ၽဝပၢၼ်ပဵၼ်တႆးၼႆႉ ယူႇလႂ်ၵေႃႈ ၼႃႈလဵၵ်ႉ ဢိင်ၼိူဝ်ငဝ်းလၢႆးသေ ၵၢၼ်မိူင်းၵေႃႈ ဢမ်ႇဢွင်ႇ၊ တေဝႃႈၸႂ်ယႂ်ႇၵၢၼ်သိုၵ်းၼႆၵေႃႈ ၵူၼ်းမိူင်းၵူၺ်းၵုမ်ႇလႆႈပၢႆႈလႆႈၼီ။ ပၢႆးမၢၵ်ႈမီးၼႆၵေႃႈ ၵုမ်ႇလႆႈသႂ်ႇၶွၼ်ႇ၊ ပၢႆးပၺ်ႇၺႃႇ ယိင်ႈၶႅၼ်းၼႃႈလဵၵ်ႉ၊ ၵူၼ်းၼုမ်ႇလုၵ်ႈဢွၼ်ႇ ဢမ်ႇမီးတိုဝ်ႉတၢင်းႁဵၼ်းလိၵ်ႈႁဵၼ်းလၢႆး ၵုမ်ႇလႆႈၶၢႆႉပၢႆႈတီႈယူႇ၊ ၸိူဝ်းႁွတ်ႈထိုင် မိူင်းထႆး မိူင်းၶႄႇၵေႃႈ လိၵ်ႈမိူင်းပိူၼ်ႈတႄႉ မီးတိုဝ်ႉတၢင်းလႆႈ ႁဵၼ်းယူႇသေတႃႉ လိၵ်ႈပေႃႈမႄႈတူဝ်ၵဝ်ႇသမ်ႉ ဢမ်ႇမီးတိုဝ်ႉတၢင်းလႆႈႁဵၼ်း။ မိူၼ်ၼင်ႇ တီႈဝဵင်းၵဵင်းလၢဝ် ၸႄႈတွၼ်ႈၵဵင်းမႂ်ႇၼႆႉ...

ၵူၼ်းထဝ်ႈမိူဝ်ႈၵွၼ်ႇ ၵႆႉလႄႇလၢတ်ႈႁင်းလုၵ်ႈဢွၼ်ႇဝႃႈ ပေႃးႁဵတ်းၽိတ်းသေပိူင်ပိူင် ၸၢင်ႈၺႃးၾႃႉ ၽႃႇ လိၼ်ဢိုၼ်ၼႆဝႃႈ။ ၵူၺ်းၵႃႈ ငဝ်းလၢႆးၵၢပ်ႈဝၢၼ်ႈပၢၼ်မိူင်းယၢမ်းလဵဝ် ၽေးႁုၵ်ႉႁၢႆႉၸၢင်ႈပဵၼ်လႆႈ ၵူႈၵေႃႉလႄႈ ၵူႈတီႈ။ ၵူဝ်ၺႃးၽေးၾႃႉၽႃႇလႄႈ ၵမ်ႈၼမ် တေဢွၼ်ၵၼ်သႂ်ႇၶိူင်ႈႁႄႉၾႃႉၽႃႇ ၸဵမ်မိူဝ်ႈသၢင်ႈႁိူၼ်းယေး။ ၸိူင်ႉႁိုဝ်ၵေႃႈယႃႇ တႃႇတေလွတ်ႈ ၽေးၾႃႉၽႃႇၼႆႉၵေႃႈ ပဵၼ်လွင်ႈဢၼ်လီ လဵပ်ႈႁဵၼ်းဝႆႉယူႇ။ ၽေးၾႃႉၽႃႇၼႆႉ ၸၢင်ႈထူပ်းၺႃး မိူဝ်ႈၾိင်ႈၾႃႉရႃႇသီႇၵိုင်ႉၵၢင်ႉလႅၵ်ႈလၢႆႈ။ ၵမ်ႈၼမ်ၵေႃႈ တေပဵၼ်ၶၢဝ်းႁူဝ်ၾူၼ်...

ဝၢၼ်ႈမိူင်းသုၵ်ႉမႃး ၶၢဝ်းတၢင်းပေႃးႁိုင် ထိုင်မိူဝ်ႈလဵဝ် ပႆႇႁၼ်သဵၼ်ႈတၢင်းတႃႇၵတ်းယဵၼ်။ ၵူၼ်းမိူင်းတႆးၵေႃႈ ၽၢတ်ႇဝၢၼ်ႈယၢၼ်မိူင်းၼပ်ႉႁူဝ်လၢၼ်ႉ။ ပၢႆႈၵႂႃႇယူႇၵေႃႉတီႈၵေႃႉတၢင်း၊ ၸိူဝ်းပၢႆႈၶဝ်ႈမိူင်းထႆး မီးၼမ်လၢႆ။ ၼႂ်းၼၼ်ႉ ၸိူဝ်း ႁဵတ်းဝတ်းဝႂ် ထုၵ်ႇၸွမ်းပၵ်းပိူင်သေ ယူႇထင်မိူင်းထႆးၵေႃႈမီး။ ၵမ်ႈၽွင်ႈသမ်ႉ ဢမ်ႇႁူႉ ဢမ်ႇလဵပ်ႈႁဵၼ်း ပၵ်းပိူင်ယူႇ သဝ်းၼႂ်း ၸိုင်ႈမိူင်းပိူၼ်ႈ။ ပေႃးၵဵဝ်ႇၵပ်းဝတ်းဝႂ်ယူႇသဝ်း/ ႁဵတ်းၵၢၼ်မႃး ႁူႉၵႃႈၶႂ်ႈႁဵတ်းၶႂ်ႈမီးၵူၺ်း။ လႃႈလီႈယုမ်ႇပိူၼ်ႈ၊...

တႄႇသိုၵ်းမၢၼ်ႈယိုတ်း ဢႃႇၼႃႇၸိုင်ႈမိူင်းမႃး ၵူၼ်းမိူင်းၸိူဝ်ႈၶဝ်ႈႁဵတ်းၶႃႈႁၢပ်ႇၵၢၼ်ၶုၼ် လူင်ပွင်ၸိုင်ႈဝႆႉ ဢွၼ်ၽွမ်ႉၵၼ် သၢၼ်ၶတ်းၸဝ်ႈဢႃႇၼႃႇသိုၵ်း၊ ဢမ်ႇၵႂႃႇႁဵတ်းၵၢၼ်ၶိုၼ်း ၼႂ်းႁွင်ႈၵၢၼ် ဢၼ်တင်းဢိင်း ၵလဵတ်ႈႁွင်ႉဝႃႈ CDM (Civil Disobedience Movement)။ ၼႂ်းဢၼ်ၶဝ်ႈပႃးတူင်ႉၼိုင်ၸွမ်းၼႂ်း CDM ၼၼ်ႉ ၵူၼ်းမိူင်းတႆးၵေႃႈ ပႃးဝႆႉတင်းၼမ်။ ဝၢႆးလင်ၼၼ်ႉ သိုၵ်းမၢၼ်ႈ ၵဵပ်းသဵၼ်ႈမၢႆ ၶႃႈႁၢပ်ႇၵၢၼ်ၶုၼ် ၵူၼ်းၸိူဝ်းႁဵတ်း CDM...

ဝၢႆးသေ ၸွမ်ၸိုင်ႈဢမေႊရိၵၼ်ႊၵေႃႉမႂ်ႇ ၻူဝ်ႊၼေႃႊ ထရမ်ႉ ၶိုၼ်ႈမႃးဢမ်ႇႁိုင် ၼႂ်းလိူၼ်မၢတ်ႊၶျ် ၼႆႉ မၼ်းသင်ႇသိုဝ်ႇၶၢဝ်ႇယႂ်ႇ ၸၼ်ႉလုမ်ႈၾႃႉ ၸိူဝ်းယူႇတႂ်ႈ USAGM ၵမ်ႉၸွႆႈၼၼ်ႉ - လူတ်းယွမ်း ၵိုတ်းလိုဝ်ႈၵၢၼ်၊ ႁႂ်ႈလူတ်းယွမ်းပႃးၵူၼ်းႁဵတ်းၵၢၼ်။ လူတ်းလႆႈၵႃႈႁိုဝ်ၵေႃႈ ႁႂ်ႈလူတ်းၼႆလႄႈ လိုၼ်းသုတ်း ထိုင်တီႈလႆႈၵိုတ်းၵၢၼ်ပႅတ်ႈတင်းပိုၵ်း။ ၼႂ်းၼၼ်ႉ သိုဝ်ႇၶၢဝ်ႇ VOA -  RFA...

မိူင်းတႆးဢမ်ႇၼိမ်သဝ်းမႃး ၼပ်ႉႁူဝ်သိပ်းပီ လဵၵ်ႉယႂ်ႇၼုမ်ႇထဝ်ႈသုမ်းသုၼ်ႇထၢင်ႇႁၢင်ႈလွတ်ႈလႅဝ်း။ ၵူၼ်းၼုမ်ႇၵမ်ႈၼမ် ယူႇၼႂ်းၵႄႈငဝ်းလၢႆးႁုၵ်ႉႁၢႆႉသေ လႆႈၶတ်းသၢင်ႈတေႃႇသူႈၸၢတ်ႈပၢၼ်ၽႂ်မၼ်းမႃး။ ၸိူဝ်းပွႆႇၽဝၸူဝ်ႈပၢၼ်တူၵ်းသုမ်းသေ ၵူမ်ႈႁူဝ်လတ်းၶဝ်ႈသဵၼ်ႈလပ်းသိင်ႇၵေႃႈမီးၼမ်။ ၵူၺ်းၵႃႈ ၸိူဝ်းဢၼ်ၸိုၼ်ႇႁႃတီႈလႅင်းသေ လႆႈတၢင်းဢွင်ႇမၢၼ်ၵေႃႈမီးယူႇ။ မိူၼ်ၼင်ႇ သင်ၶတႆး (ဢၼ်တိုၵ်ႉၶဝ်ႈသႅၼ်းၵူၼ်းၼုမ်ႇ) တူၼ်ၼိုင်ႈၵေႃႈ ဢိင်ၼိူဝ်ငဝ်းလၢႆး ဝၢၼ်ႈ မိူင်းသေ လႆႈၶိုၼ်ႈႁဵၼ်းမိူင်းထႆး။ ယွၼ်ႉတၢင်းၶတ်းၸႂ်မၼ်းၸဝ်ႈသေ ယၢမ်းလဵဝ် ပူၼ်ႉၸၼ်ႉပႃလိ သုင်သုတ်းၼႂ်းမိူင်းထႆးဝႆႉ။ ဝၼ်းတီႈ 11/05/2025 ၼႆႉ...

ပီၵၢႆ 2024 ၵူၼ်းမိူင်းယူႇသဝ်းၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ထူပ်းၽေး ၼမ်ႉထူမ်ႈႁၢႆႉႁႅင်း။ ပီ 2025 ၼႆႉသမ်ႉ ယင်းပႆႇၸၢင်ႈပူၵ်းပွင်ႁိူၼ်းယေးလူႉၵွႆယွၼ်ႉၼမ်ႉထူမ်ႈ။ သမ်ႉ မႃးထူပ်းၽေးၽႅၼ်ႇလိၼ်ဝႆထႅင်ႈ ႁိူၼ်းယေးၵူၼ်ႇပင်းလူႉလႅဝ်ပႅတ်ႈတင်းလင် တင်းဝၢၼ်ႈ။ ႁဵတ်းႁႂ်ႈ ၵူၼ်းႁၢမ်းတီႈယူႇ၊ ဢမ်ႇမီးဢၼ်ၵိၼ်။ ၸဝ်ႈတႃႇၼ ဢမ်ႇထိုင်လႆႈ၊ ယွၼ်ႉပိူဝ်ႈသိုၵ်းမၢၼ်ႈ ဢမ်ႇပၼ် ၶႂၢင်ႉဢဝ်ၶူဝ်းၶွင်ၵိၼ်ယႅမ်ႉ ၶဝ်ႈၸွႆႈထိုင် တူဝ်ၵူၼ်းဝၢၼ်ႈလႄႈ...

ၶၢဝ်းတၢင်းဝၢၼ်ႈမိူင်းသုၵ်ႉၵူႈႁူးၵူႈတၢင်းၼႆႉ ၵၢၼ်ႁႃၵိၼ်လဵင်ႉတွင်ႉ ၵူၼ်းမိူင်းၵေႃႈယၢပ်ႇၽိုတ်ႇ။ ၶၢႆသင်ၵေႃႈ ဢမ်ႇ ထုၵ်ႇ ၵႃႉသင်ၵေႃႈဢမ်ႇမၢၼ်မိူၼ်မိူဝ်ႈမိူင်းၼိမ်။ ၸဵမ်ဢဝ်ၵူၼ်းၸိူဝ်းႁဵတ်းၵၢၼ်ၽုၵ်ႇသွမ်ႈၵေႃႈ သုမ်းတိုၼ်းလၢင်း။ မိူၼ်ၼင်ႇ ၸဝ်ႈသူၼ်ၸဝ်ႈၼႃး ၸိူဝ်းၽုၵ်ႇၽၵ်းမီႇႁေႃၵေႃႈ ပီ 2025 ၼႆႉ ထူပ်းပၼ်ႁႃ ၽၵ်းမီႇႁေႃ ဢမ်ႇမီးၵႃႈၶၼ်၊ ၵူၼ်းႁႃသိုဝ်ႉၵေႃႈ ဢမ်ႇပႆႇမီး။ ပီၼႆႉ ယွၼ်းသူးႁႂ်ႈၶၼ်ၽၵ်းမီႇႁေႃ ၶၢႆလီ ၸင်ႇတေၸၢင်ႈပၼ်ႇၵၢၼ်ၵႂႃႇမိူဝ်းၼႃႈ လႆႈ...

ပေႃးထိုင်ဝၼ်းလိူၼ်ႁူၵ်းမူၼ်းမႃးၵူႈပီပီၼႆ ၸၢဝ်းပုတ်ႉထၵမ်ႈၼမ် ဢွၼ်ၵၼ်ႁဵတ်းၵၢၼ်လီ ပဵၼ်တီႈမၢႆတွင်း မႃးတႃႇသေႇ။ လိူၼ်ႁူၵ်းမူၼ်းဢၼ်တေထိုင်ၼႆႉၵေႃႈ ပီႈၼွင်ႉၼႂ်း ၸႄႈဝဵင်းမိူင်းၼၢႆး ၸိုင်ႈတႆးပွတ်းၸၢၼ်း တေဢွၼ်ၵၼ်ၸတ်းပႃးပၢင်ယွၼ်းၼမ်ႉယွၼ်းၾူၼ် တႃႇႁၵ်ႉသႃၾိင်ႈတိုၼ်းပဵၼ် သိင်ႇဝႅၼ်ႉလွမ်ႉ ၼမ်ႉလိၼ်ႁိၼ်ၽႃၼႂ်းမိူင်းတႆး။ ႁဵတ်းၸွမ်းၼင်ႇ ပူႇဢွၼ်ႁဵတ်းမႃး ၼၢႆးဢွၼ်ႁဵတ်းဝႆႉ ၼႆယဝ်ႉ။ လိူၼ်ႁူၵ်းမူၼ်းၼႆႉ - ပေႃးဢွၵ်ႇၸွမ်းသဵင်ပႃႇလိ တေလႆႈဝႃႈ ဝိသႃၶ/ ဝေသႃၶ (Visakha/ Vesakha)...

ပႆႇထိုင်ၶၢဝ်းၾူၼ်သေတႃႉ ႁၢင်ႈလိူၼ်ဢေႊပရိူဝ်ႊ 2025 ၼႆႉ ၾူၼ်တူၵ်းႁႅင်းသေ ၵႄးၼမ်ႉသၢႆ ၵိုင်ႉၵၢင်ႉယိုင်ႈၼွင်း ထိုင်တီႈထူမ်ႈၵၢတ်ႇတႃႈလေႃႉ ၸႄႈဝဵင်းတႃႈၶီႈလဵၵ်း (ၾင်ႇမိူင်းတႆး) လႄႈ ၵၢတ်ႇသၢႆ လူမ်ႊၸွႆႊ ၸႄႈဝဵင်းမႄႈသၢႆ (ၾင်ႇမိူင်းထႆး)။ ၵူၼ်းမိူင်းတင်းသွင်ၾၢႆႇ မႆႈၸႂ်တႃႇယူႇလွတ်ႈၼႂ်းၶၢဝ်းၾူၼ်။ လွင်ႈၼႆႉ ၾၢႆႇၵဵဝ်ႇၶွင်ႈမိူင်းထႆး ၸင်ႇလူင်းၵူတ်ႇထတ်းသေ တေႁဵတ်းသၢင်ႈတႃႇႁႄႉၵင်ႈၽေးၼမ်ႉ တေႃႇထိုင်လိူၼ်ၵျုၼ်ႊ 2025 ၼႆႉ ႁႂ်ႈယဝ်ႉတူဝ်ႈ...

ၽွင်းၵူၼ်းမိူင်း ထူပ်းၽေးၶုၼ်မိူၵ်ႈမႂ်ႈၽွင်းငမ်း၊ ၽေးသၽႃႇဝ သိင်ႇဝႅတ်ႉလွမ်ႉလူႉ၊ ၽေးသိုၵ်းသိူဝ်၊ ၽေးပၢႆးမၢၵ်ႈမီးတူၵ်းယူႇၼႆႉ လွင်ႈလႅၼ်ၵိၼ်ငိုၼ်းၵၼ်ၵေႃႈ ႁၢႆႉႁႅင်းမႃးၵူႈမိုဝ်ႉၵူႈဝၼ်း။ လွင်ႈလႅၼ် ၵိၼ်ၵၼ်ၼႆႉ ဢမ်ႇၵႃးၵျႃးၽႅၼ်ႉၵူၺ်း။ ၵူၼ်းၼႂ်းဝၢၼ်ႈၼႂ်းသူၼ်ၼင်ႇၵၼ်ၵေႃႈ လႅၼ်ၵိၼ်ၵူတ်ႉၵိၼ် ၵၼ်မီးၼမ်မႃး။ ၸဝ်ႈသူၼ်ၸဝ်ႈၼႃးလႄႈ ၵူၼ်းၵႃႉၼႂ်းဝဵင်းလၢႆးၶႃႈ ၸိုင်ႈတႆးပွတ်းၸၢၼ်း ဢမ်ႇယွမ်း 300 ၵေႃႉ ၺႃး လႅၼ် ဢဝ်ငိုၼ်းၼပ်ႉႁူဝ်ႁဵင်သႅၼ်။ ၶႂ်ႈႁႂ်ႈၵေႃႉပူၼ်ႉပႅၼ်ၵူတ်ႉလႅၼ်ၼၼ်ႉ မႃးသၢႆႈတႅၼ်းငိုၼ်းၶိုၼ်း။...

ပႆႇထိုင်ၶၢဝ်းၾူၼ် ပႆႇထိုင်ၶၢဝ်းၼမ်ႉၼွင်းသေတႃႉ ၵူၼ်းမိူင်းယွင်းထူပ်းၽေးၼမ်ႉဢူၼ်ၼမ်ႉၶုၼ်ႇ။ ၼမ်ႉဝူၺ်ႇႁင်ႈၼႃႇဢႃးလႃးလႄႈ ပႆႇဝႃႈဢဝ်မႃးႁုင်မႃးတူမ်ႈၵိၼ်လႃႈ တေဢဝ်မႃးလၢင်ႉမေႃႈဝၢၼ်ႇ သၵ်ႉၶူဝ်းၵူၺ်းၵေႃႈ ယင်းလႆႈမႆႈၸႂ်ၵူဝ်တုမ်ႉတိူဝ်ႉပၢႆးယူႇလီ။ တေဢမ်ႇၸႂ်ႉၵေႃႈ သမ်ႉဢမ်ႇမီးတၢင်းလိူၵ်ႈ။ ယွၼ်ႉၼမ်ႉၶုၼ်ႇ ဢူၼ်ဝူၺ်ႇႁင်ႈၼႃႇဢႃးလႃးသေ ၸဝ်ႈသူၼ်ၸဝ်ႈၼႃးၵေႃႈ ဢမ်ႇၶႂ်ႈႁတ်းဢဝ်ၸႂ်ႉ ၼႂ်းၵၢၼ်ၽုၵ်ႇသွမ်ႈ ၵူဝ်တူၼ်ႈမၢၵ်ႇၶဝ်ႈတဝ်ႈၼမ်ႉတၢႆ ဝႃႈၼႆ။ ၼႂ်းလိူၼ်ဢေႊပရိူဝ်ႊၼႆႉ ၵူၼ်းမိူင်းၼႂ်းၸႄႈဝဵင်းမိူင်းယွင်း ၸိုင်ႈတႆးပွတ်းဢွၵ်ႇ ထူပ်းတၢင်းယၢပ်ႇ ၽိုတ်ႇ ယွၼ်ႉၼမ်ႉၸႂ်ႉသွႆၼႂ်းၼႃႈႁိူၼ်းလႄႈ ၼမ်ႉတႃႇၸႂ်ႉၼႂ်းၼႃးၼႂ်းသူၼ်ဢမ်ႇလီ။ ၾၢႆႇၼိူဝ် ႁူဝ်ၵႄးၼမ်ႉဝၢင်း ၊...

မိူဝ်ႈဝႃး ဝၼ်းတီႈ 29/04/2025 သိုၵ်းၵဝ်ႈၵၢင်ႉ MNDAA တင်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/ SSA ပဵၼ်ပၢင်တိုၵ်းၵၼ် ၼႂ်းထုင်ႉၼမ်ႉမလႄႈ ထုင်ႉသႅင်ၵႅဝ်ႉ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ ႁဵတ်းႁႂ်ႈၵူၼ်းမိူင်းတူၵ်းၸႂ် တိုၼ်ႇသၢၼ်ႈၵႂႃႇသေ မၢင်ၸိူဝ်းၵေႃႈ ထတ်းသၢင်ဝႃႈ သိုၵ်းတႆးတင်း သိုၵ်းၵဝ်ႈၵၢင်ႉၼႆႉ ပဵၼ်ဢူၺ်းလီၵၼ်ယူႇ။ ယွၼ်ႉသင်လႄႈ ထိုင်တီႈပေႃးလႆႈႁႂ်ႈသဵင်ၵွင်ႈၵၢင်ႇဢွၵ်ႇ...

ၸွမ်းၼင်ႇ ထုင်းၵႂၢမ်းမီးဝႆႉဝႃႈ လိၵ်ႈႁိူဝ်ႈႁိူင်းၵေႃႈ မိူင်းၶိုၼ်ႈယႂ်ႇၼႆၼၼ်ႉ ၸိူဝ်ႉၽႂ်ၶိူဝ်းမၼ်း ၶတ်းသၢင်ႈတႃႇလိၵ်ႈလၢႆးၽႂ်မၼ်းမႃး။ ၼႂ်းမိူင်းတႆးၼႆႉ ဢမ်ႇၵွမ်ႉမီး ၵူၼ်းၸၢဝ်းတႆးၵူၺ်း။ မီးလၢႆၸၢဝ်းၶိူဝ်း ယူႇႁူမ်ႈၵၼ်မႃး ၸဵမ်ပၢၼ်ပူႇမွၼ်ႇၼၢႆးယႃႈ။ မိူၼ်ၼင်ႇ တႆးႁၵ်ႉသႃလိၵ်ႈလၢႆးပၢႆပေႇတႆးၼၼ်ႉ တၢင်ႇၸၢဝ်းၶိူဝ်းၵေႃႈ ႁၵ်ႉသႃ လိၵ်ႈလၢႆးၾိင်ႈငႄႈၽႂ်မၼ်း။ မိူၼ်ၼင်ႇ တီႈဝဵင်းပၢင်လူင် ၸိုင်ႈတႆးပွတ်းၸၢၼ်းၼႆႉၵေႃႈ ၸၢဝ်းၶိူဝ်းပဢူဝ်း ၸတ်းပၢင်သွၼ် လိၵ်ႈလၢႆးပဢူဝ်းမႃးၵူႈပီပီ။ ပီၼႆႉၵေႃႈ ၸတ်းပွႆးလူင်းပၢင်သွၼ်ၵႂႃႇ...

ၵူၼ်းၸိူဝ်းယိပ်းဝႂ်ဝီႊသႃႊလုၵ်ႈႁဵၼ်းသေ ၶဝ်ႈႁဵတ်းၵၢၼ်ဢမ်ႇထုၵ်ႇၸွမ်းပၵ်းပိူင်ၼမ်မႃးလႄႈ ၸဝ်ႈၼႃႈတီႈထႆး တေထတ်းထွင်ၶိုၼ်းသေ မႄးၶဵင်ႈပၵ်းပိူင်ဝီႊသႃႊၵႂႃႇၼႆ ၸဝ်ႈၼႃႈတီႈၾၢႆႇၵဵဝ်ႇၶွင်ႈ ပိုၼ် ၽၢဝ်ႇလၢတ်ႈၵႂႃႇၼႂ်းဝၼ်းတီႈ 23/04/2025 ။ ဢိင်ၼိူဝ်လွင်ႈၼႆႉသေ လုၵ်ႈႁဵၼ်းၵူၼ်းၼုမ်ႇဢၼ်လုၵ်ႉ မိူင်းမၢၼ်ႈမႃးႁဵၼ်းလိၵ်ႈလၢႆး ဝႆႉၼႂ်းမိူင်းထႆး ၸိူဝ်းၼၼ်ႉ ပဵၼ်ဢၼ်မႆႈၸႂ် ၵူဝ်ၺႃးၸွမ်းၸၢၵ်ႇလႄႈ ယၢပ်ႇၽိုတ်ႇၼႂ်းၵၢၼ် ႁဵၼ်း။ ၶႂ်ႈႁႂ်ႈၸဝ်ႈၼႃႈတီႈထႆး ယွၼ်ႇယၢၼ်းပၼ် လုၵ်ႈႁဵၼ်းၽွင်ႈ ဝႃႈၼႆ။ ဢိင်ၼိူဝ်မိူင်းႁူမ်ႈတုမ်မၢၼ်ႈ ဢမ်ႇၼိမ်ဢမ်ႇသဝ်းသေ ၵူၼ်းၼုမ်ႇၵမ်ႈၼမ်ၵေႃႈ...