သိုၵ်းမၢၼ်ႈပိုၼ်ၽၢဝ်ႇဝႃႈတေၸွႆႈၵူၼ်းထူပ်းၽေးၽႅၼ်ႇလိၼ်ဝႆ ၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈၼႆသေတႃႉ ၵူၼ်းထူပ်းၽေးတႄႉတႄႉ ၸိူဝ်းဢမ်ႇၸႂ်ၸႂ်ၵၢင်ႉၵႄႇ ဢမ်ႇလႆႈငိုၼ်းၵမ်ႉၸွႆႈ၊ ၸိူဝ်းလႆႈၵေႃႈ ဢမ်ႇလႆႈတဵမ်ၼင်ႇၶဝ်ပိုၼ်ၽၢဝ်ႇ၊လႆႈၼိုင်ႈၶိုင်ႈၵူၺ်းဝႃႈၼႆ။ ၵူၼ်းမိူင်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ထူပ်းၽေးၽႅၼ်လိၼ်ဝႆ လႆႈမႃးၶၢဝ်းတၢင်း 5 လိူၼ်ပၢႆယဝ်ႉ သိုၵ်းမၢၼ်ႈၸင်ႇမႃးပိုၼ်ၽၢဝ်ႇဝႃႈတေၸွႆႈထႅမ်။ ၼႂ်းဝၼ်းတီႈ 8/9/2025 လူင်ပွင်ၸိုင်ႈမိူင်းတႆး တႂ်ႈသိုၵ်းမၢၼ်ႈၵုမ်းၵမ် ၵမ်ႉၸွႆႈငိုၼ်းတွင်း ပၼ်ၵူၼ်းထူပ်းၽေး ၽႅၼ်ႇလိၼ်ဝႆ တီႈၼႂ်းထုင်ႉၼွင်ႁၢႆးယႃႈ  တႃႇငိုၼ်း 5...

ပၢၼ်ပဵၼ်ၵူၼ်းမိူင်းႁူမ်ႈတုမ်မၢၼ်ႈၼႆႉ ၸဵမ်မိူဝ်ႈလၢႆၸူဝ်ႈၵူၼ်းမႃး ဢမ်ႇတွၼ်ႉလႆႈယူႇ လူၺ်ႈတၢင်းၵတ်းယဵၼ်လွတ်ႈၶဵၼ်သေပွၵ်ႈ။ ထၢမ်တူၺ်း ၵူၼ်းသႅၼ်းလႂ်ၵေႃႈ ႁူပ်ႉထူပ်းလွင်ႈႁၢႆႉၸႃႉ ၼႂ်းဝၢၼ်ႈၼႂ်းမိူင်းမႃးတႃႇသေႇ။ ၽွင်းသိုၵ်းၸၢဝ်းၶိူဝ်းၼႂ်းမိူင်း တိုၵ်ႉတိုၵ်းတေႃး သိုၵ်းမၢၼ်ႈယူႇၼႆႉၵေႃႈ ၵူၼ်းမိူင်းလႆႈမႆႈၸႂ်လၢႆလွင်ႈ ယူႇမိူင်းလႂ်ၵေႃႈယၢပ်ႇၸႂ် မိူင်း ၼၼ်ႉ။ ၵူၼ်းၸိူဝ်းယူႇၸွမ်းလႅၼ်လိၼ်တႆး - ၶၢင် မိူၼ်ၼင်ႇ ၸႄႈဝဵင်းမၢၼ်ႈၸေႊ၊ မၢၼ်ႈဝဵင်းလူင် ၸိူဝ်းၼႆႉ ၺႃးသိုၵ်းၶၢင်တဵၵ်းၵဵပ်းသိုၵ်းလႄႈ ယူႇယၢပ်ႇၵိၼ်းၸႂ်ဝႆႉ ဝႃႈၼႆ။ တႄႇၸဵမ်မိူဝ်ႈ...

ပူၼ်ႉမႃးလိူၼ်ၵျူႊလၢႆႊ လိူၼ်ဢေႃႊၵတ်ႊသ် ပီၼႆႉ ၸွမ်ၸိုင်ႈမိူင်းဢမေႊရိၵၼ်ႊ ပိုၼ်ၽၢဝ်ႇတႃႇတိူဝ်းၵဵပ်း ၶွၼ်ႇၼိူဝ်လၢႆလၢႆၸိုင်ႈမိူင်းၼႂ်းလုမ်ႈၾႃႉ။ ႁဵတ်းႁႂ်ႈသုၵ်ႉယုင်ႈတူၵ်းၸႂ်လႂ်တိုၼ်ႇၵၼ်ၵႂႃႇမူတ်း။ ၽွင်းၶၢဝ်း ပၢႆးမၢၵ်ႈမီးလုမ်ႈၾႃႉတူၵ်းယူႇယၢမ်းလဵဝ် ဢမေႊရိၵၼ်ႊသမ်ႉ ပိုၼ်ၽၢဝ်ႇၸိူင်ႉၼႆၼႆႉ ႁဵတ်းႁႂ်ႈၵူၼ်းမိူင်း ၸိူဝ်းယူႇၼႂ်းၸိုင်ႈမိူင်းဢၼ်တိုၵ်ႉႁုၼ်ႈမုၼ်းယူႇၸိူဝ်းၼၼ်ႉၵေႃႈ ပဵၼ်ဢၼ်မႆႈၸႂ်သုၵ်ႉၸႂ်။ ၶၼ်ၶွၼ်ႇလုမ်ႈၾႃႉသုင် ၼႂ်းဝၼ်းမိူဝ်ႈၼႆႉ ၽႂ်တေပဵၼ်ၵေႃႉလႆႈ ၼမ်ႉတွၼ်းၽွၼ်းလီ။ ၽႂ်တေပဵၼ်ၵူၼ်းၵိၼ်းၸႂ် ၼႆယဝ်ႉ။ ၵဵဝ်ႇလူၺ်ႈ ၸွမ်ၸိုင်ႈမိူင်းဢမေႊရိၵၼ်ႊ တူဝ်ႊၼေႃႊ ထရမ်ႉ...

ၼႂ်းၸုပ်ႈသႅၼ်း ၸူဝ်ႈပၢၼ်ႁဝ်းႁႃးၼႆႉ ဢဵၼ်းဢၢၼ်းယိူင်းမၢႆ ၵၢၼ်ပၢႆးမိူင်း တႃႇၸိူဝ်ႉၸၢတ်ႈႁဝ်းသုင်သုတ်းၼၼ်ႉ ႁဝ်းတေၸၢင်ႈႁဵတ်းလႆႈ ႁႂ်ႈမိူင်းႁူမ်ႈတုမ်မိူင်းမၢၼ်ႈ ယၢမ်းလဵဝ် ပဵၼ်မႃးမိူင်းႁူမ်ႈတုမ်ၸႅတ်ႈၸၢင်ႇ Pure Federal Union (ဢၼ်မီးသုၼ်ႇလႆႈ တီႊမူဝ်ႊၶရေႊသီႊ Democracy ၊ သုၼ်ႇလႆႈၵူၼ်း Human Rights ၊ လွင်ႈၽဵင်ႇပဵင်း Equality ၊ လွင်ႈၸွမ်းတြႃးၽႃႇၵၢင်ဝၢင်းၶိုင်ႈ...

ၶၢဝ်းတၢင်း ၽႅၼ်ယၼ်ႇသိုၵ်း 1027 တႄႇမီးမႃးၼၼ်ႉသေ လုၵ်ႈၸုမ်းဢူၺ်းလီပွတ်းႁွင်ႇ 3 ၸုမ်း ယိုတ်းလႆႈလၢႆဝဵင်းၼႂ်းမိူင်းတႆးပွတ်းႁွင်ႇ။ ၸဵမ်ဢဝ်ပိူင်ၵဵပ်းၶွၼ်ႇၸိူဝ်းၼႆႉၵေႃႈ ၽႂ်ပေႉၵေႃႈမၼ်းၵဵပ်း။ ၵူၼ်းမိူင်းတႄႉ ယၢပ်ႇၵိၼ်းၼႂ်းၵႄႈမၼ်း။ တီႈၸႄႈဝဵင်းၼမ်ႉၶမ်းၼႆႉၵေႃႈ မိူဝ်ႈလဵဝ် သိုၵ်းတဢၢင်း လူင်းၵဵပ်းၶွၼ်ႇတႃႇပီ 2026 ဝႃႈၼႆထႅင်ႈ။ ၵူၼ်းမိူင်းလူမ်ၸႂ်ႁႃႉ ဢမ်ႇလူမ်ၸႂ်ၵေႃႈဢမ်ႇတူၺ်း။ ႁူႉဝႃႈ ၵဵပ်းၶွၼ်ႇၵူၺ်းလႄႈ ၸဝ်ႈႁၢၼ်ႉၸဝ်ႈသႅင်ႇမၢင်ၸိူဝ်း ယၢပ်ႇၸႂ်တႃႇတေသိုပ်ႇၵႂႃႇမိူဝ်းၼႃႈတႄႉတႄႉ။ ၸဵမ်မိူဝ်ႈ ၸုမ်းဢူၺ်းလီပွတ်းႁွင်ႇ...

တႃႇႁႂ်ႈၸိုင်ႈမိူင်းၼိုင်ႈလုၵ်ႈ ပေႃးတေၵတ်းယဵၼ်ၼိမ်တဵင်ႈၼၼ်ႉ လူဝ်ႇၵွၼ်းၵိူင်ႈလၵ်းသၢင်ႉ သဝ်လူင် 4 ဢၼ်။ မိူၼ်ၼင်ႇ ၾၢႆႇႁႅၼ်းၾိင်ႈဢၼ်ဝႃႈ (ဉပဒေပြုရေး)၊ ၾၢႆႇၽွင်းငမ်း ဢၼ်ႁွင်ႉဝႃႈ (အုပ်ချူပ်ရေး) ၊ ၾၢႆႇတတ်းသိၼ် ဢၼ်ႁွင်ႉဝႃႈ (တရားစီရင်ရေး) လႄႈ ထႅင်ႈဢၼ်ၼိုင်ႈတႄႉပဵၼ် ၾၢႆႇသိုဝ်ႇၶၢဝ်ႇ။ မိူင်းႁူမ်ႈတုမ်မၢၼ်ႈၼႆႉသမ်ႉ ဢၼ်လႂ်ၵေႃႈ ဢမ်ႇၵွၼ်းၵိူင်ႈလႆႈသေဢၼ်လႂ်လႄႈ ထိုင်တီႈဢမ်ႇၵုမ်းလႆႈ ဢမ်ႇၵမ်လႆႈ။ ၵူၼ်းမိူင်းလႆႈတုၵ်ႉယၢၵ်ႈၸွမ်းလၢႆသမ်ႇလၢႆပိူင်။...

ၵူၼ်းၵမ်ႈၼမ်ၼႆႉ ၶႂ်ႈမီးတၢင်းသိူဝ်းၼႂ်းၸူဝ်ႈပၢၼ်လႄႈ ၸင်ႇမၢင်ႉႁဵတ်းၵၢၼ် ၼင်ႇႁိုဝ် တေၵိၼ်ၵုမ်ႇၸႂ်ႉၵုမ်ႇမိူၼ် ပိူၼ်ႈလႆႈ။ ၵူၺ်းၵႃႈ ႁဵတ်းၵၢၼ်သေ ထိုင်တီႈဢမ်ႇႁူႉဝႃႈ တၢင်းသိူဝ်းပဵၼ်ဢီႈသင်ၼႆ ၼၼ်ႉၵေႃႈ မီးတင်းၼမ်တင်းလၢႆ။ သင်သမ်ႉႁဵတ်းၵၢၼ်ယူႇၵူႈဝၼ်း သမ်ႉဢမ်ႇမေႃဝၵ်ႉဢဝ် ႁႂ်ႈၸၢတ်ႈပၢၼ်ၸဝ်ႈၵဝ်ႇ မီးတၢင်းသိူဝ်းလႄႈ ၵတ်းယဵၼ်ၸႂ် လႆႈၼႆတႄႉ ႁိုင်မႃးၸၢင်ႈတုမ်ႉတိူဝ်ႉပၢႆးတူဝ် လႄႈပၢႆးၸႂ်ၸဝ်ႈၵဝ်ႇသေဢမ်ႇၵႃး ပၼ်ႁႃဢၼ်ဢမ်ႇၶႂ်ႈပဵၼ်ၼၼ်ႉၵေႃႈ ၸၢင်ႈလႆႈပဵၼ်။ ၼင်ႇႁိုဝ် တေဢမ်ႇပဵၼ်ၼၼ်ႉ...

မိူင်းႁူမ်ႈတုမ်ဢၼ်ဝႃႈၼႆႉ ပဵၼ်ၸိုင်ႈမိူင်းဢၼ်မီး ၶိူဝ်းၵူၼ်းၵူႈသႅၼ်းသႅၼ်း ႁူမ်ႈၽၢၵ်ႈယူႇသဝ်းၸွမ်းၵၼ်မႃး ပီယၢဝ်းၶၢဝ်းႁိုင် ၼပ်ႉႁူဝ်သိပ်း ႁူဝ်ပၢၵ်ႇပီမၼ်း။ ဢိင်လူၺ်ႈၼမ်ႉလိၼ်ႁိၼ်ၽႃ လွင်ႈပႅၵ်ႇပိူင်ႈသၽႃႇဝ သိင်ႇဝႅတ်ႉလွမ်ႉသေ လွင်ႈယူႇလၢႆးသဝ်း၊ လွင်ႈၵိၼ်ယႅမ်ႉ၊ ၶိူင်ႈၸႂ်ႉၶူဝ်းသွႆ၊ ထုင်းၾိင်ႈ၊ ၽႃႇသႃႇၵႂၢမ်းလၢတ်ႈ၊ ၶူဝ်းၼုင်ႈတၢင်းဝႆ၊ လိၵ်ႈလၢႆး၊ ပိုၼ်ႉႁူႉပၢႆးႁၼ်၊ တၢင်းဝူၼ်ႉ၊ လွင်ႈယုမ်ႇယမ်၊ ၵၢၼ်ၼပ်ႉထိုဝ် ၶိူဝ်းၵူၼ်းၵူႈသႅၼ်းသႅၼ်း တေပိူင်ႈၵၼ်ၵႂႃႇ ႁင်းၽႂ်မၼ်းယူႇ။ ၼႂ်းမိူင်းႁူမ်ႈတုမ်မျႅၼ်ႇမႃႇ...

ၶၢဝ်ႇမီးလၢႆသႅၼ်း ??? ၶၢဝ်ႇၸိုဝ်ႈၸႂ်ႈထုၵ်ႇမႅၼ်ႈ   - ၵူၺ်းၵႃႈ-  ဢမ်ႇမီးၽွၼ်းလီတေႃႇတူင်ႇဝူင်းၵူၼ်း လႄႈ ဢမ်ႇမီးၽွၼ်းလီတေႃႇၽႂ် ၶၢဝ်ႇၸိုဝ်ႈၸႂ်ႈထုၵ်ႇမႅၼ်ႈ   - သမ်ႉမီးၽွၼ်းလီတေႃႇတူင်ႇဝူင်းၵူၼ်း လႄႈ ပဵၼ်ၽွၼ်းလီတေႃႇ မုၵ်ႉမူႇၾုင်ၵူၼ်း ၶၢဝ်ႇဢမ်ႇၸိုဝ်ႈၸႂ်ႈ           -ၵူၺ်းၵႃႈ မီးၽွၼ်းလီတေႃႇတူင်ႇဝူင်းၵူၼ်း လႄႈ ပဵၼ်ၽွၼ်းလီတေႃႇမူႇမၢၵ်ႈၵူၼ်းၼမ် ၶၢဝ်ႇဢမ်ႇၸိုဝ်ႈၸႂ်ႈ           - သမ်ႉ ဢမ်ႇမီးၽွၼ်းလီတေႃႇတူင်ႇဝူင်းၵူၼ်း လႄႈ ဢမ်ႇမီးၽွၼ်းလီတေႃႇၽႂ် တူင်ႇဝူင်းၵူၼ်း ဝၼ်းမိူဝ်ႈၼႆႉ လိူဝ်သေသိုဝ်ႇဢၼ်ႁဵတ်းၵၢၼ်သိုဝ်ႇပိုၼ်ၽၢဝ်ႇၶၢဝ်ႇငၢဝ်းပၼ် တူင်ႇဝူင်းၵူၼ်းတင်းၼမ်...

ႁူဝ်လိူၼ်သႅပ်ႊထႅမ်ႊပိူဝ်ႊၼႆႉ မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈယိုတ်းမိူင်း ဢဝ်တိုဝ်ႉတၢင်း ပၢင်ပွႆး မိူင်းၶႄႇလုၵ်ႉၽိုၼ်ႉ တိုၵ်းလိုပ်ႈသိုၵ်းၵျပၼ်ႊ ဢွင်ႇပေႉ ၶွပ်ႈတဵမ် 80 ပီတဵမ် ၼႂ်းဝၼ်းတီႈ 3/9/2025 လႄႈ ပၢင်ၵုမ်ၸုမ်းၽူႈၼမ်းၸိုင်ႈမိူင်းဝဵင်းသျႅၼ်ႊႁၢႆႊ (Shanghai Cooperation Organization – SCO SUMMIT 2025 Plus) တီႈဝဵင်းတီႊယၼ်ႊၵျိၼ်ႊသေ...

သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းၼႆႉ ၼႄၶေႃႈဢၢင်ႈဝႃႈ တႃႇၸတ်းပၢင်လိူၵ်ႈတင်ႈ ဢၼ်မီးလွင်ႈၽဵင်ႇပဵင်းပဵၼ်ထမ်းၼႆ လၢတ်ႈၸပ်းသူပ်းၸပ်းပၢၵ်ႇမႃးဢမ်ႇထၢတ်ႇဢမ်ႇဝၢႆး။ ယိူင်းဢၢၼ်းဝႃႈ တေၸတ်းပၢင်လိူၵ်ႈတင်ႈၼႂ်းလိူၼ်ဢေႃႊၵတ်ႊသ် 2025 ၼႆ ၸဵမ်မိူဝ်ႈတႄႇယိုတ်းမိူင်းၼၼ်ႉမႃး။ ၵူၺ်းဢမ်ႇပဵၼ်ၸွမ်းၼင်ႇလၢတ်ႈဝႆႉ။ ၸင်ႇၶိုၼ်း ပိုၼ်ၽၢဝ်ႇလၢတ်ႈထႅင်ႈ ၼႂ်းလိူၼ်ဢေႃႊၵတ်ႊသ် 2025 ၼႆႉဝႃႈ တေၸတ်းပၢင်လိူၵ်ႈတင်ႈ ၼႂ်းဝၼ်းတီႈ 28/12/2025 ၼႆထႅင်ႈ။ ၵူၺ်းၵႃႈ တေပဵၼ်မႃးၸိူင်ႉႁိုဝ်ထႅင်ႈၽႂ်ဢမ်ႇလၢမ်းလႆႈ၊ ၵူၼ်းမိူင်းတႄႉ ပေႃးၵဵဝ်ႇလွင်ႈၵၢၼ်ဝၢၼ်ႈၵၢၼ်မိူင်းမႃးၼႆ...

ၼႂ်းၶၢဝ်းတၢင်းၵၢၼ်လုၵ်ႉၽိုၼ်ႉၸဝ်ႈဢႃႇၼႃႇသိုၵ်းမႃးပီယၢဝ်းၶၢဝ်းႁိုင်ၼႆႉ မီးမုၵ်ႉၸုမ်း၊ ပႃႇတီႇၵၢၼ်မိူင်း၊ ၸုမ်းလုၵ်ႉၽိုၼ်ႉ၊ ၸုမ်းတူင်ႇဝူင်းၵူၼ်း ၵိူတ်ႇဢွၵ်ႇမႃးထႅင်ႈမႂ်ႇမႂ်ႇၼပ်ႉပေႃးဢမ်ႇသဵင်ႈၼိဝ်ႉတိၼ်ၼိဝ်ႉမိုဝ်း။ ၼႂ်းမုၵ်ႉၸုမ်းၸိူဝ်းၼႆႉၵေႃႈ ၵူၼ်းၵဝ်ႇ၊ ၵူၼ်းမႂ်ႇ ၶူၼ်းၶဝ်းလေႃးလႄးၵၼ်၊ ပၢႆးဝူၼ်ႉၵေႃႈ ပႅၵ်ႇပိူင်ႈၵၼ်။ ပဵၼ်ၵူၼ်းၸိူဝ်းဢၼ်ၼပ်ႉသွၼ်ႇတူဝ်ၸဝ်ႈၵဝ်ႇဝႃႈ ၵဝ်ၵျႃႉ၊ မႂ်းၶႅၼ်ႇ၊ မၼ်းၵတ်ႉၼႆလၢႆလၢႆ။ တႅၼ်းတီႈၵူၼ်းၸိူဝ်းၼႆႉ ထုၵ်ႇလီမီးပၢႆးဝူၼ်ႉမႂ်ႇမႂ်ႇသေ ၶဝ်ႈႁူမ်ႈတူင်ႉၼိုင်ႁဵတ်းသၢင်ႈပႃးၼႂ်းၵၢၼ်လုၵ်ႉၽိုၼ်ႉ ၽွမ်ႉၵၼ် လူၺ်ႈလၢႆး တၢင်းပၢႆးဝူၼ်ႉမႂ်ႇမႂ်ႇသေ ၶတ်းၸႂ်ႁႂ်ႈၸဝ်ႈၵဝ်ႇ မီးၼမ်ႉၵတ်ႉတဵမ်ထူၼ်ႈ ၶိုၼ်ႈပဵၼ်ၽူႈဢွၼ်ႁူဝ်လီတႃႇမုၵ်ႉၸုမ်းလၢႆလၢႆၸုမ်းယူႇ...

ထုင်းၵႂၢမ်းတႄႉမီးဝႃႈ ယၢႆႈၵၼ်ႁႅင်းယွမ်း ၽွမ်ႉၵၼ်ႁႅင်းယႂ်ႇၼႆလႄႈ ၸူဝ်ႈတႆးပႆႇၽွမ်ႉၵၼ်ၼႆႉတႄႉ ၶိူဝ်းတႆး တိုၼ်းတေယၢႆႈယူႇတိၵ်းတိၵ်း။ သဵၼ်ႈတၢင်း တႃႇတႆးတေၽွမ်ႉၵၼ် ၵေႃႈ ပႆႇႁၼ်။ ယွၼ်ႉႁဝ်းတႅၵ်ႇၵၼ်လႄႈ ၵူၼ်းတႆး ၼႂ်းမိူင်းတႆးၵေႃႈ ထုၵ်ႇပိူၼ်ႈပေႉၵိၼ်လူလၢႆ။ တႆးၸိူဝ်းပႃးၵႂႃႇၸွမ်း ၼႃႈလိၼ်ဢၼ်ထုၵ်ႇၸႅၵ်ႇပၼ် တၢင်ႇၸၢဝ်းၶိူဝ်းၼၼ်ႉၵေႃႈ လႆႈၼႃႈလဵၵ်ႉတႃဢွၼ်ႇ ထုၵ်ႇပိူၼ်ႈတဵၵ်းတဵင်လူလၢႆ ဢမ်ႇလႆႈယူႇၵတ်းယဵၼ်မႃးသေပွၵ်ႈ။  မိူၼ်ၼင်ႇ ဝဵင်းၽႃၵၢၼ်ႉ ဢၼ်ယူႇပွတ်းတွၼ်ႈၼိူဝ် မိူင်းႁူမ်ႈတုမ်မၢၼ်ႈၼႆႉၵေႃႈ ယၢမ်ႈပဵၼ်တီႈပီႈၼွင်ႉတႆး...

မိူဝ်ႈၽွင်းၶဝ်ႈၼႂ်းသိုင်ႇၾႆးသေ တေႁႃႁုင်ၽၵ်းၼႆၼၼ်ႉ မၢင်ပွၵ်ႈတေႁၼ်မႅၼ်ႈ ဢႃႇလူး ဢၼ်သိုဝ်ႉဝႆႉ သေပႆႇလႆႈၵိၼ်လႄႈ ဢွၵ်ႇငူင်းဝႆႉၸိူဝ်းၼၼ်ယူႇ။ ၽွင်းႁၼ်ၸိူင်ႉၼၼ် ၵမ်ႈၽွင်ႈၵေႃႈ တေဝူၼ်ႉဝႃႈ ၸွင်ႇထုၵ်ႇလီၵိၼ် ဢမ်ႇၼၼ် တေလႆႈပႅတ်ႈႁိုဝ် ၼႆယဝ်ႉ။ ဢႃႇလူး၊ ၽၵ်းမီႇၽိူၵ်ႇ၊ ၽၵ်းမီႇလႅင် ၸိူဝ်းၼႆႉ ပေႃးထိုင်ၶၢဝ်းမၼ်းၸမ်တေဢွၵ်ႇတူၼ်ႈမႂ်ႇမႃးထႅင်ႈၼႆ မၼ်းတေဢွၵ်ႇငူင်းမႃး။ ၽွင်းမိူဝ်ႈႁၼ်မႅၼ်ႈၸိူင်ႉၼၼ်ႉ ၵူၼ်းႁဝ်းၵမ်ႈၼမ် တိုၼ်းတေမီးပၢႆးဝူၼ်ႉ ဢၼ်ဝႃႈၸွင်ႇထုၵ်ႇလီၵိၼ်၊ ၸွင်ႇတေလွတ်ႈၽေးၼႆယူႇ။ ၵွပ်ႈသင်လႄႈ...

ၵူၼ်းမိူင်းတႆးၼႆႉ လႆႈၶၢမ်ႇတၢမ်ႇ ယွၼ်ႉဝၢၼ်ႈမိူင်းသုၵ်ႉယုင်ႈမႃး ၼပ်ႉႁူဝ်သိပ်းပီယဝ်ႉ။ ယူႇလႂ်ၵေႃႈ ဢမ်ႇလွတ်ႈၽေးၸုမ်းယိပ်းၵွင်ႈၵၢင်ႇသေတီႈ။ မိူၼ်ၼင်ႇ တၢင်းမိူင်းယွင်း ၸိုင်ႈတႆးပွတ်းဢွၵ်ႇၼႆႉၵေႃႈ ဢမ်ႇသူႈမီးပၢင်တိုၵ်းသိုၵ်းသိူဝ်သေတႃႉ သမ်ႉမီးၸုမ်းယိပ်းၵွင်ႈၵၢင်ႇလၢႆၸုမ်း ယူႇဝႆႉလႄႈ လႆႈၵူဝ်လႆႈမႆႈၸႂ်ယူႇလၢႆလွင်ႈ။ ၼႂ်းႁၢင်လိူၼ်ဢေႃႊၵတ်ႊသ် ပူၼ်ႉမႃးၼႆႉ ႁူဝ်ပဝ်ႈ တပ်ႉပႂ်ႉလႅၼ်လိၼ်သိုၵ်းမၢၼ်ႈ (နယ်ခြားစောင့် တပ်) ဢၼ်မီးတၢင်းမိူင်းယုၼၼ်ႉ ၺႃးငွႆးယိုဝ်း။ ဢမ်ႇတိူဝ်ႉၺႃးမၼ်းၸၢႆးသေတႃႉ ၵူၺ်းၵႃႈ တိူဝ်ႉၺႃး ၵူၼ်းႁေႃႈၵႃးမၼ်းလူႉတၢႆထင်တီႈ။...