ၼွၵ်ႈၼိူဝ်သေ ၵၢၼ်သိုၵ်းၵၢၼ်မိူင်း ၵၢၼ်မၢၵ်ႈမီးလႄႈၵၢၼ်ႁႃၵိၼ်လဵင်ႉတွင်ႉလၢႆလၢႆလွင်ႈယဝ်ႉ လွၵ်းလၢႆး “ၸိူင်းသိုၵ်းလႄႈယူင်ႉသၢင်ႈၽႅၼ်ပၢႆးတိုၵ်း”ၵေႃႈ တၵ်းတေလႆႈဢဝ်ၸႂ်ႉတိုဝ်း ၼႂ်းၵၢၼ်သိူဝ်ႇတၢင်း ၼႂ်းၼႃႈၵၢၼ်တႃငၢၼ်း  ဝၢင်းၽႅၼ် ၶၢဝ်းပွတ်း ၶၢဝ်းယၢဝ်းလႄႈၶၢဝ်းယၢမ်းၶိုၵ်ႉၶၵ်ႉ။ ၸင်ႇပဵၼ်ၽွၼ်းလီ တႃႇၵႅတ်ႇၵင်ႈ လွင်ႈႁုၵ်းႁၢႆႉ ဢၼ်တေၸၢင်းၵိူတ်ႇမီးမႃးၵႃႈတၼ်းႁၼ် မိူဝ်ႈမိူဝ်ႈၵၼ်။ လွၵ်းလၢႆး “ၸိူင်းသိုၵ်းလႄႈယူင်ႉသၢင်ႈၽႅၼ်ပၢႆးတိုၵ်း”ၼႆႉ တၵ်းလႆႈၸႂ်ႉတိုဝ်း လူၺ်ႈသတိ ပၺ်ႇၺႃႇ ၸင်ႇၵႄႈလိတ်ႈ ၶိုတ်းတၼ်း တႃႇႁႄႉၵင်ႈ...

ၵၢၼ်ႁဵတ်းဢွၵ်ႇၾႆးၾႃႉ မိူင်းမၢၼ်ႈ ဢၼ်ၼမ်လိူဝ်ပိူၼ်ႈသုတ်းၼႆႉမီး 2,200 မႅၵ်ႊၵႃႊဝတ်ႊသေ မိူဝ်ႈ ဝၼ်းတီႈ 6 လိူၼ်ၵျႅၼ်ႊၼိဝ်ႊရီႊၼႆႉ ပိုၼ်ၽႄႈပၼ်လႆႈ 1,700 မႅၵ်ႊၵႃႊဝတ်ႊၵူၺ်း - လႆႈႁူႉၸွမ်းၼင်ႇ ၶေႃႈမုလ်း တီႈႁွင်ႈၵၢၼ် ၽွင်းလူင်ၾၢႆႇၾႆးၾႃႉၼင်ႇၼႆ။ သိုၵ်းမၢၼ်ႈ ႁဵတ်းႁိုဝ်သေ ၸႅၵ်ႇၽႄပၼ်ၾႆးၾႃႉ ႁွင်ႈၵၢၼ် ၽွင်းလူင်ၾၢႆႇၾႆးၾႃႉမိူင်းမၢၼ်ႈ (MOEP) သိုၵ်းမၢၼ်ႈ လၢတ်ႈဝႃႈ ၾႆးၾႃႉၶၢတ်ႇၼႆႉ...

မိူဝ်ႈၵိူတ်ႇမႃးပဵၼ်ၵူၼ်း ၶိူဝ်းလႂ်ၶိူဝ်းၼိုင်ႈ ၽႂ်ၽႂ်ၵေႃႈ တၵ်းမီးၸႂ်ႁၵ်ႉၸိူဝ်ႉၸၢတ်ႈ ၼိူဝ်ႉလိူတ်ႇၶိူဝ်းၵူၼ်းတူဝ်ၵဝ်ႇ ၶွင်ၽႂ်မၼ်းယူႇယဝ်ႉ။  ပဵၵ်ႉသမ်ႉ မီးဢမ်ႇထိုင်ႁူဝ်ပၢၵ်ႇတဵမ်ၵေႃႈ ဢေႇသုတ်း တၵ်းဢမ်ႇယွမ်း 98 %, 99 % ။ သူၼ်ႇၵမ်ႈဢေႇၼၼ်ႉ တေမီးလၢႆလွင်ႈ - လူၺ်ႈၵၢၼ် ဢမ်ႇသူၼ်ၸႂ်ၼၼ်ႉ ၵွပ်ႈၵိုင်ႇလႆႈမိုင်ႉၵၢၼ် ႁႃၵိၼ်လဵင်ႉတွင်ႉလႄႈဢမ်ႇသူၼ် ၸႂ်ၼႆသေတႃႉၵေႃႈ ၵၢၼ်ႁၵ်ႉၸိူဝ်ႉၸၢတ်ႈမၼ်းတိုၼ်းမီးယူႇ...

ဝၼ်းသင်ၶၢၼ် ႁိုဝ် ဝၼ်းသူင်ၵရၢၼ်ႊတ် (သၢင်းၵျၢၼ်ႇ) ၼႂ်းမိူင်းထႆးပီ 2025 ၼႆႉၵေႃႈ ပဵၼ်ၸွမ်းၵၢၼ် ဢၼ်မၵ်းမၢႆ ထိုဝ်ဢဝ်ဝၼ်းတီႈ 13, 14, 15 လိူၼ်ဢေႊပရိူဝ်ႊလ်မိူၼ်ၵူႈပီ။ ပဵၼ်မႃးၸွမ်းၼင်ႇ ဢၼ်ဢွၼ်ၵၼ်မၵ်းမၼ်ႈႁဵတ်း မႃးၵူႈပီပီ ႁၢၼ်ႉတေႃႇထိုင်ဝၼ်းမိူဝ်ႈၼႆႉ။ “ဝၼ်းသူင်ၵရၢၼ်ႊတ်” ႁိုဝ် ဝၼ်းသင်ၶၢၼ်ၼႆႉ ပဵၼ်ဝၼ်းလမ်ႇလွင်ႈတေႃႇၸိုင်ႈမိူင်း ၼႂ်းၸဵင်ႇၸၢၼ်းဝၼ်းဢွၵ်ႇ ပွတ်းတႂ်ႈ ၸိူဝ်းထိုဝ်ယမ်ယိပ်းၵမ်ၾိင်ႈႁိတ်ႈႁွႆးပဵၼ်လၵ်း။...

ၾၢႆႇၵူတ်ႇထတ်းၵူၼ်းၶဝ်ႈမိူင်း မိူင်းထႆး ဢွၵ်ႇပိူင်မႂ်ႇထႅင်ႈ တႃႇၵုမ်းၵူၼ်းၸိူဝ်းတေၶဝ်ႈမိူင်းထႆး။ ပဵၼ်ၽႂ်ယူႇတီႈလႂ်သေဢမ်ႇဝႃႈ သင်ဝႃႈ တေၶဝ်ႈမိူင်းထႆး တၵ်းလူဝ်ႇယိုၼ်ႈလိၵ်ႈတၢင်းဢွၼ်ႊလၢႆႊ လူင်ႈၼႃႈ 3 ဝၼ်း ၸင်ႇတေမီးၶႂၢင်ႉၶၢမ်ႈၶဝ်ႈမိူင်း။ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ယိုတ်းဢႃႇၼႃႇၸိုင်ႈမိူင်းမႃးၶၢဝ်းတၢင်း 4 ပီၼႆႉ ၵူၼ်းမိူင်းမၢၼ်ႈ မိူင်းတႆး ဢမ်ႇလႆႈယူႇလီၸႂ်၊ ႁႃတၢင်းပၢႆႈဢွၵ်ႇမိူင်းယူႇၵူႈဝၼ်း။ ၵူၼ်းမိူင်းလႆႈပၢႆႈမႃး ၸဵမ်မိူဝ်ႈပၢၼ် တႅပ်း 4...

ၶၢဝ်းမႆႈၼႆႉ ဢမ်ႇထၢင်ႇဢမ်ႇထိူမ်သေ ၸၢင်ႈထူပ်းၽေးသၽႃႇဝလၢႆပိူင် ၼႂ်းၼၼ်ႉ ၽေးၾႆးၵေႃႈ ၸၢင်ႈမႃးထိုင်ၼႂ်းဢွင်ႈတီႈ ၵူၼ်းၵိုၼ်းလႆႈ။ ၽဝ်ႇၾႆးလဵၵ်ႉလဵၵ်ႉၵူၺ်းၵေႃႈ သင်မၼ်းလၢမ်းမႆႈမႃး တၵ်းပဵၼ်ၽေးယႂ်ႇလူင်မိူၼ်ၵၼ်။ ပေႃးထိုင်ၶၢဝ်းမႆႈမႃး ၸၢင်ႈထူပ်းၽေးၾႆးမႆႈပႃႇမႆႈထိူၼ်ႇ။ ၾႆးမႆႈပႃႇၼႆႉ ၸၢင်ႈပၼ်တၢင်းတုၵ်ႉၶၵူၼ်းလႄႈ တူဝ်မီးၸႂ်တင်းၼမ်တင်းလၢႆ။ ၵူၺ်းၵႃႈ ၾႆးမႆႈပႃႇၼႆႉ ဢမ်ႇမီးၽွၼ်းလီလႃးလႃးၼႆတႄႉ ဢမ်ႇၸႂ်ႈၼင်ႇၵဝ်ႇ။ ယူႇတီႈဝႃႈ ၾႆးမႆႈပႃႇၼၼ်ႉ မႆႈၼမ်ႁႃႉမႆႈဢေႇၼႆၼၼ်ႉသေ လွင်ႈတုမ်ႉယွၼ်ႈမၼ်းတေပိူင်ႈၵၼ်။ ၽဝ်ပႃႇၼႆႉ ပဵၼ်လွၵ်းလၢႆးသၽႃႇဝ ႁဵတ်းႁႂ်ႈငႂ်ႈလိၼ်လီ။ ၼႂ်းထိူၼ်ႇၼႂ်းပႃႇတီႈလႂ်သေဢမ်ႇဝႃႈ သင်ဝႃႈ...

ဝၼ်းတီႈ 06/04/2025 ယၢမ်းႁူဝ်ၶမ်ႈ 6:35 ၼၼ်ႉ ၵေႃႉပဵၼ်ၽူႈဢွၼ်ႁူဝ် ၶိုင်ပွင်ႁဵတ်းသၢင်ႈလိၵ်ႈလၢႆးပၢႆပေႇလႄႈ ၾိင်ႈငႄႈၾိင်ႈထုင်းတႆးၶမ်းတီႈ ဢၼ်ၸၢဝ်းတႆးၶမ်းတီႈ ဢွၼ် ၵၼ်မၵ်းၸိုဝ်ႈႁွင်ႉဝႃႈ မေႃ သွၼ်လူင် ၸဝ်ႈထုၼ်းၼၢႆႇၼၼ်ႉ လႆႈလူႉသဵင်ႈသၢႆၸႂ်ၵႂႃႇ လူၺ်ႈတၢင်းပဵၼ်ၵူၼ်းထဝ်ႈ တီႈဝၢၼ်ႈၵုင်းၺွင်ႇ(ညောင်ကုန်း) ဝဵင်းမိူင်းၵွင် ၸႄႈမိူင်းၶၢင် ၽွင်းဢႃယုၸဝ်ႈလႆႈ 65 ပီ။ လွင်ႈၼႆႉ ႁဵတ်းႁႂ်ႈၸၢဝ်းတႆးပတ်းပိုၼ်ႉ ယိၼ်းသေလၢႆမွင်ၸႂ်ၸွမ်း။...

မိူဝ်ႈႁၢင်လိူၼ်မၢတ်ႊၶျ် ဝၼ်းတီႈ 28 ယၢမ်းၵၢင်ဝၼ်းမွၵ်ႈ 1 မူင်းၼၼ်ႉ လုၵ်ႉတၢင်းသုၼ်ၵၢင်မိူင်းမၢၼ်ႈ တိူင်းၸႄႈၵႅင်းသေ ၽႅၼ်ႇလိၼ်ဝႆ (ဢိင်ႇသၼ်ႇ) ႁႅင်း 7.7 မႅၵ်ႊၼီႊၵျုတ်ႉသေႁိူၼ်းယေး ၵူၼ်ႇၵၢၼ်ႉယူတ်ႇတဵင် ၵူၺ်းဢမ်ႇၵႃး ႁဵတ်းႁႂ်ႈၾႆးသျွတ်ႉသေ ၵိူတ်ႇပဵၼ်ၾႆးမႆႈပႃး။ ၵူၼ်းမိူင်း ႁူပ်ႉတၢင်းတုၵ်ႉ လွင်ႈပၢင်တိုၵ်းသိုၵ်းသိူဝ်ယင်းပႆႇယဝ်ႉ သမ်ႉပေႃးလႆႈတူၵ်းၵိၼ်းထႅင်ႈ ယွၼ်ႉၽေးသၽႃႇဝ ၽႅၼ်ႇလိၼ်ဝႆသေ ႁႃတီႈၸႂ်ယႂ်ႇၸႂ်ယဵၼ်...

ၵူၼ်းၵူႈၵေႃႉၼႆႉ ဢမ်ႇလွတ်ႈၵၢၼ်ႁႃၵိၼ်လဵင်ႉတွင်ႉၽႂ်မၼ်း ဢမ်ႇမီးၵေႃႈႁႃ ဢမ်ႇမႃးၵေႃႈလႅၼ်ႈယူႇတႃႇသေႇ။ ၽွင်းတိုၵ်ႉ တေႃႇသူႈၸၢတ်ႈပၢၼ်ၽႂ်မၼ်းၼၼ်ႉ ႁူႉတေႁိူဝ်ႉ ဢူၼ်ႈၼူၼ်းၸႂ် ပဵၼ်ပွၵ်ႈပဵၼ်ၵမ်း။ သင်လႆႈၵိၼ် ဢၼ်ၸဝ်ႈၵဝ်ႇမၵ်ႉ သင်လႆႈႁဵတ်း ဢၼ်ၸဝ်ႈၵဝ်ႇလႆႈၸႂ်တႄႉ ၸၢင်ႈလိုမ်းလႆႈ တၢင်းႁိူဝ်ႉတၢင်းဢူၼ်ႈဢမ်ႇၼမ်ၵေႃႈဢေႇ။ သင်ဝႃႈ လႆႈထွမ်ႇၽဵင်းၵႂၢမ်း ဢၼ်ၸဝ်ႈၵဝ်ႇလႆႈၸႂ်ၼႆၵေႃႈ ၸၢင်ႈယႃႁိူဝ်ႉတူဝ် ႁိူဝ်ႉၸႂ်လႆႈမိူၼ်ၵၼ်။ သင်ထွမ်ႇၽဵင်းၵႂၢမ်းသေ လိုဝ်ႈႁိူဝ်ႉလိုဝ်ႈၸႂ် ၼႃႈၵၢၼ်တႃငၢၼ်း ၸၢင်ႈမီးလွင်ႈၶိုပ်ႈၼႃႈလူးၵွၼ်ႇ။ ၸဵမ်မိူဝ်ႈပၢၼ်ၶုၼ် ပၢၼ်ၸဝ်ႈၾႃႉတႆးႁိူင်းၼၼ်ႉၵေႃႈ...

တႄႇဝၼ်းတီႈ 03/04/2025  မႃးသိုၵ်းၵဝ်ႈၵၢင်ႉ ဢဝ်ႁႅင်းၵူၼ်း ဢိၵ်ႇ ၶိူင်ႈၶူဝ်းၸႂ်ႉတိုဝ်း တီႈႁူင်းယႃလူင်ၵူၼ်းမိူင်း တင်း သဵင်ႈ ထွႆဢွၵ်ႇၵႂႃႇ ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ  ၵူၼ်းပိုၼ်ႉတီႈလၢတ်ႈၼင်ႇၼႆ။ ၵူၼ်းၸမ်ၸႂ်တင်းသွင်ၾၢႆႇလၢတ်ႈဝႃႈ - သိုၵ်းၵဝ်ႈၵၢင်ႉလႄႈသိုၵ်းမၢၼ်ႈ တူၵ်းလူင်းၵၼ်ဝႆႉဝႃႈ ဝၼ်းတီႈ 17/04/2025 ၼႆႉဝႆႉပဵၼ်ဝၼ်းလိုၼ်းသုတ်းသေ ႁႂ်ႈဢွၵ်ႇဝဵင်းလႃႈသဵဝ်ႈယဝ်ႉ၊ ယွၼ်ႉပိူဝ်ႈဝႃႈ ဝၢႆးလင်ဝၼ်းတီႈ 20/04/2025 ၼႆႉသိုၵ်းမၢၼ်ႈတေယိုတ်းဢဝ်ၶိုၼ်း...

ၽႅၼ်ႇလိၼ်ဝႆ ဝၼ်းတီႈ 28/03/2025 ၼၼ်ႉ သုၼ်ၵၢင်မၼ်းပဵၼ်တီႈတိူင်းၸႄႈၵႅင်းသေတႃႉ ၶွၼ်းသၼ်ႇဝႆႁႅင်းထိုင် 7.7 မႅၵ်ႊၼီႊၵျုတ်ႉလႄႈ ဢမ်ႇၵွမ်ႉတီႈသုၼ်ၵၢင်မၼ်းၼၼ်ႉ ၵူၺ်း ယွၼ်ႈပတ်းပိုၼ်ႉ ၸိုင်ႈမိူင်း ယင်းပၢႆႁွတ်ႈထိုင်မိူင်းထႆး လူးၵွၼ်ႇ။    ၵူၼ်းမိူင်းၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်းၵေႃႈ ၺႃးၽွၼ်းယွၼ်ႈႁၢဝ်ႈႁႅင်းမိူၼ်ၵၼ်။ ဝၢႆးၽႅၼ်ႇလိၼ်ဝႆၼႆႉ ၵူၼ်းၼႂ်းၼွင် ယၢပ်ႇၽိုတ်ႇတႃႇပူၵ်းပွင်မႄးၵုမ်းလုမ်းလႃးၶိုၼ်းတီႈယူႇသဝ်းၸဝ်ႈၵဝ်ႇ ၵူၼ်းၼပ်ႉႁူဝ်ႁဵင်ၵပ်ႉၵိၼ်းလွင်ႈယူႇၵိၼ် ၼႆယဝ်ႉ။ ၼွင်ႁၢႆးယႃႈၼႆႉ ပဵၼ်ၼွင်ၼမ်ႉဢၼ်ႁၢင်ႈလီသုတ်းၼႂ်းမိူင်းႁူမ်ႈတုမ်ပတ်းပိုၼ်ႉ။ ပဵၼ်ပိုၼ်ႉတီႈ...

ၶၢဝ်းမႆႈၼႆႉ ဢိင်ၼိူဝ်ၾိင်ႈၾႃႉမႆႈႁွၼ်ႉလိူဝ်ႁႅင်းသေ ၵိၼ်သင်ၵေႃႈဢမ်ႇဝၢၼ်ႈ ဢမ်ႇထုၵ်ႇပၢၵ်ႇ။ လိူၵ်ႈႁႃတၢင်းၵိၼ်ယၢပ်ႇ။ ၵိၼ်သင်ၵေႃႈ ဢမ်ႇမိူၼ်ၸႂ် ဢမ်ႇႁၢၼ်ႉၸႂ် ဢမ်ႇဝၢၼ်ၸႂ်။ သင်ဝႃႈ လႃႈလီႈၵိၼ်သေ ဢမ်ႇထုၵ်ႇၸွမ်းၾိင်ႈၾႃႉ (ၵိၼ်ဢမ်ႇထုၵ်ႇ/ ၵိၼ်ၽိတ်း) ၵေႃႈ ၸၢင်ႈၸပ်းတၢင်းပဵၼ်သေ တေလိူဝ်ၸႂ်ၽွင်းၶၢဝ်းမႆႈထႅင်ႈ။ ထုၵ်ႇလီလိူၵ်ႈၵိၼ် တၢင်းၵိၼ်သႅၼ်းဢၼ်မီးၶႆမၼ်းဢေႇ ၶၢဝ်းမႆႈၼႆႉ လိူတ်ႈလူမ်းၵူၼ်း ၸၢင်ႈလႅၵ်ႈလၢႆႈ။ ယွၼ်ႉမႆႈႁႅင်းၼႃႇဢႃးလႃးလႄႈ ႁဵတ်းၵၢၼ်သင်ၵေႃႈ တေႁိူဝ်ႉဢူၼ်ႈၼူၼ်းငၢႆႈ။ ႁိူဝ်ႇတေဢွၵ်ႇၼမ်သေ...

ၽႅၼ်ႇလိၼ်ဝႆၼႆႉ ပေႃးဝႆလွႆး ဢမ်ႇတုမ်ႉတိူဝ်ႉၵူၼ်းသေတႃႉ ပေႃးဝႆႁႅင်းတႄႉ ႁိူၼ်းယေးၸၢင်ႈၵူၼ်ႇ လိၼ်ၸၢင်ႈလူမ်ႇ ၸၢင်ႈမီးၵူၼ်းမၢတ်ႇၸဵပ်းလူႉတၢႆ။ ယိင်ႈသၼ်ႇဝႆႁႅင်းၵႃႈႁိုဝ်ၵေႃႈ တူဝ်မီးၸႂ်တၢင်းလၢႆ ၸၢင်ႈလူႉတၢႆ မၢတ်ႇၸဵပ်းၸွမ်းၼမ်ၶႃႈၼၼ်ႉ။  ပေႃးၽႅၼ်ႇလိၼ်သၼ်ႇဝႆႁႅင်းပူၼ်ႉ 7 မႅၵ်ႊၼီႊၵျုတ်ႉၼၼ်ႉ ပႆႇဝႃႈၸတ်းၵုမ်းၶူဝ်းၶွင်ႁိူၼ်းယေးလႃႈ တႃႇဢဝ်တူဝ်ၸဝ်ႈၵဝ်ႇ ပၢႆႈဢွၵ်ႇပူၼ်ႉႁိူၼ်းတိူၵ်ႈသုင် ယင်းဢမ်ႇငၢႆႈ။ ဝၢႆးလိၼ်မိူင်းၼိမ်ၶိုၼ်းၵေႃႈ ၸႂ်ၵူၼ်းႁဝ်းၼႆႉ ပႆႇၼိမ်ပႆႇသဝ်းလႆႈငၢႆႈငၢႆႈ။ ၸၢင်ႈႁိုင် 3-4 ဝၼ်းထိုင် 10...

ၵၢၼ်လုၵ်ႉၽိုၼ်ႉၶၢဝ်းႁႅင်ႈၶၢဝ်းႁွင်ၼႆႉ ပဵၼ်ပၢင်ဢၼ်ၵူၼ်းမိူင်းလုၵ်ႉႁိုၼ်ႇ တိုၵ်းတေႃး တေႃႇသူႈ ၸဝ်ႈဢႃႇၼႃႇ သိုၵ်း ၼႂ်းမိူင်းမၢၼ်ႈ ယႂ်ႇလိူဝ်ပိူၼ်ႈၼႆၵေႃႈ ဝႃႈၼႆယဝ်ႉ။ ယွၼ်ႉႁႅင်းဢီးၵၢၼ်လုၵ်ႉၽိုၼ်ႉၼႆႉသေ ပၢင်တိုၵ်းၵေႃႈၵႂၢင်ႈ ၶႂၢင်မႃး ၼႂ်းမိူင်းႁူမ်ႈတုမ်တေႉတေႉလႄႈ ႁဵတ်းႁႂ်ႈ သိုၵ်းမၢၼ်ႈဢၼ်ပိုင်ႈဢိင်ၸႂ်ယႂ်ႇၼိူဝ် ၶိူင်ႈၵွင်ႈၵၢင်ႇသေ မၵ်ႉမိုတ်ႈ ၸႂ်ႉဢႃႇ ၼႃႇတေႃႇၵူၼ်းမိူင်းၼၼ်ႉ ပေႃးသုမ်းၵၢၼ်ႉပၢင်တိုၵ်း၊ ထိုင်တီႈပေႃးလႆႈထွႆပၼ်တပ်ႉပၢင်သဝ်း ၼပ်ႉပဵၼ်လၢႆ သိပ်းတီႈ။ ၼႂ်းမိူင်းႁူမ်ႈတုမ် မျၢၼ်ႇမႃႇၼႆႉ...

တႃႇတေတူင်ႉၼိုင် သၢင်ႈလွင်ႈၵမ်ႉၸွႆႈ ႁဵတ်းၵၢၼ်လီတႃႇၵူၼ်းၼမ်ၼႆႉ  ႁဵတ်းဢဝ်ၵေႃႉလဵဝ်ဢမ်ႇလႆႈလႄႈ ၸင်ႇမီးမႃး ၸုမ်းတူင်ႇၵူၼ်းလၢႆလၢႆသႅၼ်း ။ ၸုမ်းတူင်ႇၵူၼ်းၼႆႉ ပဵၼ်သင် မီးၽွၼ်းလီ ၸိူင်ႉႁိုဝ်။ တူင်ႇဝူင်းၵူၼ်း ဢၼ်ဝႃႈၼႆႉ ပဵၼ်သင်  ? တူင်ႇဝူင်းၵူၼ်းဢၼ်ဝႃႈၼႆႉ ပေႃးမႃးတူၺ်း ၵၢပ်ႈယၢမ်းလဵဝ် တေလႆႈႁၼ်မီးဝႆႉ 2 သႅၼ်း ။ ၼိုင်ႈၵေႃႈ ပဵၼ်တူင်ႇၵူၼ်းဢၼ်မီးၼႂ်းဢွၼ်ႊလၢႆႊ (Virtual) လႄႈ...