ဝၼ်းတီႈ 17/7/2024 ယၢမ်းၶမ်ႈ 7 မူင်း 15 မိၼိတ်ႉၼၼ်ႉ မေႃႁွင်ႉၽဵင်းၵႂၢမ်းတႆး ၸိုဝ်ႈသဵင်လိုဝ်းလင် ၸၼ်ႉၸိုင်ႈမိူင်း ၸၢႆးသၢႆမၢဝ်း (ႁွင်ႉ) ၸၢႆးၺုၼ်ႉမွင်ႇ ဢႃယု 77 ပီ လႆႈလူႉသဵင်ႈၵႂႃႇ လူၺ်ႈတၢင်းပဵၼ်ၵူၼ်းထဝ်ႈ ႁဵတ်းႁႂ်ႈၵူၼ်းမိူင်းတႆး မိူင်းႁူမ်ႈတုမ်ပတ်းပိုၼ်ႉ ယိၼ်းသေးလၢႆမွင်ၸႂ်ၸွမ်းဢမ်ႇသုတ်း ဢမ်ႇသဵင်ႈ ၼႆယဝ်ႉ။ ၸၢႆးသၢႆမၢဝ်းၼႆႉ ပဵၼ်ၵူၼ်းၸိုဝ်ႈသဵင်လိုဝ်းလင်...

တႄႇဢဝ် ဝၼ်းတီႈ 25 လိူၼ်ၵျုၼ်ႊၼၼ်ႉမႃး သိုၵ်းမၢၼ်ႈ ယိုတ်းမိူင်းတင်း  သိုၵ်းတဢၢင်း TNLA ႁႅၼ်းသိုၵ်းလေႃႇတိုၵ်းၵၼ်တီႈ ၸႄႈဝဵင်းၵျွၵ်ႉမႄးႁၢဝ်ႈႁႅင်းလႄႈ ႁဵတ်းႁႂ်ႈမၢၵ်ႇလူင်တူၵ်းသႂ်ႇ ၵူၼ်းမိူင်း လူႉတၢႆ ဢမ်ႇယွမ်း 30 မၢတ်ႇၸဵပ်းၸွမ်းထႅင်ႈ တင်းၼမ် ။ ဝၼ်းတီႈ 16 လိူၼ်ၵျူႊလၢႆႊၼႆႉၵေႃႈ မၢၵ်ႇလူင်တူၵ်းသႂ်ႇ ၵူၼ်းမိူင်းတၢႆထင်တီႈ ထႅင်ႈ 3...

ပၢင်တိုၵ်း 1027 ဢၼ်တႄႇပဵၼ်ၶိုၼ်းႁူဝ်လိူၼ်ၵျူႊလၢႆႊ ၼႂ်းၸႄႈဝဵင်းၼွင်ၶဵဝ် ၵျွၵ်ႉမႄး သီႇပေႃႉ လႃႈသဵဝ်ႈ မိူင်းယႆ မၢၵ်ႇလူင်တူၵ်းသႂ်ႇပႃး ၼႂ်းဝၢၼ်ႈဝဵင်းလႄႈ ၵူၼ်းပိုၼ်ႉတီႈပၢႆႈၽေးသိုၵ်း မီးၼပ်ႉမိုၼ်ႇၼပ်ႉသႅၼ်။ ပီႈၼွင်ႉ ၵူၼ်းမိူင်းတၢင်းမိူင်းယႆ - ၽူင်ႉပၢႆႈႁွတ်ႈထိုင် ၼႂ်းၸႄႈတွၼ်ႈလွႆလႅမ် ၼပ်ႉႁူဝ်ႁဵင်ယၢပ်ႇၽိုတ်ႇ တီႈယူႇတီႈ ၵိၼ်။ ၾၢႆႇၼိုင်ႈ ပဵၼ်ၶၢဝ်းၽုၵ်ႇမၢၵ်ႇၶဝ်ႈတဝ်ႈၼမ်ႉလႄႈ ၼင်ႇႁိုဝ် တေဢမ်ႇပဵၼ်တၢင်းၼၵ်းၸႂ် တွၼ်ႈတႃႇ...

သိုၵ်းမၢၼ်ႈ ႁွင်ႉၸဝ်ႈၶွင်ယေးငိုၼ်းဢုပ်ႇၵုမ်သေ သင်ႇလၢတ်ႈဝႃႈ ပၼ်ၵူၼ်းမိူင်းထွၼ်ငိုၼ်း ၼိုင်ႈၵေႃႉၼႆႉ ၼိုင်ႈဝူင်ႈ 10 သႅၼ်ပျႃးၵူၺ်း ယႃႇပၼ်ထွၼ်လိူဝ် ဝႃႈၼႆ။ လွင်ႈၼႆႉ ႁဵတ်းႁႂ်ႈၵူၼ်းမိူင်းထူပ်း တၢင်းယၢပ်ႇၽိုတ်ႇ ၼႂ်းၵၢၼ်ထွၼ်ငိုၼ်းတွင်း ၽွင်းလူဝ်ႇၸႂ်ႉၼမ်။ သိုၵ်းမၢၼ်ႈ ၼႄၼႃႈတိူဝ်ႈဝႃႈ တႃႇႁၢမ်ႈၸဝ်ႈပၢႆးမၢၵ်ႈမီး ဢၼ်သိုဝ်ႉၶၢႆၶူဝ်းၶွင်ၼွၵ်ႈမိူင်း ၼႂ်းမိူင်း ဢၼ်ထုၵ်ႇႁၢမ်ႈဝႆႉ ဝႃႈၼႆ။   ဝၼ်းတီႈ 10/7/2024...

ဝဵင်းတႃႈၶီႈလဵၵ်းၼႆႉ ပဵၼ်ဝဵင်းဢၼ်တိတ်းၸပ်းလႅၼ်လိၼ်သၢမ်ၸိုင်ႈမိူင်း၊ ပဵၼ်ဝဵင်းၸိုဝ်ႈသဵင်ယႂ်ႇ ၼႂ်းထုင်ႉသၢမ်ၸဵင်ႇၶမ်း ဝဵင်းၼိုင်ႈ၊ ပဵၼ်ဝဵင်းၵိုၼ်းငိုၼ်းၶွၼ်ႈ တီႈဢၼ်ၵူၼ်းၼုမ်ႇ သူင်မိုတ်ႈဢႅဝ်ႇလႄႇ မႃးပၢၼ်သိုပ်ႇပၢၼ်။ လိူဝ် ၼၼ်ႉ ပဵၼ်ဝဵင်းဢၼ်ပေႃႈလဵင်ႉၸဝ်ႈငိုၼ်းသႃး သူင်မိုတ်ႈႁဵတ်းၵၢၼ်ပၢႆးမၢၵ်ႈမီး ၵေႃႈၸႂ်ႈ။ ဝၢႆးလင် သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်း မႃးၼႆႉ ယိင်ႈၶႅၼ်းၵိုၼ်း ပၢႆးမၢၵ်ႈမီးၵေႃႈ ၸေးလၢႆး။ ဢၼ်လုၵ်ႉမိူင်းၶႄႇ မႃးပိုတ်ႇပၢင်တေႃႇလွင်းတၢင်းဢွၼ်ႊလၢႆႊ ၵေႃႈၼမ်။ ၸုမ်းၵျႃးၽႅၼ်ႉ...

ၸဵမ်မိူဝ်ႈသိုၵ်းမၢၼ်ႈ ဢွၵ်ႇပိူင်ၵဵပ်းသိုၵ်းမႃးၼႆႉ ၵၢင်ႉၵႄႇၼႂ်းဢိူင်ႇၼႂ်းဝၢၼ်ႈ ၸိုင်ႈတႆး ပွတ်းဢွၵ်ႇ၊ ပွတ်းႁွင်ႇ၊ ပွတ်းၸၢၼ်း ၺႃးသိုၵ်းမၢၼ်ႈ သင်ႇၵဵပ်းသဵၼ်ႈမၢႆ ၵူၼ်းၼုမ်ႇ ဢႃယု 18 ၶိုၼ်ႈၼိူဝ်မႃး ၼႆယဝ်ႉ။   မၢင်ဝဵင်းလၢတ်ႈဝႃႈ ၵဵပ်းသဵၼ်ႈမၢႆၵူၺ်းဝႃႈၼႆသေတႃႉ တဵၵ်းၸႂ်ႉလူင်းလၢႆးမိုဝ်းဝႃႈ ၽွမ်ႉၸႂ်တႃႇၵႂႃႇႁၢပ်ႇ ၵၢၼ်သိုၵ်း ၼႆၵေႃႈမီး။ ယွၼ်ႉၼၼ် ၵူၼ်းမိူင်းဢမ်ႇၽွမ်ႉၸွမ်း တီႈဢမ်ႇလႆႈၵူၼ်းသိုၵ်းသမ်ႉ သင်ႇၵၢင်ႉၵႄႇ...

ထုင်ႉပူင်း (ဢမ်ႇၼၼ်) ထုင်ႉတၢမ်ၽၢၵ်ႇၼႆႉ တႅၵ်ႇပဵၼ်ဝႆႉ 3 တွၼ်ႈ ၊ တွၼ်ႈၼိုင်ႈ ယူႇၼႂ်းၸႄႈဝဵင်းႁူဝ်ပူင်း ၊ တွၼ်ႈ ၼိုင်ႈ ယူႇၼႂ်းၸႄႈဝဵင်းသီႇသႅင်ႇလႄႈ ထႅင်ႈတွၼ်ႈၼိုင်ႈသမ်ႉ ယူႇၼႂ်းၸႄႈဝဵင်းၵျွၵ်ႉတလူင်း ၸႄႈတွၼ်ႈတူၼ်ႈတီး ၸိုင်တႆးပွတ်းၸၢၼ်း ၼႆယဝ်ႉ။ တင်းသၢမ်တွၼ်ႈၼႆႉ ၺႃးၸုမ်းပျီႇတူႉၸိတ်ႉပဢူဝ်း PNO ၵဵပ်းၶွၼ်ႇ၊ ၺႃးသိုၵ်းမၢၼ်ႈ ၵဵပ်းသိုၵ်းလႄႈ ၵူၼ်းၼုမ်ႇ...

ၼႂ်းႁၢင်လိူၼ်ၵျုၼ်ႊၼႆႉ ၽႅၼ်ၵၢၼ်ယၼ်ႇသိုၵ်း 1027 သိုပ်ႇပဵၼ်ၶိုၼ်းၼႂ်းၸႄႈဝဵင်းသီႇပေႃႉ၊ ၵျွၵ်ႉမႄး ၊ ၼွင်ၶဵဝ်၊ မိူင်းမိတ်ႈ၊ မိူင်းၵုတ်ႈလႄႈ လႃႈသဵဝ်ႈ ၸိူဝ်းၼႆႉ သိုၵ်းမၢၼ်ႈတင်း ၸုမ်းဢူၺ်းလီပွတ်းႁွင်ႇ ယိုဝ်းၵၼ်ႁၢဝ်ႈႁႅင်းလႄႈ ၵူၼ်းမိူင်းလႆႈပၢႆႈဢွၵ်ႇမိူင်း မီးၵူႈဝၼ်း။ တၢင်းမိူင်းယႆၼႆႉ သိုၵ်းၵဝ်ႈၵၢင်ႉ MNDAA တင်းသိုၵ်းမၢၼ်ႈ ယိုဝ်းၵၼ်ထႅင်ႈသေ ႁဵတ်းႁႂ်ႈမၢၵ်ႇ လူင်တူၵ်းသႂ်ႇ ႁိူၼ်းယေး ၵူၼ်းမိူင်းလူႉၵွႆ...

တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇၼႆႉ သိုၵ်းမၢၼ်ႈ ယိုတ်းမိူင်းလႄႈ သိုၵ်း TNLA ႁူမ်းတင်း PDF ပိုတ်းယိုဝ်း တိုၵ်းတေႃးၵၼ် ႁၢဝ်ႈႁႅင်း တႄႇႁၢင်လိူၼ်ၵျုၼ်ႊမႃး တေႃႇထိုင်ဝၼ်းမိူဝ်ႈၼႆႉ သဵင်ၵွင်ႈပႆႇ ယဵၼ်သိုၵ်း TNLA တင်း PDF ဢဝ်ၻရူၼ်ႊမႃးပွႆႇမၢၵ်ႇ။ သိုၵ်းမၢၼ်ႈသမ်ႉ ဢဝ်ၵွင်ႈလူင်လၢမ်းလိမ်းပိုတ်းယိုဝ်း တူၵ်းသႂ်ႇႁိူၼ်းယေး ၵူၼ်းမိူင်း ဝတ်ႉမုၼ်ၸဝ်ႈ လႄႈ...

ႁၢင်လိူၼ်ၵျုၼ်ႊၼႆႉ ၸုမ်းပျီႇတူႉၸိတ်ႉ ပဢူဝ်း PNO ဢၼ်ယူႇတႂ်ႈသိုၵ်းမၢၼ်ႈ ယိုတ်းမိူင်း ၵုမ်းၵမ် ၸီႉသင်ႇ ၵၢင်ႉ ၵႄႇၼႂ်းထုင်ႉပူင်း ႁႂ်ႈသူင်ႇၵူၼ်းမႂ်ႇပၼ် တႃႇၾိုၵ်းၵၢၼ်သိုၵ်း ၼိုင်ႈဝၢၼ်ႈလႂ် တေဢမ်ႇလႆႈယွမ်း 4 ၵေႃႉ။ ဝၢၼ်ႈလႂ် ဢမ်ႇပၼ်လႆႈသမ်ႉ ၵဵပ်းငိုၼ်းၼပ်ႉႁူဝ်သိပ်းသႅၼ်ပျႃး။ ၼႂ်းငဝ်းလၢႆးၵၢၼ်သိုၵ်း ၵၢၼ်မိူင်းဢမ်ႇလီ ပၢႆးမၢၵ်ႈမီးတူၵ်း ႁႃၵိၼ်လဵင်ႉတွင်ႉယၢပ်ႇ ၸိူင်ႉၼႆ...

သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA  ယိုဝ်းၵၼ်တီႈၸႄႈဝဵင်းၵျွၵ်ႉမႄး ၸိုင်ႈတႆးပွတ်း ႁွင်ႇႁၢဝ်ႈႁႅင်း ၵူၼ်းပၢႆႈၽေးသိုၵ်း မီးထိုင် 15,500 ပၢႆ ၵမ်ႈၼမ် ပၢႆႈသွၼ်ႈယူႇဝႆႉၸွမ်းဝတ်ႉဝႃးၽႃသိူဝ်ႇ။ ယွၼ်ႉမီးလွင်ႈယၢပ်ႇၽိုတ်ႇ လၢႆလွင်ႈလၢႆဢၼ်လႄႈ မၢင်ၸိူဝ်း ပၢႆႈယဝ်ႉလႆႈပၢႆႈထႅင်ႈ။ ယၢမ်းလဵဝ် မိူၼ်ၼင်ႇ တီႈဝတ်ႉၼႃးပဵင်း ၸႄႈဝဵင်းၵျွၵ်ႉမႄးၼႆႉ ၵူၼ်းပၢႆႈၽေးသိုၵ်း မီးၸမ် 3 ႁဵင်...

တႄႇဢဝ် ႁူဝ်လိူၼ်ၾႅပ်ႊပိဝ်ႊရီႊ 2024 ၼၼ်ႉမႃး သိုၵ်းမၢၼ်ႈ ပိုၼ်ၽၢဝ်ႇဝႃႈ ၵူၼ်းမိူင်း ၸိူဝ်းဢႃယု တဵမ် 18 ပီ ၶိုၼ်ႈ ၼိူဝ် တေလႆႈၶဝ်ႈႁၢပ်ႇၵၢၼ်သိုၵ်းၼႆသေ ဢမ်ႇမီးၽႂ်ၶႂ်ႈၵႂႃႇ ၵၢင်ႉၵႄႉၼႂ်းပွၵ်ႉ/ ဢိူင်ႇ ၸင်ႇသူၼ်းဢီးႁႂ်ႈၵူၼ်းမိူင်းၽၵ်း ၵႃႇ ၸၢင်ႈၵူၼ်းၵႂႃႇတႅၼ်း မိူၼ်ၼင်ႇ တီႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇၼႆႉၵေႃႈ သိုၵ်းမၢၼ်ႈ...

ၼႂ်း Google Translate ၼၼ်ႉ မီးလိၵ်ႈတႆးပႃး၊ ၶႂ်ႈဢဝ်လိၵ်ႈတႆးပိၼ်ႇၽႃႇသႃႇၸူး လိၵ်ႈသင်ၵေႃႈလႆႈ ယဝ်ႉၼႆသေ ပီႈ ၼွင်ႉတႆး ၼႂ်းမိူင်းၼွၵ်ႈမိူင်း ဢွၼ်ၵၼ်ႁူမ်ၸူမ်း တူင်ႉတိုၼ်ႇ ဢဝ်ၵုင်ႇမုၼ်ၸွမ်း ၸဝ်ႈၽူႈလူင်ႉလႅၼ်ႇၾၢႆႇ IT ဢၼ်ႁဵတ်းႁႂ်ႈလိၵ်ႈလၢႆးတႆး ၶိုၼ်ႈသင်ႉ ၶိုတ်းၵၢပ်ႈ ၶဝ်ႈပႃးၸွမ်းၼႂ်းလုမ်ႈ ၾႃႉ။ ၵွပ်ႈၼႆလႄႈ ဢွၼ်ၵၼ်တၢင်ႇ (ၽူတ်ႉသ်) လွင်ႈဢဝ်ၵုင်ႇမုၼ်လွင်ႈၼႆႉသေ...

ၽွင်းၶၢဝ်းၵူၼ်းမိူင်းထုၵ်ႇပိၵ်ႉႁူပိၵ်ႉတႃ ၊ ဢိၼ်ႊထိူဝ်ႊၼႅတ်ႉ ၊ ၾႆးၾႃႉ ၶၢတ်ႇၵူႈၾၢႆႇၾၢႆႇၼႆႉ သိုၵ်း မၢၼ်ႈ သင်ႇထႅင်ႈဝႃႈ ႁၢမ်ႈၵူၼ်းမိူင်းၸႂ်ႉတိုဝ်း VPN လႄႈ Google ၊ ပိူင်လူင်မၼ်း ၵူဝ်ၵူၼ်းမိူင်းၸႂ်ႉ တိုဝ်းၾဵတ်ႉပုၵ်ႉ၊ ယွၼ်ႉဝႃႈ တႃႇလူတ်ႊဢဝ်ၾဵတ်ႉပုၵ်ႉသမ်ႉ လႆႈၶဝ်ႈၼႂ်း Play Store ဢၼ်ၵွင်ႉၵၼ် တၢင်း...

သိုၵ်းဢူၺ်းလီပွတ်းႁွင်ႇ 3 ၸုမ်း ၼႄၶေႃႈဢၢင်ႈဝႃႈ - တႃႇၽဵဝ်ႈမူၺ်ႉၸဝ်ႈဢႃႇၼႃႇသိုၵ်း တႃႇၽဵဝ်ႈမူၺ်ႉ ၸုမ်းလွၵ်ႇလႅၼ်ၵိၼ်ငိုၼ်းၵျႃးၽႅၼ်ႉၼႆသေ ၽႅၼ်ၵၢၼ်ယၼ်ႇသိုၵ်း 1027 မႃးၶၢဝ်းတၢင်းၸမ်ပီ။ ၸုမ်းယိပ်းၵွင်ႈၵၢင်ႇ လၢႆမူႇလၢႆ ၸုမ်းၵေႃႈ ဢုပ်ႇဢူဝ်းတူၵ်းလူင်းၵၼ်တၢင်း မိူင်းၶႄႇဝႃႈ တေၽဵဝ်ႈ မူၺ်ႉၸုမ်းၵျႃးၽႅၼ်ႉၼႂ်းမိူင်းတႆး ဝႃႈၼႆသေတႃႉ တေႃႇထိုင်ယၢမ်းလဵဝ် ၸုမ်းၵျႃးၽႅၼ်ႉ တိုၵ်ႉမီးယူႇၵူႈတီႈၵူႈဝဵင်း ပႆႇမူၺ်ႉႁၢႆလႆႈ။ မိူၼ်ၼင်ႇ တီႈဝဵင်းတႃႈၶီႈလဵၵ်း...