ၽိတ်းမၢႆမီႈ

လုၵ်ႈဢွၼ်ႇၸုမ်းၼိုင်ႈၵႂႃႇလဵၼ်ႈၼႂ်းၼႃး လဵၼ်ႈပႃးၾႆးသေ ၸုတ်ႇၽဝ်ပႃးပုမ်ႇၶဝ်ႈၵူၼ်းဝၢၼ်ႈၼမ်ႉပႃတႅပ်း ဢိူင်ႇလူင်မူင်ႈ ၸႄႈဝဵင်းတၢင်ႉယၢၼ်း။  ပဵၼ်ၵႂႃႇဝၼ်းတီႈ 21/11/2022 မိူဝ်ႈဝႃး။ ပဵၼ်ၼႃးႁိူၼ်းလုင်းၸၢႆးပဝ်ႈလႄႈပႃႈၼၢင်းယဵၼ်ႇ ဝၢၼ်ႈၼမ်ႉပႃတႅပ်း။ ၾႆးမႆႈၵႂႃႇၼၼ်ႉပဵၼ်ပုမ်ႇၶဝ်ႈ လၢမ်းၶၢတ်ႈၶဝ်ႈပိူၵ်ႇမွၵ်ႈ 4 လင် ဝႃႈၼႆ။  ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“ၶဝ်ႈၶဝ်ပၢတ်ႇသေ ပုမ်ႇဝႆႉယင်းပႆႇမီးမွၵ်ႈ 1 ဝူင်ႈ။ မိူဝ်ႈဝႃးမွၵ်ႈယၢမ်းဝၢႆးဝၼ်းၼႆႉ မီးလုၵ်ႈဢွၼ်ႇမၢၼ်ႈ မႃးလဵၼ်ႈၼႂ်းၼႃးသေ ၸုတ်ႇၽဝ်ၵႂႃႇဢေႃႈ။ ပၢႆလိူဝ်ပီၼႆႉ ၵေးလၢင်းၽုၵ်ႇၵေႃႈသုင်။...

တီႈဝဵင်းမူႇၸေႊ ၸိုင်ႈတႆးပွတ်းႁွင်ႇၼၼ်ႉ ၸုမ်းသိုၵ်း TNLA ၵဵပ်းၶွၼ်ႇၸဝ်ႈႁၢၼ်ႉဢၼ်ပိုတ်ႇၵိုၵ်းႁိူၼ်း ၸွမ်းပွၵ်ႉယွမ်ႇ ႁၢၼ်ႉဢွၼ်ႇႁၢၼ်ႉလဵၵ်ႉၵေႃႈဢမ်ႇဝႆႉ ၸႅၵ်ႇပၼ်ၶႅပ်းဝႂ်ၵဵပ်းၶွၼ်ႇၵူႈႁၢၼ်ႉ။ မိူဝ်ႈၵွၼ်ႇတပ်ႉသိုၵ်း TNLA ၵဵပ်းၶွၼ်ႇတီႈယေးငိုၼ်း ၊ ၶွမ်ႊပၼီႊ၊ ၸဝ်ႈပၢႆးမၢၵ်ႈမီးၶဝ်ၵူၺ်းသေတႃႉ တင်ႈဢဝ်လိူၼ်ဢွၵ်ႊထူဝ်ႊပိူဝ်ႊ ၼူဝ်ႊဝႅမ်ႊပိူဝ်ႊၼႆႉမႃးတႄႉ ၸႅၵ်ႇဝႂ်ၵဵပ်းၶွၼ်ႇၸူးၵူႈႁၢၼ်ႉၵူႈႁွင်ႈ။ ဢိင်ၼိူဝ်ႁၢၼ်ႉလဵၵ်ႉ/ယႂ်ႇသေမၢင်ႁၢၼ်ႉၵေႃႈထုၵ်ႇယွၼ်း 10 သႅၼ် မၢင်ႁၢၼ်ႉၵေႃႈ 15 သႅၼ် -20 သႅၼ်...

 ၽွင်းၶဝ်ႁဵတ်းၵၢၼ် ဢဝ်ၵႃးလူင် ၶိုၼ်ႈလွင်းၵႂႃႇမႃးလႄသင် ၵႃးၸိူဝ်းတေႃ့ႁိၼ်တေႃ့သၢႆးၵႂႃႇမႃးၵေႃႈ လိူင်ႇၼမ်လႄႈ သဵၼ်ႈတၢင်းၼၼ့် ၵွႆသေ ပေႃးၶၢဝ်းမႆႈ မီးၶီႈၽုၼ်ႇတဵမ်တၢင်းဝႆ့သေ ပေႃးၶၢဝ်းၾူၼ် ပဵၼ်ၵူမ်ႇပဵၼ်ဢုင် ၵူၼ်းဝၢၼ်ႈၵႂႃႇမႃးယၢပ်ႇ။ ႁူင်းၵၢၼ်ၽဝ်ထုၼ် ႁိမ်းဝၢၼ်ႈလွႆသထူင်ႇ ဢၼ်ပွႆႇဢၢႆမဵၼ်ၼၼ့် ၵႃးတၢင်ႇၶူဝ်းၶဝ် ၶဝ်ႈဢွၵ်ႇ ၶိုၼ်ႈလူင်းႁဵတ်းႁႂ်ႈတၢင်းၵူၼ်းဝၢၼ်ႈပႆယွၵ်းၵွႆ ၵူၼ်းဝၢၼ်ႈၵႂႃႇ မႃးယၢပ်ႇ၊ လွင်ႈၼႆႉၵူၼ်းဝၢၼ်ႈ တုၵ်းယွၼ်းႁႂ်ႈၶိုၼ်းမႄးပၼ်တၢင်းၶိုၼ်းဝႆးဝႆး ဝႃႈၼႆ။ ၵူၼ်းဝၢၼ်ႈ လွႆသထူင်ႇ ၵေႃ့ၼိုင်ႈ...

ၵူၼ်းမိူင်းၵျွၵ်ႉမႄး ဢၼ်ၺႃးသိုၵ်းမၢၼ်ႈၼႄးဝႃႈၸွႆႈၵၢၼ်သိုၵ်းတႆးၼႆသေ တီႉၺွပ်းၵႂႃႇၼၼ်ႉ ၺႃးပေႃႉထုပ်ႉ  ဢမ်ႇပၼ်ၵူၼ်းႁိူၼ်းမႃးႁူပ်ႉထူပ်း။ လုင်းပိင်ႇၺႃႇ ဢႃယု 60 ပၢႆ ၵူၼ်းဝၢၼ်ႈပၢင်မွင် ဢိူင်ႇၼမ်ႉႁူးတွင်း ၸႄႉဝဵင်းၵျွၵ်ႉမႄး ၺႃးသိုၵ်းမၢၼ်ႈတီႉၵႂႃႇ မိူဝ်ႈဝၼ်းတီႈ 28/09/2022 ၊ ၼႄးဝႃႈ မၼ်းၸၢႆးပဵၼ်ၵူၼ်းၵဵပ်းၶွၼ်ႇပၼ် SSPP  ၼႆသေ ပေႃႉထုပ်ႉမၼ်းၸၢႆးယဝ်ႉ ၵုမ်းၶင်ဝႆႉတီႈႁူင်းပလိၵ်ႈၵျွၵ်ႈမႄး။ ၵူၼ်းႁိူၼ်းမၼ်းၸၢႆးၵေႃႉၼိုင်ႈ ဢၼ်လႆႈဢုပ်ႇၾူၼ်းတင်းမၼ်းၸၢႆးမိူဝ်ႈဝၼ်းတီႈ 19/11/2022 ၼၼ်ႉ...

ၵႃးတၢင်ႇၵူၼ်းလမ်းၼိုင်ႈ လုၵ့်ၵဵင်းတုင် ၵႂႃႇ တူၼ်ႈတီး ပဵၼ်ၽေးၵိုင့်ၵၢင့် တီႈတၢင်းလူင်းလွႆမိူင်းၵႃ  မိူဝ်ႈဝၼ်းတီႈ 18/11/2022 ယၢမ်းၵၢင်ၶိုၼ်းလိုၵ်း 11 မူင်းၶိုင်ႈ  ။ ၸုမ်းၸွႆႈတူင်ႇဝူင်းၵူၼ်း တူင်ႈတႃႈ ၵေႃ့ၼိုင်ႈ လၢတ်ႈတီႈ ၽူႈတွႆႇႁွၵ်ႈဝႃႈ _” ၸႂ်ႈဢေႃႈ မီးၵူၼ်းထူဝ်းမႃးလၢတ်ႈဝႃႈ ၵႃးပိၼ်ႈၼႆၼႃႇ ႁဝ်းၵႂႃႇ ပေႃးလိုၵ်းယဝ့်ဢေႃႈ တီႈတၢင်းၶဝ်ႈ တူင်ႈတႃႈ...

ၵူၼ်းၸၢႆးၵေႃ့ၼိုင်ႈ ဢႃယု 35 ပီ ၽႅၼ်ၶေႃး ၶႃႈတူဝ်တၢႆ ၼႂ်းထဵင်ၼႃး ႁိမ်းဝၢၼ်ႈၵွင်းလၢင်း ဢိူင်ႇၶမ်းတိူၼ်း ၸႄႈဝဵင်းသႅၼ်ဝီ ၸိုင်ႈတႆး ပွတ်းႁွင်ႇ။ မိူဝ်းဝႃး ဝၼ်းတီႈ 20/11/2022 ယၢမ်းၵၢင်ၼႂ် 9 မူင်း ၵူၼ်းၸၢႆးၵေႃ့ၼိုင်ႈ ဢႃယု 35 ပီ ၽႅၼ်ၶေႃး ၶႃႈတူဝ်တၢႆ ၼႂ်းထဵင်ၼႃး...

ဝၢႆးသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်းၸမ်သွင်ပီၼႆႉ ၼႂ်းဝဵင်းတႃႈၶီႈလဵၵ်း ၽူႈလၵ်ႉၸၵ်ႉၶုတ်ႈ လိူင်ႇၼမ်ႁႅင်း ၸွမ်းႁၢၼ်ႉၶၢႆ ၶဝ်ႈၽၵ်း ႁွင်ႈသဝ်း ၸိူဝ်းၼႆႉ ဢမ်ႇဝႆႉ ၶဝ်ႈလၵ်ႉၶူဝ်းၶွင် ၵမ်ႈၼမ် ဢၼ်ႁၢႆတႄႉ ပဵၼ်ရူတ်ႉၶိူင်ႈ။   မိူဝ်ႈဝႃး ဝၼ်းတီႈ 17/11/2022 ယၢမ်းၵၢင်ၼႂ် 7:30 မူင်းပၢႆ ရူတ်ႉၶိူင်ႈၵူၼ်းမိူင်းႁၢႆလမ်းၼိုင်ႈ တီႈႁၢၼ်ႉၶၢႆၶဝ်ႈၽၵ်း ပွၵ်ႉဝဵင်း...

ၵႃးၽႃႇၺႃးလုၵ်ႈဢွၼ်ႇယိင်း ဢႃႇယု 3 ၶူပ်ႇ ၵေႃႈၼိုင်ႈၵူၼ်းဝၢၼ်ႈထမ်ႈငွပ်း တီႈဝဵင်းၵႃလီႉ တၢႆထင်တီႈ ။ ပဵၼ် မိူဝ်ႈဝၼ်းတီႈ 15.11.2022 ႁူဝ်ၶမ်ႈ 4 မူင်းၶိုင်ႈ    ။ ၵူၼ်းပိုၼ့်တီႈ လၢတ်ႈတီႈၽူႈတွႆႇႁွၵ်ႈဝႃႈ -“ ၸႂ်ႈဢေႃႈ ၵႃးၽႃႇၼႆဢေႃႈၼၼ့် ယိၼ်းဝႃႈ လုၵ်ႈဢွၼ်ႇၼႆ့ ၵႂႃႇဢၢပ်ႇ ၼမ့်မႃးသေ ၶၢမ်ႈတၢင်းလူင် တေမိူဝ်းႁိူၼ်း။...

သၢႆၵႃးသိုၵ်းမၢၼ်ႈ ထုၵ်ႇၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ႁၢင်ႈၵၢင်မၢၵ်ႇတႅၵ်ႇသႂ်ႇ 3 လုၵ်ႈ ၼႂ်းၼၼ်ႉ ၸၢၵ်ႇမၢၵ်ႇတိူဝ်ႉသႂ်ႇ ၵူၼ်း မႄးၵႃး လူႉတၢႆ 2 ၵေႃႉ တီႈၸႄႈဝဵင်းမူႇၸေႊ။ မိူဝ်ႈဝႃး ဝၼ်းတီႈ 16/11/2022 ယၢမ်းဝၢႆးဝၼ်းမွၵ်ႈ 1:30 မူင်း သၢႆၵႃးသိုၵ်းမၢၼ်ႈ တပ်ႉၶလယ 15 တင်းမူတ်း 17...

မိူဝ်ႈၼႆႉ ဝၼ်းတီႈ 17/11/2022 ယၢမ်းၵၢင်ၼႂ်မွၵ်ႈ 6 မူင်း ရူတ်ႉၵႃးၽႃႇၵၼ် ၼႂ်းၵႄႈဝၢၼ်ႈၼမ်ႉဢုၼ်ႇ - ဝၢၼ်ႈၶျွင်းသႃႇ ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ မီးၵူၼ်းလူႉတၢႆထင်တီႈ 2 ၵေႃႉ ထႅင်ႈၵေႃႉၼိုင်ႈ လႆႈၵႂႃႇလူႉတီႈ ႁူင်းယႃလူင်ဝဵင်းသႅၼ်ဝီ ၼႆယဝ်ႉ။ ၽူႈၸွႆႈထႅမ် ၸုမ်းပရႁိတ ဝဵင်းသႅၼ်ဝီ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

ၾႆးမႆႈႁိူၼ်းလင်ၼိုင်ႈ တီႈၼႂ်းပွၵ့် 6 ၊ ၸႄႈဝဵင်းတၢင့်ယၢၼ်း ၸိုင်ႈတႆးပွတ်းႁွင်ႇ ၶူဝ်းႁိူၼ်းဢမ်ႇတၼ်းလႆႈသင်။ ဝၼ်းတီႈ 16/11/2022 မိူဝ်ႈဝႃးၵၢင်ၶမ်ႈ 8 မူင်းပၢႆ ၾႆးမႆႈႁိူၼ်းပႃႈသႅင်သူၺ်ႇ  ယူႇပွၵ့် 6 ၸႄႈဝဵင်းတၢင့်ယၢၼ်း ၸိုင်ႈတႆးပွတ်းႁွင်ႇ ။ ၾႆးမႆႈၶူဝ်းႁိူၼ်း ဢမ်ႇတၼ်းလႆႈသင် ။  ၵူၼ်းပိုၼ့်တီႈ ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ“ ၸႂ်ႈဢေႃႈ မႅၼ်ႈမိူဝ်ႈၵူၼ်းလူင်ၶဝ်ဢမ်ႇယူႇႁိူၼ်း...

မီးၵူၼ်းဢၢင်ႈၸိုဝ်ႈဝႃႈ ပဵၼ်ၸုမ်းၵႅတ်ႇၶႄၵူၼ်းမိူင်း PDF ၼႆသေ ႁဵတ်းလိၵ်ႈသူင်ႇၸူး ၽူႈမၢၵ်ႈၵူၼ်းမီး ၸဝ်ႈၶဝ်ၵၢၼ်ပၢႆးမၢၵ်ႈမီးၶဝ်လူၺ်ႈတၢင်း Viber   ၶိူဝ်းယႂ်း ၊ သင်ဢမ်ႇဢူၼ်းပၼ်ငိုၼ်း ဢမ်ႇႁဵတ်းၸွမ်းၶေႃႈတုၵ်းယွၼ်းၸိုင် တေမႃးတီႉၺွပ်း ၶႃႈႁႅမ်တၢႆပႅတ်ႈ ဝႃႈၼႆ။   တႄႇဢဝ် ႁူဝ်လိူၼ်ၼူဝ်ႊဝႅမ်ႊပိူဝ်ႊ 2022 ၼႆႉမႃး တီႈဝဵင်းပၢင်လူင် ၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း မီးၵူၼ်း/ ၸုမ်း...

သူၼ်ၶဝ်ႈၵၢပ်ႇသူၼ်ၼိုင်ႈ တီႈဢိူင်ႇလိၼ်လမ်ႁွင်ႇ ၸႄႈဝဵင်းယွင်ႁူၺ်ႈ ၺႃးၵူၼ်းဢမ်ႇႁူႉၾၢႆႇၽဝ်လႄႈ ၸဝ်ႈသူၼ်လူႉသုမ်းတႃႇၵႃႈၶၼ်ငိုၼ်း 40 သႅၼ်ပျႃးပၢႆ။ သူၼ်ၶဝ်ႈၵၢပ်ႇၼႆႉ ၺႃးၸုတ်ႇၽဝ်မိူဝ်ႈဝၼ်းတီႈ 11 /11/2022 ယၢမ်းဝၢႆးဝၼ်း 3 မူင်း။ ပဵၼ်သူၼ်ၶဝ်ႈၵၢပ်ႇ ၵူၼ်းဝၢၼ်ႈ ဢွင်ႇၶျၢမ်းသႃႇ။ ၸဝ်ႈသူၼ်ၶဝ်ႈၵၢပ်ႇလၢတ်ႈတီႈၽူႈတွႆႇႁွၵ်ႈဝႃႈ - “ ဝၼ်းၼၼ်ႉၶႃႈဢမ်ႇလႆႈၵႂႃႇသူၼ် ။ ၸဝ်ႈသူၼ်ႁိမ်းႁွမ်း ၼၼ်ႉႁၼ်ၾႆးမႆႈသေ ၸွႆႈၵၼ်ၶႄၾႆး။ မႆႈၵႂႃႇ...

ၵႃးတၢင်ႇၵူၼ်းမိူင်းမၢၼ်ႈ ၶဝ်ႈမိူင်းထႆး မႃးပိၼ်ႈတီႈၸႄႈမိူင်းၽဵတ်ႊပူႊရီႊ ၵူၼ်းမိူင်းမၢၼ်ႈၶီႇၵႃးမႃးၸွမ်းၼၼ်ႉလူႉတၢႆ 3 ၵေႃႉ။ ပဵၼ်ၵႂႃႇမိူဝ်ႈဝၼ်းတီႈ 14/11/2022 ယၢမ်းၵၢင်ဝၼ်း 2 မူင်း။ ပဵၼ်ယွၼ်ႉႁေႃႈရူတ်ႉၵႃးဝႆးႁႅင်းသေ ၵႂႃႇၽႃႇၺႃးသဝ်လၵ်းၾႆးၾႃႉၵၢင်တၢင်း။ ၽူႈယိင်း 2 ၵေႃႉတၢႆထင်တီႈ။ ၽူႈၶပ်းရူတ်ႉတႄႉ ၵႂႃႇတၢႆတီႈႁူင်းယႃ ၵူဝ်ႇယႄးမိၼ်း ၽူႈဢွၼ်ႁူဝ်တူင်ႈၼိုင် တႃႇသုၼ်ႇလႆႈၸုမ်းႁႅင်းၵၢၼ်ယၢၼ်မိူင်းလၢတ်ႈၼင်ႇၼႆ။  ”ပဵၼ်ရူတ်ႉၵႃးတၢင်ႇၵူၼ်းမိူင်းမၢၼ်ႈ ၶၢမ်ႈလႅၼ်လိၼ်ၶဝ်ႈမိူင်းထႆး။ ၶဝ်လႅပ်ႈတေဝႄႈလၢၼ်ႇ။ ႁေႃႈၵႃးဝႆးႁႅင်းၼႃႇလႄႈ ၽႃႇသဝ်လၵ်းၾႆးၵၢင်တၢင်း။...

ပွႆးၽြႃး ၸတ်းႁဵတ်းတီႈဝၢၼ်ႈလုၵ်းပႃ ၼႂ်းၸႄႈဝဵင်းၵျွၵ်ႉမႄးၼၼ်ႉ ယူႇတီႈၸဝ်ႈငိုၼ်းသႃး ၼႂ်းပိုၼ်ႉတီႈ  ဢဝ်တိုဝ်ႉတင်း ၸတ်းႁဵတ်းပႃးပၢင်တေႃႇလွင်း၊  ၵူၼ်းမိူင်း ဢမ်ႇႁၼ်လီၸွမ်း ယွၼ်ႉတေတုမ်ႉတိူဝ်ႉၼႃႈႁိူၼ်းလူႉ၊ ၽိတ်းမေႃးပေႃႉထုပ်ႉ ၵၼ်လႄႈ ၽူႈလၵ်ႉၸၵ်ႉၶုတ်ႈ တေလိူင်ႇၼမ် ၸိူဝ်းၼႆႉ။   ပၢင်တေႃႇလွင်း ဢၼ်ပိုတ်ႇတိတ်းၸပ်းၵၼ် တၢင်းပွႆးၽြႃး တီႈဝၢၼ်ႈလုၵ်းပႃ ၼႂ်းဢိူင်ႇၼွင်ပိင် ၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇၼၼ်ႉ တႄႇပိုတ်ႇမႃး...