ၼႂ်းၶၢဝ်းတၢင်းလိူၼ်ၵျုၼ်ႊ လိူၼ်လဵဝ်ၵူၺ်း ၼၢင်းယိင်းလူႉတၢႆ ယွၼ်ႉသိုၵ်းမၢၼ်ႈ ယိုဝ်းတိုၵ်းသေ လူႉတၢႆၵႂႃႇ 34 ၵေႃႉၼႆ - ၸုမ်းၼၢင်းယိင်း BWU ၵဵပ်းၶေႃႈမုလ်း ႁၢႆးငၢၼ်းဢွၵ်ႇမႃး ၼႂ်းဝၼ်းတီႈ 10/07/2025 ၼႆႉၼင်ႇၼႆ။ ၼႂ်းလိူၼ်ၵျုၼ်ႊပူၼ်ႉမႃးၼႆႉ ယွၼ်ႉသိုၵ်းမၢၼ်ႈ ၸႂ်ႉႁိူဝ်းမိၼ်ပွႆႇမၢၵ်ႇ၊ ၸႂ်ႉၶိူင်ႈၵွင်ႈလူင်ယိုဝ်း၊ တီႉၺွပ်းၶႃႈတၢႆ၊ မၢင်ၵေႃႉသမ်ႉ ၽႃႇၺႃးမၢၵ်ႇမႅင်းၾင်လိၼ်သေ ၵူၼ်းမိူင်းလူႉတၢႆၵႂႃႇ 34...

ဝၼ်းတီႈ 09/07/2025 ၼႆႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တႅမ်ႈလိၵ်ႈတုမ်ႉတွပ်ႇသူင်ႇထိုင် တီႈလူင်ပွင်ၸိုင်ႈမိူင်းဢမေႊရိၵၼ်ႊ ၸွမ်ၸိုင်ႈ ၻူဝ်ႊၼေႃႊ ထရမ်ႉဝႃႈ ႁႂ်ႈလူတ်းပၼ်ၶွၼ်ႇၵႃႉၶၢႆၵုၼ်ႇ တီႈမိူင်းမၢၼ်ႈ တႃႇ 10 ဝၢၵ်ႈ (%) ဢမ်ႇၼၼ် 20 ဝၢၵ်ႈ (%) သေ ၾၢႆႇမိူင်းႁူမ်ႈတုမ် (မိူင်းမၢၼ်ႈ) မီးၵၢင်ၸႂ်ၶႂ်ႈသူင်ႇတူဝ်တႅၼ်း...

သိုၵ်းမၢၼ်ႈတင်း သိုၵ်းၶၢင် KIA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၽႃၵၢၼ်ႉ ၸႄႈမိူင်းၶၢင်လႄႈ ႁဵတ်းႁႂ်ႈၵူၼ်းမိူင်းၼပ်ႉႁူဝ်ႁဵင်ၵေႃႉ လႆႈပၢႆႈဢွၵ်ႇဝၢၼ်ႈ ၶၢဝ်းတၢင်းၼၼ်ႉ သိုၵ်းတင်းသွင်ၾၢႆႇသမ်ႉ ပိၵ်ႉဢိုတ်းသဵၼ်ႈတၢင်းၵႂႃႇမႃးလႄႈ ၵူၼ်းပၢႆႈၽေးပၢင်တိုၵ်း မွၵ်ႈ 10 ဝၢၼ်ႈၼႆႉ ႁူပ်ႉတၢင်းယၢပ်ႇတႃႇၶဝ်ႈၼမ်ႉတၢင်းၵိၼ်လႄႈ သဵၼ်ႈတႃႈသၢႆတၢင်းတႃႇၵႂႃႇမႃး ၼႆယဝ်ႉ။ မိူဝ်ႈဝၼ်းတီႈ 04/07/2025 ၼၼ်ႉ သိုၵ်းမၢၼ်ႈ ယိုတ်းမိူင်းတင်း သိုၵ်းၶၢင် ယိုဝ်းၵၼ်...

ဝၼ်းတီႈ 09/07/2025 ၼႆႉ လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ (NUG) ဢွၵ်ႇလိၵ်ႈတိုၵ်းသူၼ်းႁႂ်ႈသိုၵ်းၶျၢင်း သွင်ၸုမ်း ၸႂ်ႉလၢႆးတၢင်းၵၢၼ်မိူင်း ႁူပ်ႉထူပ်းၵႄႈလိတ်ႈပၼ်ႁႃၵၢၼ်သိုၵ်းၵႂႃႇ လူၺ်ႈလၢႆးတၢင်းဢုပ်ႇဢူဝ်းငူပ်ႉငီႉၵၼ် ၼႆယဝ်ႉ။ ၵႅမ်ၸွမ်ၸိုင်ႈ NUG လၢတ်ႈၵႂႃႇဝႃႈ - “ထုၵ်ႇလီၵိုတ်းယိုတ်းဝႆႉ ၵၢၼ်ၸႂ်ႉတိုဝ်းၵွင်ႈၵၢင်ႇသေ ၵႄႈလိတ်ႈပၼ်ႁႃ ၼႂ်းၵႄႈၵၢင်ၸၢဝ်းၶိူဝ်းၼင်ႇၵၼ်သေ ၸႂ်ႉတိုဝ်းလၢႆးတၢင်းၶၵ်ႉၵၢၼ်ငမ်းယဵၼ် ဢၼ်ၵူၼ်းမိူင်းၶျၢင်းမုင်ႈမွင်းၶႂ်ႈလႆႈၶႂ်ႈပဵၼ်ၼၼ်ႉသေ ဢုပ်ႇဢူဝ်းငူပ်ႉငီႉ ႁႃၶေႃႈတွပ်ႇၵႄႈလိတ်ႈပၼ်ႁႃၵႂႃႇယူႇ”- ဝႃႈၼႆ။ ၼႂ်းၵႄႈၵၢင်ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼႆႉ တေမီးတၢင်းႁၼ်ထိုင်ဢမ်ႇမိူၼ်ၵၼ်သေ...

ဝၼ်းတီႈ 08/07/2025 ၼႆႉ သိုၵ်းမၢၼ်ႈ ပိုၼ်ၽၢဝ်ႇဢွၵ်ႇဝႃႈ လႆႈႁပ်ႉလိၵ်ႈပွင်ႇလႅင်း ဢၼ်ၸွမ်ၸိုင်ႈမိူင်း ဢမေႊရိၵၼ်ႊ ၻူဝ်ႊၼေႃႊ ထရမ်ႉ သူင်ႇယိုၼ်ႈမႃး လွင်ႈတႃႇၵဵပ်းၶွၼ်ႇၽိူမ်ႉၼၼ်ႉယဝ်ႉသေ တေႁၢင်ႈႁႅၼ်းဢုပ်ႇဢူဝ်းငူပ်ႉငီႉၵၼ်ၵႂႃႇ ၼႆယဝ်ႉ။ ၸွမ်သိုၵ်းၸေႃႇမိၼ်းထုၼ်း ၽူႈၶၢၼ်ပၢၵ်ႇ တပ်ႉသိုၵ်းမၢၼ်ႈ မွၵ်ႇလၢတ်ႈဝႃႈ -“ႁဝ်းၶႃႈ လႆႈႁပ်ႉလိၵ်ႈ ဢၼ်ပွင်ႇလႅင်းမႃးၼၼ်ႉလီငၢမ်းယဝ်ႉ။ ၵဵဝ်ႇၵပ်းလူၺ်ႈလိၵ်ႈၼႆႉသေ တွၼ်ႈတႃႇမိူင်းမၢၼ်ႈၼႆႉ ပဵၼ်လွင်ႈလီသုတ်း ၶဝ်ႈပႃးၼႂ်းၶၵ်ႉၵၢၼ်တႃႇတေလႆႈငူပ်ႉငီႉၵၼ်ၵႂႃႇ...

တပ်ႉပႂ်ႉလႅၼ်လိၼ် မိူင်းယၢင်းၽိူၵ်ႇ BGF တီႉၺွပ်းၵူၼ်းမိူင်းၶႄႇ 14 ၵေႃႉ ဢၼ်ထၢင်ႇထိူမ်ဝႃႈ ပဵၼ်ႁူဝ်ၼႃႈ ၸုမ်းၵျႃးၽႅၼ်ႉ ၼၼ်ႉဝႆႉသေ ႁၢင်ႈႁႅၼ်းတႃႇသူင်ႇမွပ်ႈဢၢပ်ႈပၼ် ၼႂ်းမိုဝ်းလူင်ပွင်ၸိုင်ႈမိူင်းၶႄႇ ဝႃႈၼႆ။   ၵူၼ်းၸၢဝ်းၶိူဝ်းၶႄႇ ၸိူဝ်းၺႃးတီႉၺွပ်းဝႆႉၼၼ်ႉ ပဵၼ်ႁူဝ်ၼႃႈ ၸုမ်းၵျႃးၽႅၼ်ႉ ဢၼ်မီးဝႆႉတီႈၼႂ်းသူၺ်ႇၵူၵ်ႉၵူဝ်ႇ ဝဵင်းမႂ်ႇ ၶွင်ၸႄႈတွၼ်ႈမျႃႉဝတီႇ လႅၼ်လိၼ်မိူင်းယၢင်းၽိူၵ်ႇ - မိူင်းထႆးၼၼ်ႉသေ ၵူၼ်းၸိူဝ်းၼႆႉ...

သိုၵ်းမၢၼ်ႈ သူင်ႇၶႃႈႁၢပ်ႇထၢမ်းၵၢၼ်သိုၵ်း ၼႂ်းႁွင်ႈၵၢၼ်ႁဵတ်းဢွၵ်ႇၶိူင်ႈၵွင်ႈၵၢင်ႇ ၵပၸ (ကပစ) ၵႂႃႇႁဵၼ်းသွၼ်ဢဝ်လၢႆးႁဵတ်းဢွၵ်ႇလၢၵ်ႈၼၢၵ်ႈၶိူင်ႈၵွင်ႈၵၢင်ႇ တီႈၸၼ်ႉၸွမ် Belarusian State University of Informatics and Radioelectronics (BSUIR) မိူင်းပႄႊလႃႊရူပ်ႊ ၼပ်ႉႁူဝ်သိပ်းၵေႃႉမၼ်းၼႆ ၸုမ်းပၵ်းတႃပႂ်ႉတူၺ်း လွင်ႈတူင်ႉၼိုင် ၸုမ်းသိုၵ်းမၢၼ်ႈ Justice For Myanmar ပိုၼ်ၽၢဝ်ႇဢွၵ်ႇဝႆႉ...

ဝၼ်းတီႈ 07/07/2025 ယၢမ်းၵၢင်ဝၼ်း 12 မူင်းၶိုင်ႈ ၸုမ်းသိုၵ်းလုၵ်ႉၽိုၼ်ႉၸၢဝ်းၶိူဝ်းမွၼ်း ၸႂ်ႉတိုဝ်းတရူၼ်ႊသေ ပွႆႇမၢၵ်ႇလူင်သႂ်ႇၼႂ်းတပ်ႉၵွင်ႈလူင် သိုၵ်းမၢၼ်ႈ (316) တႂ်ႈငဝ်ႈငုၼ်းၵုမ်းၵမ် ၽႅၼ်ၵၢၼ်ယၼ်ႇသိုၵ်း ၸၵၶ (19) ဢၼ်ပၵ်းတပ်ႉဝႆႉၼႂ်းၸႄႈဝဵင်းယေး ၸႄႈမိူင်းမွၼ်း ၼႆယဝ်ႉ။ ၸုမ်းလုၵ်ႉၽိုၼ်ႉတပ်ႉသိုၵ်းမၢၼ်ႈ မိူင်းမွၼ်း (MSRF) ပိုၼ်ၽၢဝ်ႇဢွၵ်ႇဝႆႉဝႃႈ လွင်ႈတုမ်ႉတိူဝ်ႉ ၵၢၼ်လူႉၵွႆလႄႈ လွင်ႈလူႉသုမ်းႁူဝ်ယွႆႈမၼ်းတႄႉ ပႆႇလႆႈႁူႉၸွမ်းတႅတ်ႈတေႃး...

ႁိူၼ်း တွၵ်ႊတိူဝ်ႊ မၼမ်တူးၵျႃႇ ႁူဝ်ပဝ်ႈပႃႇတီႇၵူၼ်းမိူင်း ၸႄႈမိူင်းၶၢင် KSPP လႄႈ ႁိူၼ်း တေႃႇတွႆးပူႇ ၽူႈၶဝ်ႈၸုမ်း ၾၢႆႇပွင်ၵၢၼ်ၶွင်ႇသီႇသိုၵ်းမၢၼ်ႈ တီႈဝဵင်းၸေႊၼႃး မိူင်းၶၢင်ၼၼ်ႉ ၺႃးၸုမ်းဢမ်ႇႁူႉၾၢႆႇ မႃးပွႆႇမၢၵ်ႇသႂ်ႇ ႁဵတ်းႁႂ်ႈႁိူၼ်းယေးလူႉၵွႆ။ ၼႂ်းဝၼ်းတီႈ 07/07/2025 ယၢမ်းဝၢႆးဝၼ်း 3 မူင်းပၢႆ ၵူၼ်းဢမ်ႇႁူႉၾၢႆႇ မႃးထိုမ်ႈမၢၵ်ႇသႂ်ႇၼႂ်းဝၢင်းႁိူၼ်း တေႃႇတွႆးပူႇ ၼႂ်းပွၵ်ႉၸီႇတႃႇပူႇလႄႈ...

တႄႇဢဝ် ဝၼ်းတီႈ 01/08/2025 လိူၼ်ၼႃႈၼႆႉၵႂႃႇ မိူင်းဢမေႊရိၵၼ်ႊ တေတိူဝ်းၵဵပ်းၶွၼ်ႇၶူဝ်းၵုၼ်ႇ တီႈမိူင်းမၢၼ်ႈ တႃႇ 40 % ဢၼ်တေႃႉသူင်ႇၶၢႆၶဝ်ႈ ၼႂ်းမိူင်းဢမေႊရိၵၼ်ႊ ဝႃႈၼႆ။ လွင်ႈၸွမ်ၸိုင်ႈ ၻူဝ်ႊၼေႃႊ ထရမ်ႉ တေတိူဝ်းၵဵပ်းၶွၼ်ႇၼိူဝ်ၶူဝ်းၵုၼ်ႇၼႆႉ ယူႇတီႈ မိူင်းဢမေႊရိၵၼ်ႊ လႆႈသူင်ႇၽိုၼ်လိၵ်ႈမႃးတီႈ ႁူဝ်ၼႃႈသိုၵ်းမၢၼ်ႈ ယိုတ်းမိူင်း ၼႂ်းဝၼ်းတီႈ 07/07/2025 ၼႆႉ...

တႄႇႁူဝ်လိူၼ်ၵျူႊလၢႆႊမႃးၼႆႉ သိုၵ်းၶျၢင်း CNO/CNDF လႄႈ သိုၵ်းၶျၢင်း CDF-Hualngoram ၶဵင်ႈၶႅင်ၵၢၼ်သိုၵ်းၵၼ်မႃးႁၢဝ်ႈႁႅင်း တီႈဝဵင်းရိၶေႃႊတႃႊ ၸႄႈဝဵင်းၾလမ်း (ဖလမ်းမြို့နယ်) ၸႄႈမိူင်းၶျၢင်း လႅၼ်လိၼ်ၶျၢင်း - ဢိၼ်ႊတီႊယိူဝ်ႊ။ ဝၼ်းတီႈ 05/07/2025 ယၢမ်းၵၢင်ၼႂ် သွင်ၾၢႆႇယိုဝ်းတိုၵ်းၵၼ်ႁၢဝ်ႈႁႅင်း ၵူၼ်းပိုၼ်ႉတီႈ ၸဵမ်ယိင်းၸၢႆး လုၵ်ႈဢွၼ်ႇၵူၼ်းထဝ်ႈ ဢွၼ်ၵၼ်ငိူင်ႉပၢႆႈ ၶၢမ်ႈၶူဝ်လႅၼ်လိၼ်သေ ၵႂႃႇသွၼ်ႈယူႇဝႆႉတီႈဝဵင်းၸူဝ်ႊၶေႃႊထႃး ၸႄႈမိူင်းမီႊၸူဝ်ႊရမ်ႊ...

ဝၼ်းတီႈ 04/07/2025 ႁွင်ႈၵၢၼ် ၾၢႆႇၸွႆႈထႅမ်ပူၵ်းပွင် တူင်ႇဝူင်းၵူၼ်းၸိုင်ႈထႆး ၸႄႈတွၼ်ႈၵဵင်းႁၢႆး လႆႈလဵပ်ႈႁဵၼ်းငဝ်းလၢႆး ႁူဝ်ၼမ်ႉသၢႆ (တီႈတႄႇလႆၶဝ်ႈလႅၼ်လိၼ်) သေ ပိုၼ်ၽၢဝ်ႇဢွၵ်ႇမႃးဝႃႈ - ဢိင်ၼိူဝ် ၾူၼ်တူၵ်းႁႅင်းတၢင်းမိူင်းတႆးသေ ၼမ်ႉသၢႆၸၢင်ႈၼွင်းလူၼ်ႉၾင်ႇ။ ၵွပ်ႈၼႆလႄႈ ဢၼ်လီမႆႈၸႂ်ၼႆႉ ပဵၼ်ၾင်ႇၾၢႆႇထႆး ပဵၼ်ၼႂ်းပွၵ်ႉသၢႆလူမ်းၵျွႆး မူႇ 1 ဢိူင်ႇဝဵင်းၽၢင်းၶမ်း၊ ပွၵ်ႉၵေႃႇသၢႆး မူႇ 7...

ဝၼ်းတီႈ 02-04/07/2025 ၼႆႉ ပၢင်ၵုမ်ၶွမ်ႊမတီႊလႅၼ်လိၼ်မိူင်းထႆး - မိူင်းမၢၼ်ႈ (RBC) ပွၵ်ႈၵမ်း (37) မီးတူဝ်တႅၼ်းသိုၵ်းမၢၼ်ႈလႄႈ တပ်ႉသိုၵ်းႁေႃၶမ်းမိူင်းထႆး ၶဝ်ႈႁူမ်ႈဢုပ်ႇ ဢူဝ်းၵႂႃႇၸွမ်း တႃႇၶၢဝ်းတၢင်းသၢမ်ဝၼ်း တီႈဝဵင်းၵဵင်းမႂ်ႇ ၸိုင်ႈထႆး။ ၼႂ်းပၢင်ၵုမ်ၼၼ်ႉ ဢုပ်ႇဢူဝ်းၵၼ်ၵႂႃႇ ၵဵဝ်ႇၵပ်းၵၢၼ်ႁူမ်ႇလူမ်ႈ၊ ပၼ်ႁႃလိူင်ႈၵျႃးၽႅၼ်ႉ ၵၢၼ်လွၵ်ႇလႅၼ် ၵိၼ်ငိုၼ်းၼိူဝ်ဢွၼ်ႊလၢႆႊ၊ ပၼ်ႁႃၵႄးၼမ်ႉၵူၵ်း၊ ၼမ်ႉမႄႈသၢႆ ၸိူဝ်းၼႆႉ။...

ဝၼ်းတီႈ 02/07/2025 သိုၵ်းမၢၼ်ႈပိုၼ်ၽၢဝ်ႇ ယုၵ်ႉယွင်ႈမွပ်ႈပၼ်ၸၼ်ႉ ၼၢင်းၸိူင်းလႄႈ ၼၢင်းယိင်း ၸိုဝ်ႈလိုဝ်းၼႂ်းမိူင်းႁူမ်ႈတုမ် တႃႇ 153 ၵေႃႉ ပဵၼ်ၼၢင်းယိင်းႁတ်းႁၢၼ်လႄႈ ၵတ်ႉၶႅၼ်ႇၼႂ်းၸိုင်ႈမိူင်း တီႈဝဵင်းၼေႇပျီႇတေႃႇ မိူင်းမၢၼ်ႈထုင်ႉပဵင်း။ ၼႂ်းၼၢင်းယိင်းၸိူဝ်းၼၼ်ႉ ၶဝ်ႈပႃးဝႆႉ တေႃႇၸေႃးမျႃႉရႃႇၸႃႇလိၼ်း ႁူဝ်ပဝ်ႈ ပႃႇတီႇလွတ်ႈလႅဝ်းမိူင်းရၶႅင်ႇ (ALP) ၊ ၵႅမ်ႁူဝ်ပဝ်ႈ တပ်ႉသိုၵ်းလွတ်ႈလႅဝ်းၸိူဝ်ႉၸၢတ်ႈယၢင်းၽိူၵ်ႇ (ၶွင်ႇသီႇၶၵ်ႉၵၢၼ်ငမ်းယဵၼ်) KNLA...

သိုဝ်ႇၶၢဝ်ႇၼႂ်းမိူင်းထႆး ပိုၼ်ၽၢဝ်ႇဢွၵ်ႇမႃးဝႃႈ ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ၵူၼ်းႁဵတ်းၵၢၼ် လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊၵျႃးၽႅၼ်ႉ 17 တီႈဝဵင်းၵဵင်းမႂ်ႇ ၸိုင်ႈထႆး ပဵၼ်ႁႅင်းၵၢၼ်မၢၼ်ႈ 2 ၵေႃႉလႄႈ ၵူၼ်းမိူင်းၶႄႇ 15 ၵေႃႉ။ ဝၼ်းတီႈ 01/07/2025 ပူၼ်ႉမႃးၼႆႉ ၸဝ်ႈၼႃႈတီႈပလိၵ်ႈထႆး လၢႆႁွင်ႈၵၢၼ် ၶဝ်ႈၵူတ်ႇထတ်းႁိူၼ်းလင်ၼိုင်ႈ ၼႂ်းၸႄႈဝဵင်းႁၢင်လူင်း ၸႄႈတွၼ်ႈၵဵင်းမႂ်ႇ တီႉၺွပ်းလႆႈၵူၼ်းႁဵတ်းၵၢၼ် ၵျႃးၽႅၼ်ႉ...