ပေႃးဢွၵ်ႇဝႃႇသႃယဝ်ႉၸိုင် ၵူၼ်းမိူင်းတူၼ် တေဢွၼ်ၵၼ်ႁၢင်ႈႁႅၼ်း တႃႇၽုၵ်ႇသွမ်ႈၽၵ်းမီႇႁေႃ ၵၼ်ယဝ်ႉ။ ပီၼႆႉ ယွၼ်ႉၼမ်ႉလုပ်ႇထူမ်ႈတူင်ႈၼႃးႁၢဝ်ႈႁႅင်း ၶီႈၵူမ်ႇၶီႈသၢႆး လႆထူမ်ႈတဵမ်ဝႆႉမူတ်းလႄႈ မိူၼ်ၼင်ႇ တေးၼႃး၊ လွၵ်းၼႃး ၸိူဝ်းၼႆႉ ပေႃးၸူမ်ႁၢႆၵႂႃႇၸွမ်း ၶီႈၵူမ်ႇသၢႆး ၵမ်ႈၼမ်ယဝ်ႉ။ ယွၼ်ႉၼၼ် ၶဝ်ႈၼႂ်းၼႃးဢၼ်ၽုၵ်ႇဝႆႉ ၸိူဝ်းၼၼ်ႉၵေႃႈ မၢင်တီႈယင်းဢမ်ႇလႆႈသင်။ မၢင်ၸိူဝ်း တႃႇလုမ်းလႃးၼႃး ၸဝ်ႈၵဝ်ႇ ဢမ်ႇမီးငိုၼ်းတိုၼ်းလႄႈ လႆႈၶၢႆၸိူဝ်ႉၽၵ်းမီႇ...

လိူၼ်သႅပ်ႊထႅမ်ႊပိူဝ်ႈ ပူၼ်ႉမႃးၼႆႉ ၾူၼ်ၵေႃႈၼမ် ၼမ်ႉၼွင်းႁႅင်း ၵူၼ်းမိူင်းလၢႆတီႈ ထူပ်းၽေးၼမ်ႉ သုမ်းတိူၵ်ႇသူၼ်ႁႆႈလွၵ်းၼႃး၊ သုမ်းပႃးတီႈယူႇတၼ်းသဝ်း ထိုင်မိူဝ်ႈလဵဝ် ပႆႇတင်ႈတူဝ်လႆႈ။ ဝဵင်းမိူင်းသၢတ်ႇ ၸိုင်ႈတႆး ပွတ်းဢွၵ်ႇ ၼႆႉၵေႃႈ ထိုင်မိူဝ်ႈလဵဝ် ၵၢၼ်ၵႃႉၵၢၼ်ၶၢႆ ပႆႇမိူၼ်ၵဝ်ႇလႆႈ ယွၼ်ႉသဵၼ်ႈ တႃႈသၢႆတၢင်းၶၢတ်ႇဝႆႉလၢႆတီႈ ထိုင်မိူဝ်ႈလဵဝ်ပႆႇၵုမ်းယဝ်ႉ။ ၶူဝ်ဝၢၼ်ႈသၢႆးၶၢဝ် ဢၼ်တိုၵ်ႉမႄးၵုမ်းယူႇၼၼ်ႉၵေႃႈ ပႆႇထိုင်တီႈယဝ်ႉတူဝ်ႈ သမ်ႉပေႃးၵူၼ်ႇပင်း လူႉၵွႆထႅင်ႈလႄႈ...

ၶၢဝ်းတၢင်းပၢင်ယၼ်ႇသိုၵ်း1027 ပွတ်းႁွင်ႇၼႆႉ သိုၵ်းတဢၢင်း TNLA ပိုၼ်ၽၢဝ်ႇ ၵုမ်းလႆႈလၢႆဝဵင်း ၼႂ်းၸိုင်ႈတႆးပွတ်းႁွင်ႇသေ ၶွတ်ႇၽွတ်ႈၾၢႆႇၽွင်းငမ်းၵူႈလွင်ႈလွင်ႈမႃး။ ၼႂ်းၼၼ်ႉ ၾၢႆႇၵဵပ်းၶွၼ်ႇ တႂ်ႈသိုၵ်းတဢၢင်း လူင်းၵဵပ်းၶွၼ်ႇၼႂ်းဝၢၼ်ႈၼႂ်းဝဵင်း ဢၼ်ၶဝ်ၵုမ်းဝႆႉ ၸိူဝ်းၼၼ်ႉ။ မိူၼ်ၼင်ႇ ပွတ်းတၢင်း မိူင်းမိတ်ႈ - မိူင်းၵုတ်ႈ ၸိူဝ်းၼႆႉၵေႃႈ သိုၵ်းတဢၢင်း လူင်းၵဵပ်းၶွၼ်ႇ ၵူၼ်းၶုတ်းၶမ်း ႁူမ်ႈၵၼ်ၼိုင်ႈပီလႂ် ၶမ်း...

ၵၢပ်ႈဝၢၼ်ႈပၢၼ်မိူင်းယၢမ်းလဵဝ် ၵူၼ်းမၢင်ၸိူဝ်း ၵူဝ်လႆႈႁဵတ်းၵၢၼ်ယၢပ်ႇ လတ်းႁႃၵၢၼ် ဢၼ်လႆႈငိုၼ်းငၢႆႈငၢႆႈသမ်ႉပေႃးဢမ်ႇသွၼ်ႇလွင်ႈၽိတ်းလွင်ႈထုၵ်ႇ။ မၢင်ၸိူဝ်းၵေႃႈ မီးၼႃႈၵၢၼ်တႃငၢၼ်းဝႆႉယဝ်ႉ ၾၢႆႇၼိုင်ႈသေတႃႉ ၶႂ်ႈလႆႈငိုၼ်းၶဝ်ႈထႅင်ႈလၢႆးၼိုင်ႈလႄႈ ဢွၼ်ၵၼ် ၶဝ်ႈ ႁူမ်ႈ ၸွမ်းၵၢၼ်ဢွၼ်ႊလၢႆႊ။ ၵၢၼ်ဢွၼ်ႊလၢႆႊ ၵမ်ႈၼမ် ပဵၼ်ဢၼ်လွၵ်ႇလႅၼ်ၵိၼ် ငိုၼ်းၼမ်မႃးလႄႈ လႆႈထတ်းသၢင်ဝူၼ်ႉၸွမ်းလီလီ ၸင်ႇၸၢင်ႈယုမ်ႇၸႂ်။ တေႃႈၼင်ႇ ၶွမ်ႊပၼီႊၸိုဝ်ႈယႂ်ႇ မိူင်းထႆးဢၼ်ၼိုင်ႈ ဢၼ်မီးၸၢႆးၸိူင်းၼၢင်းၸိူင်းၸိုဝ်ႈသဵင်လိုဝ်းလင် ၶဝ်ႈႁူမ်ႈဝႆႉ ၼၼ်ႉၵေႃႈ ၵဵဝ်ႇၵပ်းလွင်ႈလွၵ်ႇလႅၼ်ၵိၼ်ငိုၼ်းၼႆႉသေ...

ၼႂ်းလိူၼ်သႅပ်ႊထႅမ်ႊပိူဝ်ႊပူၼ်ႉမႃးၼႆႉ ၵူၼ်းမိူင်းတႆးလၢႆၸႄႈဝဵင်း ထူပ်းၽေးၼမ်ႉထူမ်ႈ လူႉသုမ်းတိူၵ်ႇ ႁႆႈလွၵ်းၼႃး ႁိူၼ်းယေး ဝတ်ႉဝႃးၽႃသိူဝ်ႇ တင်းၼမ်။ မၢင်ပိုၼ်ႉတီႈ ၵူၼ်းမိူင်းၺႃးၽေးၼမ်ႉလုပ်ႇထူမ်ႈ လႆလွင်ႈၸွမ်းလူႉတၢႆ ၸိူဝ်းၼႆႉၵေႃႈမီး။ မိူၼ်ၼင်ႇ တီႈဝၢၼ်ႈပဵင်းၶမ်း ဢၼ်မီးၾၢႆႇၸၢၼ်း ဝဵင်းမိူင်းသၢတ်ႇ လႅၼ်လိၼ်တႆး - ထႆး ၼႆႉၵေႃႈ ၺႃးၼမ်ႉလုပ်ႇထူမ်ႈႁၢဝ်ႈႁႅင်းသေ ထိုင်မိူဝ်ႈလဵဝ်ႁိူၼ်းယေး တီႈယူႇတၼ်းသဝ်း ပႆႇၸၢင်ႈပူၵ်းပွင်ၶိုၼ်း။ ႁူဝ်ၵူၼ်း...

ၸွမ်းၼင်ႇၵႂၢမ်းထုင်းမီးဝႆႉဝႃႈ ဢမ်ႇႁူႉလိၵ်ႈၼင်ႇတႃမွတ်ႇ ဢမ်ႇမေႃလိၵ်ႈၼင်ႇတႃတၼ်ၼႆၼၼ်ႉ ၽႂ်ၶႂ်ႈမီးတၢင်းႁူႉ ၵေႃႈ လူဝ်ႇလႆႈသႂ်ႇႁႅင်းလူလိၵ်ႈၼမ်ၼမ်။ ၵူၺ်းၵႃႈ ယွၼ်ႉငဝ်းလၢႆးလၢႆလွင်ႈသေ ၵၢပ်ႈယၢမ်းလဵဝ် ဢဵၼ်ႁႅင်းၵူၼ်းလူလိၵ်ႈယွမ်းလူင်းၼမ်။ တေႃႈၼင်ႇ ၼႂ်းဝဵင်းယႂ်ႇဝဵင်းလူင် ၼႂ်းမိူင်းႁူမ်ႈတုမ်လၢႆဝဵင်းၵေႃႈ ႁႅင်းၵူၼ်းလူလိၵ်ႈ ယွမ်းလူင်းမႃးၵူႈ မိုဝ်ႉၵူႈဝၼ်းလႄႈ ၸဝ်ႈႁၢၼ်ႉၶၢႆပပ်ႉလိၵ်ႈ ပေႃးဢမ်ႇပဵၼ်ၵၢၼ်ယဝ်ႉ။ မိူၼ်ၼင်ႇ ၸဝ်ႈႁၢၼ်ႉၶၢႆပပ်ႉ လိၵ်ႈတႆး ၼႂ်းမိူင်းၼွၵ်ႈမိူင်းၵေႃႈ ၵိၼ်းၸႂ်မိူၼ်ၵၼ်။ တႃႇႁႂ်ႈလိၵ်ႈလၢႆးတႆး တေႁိူဝ်ႈႁိူင်းၼၼ်ႉ...

ၸွမ်းၼင်ႇ ၾိင်ႈႁိတ်ႈႁွႆးမီးဝႆႉသေ ၶွပ်ႈၶူပ်ႇပီလႂ်ၼိုင်ႈပွၵ်ႈ သင်ထိုင်ၶၢဝ်းဢွၵ်ႇဝႃႇသႃမႃးၸိုင် ၵူၼ်း မိူင်းတႆး ၵမ်ႈၼမ် ၸူမ်းၵိၼ်ၸူမ်းလူႇ မၢင်ၸိူဝ်းႁၢင်ႈႁႅၼ်းဝႆႉ တႃႇၶဵင်ႇတၢင်ႇပုတ်ႈ ၸိူဝ်းၼႆႉ။ ပီၼႆႉ ဝၼ်းဢွၵ်ႇဝႃႇသႃ လိူၼ်သိပ်းဢဵတ်းမူၼ်းၼႆႉ တူၵ်းမႅၼ်ႈဝၼ်းတီႈ 17/10/2024 ။ ၵူၺ်းၵႃႈ ပီၼႆႉ ၵူၼ်းမိူင်းတႆးသမ်ႉ ထူပ်းၽေးသိုၵ်းသိူဝ် ၵူၺ်းဢမ်ႇၵႃး ထူပ်းပႃးၽေးၼမ်ႉထူမ်ႈထႅင်ႈလႄႈ တိူၵ်ႇႁႆႈလွၵ်းၼႃးၵေႃႈ လူႉသုမ်းၼမ်...

ၼႂ်းပီ 2024 ၼႆႉ ၾူၼ်လိူင်ႇၼမ် ႁဵတ်းႁႂ်ႈၼမ်ႉလုပ်ႇထူမ်ႈဝၢၼ်ႈထူမ်ႈမိူင်း လၢႆပိုၼ်ႉတီႈ ၵၢၼ်ငၢၼ်း ၵူႈသႅၼ်းထၢၼ်ႈ လႆႈၸိူင်ႉၵၢတ်ႈ ၵိုတ်းယင်ႉယွၼ်ႉၽေးၼမ်ႉၼွင်း။ လိၼ်ၵူၼ်ႇတၢင်းၵွႆ တိူၵ်ႇႁႆႈလွၵ်းၼႃး ဢွင်ႈတီႈၵူၼ်းမိူင်းတူင်ႉၼိုင်ယူႇသဝ်း ၸိူဝ်းၼႆႉၵေႃႈ လူႉၵွႆသုမ်းၼမ်။ တေႃႈၼင်ႇ ဝတ်ႉဝႃးၽႃသိူဝ်ႇ ဢွင်ႈတီႈသႃႇသၼႃႇၵူၺ်းၵေႃႈ ယင်းဢမ်ႇလွတ်ႈ။ မိူၼ်ၼင်ႇ တီႈတိူၵ်ႈၵမ်မထၢၼ်းဝဵင်းလၢင်းၶိူဝ်းလႄႈ မွၵ်ႇမႆႇ ၸိူဝ်းၼႆႉၵေႃႈ ၺႃးၼမ်ႉလုပ်ႇထူမ်ႈမႃး လၢႆၵမ်းသေ...

ပေႃးထိုင်ၶၢဝ်းၾူၼ် ယုင်းၵေႃႈလိူင်ႇ ပေႃးၺႃးယုင်းၶူပ်းၼမ် ၸၢင်ႈၸပ်းမႆႈၶႆႈၼၢဝ်ငၢႆႈလႄႈ ၸပ်းတၢင်းပဵၼ်လႆႈထႅင်ႈ လၢႆသႅၼ်း။ မိူၼ်ၼင်ႇ တီႈၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ ၼႆႉၵေႃႈ ဝၢႆးၼမ်ႉၼွင်းထူမ်ႈႁႅင်း ပီၼႆႉ ယွၼ်ႉၼမ်ႉဝူၺ်ႇႁင်ႈ ႁွတ်ႈထိုင်ၼႂ်းဢိူင်ႇၼႂ်းဝၢၼ်ႈ ႁဵတ်းႁႂ်ႈယုင်းလိူင်ႇၽႄႈ ၵူၼ်းမိူင်းၸပ်းတၢင်းပဵၼ်ၶႆႈလိူတ်ႈဢွၵ်ႇၼမ်။ မၢင်ၸိူဝ်း ထုၵ်ႇလႆႈၵႂႃႇယူတ်းယႃတူဝ် တီႈႁူင်းယႃလူင်ဝဵင်းတူၼ်ႈတီး၊ ဝဵင်းလိူဝ်ႇ ယူႇၵေႃႈ ယွၼ်ႉၼမ်ႉ တွင်ႈလွႆလိၼ် ၵူၼ်ႇတဵင်သဵၼ်ႈတၢင်းလႄႈ ၵႂႃႇမႃးယၢပ်ႇ...

ၵူၼ်းမိူင်းဝၼ်းတူၵ်း မိူင်းၶိုၼ်ႈယႂ်ႇမႂ်ႇသုင်တႄႉဝႃႈ ၶၢဝ်းၵၢင်ဝၼ်းတူၵ်း ၶၢဝ်းႁူဝ်ၶမ်ႈ လပ်းသိင်ႇၸွမ်ႉႁွမ်ႉ ၼႆႉ ပဵၼ်ၽွင်းၶၢဝ်း ဢၼ်ႁၢင်ႈလီသုတ်းၼႂ်းဝၼ်းၼၼ်ႉ ဝႃႈၼႆဝႆႉ။ ၼႂ်းတႆးႁဝ်းၶႃႈၵေႃႈ ၶၢဝ်းႁူဝ်ၶမ်ႈၼႆႉ ပဵၼ်ၶၢဝ်းဢၼ်လမ်ႇလွင်ႈသုတ်း တႃႇမုင်ႉႁေႃႁိူၼ်းလင်ၼိုင်ႈ။ ပဵၼ်ၶၢဝ်းၵူၼ်းႁိူၼ်း ယူႇၸေးၵၼ်၊ ၵိၼ် ၶဝ်ႈႁူမ်ႈမူႇၵၼ် မူၼ်ႈမူၼ်ႈသိူဝ်းသိူဝ်း၊ ၸိူဝ်းပဵၼ်သႅၼ်းသိၵ်ႉႁိၵ်ႉ မၢဝ်ႇသၢဝ်ၵေႃႈ ဢွၵ်ႇႁိူၼ်းၵႂႃႇပၼ်ႇ လဵပ်ႈၼႂ်းဝဵင်းဢႅဝ်ႇႁႃၵိၼ်တၢင်းၵိၼ် ၼႂ်းႁၢၼ်ႉၸွမ်းၵၼ် ပဵၼ်ဢၼ်လီမူၼ်ႈသိူဝ်းတႄႉၼင်ႇဝႃႈ။...

ၼႂ်းၵႄႈၸႄႈဝဵင်းပၢင်လွင်း - ၸႄႈဝဵင်းၾၢႆၶုၼ်ၼႆႉ သိုၵ်းမၢၼ်ႈတင်း ၸုမ်းၵႅတ်ႇၶႄၵူၼ်းမိူင်း PDF ယၢင်းလႅင် ၵႆႉပိုတ်းယိုဝ်းၵၼ် ႁၢဝ်ႈႁႅင်း တင်ႈတႄႇ သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ်။ ဢိင်ၼိူဝ် လွင်ႈၼႆႉသေ ၾၢႆႇသိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ်မႃးပွႆႇမၢၵ်ႇသႂ်ႇ ၼႂ်းမူႇဝၢၼ်ႈၼႂ်းဢိူင်ႇလႄႈ ႁဵတ်းႁႂ်ႈ ၵူၼ်းမိူင်း လႆႈပၢႆႈဢွၵ်ႇပိုၼ်ႉတီႈၼမ်။ ၼႂ်းႁူဝ်လိူၼ်ဢွၵ်ႊထူဝ်ႊပိူဝ်ႊၼႆႉ သိုၵ်းမၢၼ်ႈ...

ၶၢဝ်းတၢင်းသိုၵ်းမၢၼ်ႈ ယိုတ်းမိူင်းမႃး 3 ပီပၢႆၼႆႉ ၵူၼ်းမိူင်းပၢႆႈဢွၵ်ႇမိူင်းႁူမ်ႈတုမ်ၼမ် ၼႂ်းၼၼ်ႉ ပႃးၵူၼ်းၼုမ်ႇမိူင်းတႆး ပၢႆႈၶဝ်ႈမိူင်းထႆး - မိူင်းၶႄႇ ထႅင်ႈတင်းၼမ်။ ယွၼ်ႉပိူင် ၵဵပ်းသိုၵ်းမၢၼ်ႈၼႆႉသေတႃႇ ၵူၼ်းၼုမ်ႇ တေၸွႆႈထႅမ်ၶႅၵ်ႇလီပၢင်ၸႃႉ ပေႃးဢမ်ႇမီး။ တီႈဝဵင်းပၢင်လူင် ၸိုင်ႈတႆးပွတ်းၸၢၼ်းၼႆႉၵေႃႈ သိုၵ်းမၢၼ်ႈတင်း ၸုမ်းပျီႇတူႉၸိတ်ႉပဢူဝ်း (PNO) ႁူမ်ႈၵၼ် လူင်းပိုၼ်ႉတီႈ ၵဵပ်းသိုၵ်းႁၢဝ်ႈႁႅင်းလႄႈ ႁဵတ်းႁႂ်ႈၵူၼ်းၼုမ်ႇႁႃႁူးလွတ်ႈဢွၵ်ႇ...

တႄႇႁူဝ်ပီ 2024 ၼႆႉမႃး သိုၵ်းမၢၼ်ႈ ယိုတ်းမိူင်း တူၵ်ႇတၵ်ႉလၢတ်ႈဝႃႈ တႃႇၸတ်းပၢင်လိူၵ်ႈတင်ႈ ၼႂ်းပီ 2025 တေထိုင်ၼႆႉသေ ၸႂ်ႉၶႃႈႁၢပ်ႇၵၢၼ်ၶုၼ် လူင်းၵဵပ်းသဵၼ်ႈမၢႆႁူဝ်ၵူၼ်း ၼႂ်းမိူင်းတႆးမႃးယဝ်ႉ။ ယၢမ်းလဵဝ် ယွၼ်ႉငဝ်းလၢႆး ဝၢၼ်ႈမိူင်း ဢမ်ႇၼိမ်သဝ်း သဵင်ၵွင်ႈတႅၵ်ႇၼႂ်းမိူင်းတႆးပွတ်းႁွင်ႇ - ပွတ်း ၸၢၼ်း ဢမ်ႇထၢတ်ႈလႄႈ ႁဵတ်းႁႂ်ႈၵူၼ်းမိူင်းဢမ်ႇယုမ်ႇ။ ယွၼ်ႉဝႃႈ သိုၵ်းမၢၼ်ႈ...

ၶၢဝ်းတၢင်း သွင်လိူၼ်မႃးၼႆႉ ၾူၼ်တူၵ်းထပ်းၵၼ်ၶၢဝ်းႁိုင်သေ ႁဵတ်းႁႂ်ႈၼမ်ႉႁူၺ်ႈလွႆလုပ်ႇထူမ်ႈ တိူၵ်ႇႁႆႈလွၵ်းၼႃး တီႈယူႇသဝ်းၵူၼ်းမိူင်း လူႉသုမ်းတင်းၼမ်လၢႆ မိူၼ်ၼင်ႇ တီႈဝဵင်းမိူင်းသၢတ်ႇၵေႃႈ တေႃႇထိုင်ယၢမ်းလဵဝ် ပႆႇၸၢင်ႈၵႂႃႇမႃး ထၢင်ႇႁၢင်ႈလူမ်ၸႂ် ယၢပ်ႇၽိုတ်ႇဝႆႉ လၢႆလွင်ႈ။ ယွၼ်ႉသဵၼ်ႈတၢင်းၶၢတ်ႇ ၶူဝ်ၵွႆသေ မႄႈမၢၼ်း ၵေႃႉၼိုင်ႈ ဢၼ်ယူႇၵႆဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်းၼၼ်ႉ ဢၢၼ်းမႃးၵိူတ်ႇလုၵ်ႉ တီႈႁူင်းယႃၼႂ်းဝဵင်းသေ ယွၼ်ႉသဵၼ်ႈတၢင်းယၢပ်ႇၽိုတ်ႇလႄႈ လႆႈမႃးလူႉတၢႆပႅတ်ႈၸွမ်းပွတ်းတၢင်း ၼႆယဝ်ႉ။ တႄႇဢဝ်...

ႁၢင်လိူၼ်သႅပ်ႊထႅမ်ႊပိူဝ်ႊၼႆႉ ပဵၼ်ၶၢဝ်းၸဝ်ႈသူၼ်ၶဝ်ႈၵၢပ်ႇ ဢဝ်ၶဝ်ႈၵၢပ်ႇၸဝ်ႈၵဝ်ႇဢွၵ်ႇၶၢႆ၊ ပဵၼ်ၽွင်း ဢၼ်ၸဝ်ႈသူၼ် လႆႈငိုၼ်းၶဝ်ႈ။ ပီၼႆႉသမ်ႉ ထူပ်းၽေးၼမ်ႉထူမ်ႈလႄႈ ႁဵတ်းႁႂ်ႈမၢၵ်ႇၶဝ်ႈတဝ်ႈၼမ်ႉ လူႉသုမ်းမူတ်း။ ၼႂ်းၸိုင်ႈတႆးပွတ်းၸၢၼ်း တီႈဢၼ်ၽုၵ်ႇၶဝ်ႈၵၢပ်ႇၼမ်သုတ်းသမ်ႉ ပဵၼ်ဝၢၼ်ႈၵၢတ်ႇလိူဝ်ႇ ထုင်ႉဝဵင်းၼမ်ႉၸၢင်။ ၸဝ်ႈသူၼ်ၵူႈငိုၼ်း တီႈၸဝ်ႈငိုၼ်းသႃး၊ တီႈယေးငိုၼ်းလႄႈ တီႈႁူင်းၵၢၼ်ၶၢႆ ၸိူဝ်ႉၽၼ်းမွၵ်ႇမၢၵ်ႇႁၢၵ်ႈႁူဝ်။ ပေႃးသုမ်း ယွၼ်ႉၽေးသၽႃႇဝၸိူင်ႉၼႆ တေႁဵတ်းႁိုဝ်သၢႆႈ ပေႃးဢမ်ႇသၢႆႈတႅၼ်းၼီႈလႆႈ တေ သိုပ်ႇပဵၼ်ႁိုဝ်...