ၼႂ်းၶၢဝ်းတၢင်း 6 လိူၼ် ပီ 2025 ၼႆႉ ၵူၼ်းမိူင်းႁူမ်ႈတုမ်မၢၼ်ႈ ၸိူဝ်းပၢႆႈၶဝ်ႈၵႂႃႇၼႂ်းမိူင်းႁိမ်းႁွမ်း လူၺ်ႈဢမ်ႇမႅၼ်ႈတၢင်းၵၢၼ်သေ ၺႃးတီႉၺွပ်း မီး 6 ႁဵင်ပၢႆၼႆ – ၸုမ်း Spring Revolution Database (SRD) ႁၢႆးငၢၼ်းဝႆႉ ၼႂ်းဝၼ်းတီႈ 12/07/2025 ၼႆႉၼင်ႇၼႆ။
တႃႇတေငိူင်ႉဝႄႈ ပၵ်းပိူင်ႁၢပ်ႇထၢမ်းၵၢၼ်သိုၵ်း တပ်ႉသိုၵ်းမၢၼ်ႈလႄႈ တႃႇတေႁႃၵၢၼ်ငၢၼ်းၼႆ သေ တႄႇဢဝ် လိူၼ်ၵျႅၼ်ႊၼိဝ်ႊရီႊတေႃႇထိုင် လိူၼ်ၵျုၼ်ႊ ၼႂ်းပီ 2025 ၼႆႉ ၵူၼ်းမိူင်းမၢၼ်ႈ ၸိူဝ်းၶၢမ်ႈလႅၼ်လိၼ်သေ ဢွၵ်ႇၵႂႃႇၼွၵ်ႈမိူင်းယဝ်ႉ ၺႃးၸဝ်ႈၼႃႈတီႈၶဝ် တီႈၺွပ်း မီး 6,175 ၵေႃႉ ဝႃႈၼႆ။
ၼႂ်းၼၼ်ႉ ၸိူဝ်းၺႃးတီႉၺွပ်းလူၺ်ႈၶဝ်ႈမိူင်းထႆး ဢမ်ႇပဵၼ်တၢင်းၵၢၼ် မီး 3,117 ၵေႃႉ၊ ၸိူဝ်းၺႃး ၸဝ်ႈၼႃႈတီႈ မိူင်းမလေးသျႃး တီႉၺွပ်း မီး 2,944 ၵေႃႉ၊ မိူင်းဢိၼ်ႊတီႊယိူဝ်း မီး 53 ၵေႃႉ လႄႈ မိူင်းၶႄႇ မီး 1 ၵေႃႉ – သိုဝ်ႇၶၢဝ်ႇ The Irrawaddy ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ