ၵူႈလွင်ႈလွင်ႈ

သိုၵ်းလူင်ပွင်ၸိုင်ႈမၢၼ်ႈ ပိုၼ်ၽၢဝ်ႇဝႃႈ ၶဝ်ၵူတ်ႇထတ်းယိုတ်းလႆႈ ၶိူင်ႈၵွင်ႈၵၢင်ႇလႄႈ မၢၵ်ႇမိုဝ်ႉၸိုၼ်းယၢမ်း ၼႂ်းထမ်ႈ တီႈၼိုင်ႈ ၼႂ်းၸႄႈ ဝဵင်းသႅၼ်ဝီ ပဵၼ်ၶွင်ၽႂ်ဢမ်ႇႁူႉ ဝႃႈၼႆ။ ဝၼ်းတီႈ 15/1/2020 ယၢမ်းႁူဝ်ၶမ်ႈ မွၵ်ႈ 5:45 မူင်းၼၼ်ႉ သိုၵ်းလူင်ပွင်ၸိုင်ႈမၢၼ်ႈ သၢႆသိုၵ်းၾၢႆႇႁူမ်ႇလူမ်ႈ တူင်ႉၼိုင် ၵူတ်ႇထတ်း ယိုတ်းလႆႈ ၶိူင်ႈၵွင်ႈၵၢင်ႇလႄႈ မၢၵ်ႇမိုဝ်ႉၸိုၼ်းယၢမ်း ဢၼ်မႃးသိူင်ႇဝႆႉၼႂ်းထမ်ႈ...

ၸုမ်းတူင်ႉၼိုင်တူင်ႇဝူင်းၵူၼ်းၼမ်ႉၶမ်း 5 ၸုမ်း ဢွၵ်ႇလိၵ်ႈပိုၼ်ၽၢဝ်ႇ သၢၼ်ၶတ်းၶူင်းၵၢၼ်သဵၼ်ႈတၢင်းႁွပ်ႈလူၵ်ႈ BRI (Belt and Road Initiative) ၵွၼ်ႇၼႃႈ ၸွမ်ၸိုင်ႈမိူင်းၶႄႇ မိတ်ႉသတိူဝ်ႇ သျီႊၵျိၼ်ႊၽိင်ႊ တေမႃးဢႅဝ်ႇမိူင်းမၢၼ်ႈ ဝၼ်းၼိုင်ႈ။ ၸွမ်ၸိုင်ႈမိူင်းၶႄႇ မိတ်ႉသတိူဝ်ႇ သျီႊၵျိၼ်ႊၽိင်ႊ ပိုၼ်ၽၢဝ်ႇဝႆႉဝႃႈ တေဢႅဝ်ႇယဵမ်ႈမိူင်းႁူမ်ႈတုမ်မၢၼ်ႈ ၼႂ်းဝၼ်းတီႈ 17/1/2020 ဝၼ်းသုၵ်းၼႆႉ။ 16/1/2020 ၼႆႉ...

လွႆၾႆး တႃးလ် (Taal Vocalno) ဢၼ်မီးၾၢႆႇၸၢၼ်း ဝဵင်းမၼီႊလႃႊ ယၢၼ်ၵႆမွၵ်ႈ 60 ၵီႊလူဝ်ႊမီႊတႃႊ  ၼၼ်ႉ တႅၵ်ႇပဵၼ်ၾႆး ၊ ၶီႈတဝ်ႈထူမ်ႈဝဵင်း  ၵူၼ်းမိူင်းလႆႈပၢႆႈယၢၼ်ႁိူၼ်းယေး ဢမ်ႇယွမ်း သီႇမိုၼ်ႇ။ လွႆၾႆးၼႆႉတႅၵ်ႇမိူဝ်ႈတီႈ 12/1/2020 ဝၼ်းတိတ်ႉပူၼ်ႉမႃး။ ႁႅင်းတႅၵ်ႇပုင်ႈၶိုၼ်ႈသုင် မွၵ်ႈ သွင်ၵီႊလူဝ်ႊမီႊတိူဝ်ႊ ၊ ၶီႈၽဝ်ႇတဝ်ႈ  ပိဝ်ၸွမ်းလူမ်း...

ၸုမ်းမေႃၵႂၢမ်းတႆး ႁူပ်ႉဢုပ်ႇၵၼ် တီႈဝဵင်းလူင်တူၼ်ႈတီး ၶၢဝ်းတၢင်း 3 ဝၼ်းသေ ႁၢင်ႈႁႅၼ်းၼႃႈၵၢၼ် တႃႇၶွတ်ႇၽွတ်ႈ ၸုမ်းပၢႆးမွၼ်းၽဵင်းၵႂၢမ်းတႆး ပဵၼ်တၢင်းၵၢၼ် ဝႃႈၼႆ။ ဝၼ်းတီႈ 12-14/1/2020 ၵေႃႇမတီႇၸူဝ်ႈၶၢဝ်း ၸုမ်းမေႃၵႂၢမ်းတႆး ႁူပ်ႉထူပ်းဢုပ်ႇဢူဝ်းၵၼ် တီႈႁူင်းႁႅမ်းမွင်ႊထဵင်းသၻႃး ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်းသေ ဢုပ်ႇဢူဝ်းႁၢင်ႈႁႅၼ်းတႃႇပၢင်ၵုမ်လူင် ပွၵ်ႈၵမ်း 2 ဢၼ်တေၸတ်း ႁဵတ်း တီႈဝဵင်းလႃႈသဵဝ်ႈ...

ၽူႈၸၢႆး 2 ၵေႃႉ ၺႃးၵူၼ်းဢမ်ႇႁူႉၾၢႆႇ ယိုဝ်းတၢႆ တၢင်းထုင်ႉၼွင်မွၼ် ၸဵင်ႇၸၢၼ်းဝၼ်းတူၵ်း ဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ။ ဝၼ်းတီႈ 14/1/2020 ယၢမ်းၵၢင်ၶမ်ႈမွၵ်ႈ 7 မူင်းၶိုင်ႈၼၼ်ႉ ၽူႈၸၢႆး 2 ၵေႃႉ ၺႃးယိုဝ်းတၢႆ ၼႂ်းဢိူင်ႇၼွင်မွၼ် ၸႄႈဝဵင်း လႃႈသဵဝ်ႈ ၸိုင်ႈတႆးပွတ်းႁွင်ႇ။ ယၢမ်းလဵဝ် တူဝ်တၢႆ...

ၽူႈၸၢႆး 2 ၵေႃႉ တိူဝ်ႉၺႃးမၢၵ်ႇၵွင်ႈသေ လူႉတၢႆဝႆႉ တီႈႁိမ်းဝၢၼ်ႈၵုင်းမူင်ႈ ၸႄႈဝဵင်းသီႇပေႃႉ ၽူႈတၢႆၼႆႉ ပဵၼ်ၽႂ် ပႆႇႁူႉ ပလိၵ်ႈတိုၵ်ႉၵူတ်ႇထတ်းယူႇ။ တူဝ်တၢႆ ၽူႈၸၢႆး 2 ၵေႃႉၼႆႉ ထူပ်းႁၼ်မိူဝ်ႈဝၼ်းတီႈ 11/1/2020 ယူႇတီႈၸုမ်းၸွႆႈထႅမ် ပရႁိတ (နယ်စည်းမခြား) သီႇပေႃႉ လႆႈၵႂႃႇႁပ်ႉဢဝ်တူဝ်တၢႆသူင်ႇႁူင်းယႃဝႆႉယဝ်ႉ ဝႃႈၼႆ။ ၵူဝ်ႇမဵဝ်း ၸုမ်းၸွႆႈထႅမ် ပရႁိတ...

ၸၢႆးသၢႆလိူၼ်သႂ် (တၢင်ႉယၢၼ်း) လႄႈၸၢႆးလၢဝ်လႅင်း (ပၢင်ႇဢူႈလူင်) ၸၢႆးၼုမ်ႇသွင်ၵေႃႉပၼ်ႇရူတ်ႉထိပ်ႇ လုၵ်ႉဢဝ်ၵႅၼ်ၵၢင်မိူင်းႁူမ်ႈတုမ်ႈလူင်းၵႂႃႇထိုင်ပၢႆၸၢၼ်းပႅၼ်ပႄႈသုတ်းၼၼ်ႉ တေႁူမ်ႈႁႅင်းပၼ်ႇရူတ်ႉထိပ်ႇၶိုၼ်ႈ လွႆတႆးလႅင်း တႃႇယုၵ်ႉယွင်ႈပၼ်ႁႅင်းၸႂ်ၽူႈႁၢပ်ႇၵၢၼ်ၸိူဝ်ႉၸၢတ်ႈ ။ ၸၢႆးသၢႆလိူၼ်သႂ် လၢတ်ႈတီႈၽူႈတွႆႇႁွၵ်ႈဝႃႈ-“ယိူင်းဢၢၼ်းလူင်ဢၼ်တေပၼ်ႇ ရူတ်ႉထိပ်ႇ ၶိုၼ်ႈလွႆ တႆးလႅင်း ၼႆႉတႄႉ ႁႂ်ႈၵၢၼ်ပၼ်ႇရူတ်ႉထိပ်ႇႁိူဝ်ႈႁိူင်း ၼႂ်းမိူင်းတႆးၼႆႉ ႁႂ်ႈမီးၵူၼ်းသူၼ်ၸႂ် ပၼ်ႇရူတ်ႉထိပ်ႇ မႃးၼမ်ၼမ်  ယဝ်ႉၵေႃႈ မၢႆတွင်းတႃႇယုၵ်ႉယွင်ႈ ၽူႈႁတ်းႁၢၼ် ၽူႈႁၢပ်ႇၵၢၼ်တႃႇ...

ၵူၼ်းၼုမ်ႇတႆး လၢႆၸႄႈဝဵင်း တေႁူမ်ႈၵၼ် ပၼ်ႇရူတ်ႉထိပ်ႇ ၶဝ်ႈႁူမ်ႈပၢင်ပွႆးဝၼ်းၸိူဝ်ႉၸၢတ်ႈၸိုင်ႈတႆး တီႈငဝ်ႈၸိုင်ႈလွႆ တႆးလႅင်း။ ပေႃးထိုင်မႃး ဝၼ်းတီႈ 7/2/2020 ဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈတဵမ် 73 ပီၸိုင် ၵူၼ်းၼုမ်ႇ ၼႂ်းမိူင်းတႆး လၢႆလၢႆၸႄႈဝဵင်း တေႁူမ်ႈၵၼ် ပၼ်ႇရူတ်ႉထိပ်ႇ ၵႂႃႇၶဝ်ႈႁူမ်ႈပၢင်ပွႆး တီႈငဝ်ႈၸိုင်ႈလွႆတႆးလႅင်း ပွၵ်ႈၵမ်းႁႅၵ်ႈ ယိူင်းဢၢၼ်း ပၼ်ႇရူတ်ႉထိပ်ႇ ပၼ်ႁႅင်းၸႂ်...

ၸၢႆးၼုမ်ႇ ဢႃယု 20 ပၢႆ ယူႇပွၵ်ႉမဵဝ်ႉမ ဝဵင်းတူၼ်ႈတီး ဝႅၼ်တူၵ်းၼမ်ႉၼွင် ၶႃႈတူဝ်တၢႆ ပဵၼ်ယွၼ်ႉသင်ပႆႇႁူႉ။ ၼွင်ႉမွၵ်ႇမူဝ်ႁဵဝ်းၶမ်း ၽူႈသိုဝ်ႇၶၢဝ်ႇ ၸုမ်းၶၢဝ်ႇၽူႈတွႆႇႁွၵ်ႈ ႁၢႆးငၢၼ်းလၢတ်ႈၼႄဝႃႈ “ ၸႂ်ႈၶႃႈဢေႃႈ ပဵၼ်ၽူႈၸၢႆး ဢႃယု မွၵ်ႈ 20 ပၢႆၼႆႉ ဝႅၼ်တူၵ်းၼမ်ႉၼွင်။ တေႃႈလဵဝ် တူဝ်တၢႆမၼ်းၸၢႆးတႄႉ ၸဝ်ႈၼႃႈတီႈဢဝ်ၵႂႃႇဝႆႉတီႈႁူင်းယႃလူင်ၸဝ်ႈ ၸၢမ်ႇထုၼ်းယဝ်ႉ၊...

ဝၼ်းတီႈ 10/1/2020 ဝၼ်းမိူဝ်ႈၼႆႉၵၢင်ဝၼ်း ၸဝ်ႈၼႃႈတီႈ ၸေႈဝဵင်းလွႆလႅမ် တႄႇမႄးတွၵ်ႇတူဝ်လိၵ်ႈ ဢၼ်မီးတီႈသဝ်ႁိၼ်ပၢင်လူင်။ ၸွမ်းၼင်ႇ ၾၢႆႇဢုပ်ႇပိူင်ႇၸႄႈဝဵင်းလွႆလႅမ် ၽူႈတႅၼ်းသၽႃးၶဝ် လႆႈဢုပ်ႇၵုမ်တူၵ်းလူင်းၵၼ်မိူဝ်ႈဝၼ်းတီႈ 2/1/2020 ၼၼ်ႉဝႃႈ တူဝ်လိၵ်ႈဢၼ်မီးဝႆႉတီႈ သဝ်ႁိၼ်ပၢင်လူင် “ ပြည်မ တောင်တန်း ပူးပေါင်းရေးစာချုပ်ကျောက်တိုင်” (ဢၼ်ပွင်ႇဝႃႈ သဝ်ႁိၼ်လိၵ်ႈႁူမ်ႈမၢႆ တူင်ႈပဵင်းလႄႈမိူင်းသၼ်လွႆ ႁူမ်ႈၵၼ်ၵၼ်ဢဝ်လွတ်ႈလႅဝ်းၵွၼ်းၶေႃမိူင်းႁူမ်ႈတုမ်) ၼၼ်ႉ ၶိုၼ်းတေမႄးတွၵ်ႇႁႂ်ႈပဵၼ်...

သူးၸဝ်ႈၼၢင်းသုၸၼ်ႇတီႇ Sao Thusandi Leadership Award  ဢၼ်ယုၵ်ႉယွင်ႈမွပ်ႈယိုၼ်ႈ ၵူၼ်းၼုမ်ႇၽူႈ ဢွၼ် ႁူဝ်ၼၼ်ႉ တွၼ်ႈတႃႇ ပီ 2019 ၼႆႉၸဝ်ႈၸၢင်းၼုမ်ႇ ဝဵင်းတၢင်ႉယၢၼ်း တူၼ်ၼိုင်ႈ လႆႈႁပ်ႉၼႆလႄႈ ၸတ်းပၢင် ယုၵ်ႉယွင်ႈမၼ်းၸဝ်ႈ တီႈလႅၼ်လိၼ်တႆး-ထႆး  ။ ဝၼ်းတီႈ 9/1/2020 ၼႆႉ ၶွမ်ႊမတီႊ မွပ်ႈယိုၼ်ႈ...

ၶၢဝ်ႇငၢဝ်းလၢၵ်ႇလၢႆးၼႂ်းပီ 2019 ပူၼ်ႉမႃးၼႆႉမီးသင်လၢႆလၢႆ ။ၸုမ်းၶၢဝ်ႇၽူႈတွႆႇႁွၵ်ႈ  ၶူၼ်ႉသွၵ်ႈ ၸူၵ်းဢွၵ်ႇလွၼ်ႉမွၼ်း ၶိုၵ်ႉတွၼ်းၵမ်ႈၽွင်ႈ ၶိုၼ်းႁုပ်ႈႁၢႆးငၢၼ်းၼေပၼ်ဝႆႉ မီးၼင်ႇၼႆၶႃႈဢေႃႈ။ December 2018 ဝၼ်းတီႈ 23/12/2018 - သိုၵ်းလူင်ပွင်ၸိုင်ႈမၢၼ်ႈ ၸိသင်ႇ တိူင်းသိုၵ်းလူင် 5 ဢၼ် ၊ ငဝ်ႈငုၼ်းသိုၵ်းမၢၼ်ႈ ဢၼ်ပၵ်းၼႂ်းမိူင်းတႆး 4 ဢၼ်လႄႈ မိူင်းၶၢင်ဢၼ်ၼိုင်ႈ ႁႂ်ႈၵိုတ်းၵၢၼ်...

ႁိူဝ်းမိၼ် Ukraine International မိူင်း ယူႇၵရဵၼ်ႊ လုၵ်ႉတီႈပၢင်ႇႁိုဝ်းမိၼ် မိူင်းဢီႊရၢၼ်ႊ ၶိုၼ်ႈမိူဝ်ႈဝၼ်းတီႈ 8/1/2020 မိူဝ်ႈၼႆႉၵၢင်ၼႂ် တူၵ်းၼႂ်းမိူင်းဢီႊရၢၼ်ႇ ၵူၼ်းၶီႇၸွမ်း ႁိမ်း 200 ဢမ်ႇလွတ်ႈသေၵေႃႉ။ ၸုမ်းၶႂၢႆႇၶႃပႄလႅင် မိူင်းဢီႊရၢၼ်ႊလၢတ်ႈတီႈၶၢဝ်ႇ AFP ဝႃႈ - “ပဵၼ်ၶိူင်ႈမိၼ် ပူဝ်ႊဢိင်ႊ PS 752   ။...

ၶၢဝ်းယၢမ်းဝဵင်း ဝေႃႊသျိၼ်ႊတၼ်ႊ မိူင်းဢမေႊရိၵၼ်ႊ ဝၼ်းတီႈ 7/1/2020 ဝၼ်းဢင်းၵၢၼ်း ယၢမ်း ႁူဝ်ၶမ်ႈ 5 မူင်းၶိုင်ႈ (ၶၢဝ်းယၢမ်းမိူင်းတႆး ဝၼ်းတီႈ 8/1/2020 ဝၼ်းပုတ်ႉၵၢင်ၼႂ် 8 မူင်းၶိုင်ႈ)ၼၼ်ႉ သိုၵ်းဢီႊရၢၼ်ႊ ယိုဝ်းတပ်ႉလူမ်းဢမေႊရိၵၼ်ႊ ဢၼ်ပၵ်းတီႈ မိူင်းဢီႊရၵ်ႉ။ ငဝ်ႈငုၼ်းသိုၵ်း ပႅၼ်ႊတၵွၼ်ႊ ၶွင်ဢမေႊရိၵၼ်ႊပိုၼ်ၽၢဝ်ႇပဵၼ်တၢင်းၵၢၼ်ဝႃႈ ၺႃးယိုဝ်းဢမ်ႇယွမ်း 12...

တင်ႈဢဝ်ႁူဝ်လိူၼ်ၵျၼ်ႊၼိဝ်ႊရီႊၼႆႉမႃး မွၵ်ႇၵွၼ်ၵီႈတဵမ်တူၼ်ႈ ၸွမ်းတိၼ်လွႆ ဝဵင်းလူင်တူၼ်ႈတီးၼၼ်ႉ မီးၵူၼ်းမႃးႁၢၵ်းၵိင်ႇမွၵ်ႇၵွၼ် လႄႈ ထိုင်တီႈၸုမ်းႁၵ်ႉတူၼ်ႈမႆႉ လႆႈတႅမ်ႈလိၵ်ႈမႃးတိၵ်းၸွမ်းတူၼ်ႈမႆႉ ပႃႇမွၵ်ႇၵွၼ် ဝႃႈ - ႁၢမ်ႈပိတ်းမွၵ်ႇၵွၼ်- ဝႃႈၼႆ။ မွၵ်ႇၵွၼ် ၵီႈတဵမ်တူၼ်ႈ ၸွမ်းတိၼ်လွႆ ၼႃႈဝၼ်းဢွၵ်ႇဝဵၼ်းတူၼ်ႈတီး တိၼ်လွႆဢၼ်မီးၵွင်းမူး သူၺ်ႇၽူင်းပုၼ်ႉ၊ တၢင်းၶိုၼ်ႈလွႆ ၽြႃးသူၺ်ႇမုၵ်ႉတေႃး၊ ဢိၵ်ႇပႃးတင်းပွၵ်ႉၽြႃးၶၢဝ် (ၽယႃးၽိဝ်ႇ) ၸိူဝ်းၼႆႉ။ ၵူၼ်းမႃးဢႅဝ်ႇယဵမ်ႈတူၺ်းတၢင်းႁၢင်ႈလီမွၵ်ႇၵွၼ်၊ ထၢႆႇၶႅပ်းႁၢင်ႈၵိုၵ်းပႃႇမွၵ်ႇၵွၼ်...