ဢွၼ်ႊလၢႆႊၼႆသေ UWSA ပိုၼ်ၽၢဝ်ႇ ပူတ်းၸၼ်ႉ ၽူႈမီးၸၼ်ႉၼႂ်းၸုမ်း 2 ၵေႃႉ ၼႆယဝ်ႉ။ လိၵ်ႈပိုၼ်ၽၢဝ်ႇၼၼ်ႉ တႅမ်ႈဝႆႉတင်းလိၵ်ႈၶႄႇ၊ ပိုၼ်ၽၢဝ်ႇဢွၵ်ႇမိူဝ်ႈဝၼ်းတီႈ 16/10/2023  ။ ၼႂ်းလိၵ်ႈပိုၼ်ၽၢဝ်ႇ UWSA ၼၼ်ႉပႃးဝႆႉဝႃႈ - “ 2 ၵေႃႉၼႆႉ မၼ်းႁဵတ်းၽိတ်းပၵ်းပိူင် ယဝ်ႉၵေႃႈ ၶဝ်ႁဵတ်းႁႂ်ႈ မီးပၼ်ႁႃၼႂ်းၵႄႈလွင်ႈၵပ်းသိုပ်ႇၵပ်းသၢၼ် ႁဝ်းလႄႈ...

ၼႂ်းလိူၼ်ဢွၵ်ႊထိူဝ်ႊပိူဝ်ႊၼႆႉၵူၺ်း မၢၵ်ႇတႅၵ်ႇ တီႈဝဵင်းလႃႈသဵဝ်ႈ 2 ပွၵ်ႈယဝ်ႉ လွင်ႈတုမ်ႉတိူဝ်ႉ ၵူၼ်းမၢတ်ႇၸဵပ်းလူႉ တၢႆတႄႉ ဢမ်ႇမီး ၵူၼ်းမိူင်း ဢမ်ႇမီးလွင်ႈႁူမ်ႇလူမ်ႈ ။ ဝၼ်းတီႈ 16/10/2023 ယၢမ်းၵၢင်ၶမ်ႈမွၵ်ႈ 7:20 မူင်း မၢၵ်ႇတႅၵ်ႇ တီႈၼႃႈႁၢၼ်ႉလၢင်ႉရူတ်ႉၵႃး (အမိအိမ် ရေဆေးခုံ) ႁိမ်းသူၼ်မွၵ်ႇ...

သွင်ၵေႃႉၽူဝ်မေး ဢၼ်ယူႇၼႂ်းသူၼ်ယၢင်ရႃႇပႃႇတီႈၼိုင်ႈ ဢၼ်မီးႁိမ်းသဵၼ်ႈတၢင်းလူင် တႃႈၶီႈလဵၵ်း - ၵဵင်းတုင် ၼၼ်ႉ ၽိတ်းမေႃးၵၼ်  ၵေႃႉပဵၼ်ၽူဝ် ၺႃးတႅင်းတၢႆထင်တီႈ။ မိူဝ်ႈဝၼ်းတီႈ 15/10/2023 ယၢမ်းၵၢင်ၶိုၼ်း 11 မူင်း သွင်ၽူဝ်မေးၵူၼ်းမိူင်းမၢၼ်ႈတူင်ႈပဵင်း ဢၼ်မႃးႁဵတ်းၵၢၼ် ၼႂ်းသူၼ်ယၢင်ရႃႇပႃႇၼၼ်ႉ ၽိတ်းမေႃးပေႃႉႁႅမ်ၵၼ်သေ ၵေႃႉပဵၼ်မေး တႅင်းၺႃးၽူဝ် တၢႆထိုင်တီႈ။ ၽူႈၶဝ်ႈၸုမ်းၸွႆႈတူင်ႇဝူင်းၵူၼ်းသူၺ်ႇမၢၵ်ႇယၢင်းလၢတ်ႈတီႈၽူႈတွႆႇႁွၵ်ႈဝႃႈ - “   ၶႃၽူဝ်မေးၽိတ်းၵၼ်...

ႁူဝ်လိူၼ်ၼႆႉၵူၺ်း ၸဝ်ႈရူတ်ႉၶိူင်ႈႁပ်ႉၸၢင်ႈ(Taxi)တႃႈၶီႈလဵၵ်း 2 ၵေႃႉ ၺႃးၵူၼ်းၶၢတ်ႈၶီႇၽၼ်းတႅင်း  တၢႆၵေႃႉၼိုင်ႈ မၢတ်ႇၸဵပ်းၵေႃႉၼိုင်ႈ။ ၶၢဝ်းတၢင်းသိုၵ်းမၢၼ်ႈယိုတ်းမိူင်းမႃး ၼႆႉ ၵူၼ်းတၢင်ႇတီႈသီႇလႅၼ် မႃးႁႃႁဵတ်းၵၢၼ်ၸွမ်းလႅၼ်လိၼ်တႆး-ထႆး ၸႄႈဝဵင်းတႃႈၶီႈလဵၵ်း ၼမ်လၢႆ။ ၵၢၼ်တေႃႇၵၢၼ်လွင်းၼမ် ၊ ယႃႈမဝ်းၵမ်ႈၵေႃႈ သိုဝ်ႉငၢႆႈၶၢႆထုၵ်ႇ ၊ ႁဵတ်းႁႂ်ႈ ၵူၼ်းၵေႃႇၵၢၼ်ႁၢႆႉၼမ်ၶိုၼ်ႈမႃးၵူႈမိုဝ်ႉၵူႈဝၼ်း ။ ၼႂ်းၶၢဝ်းတၢင်း သွင်ဝူင်ႈၵူၺ်း ၸဝ်ႈရူတ်ႉၶိူင်ႈ ႁပ်ႉၸၢင်ႈ...

ၼၢင်းယိင်းၵူၼ်းၵႃလီႉၵေႃႉၼိုင်ႈ ၺႃးၸူၼ်ၽၼ်းတႅင်းၶႃႈႁႅမ်ၽွင်းၵႂႃႇဢဝ်ၶူဝ်းၵုၼ်ႇတီႈၵုၼ်ႁဵင် တူဝ်တၢႆမၼ်းၼၢင်းတႄႉႁၼ်ယဝ်ႉတႄႉၸူၼ်ဢဝ်ၵႂႃႇတေႃႇထိုင်ယၢမ်းလဵဝ်မီးတီလႂ်ဢမ်ႇႁူႉ ယင်းပႆႇႁၼ်ၶိုၼ်း။    မိူဝ်ႈဝၼ်းတီႈ10/10/2023 ယၢမ်းၵၢင်ၼႂ် 8 မူင်းၶိုင်ႈၼၼ်ႉ ၼၢင်းယိင်းၵူၼ်းၵႃလီၵေႃႉၼိုင်ႈ ၵႂႃႇဢဝ်ၶူဝ်းဢၼ်သင်ႇဝႆႉၼိူဝ်ဢွၼ်ႊလၢႆႊ တီႈၵုၼ်ႁဵင်ၼႆသေႁၢႆၵႂႃႇလႆႈၶိုၼ်းၼိုင်ႈလႄႈဝၼ်းၼိုင်ႈၸင်ႇႁၼ်တူဝ်တၢႆမၼ်းၼၢင်းၶိုၼ်း။   ၼၢင်းယိင်းၵူၼ်း ၵႃလီႉၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “  မိူဝ်ႈမၼ်းၵႂႃႇထိုင် ၵုၼ်ႁဵင်ၼၼ်ႉ မၼ်းတင်းၵႂႃႇႁူပ်ႉထူပ်းပီႈၼွင်ႉမၼ်းယူႇၵမ်းၼိုင်ႈၼႆဢေႃႈ။မၼ်းလၢတ်ႈဝႃႈ တေၵႂႃႇဢဝ် ၶူဝ်းၶွင်ဢၼ်မၼ်းသင်ႇဝႆႉၼိူဝ်ဢွၼ်ႊလၢႆႊၼႆသေ ႁၢႆတူဝ်ၵႂႃႇ။ၵပ်းသိုပ်ႇဢမ်ႇလႆႈ ။ ၽိူဝ်ႇထိုင်မႃး...

တီႈၶူဝ်ၼမ်ႉပေႃႈ ဢၼ်ၵၢႆႇၸူးၵၼ်ဝႆႉ ပွၵ်ႉၸွၼ်ႊၸူဝ်ႇ - မၢၼ်ႈဝဵင်းၼၢင်း ၼႂ်းၸႄႈဝဵင်းမူႇၸေႊၼႆႉ မီးမၢၵ်ႇမႅင်းႁၢင်ႈ ၵၢင်ဝႆႉ 6 လုၵ်ႈ ႁၢၼ်ႉတေႃႇထိုင်ယၢမ်းလဵဝ် ပႆႇမီးၸုမ်းလႂ်ၵႂႃႇၽဵဝ်ႈပူတ်းဢွၵ်ႇပၼ်။ တႄႇဢဝ် ႁၢင်လိူၼ်ဢေႃႊၵတ်ႊသ်ၼၼ်ႉမႃး တေႃႇထိုင်လိူၼ်သႅပ်ႊထႅမ်ႊပိူဝ်ႊ 2023 ၼႆႉ သိုၵ်းမၢၼ်ႈ ယိုတ်းမိူင်း တပ်ႉမ 99 ဢွၼ်ႁူဝ် ၸုမ်းပျီႇတူႉၸိတ်ႉ ၼႂ်းပိုၼ်ႉတီႈသေ ပိုတ်ႇပၢင်တိုၵ်းတေႃႇ...

ၽူဝ်မေးၽိတ်းၵၼ် ၵေႃႉပဵၼ်ၽူဝ်ၽၼ်းၶေႃးမေးၸဝ်ႈၵဝ်ႇတၢႆ ပႅတ်ႈတူၵ်းၼမ်ႉ တီႈၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇ။ မိူဝ်ႈဝၼ်းတီႈ 11/10/2023 ယၢမ်းၵၢင်ၼႂ်  ၵူၼ်းၸၢႆးၵေႃႉၼိုင်ႈ တီႈပွၵ်ႉႁူဝ်ၼႃး ၸႄႈဝဵင်းမိူင်းသၢတ်ႇ ၽၼ်းၶေႃးမေးၸဝ်ႈၵဝ်ႇ တၢႆသေ ပႅတ်ႈတူၵ်းၼမ်ႉ။ ၵူၼ်း မိူင်းသၢတ်ႇၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ငိၼ်းဝႃႈတႄႉ ၶႃၽူဝ်မေးၼႆႉ ၵႆႉထဵင်ၵႆႉမေႃးၵၼ် ယူႇတႃႇသေႇၼႆဢေႃႈ။ မေးမၼ်းယၢမ်ႈပၢႆႈပႅတ်ႈယဝ်ႉလၢႆပွၵ်ႈၼႆ။ ၵူၺ်းၼႃႇ ပွၵ်ႈၼႆႉ မေးမၼ်းမႃးႁိူၼ်းၶိုၼ်းႁေ...

ၼုမ်ႇၸၢႆးႁႅင်းၵၢၼ်ၵူၼ်းမိူင်းႁူမ်ႈတုမ်ၵေႃႉၼိုင်ႈ ၶႃႈပေႃႈလဵင်ႉၸဝ်ႈၵဝ်ႇတၢႆသေ ဢဝ်ငိုၼ်းၶမ်းၶူဝ်းၶွင် ဢွၵ်ႇပၢႆႈလွတ်ႈဝႆႉ။ ပေႃႈလဵင်ႉဢၼ်ႇၺႃးတႅင်းတၢႆၼႆႉပဵၼ် ၽွင်းတၢင်ၵဝ်ႇၸိုင်ႈထႆးၵေႃႉၼိုင်ႈ ဢၼ်ယၢမ်ႈၵႂႃႇၼင်ႈလုမ်းတီႈၸိုင်ႈမိူင်းတဵင်ႊမၢၵ်ႉၶ် ။ ႁႅင်းၵၢၼ်ဢၼ်တႅင်းပေႃႈလဵင်ႉၼႆႉသမ်ႉ ပဵၼ်ၸၢႆးၼုမ်ႇဢွၼ်ႇဢႃယုတိုၵ်ႉလႆႈ 19 ပီ ၸင်ႇႁႃမႃးႁဵတ်းၵၢၼ်ၸွမ်းပေႃႈလဵင်ႉပႆႇပေႃးႁိုင်။ ယၢမ်းလဵဝ်မၼ်းၸၢႆးပၢႆႈပူၼ်ႉလွတ်ႈဝႆႉလႄႈ ၸဝ်ႈၼႃႈတီႈထႆးပိုၼ်ၽၢဝ်ႇၸွပ်ႇႁႃ တႃႇတီႉၺွပ်း ပၼ်တူတ်ႈတၢမ်ႇဝႃႈၼႆ။ သိုဝ်ႇၶၢဝ်ႇၶျွင်ႉ 3 မိူင်းထႆး  3PlusNews ႁၢႆးငၢၼ်းဝႆႉဝႃႈ -  ထူပ်းႁၼ်တူဝ်တၢႆ ၽွင်းတၢင်ၵဝ်ႇ ၼႂ်းႁွင်ႈၼမ်ႉ...