ဝၼ်းတီႈ 1/11/2025 မိူဝ်ႈၶမ်ႈဝႃး ၾူၼ်ၵိုင်ႉၵၢင်ႉတူၵ်းတီႈဝဵင်းတူၼ်ႈတီးၸိုင်ႈတႆးပွတ်းၸၢၼ်း ။ ၵူၼ်းၼပ်ႉႁူဝ်သႅၼ်ၵေႃႉ ၼႂ်းပၢင်ႇပွႆႇႁူင်းၾႆးမိၼ် ဢွၼ်ၵၼ်လႅၼ်ႈပၢႆႈႁႃတီႈသေႃႉၾူၼ် လူမ်ႉယဵပ်ႇၺႃးၵၼ်မၢတ်ႇၸဵပ်း 70 ပၢႆ။ ပၢင်ပွႆးတသွင်ႇတၢႆႇ လိူၼ်သိပ်းသွင် ပွႆးႁူင်းၾႆးမိၼ်တီႈဝဵင်းတူၼ်ႈတီး တႄႇၸတ်းမိူဝ်ႈဝၼ်းတီႈ 29/10/2025 ၊ ထိုင်မႃးဝၼ်းတီႈ 1/11/2025 ၼႃႈၾႃႉတႃၾူၼ်ၵေႃႈၸိုၼ်ႈပၢင်ႇယူႇသေတႃႉ ၾူၼ်ၵိုင်ႉၵၢင်ႉတူၵ်းႁႃႇယႂ်ႇလႄႈ ၵူၼ်းၼႂ်းပၢင်ႇႁူင်းၾႆးမိၼ် တႅၵ်ႇတိုၼ်ႇလႅၼ်ႈပၢႆႈၾူၼ်ႁႃတီႈသေႃႉၾူၼ်။ ၵူၼ်းၵႂႃႇၶဝ်ႈပွႆးၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ-“ ၵူၼ်းၼႆႉမၼ်းၵိုၼ်းၼႃႇဢႃးလႃးႁေ ၽိူဝ်ႇၾူၼ်ၵိုင်ႉၵၢင်ႉတူၵ်းၵေႃႈဢွၼ်ၵၼ်...

ၾူၼ်တူၵ်းဢမ်ႇထၢတ်ႇ ၼမ်ႉၼွင်းလိၼ်ၵူၼ်ႇ တီႈဝဵင်းတူၼ်ႈတီး ႁဵတ်းႁႂ်ႈႁိူၼ်း ၵူၼ်ႇပင်းလူႉၵွႆၵႂႃႇလူဝ်ႇတင်းၸွႆႈထႅမ်ဝႆႉ ဝႃႈၼႆ ။ မိူဝ်ႈဝႃး ဝၼ်းတီႈ 11/10/2025 ယၢမ်းဝၢႆးဝၼ်း 4 မူင်း ၾူၼ်တူၵ်းဢမ်ႇထၢတ်ႇ ၼမ်ႉၼွင်းၶဝ်ႈ ၼႂ်းပွၵ်ႉၼႂ်းယွမ်လၢႆလၢႆပွၵ်ႉသေ ႁဵတ်းႁႂ်ႈႁိူၼ်းၼႂ်းပွၵ်ႉ ၺွင်ႇၽိဝ်ႇသၶၢၼ်း ဢၼ်မီးႁိမ်းၸမ် ဝတ်ႉၵျွင်း ဢွင်ႇမင်ၵလႃႇၼၼ်ႉၵူၼ်ႇပင်းၵႂႃႇၼိုင်ႈလင် ၊ ထိုင်ယၢမ်းလဵဝ် ဢမ်ႇမီးၵူၼ်းၵႂႃႇၸွႆႈထႅမ်လႄႈ လူဝ်ႇတင်းၸွႆႈထႅမ်ဝႆႉ...

တီႈၼႂ်းဢၢဝ်ႇပၢင်ႇလၢႆႇ ပင်ႊၵလႃႊ မီးလူမ်းလႅင်ႉႁႅင်းဢွၼ်ႇ 2 ဢၼ် ၸၢင်ႈႁႅင်းယႂ်ႇမႃးလႄႈၼႂ်းႁူဝ်လိူၼ်ဢွၵ်ႊထူဝ်ႊပိူဝ်ႊၼႆႉ မိူင်းမၢၼ်ႈ မိူင်းတႆးပတ်းပိုၼ်ႉ ၸၢင်ႈမီးၾူၼ်တူၵ်းႁႅင်းလႄႈ ႁႂ်ႈၾၢင်ႉလွင်ႈၼမ်ႉထူမ်ႈၼမ်ႉၼွင်းၼႆ ၾၢႆႇလၢမ်းၶၢတ်ႈၾိင်ႈၾႃႉရႃႇသီႇ ပိုၼ်ၽၢဝ်ႇဝႆႉၼင်ႇၼႆ။ ၼႂ်းဝၼ်းတီႈ 1 ထိုင် 10/10/2025 ၼႆႉၾူၼ်ၸၢင်ႈတူၵ်းႁႅင်း ၼႂ်းတိူင်းၼေႇပျီႇတေႃႇ၊ တိူင်းတႃႈၵုင်ႈ၊ တိူင်းပႃႇၵိူဝ်၊ တိူင်းၸႄႈၵႅင်း၊ တိူင်းဢေႇရႃႇဝတီႇ၊ မိူင်းၶၢင်၊ မိူင်းယၢင်းလႅင်၊ မိူင်းယၢင်းၽိူၵ်ႇ၊...

ယွၼ်ႉပိူၼ်ႈလူမ်းလႅင်ႉရႃႊၵႃႊဢၼ်လုၵ်ႉတၢင်းမိူင်းၾိလိပ်ႉပိၼ်ႊသ်မႃးၼၼ်ႉသေ ဝၼ်းတီႈ 23 ထိုင် 25 ၼႆႉ ၾူၼ်တူၵ်းၼႂ်းၸႄႈတွၼ်ႈၵဵင်းမႂ်ႇ ၸိုင်ႈထႆးႁႃႇယႂ်ႇ။ ဝၼ်းတီႈ 24- 25/09/2025 လိၼ်လွႆၵူၼ်ႇတဵင်တၢင်းၵႃး တီႈႁိမ်းဝၢၼ်ႈမႄႈၵျႃႊ ၼိူဝ်သဵၼ်ႈတၢင်း တၢင်းမိူဝ်းဝဵင်းႁႅင် ။ တေႃႇထိုင် ယၢမ်းၵၢင်ၼႂ် 25/09/2025 ၸဝ်ႈၼႃႈတီႈတိုၵ်ႉၸွႆႈၵၼ် ၽဵဝ်ႈၶီႈၵူမ်ႇၶီႈလိၼ်ၸိူဝ်းၼၼ်ႉယူႇ။ တၢင်းၵဵင်းလၢဝ်ၵေႃႈ ၼမ်ႉၶွင်းလူၼ်ႉၾင်ႇၸဵမ်မိူဝ်ႈဝႃး တေႃႇၼႂ်ၼႆႉယင်းပႆႇယွမ်း ။ တီႈဝဵင်းမႄႈတႅင်...

ၾူၼ်တူၵ်းဢမ်ႇထၢတ်ႇ ၼမ်ႉႁူၺ်ႈၼမ်ႉလွႆၼွင်း ႁဵတ်းႁႂ်ႈၵူၼ်းမိူင်းၼႂ်းၸႄႈဝဵင်းပၢင်လွင်း မၢတ်ႇၸဵပ်းလူႉတၢႆ ႁိူၼ်းယေးၵူၼ်းမိူင်းလူႉၵွႆ တီႈဝၢၼ်ႈပွင်းလွင်း ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ဝႃႈၼႆ။ ၼႂ်းဝၼ်းတီႈ 27/08/2025 ယၢမ်းၵၢင်ၼႂ် 1 မူင်းၶိုင်ႈ ၾူၼ်တူၵ်းႁၢဝ်ႈႁႅင်း ႁဵတ်းႁႂ်ႈလိၼ်ၵူၼ်ႇ ၼမ်ႉႁူၺ်ႈၼမ်ႉလွႆၼွင်း ႁိူၼ်းၵူၼ်းဝၢၼ်ႈဢေႇတိၼ်ႇ ဢိူင်ႇသပေႇၵုင်း ဝဵင်းပွင်းလွင်း ၸႄႈဝဵင်းပၢင်လွင်း ၵူၼ်းမိူင်းလူႉတၢႆ 2 ၵေႃႉ မၢတ်ႇၸဵပ်းႁၢဝ်ႈႁႅင်း...

 ဝၼ်းတီႈ13/8/2025 ယၢမ်းႁူဝ်ၶမ်ႈ 9 မူင်း ၾူၼ်တူၵ်းဢမ်ႇထၢတ်ႇ ၼမ်ႉၼမ်ၶိုၼ်ႈမႃးလႄႈ ၵူၼ်းမိူင်းၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်း ၵိုင်ႉၵၢင်ႉလႆႈၶၢႆႉၶူဝ်းဝႆႉတီႈသုင်  လႆႈငိူင်ႉပၢႆႈၽေးၼမ်ႉ ထႅင်ႈ  ။ ၼၢင်းယိင်းဢႃယု 24 ပီ ၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၶမ်ႈဝႃးၼႆႉ ၾူၼ်တူၵ်းႁႅင်းၼႃႇၼမ်ႉၵိုင်ႉၵၢင်ႉၶိုၼ်ႈမႃးၸမ်သွၵ်ႇလႆႈဢွၼ်ၵၼ် လုၵ်ႉၶၢႆႉၶူဝ်းၶၢႆႉလဵင်း တေႃႉဝႆႉတီႈသုင် ၊ ၵူၼ်းၵေႃႈလႆႈငိူင်ႉပၢႆႈၽေးၼမ်ႉ ၊ တလဵဝ် ၼႂ်းၼွင်ႁၢႆးယႃႈၼႆႉ...

ဝၼ်းတီႈ 05/08/2025 ၼႆႉ ၼမ်ႉၵူမ်ႇဢုင် ၵိုင်ႉၵၢင်ႉလႆၼွင်းထူမ်ႈ ၼႂ်းဝဵင်းတႃႇရႃႇလီႇ (Dharali) ၸႄႈတွၼ်ႈဢုတရၶၢၼ်း (Uttarakhand) ဢၼ်မီးၼႂ်းပိုၼ်ႉတီႈ လွႆႁိမဝုၼ်ႇတႃႇ မိူင်းဢိၼ်းတီးယိူဝ်း မီးၵူၼ်းလူႉတၢႆ 4 ၵေႃႉ ႁၢႆလၢႆဝႆႉႁိမ်းၸမ် 100 ၵေႃႉ ဝႃႈၼႆ။ ၼမ်ႉၵူမ်ႇဢုင်ၼၼ်ႉ လုၵ်ႈၼႂ်းၵႄႈလွႆသေ လေႃႈလႆလူင်းမႃးသႂ်ႇ ၼႂ်းဝဵင်းတႃႇရႃႇလီႇ ႁၢဝ်ႈႁႅင်း၊ ႁိူၼ်းယေး...

ယၢမ်းလဵဝ် တိုၵ်ႉထိုင်ၶၢဝ်းႁူဝ်ၾူၼ်ၵူၺ်း တီႈလႅၼ်လိၼ်တႆး - ထႆး ဝဵင်းတႃႈၶီႈလဵၵ်းၼႆႉ ၵူၼ်းမိူင်းထူပ်းၽေးၼမ်ႉထူမ်ႈ ဢမ်ႇယွမ်း 3 ပွၵ်ႈယဝ်ႉ။ မိူဝ်ႈၼႆႉ ဝၼ်းတီႈ 24/05/2025 ယၢမ်းၵၢင်ၼႂ် ၾူၼ်တူၵ်းႁႃႇယႂ်ႇလႄႈ ၼမ်ႉလုပ်ႇၼွင်းထူမ်ႈ တီႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ႁၢဝ်ႈႁႅင်း။ ၵူၼ်းပိုၼ်ႉတီႈ ဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ -“တၢင်းပွၵ်ႉသၼ်သၢႆးၼၼ်ႉၵေႃႈ ၼမ်ႉၼႆႉ လႆႈဝႃႈထူမ်ႈႁႅင်းပဵၼ်တီႈဝႆႉဢေႃႈ။ ဢၼ်ပဵၼ်ပိုၼ်ႉတီႈတႅမ်ႇသေ...

ၾူၼ်တူၵ်း လိၼ်ၵူၼ်ႇတဵင်တၢင်း ၼႂ်းၵႄႈတူၼ်ႈတီး - လွႆလႅမ်လႄႈ ႁဵတ်းႁႂ်ႈၵူၼ်းမိူင်းၵႂႃႇမႃးယၢပ်ႇၽိုတ်ႇႁႅင်း ယၢမ်းလဵဝ် ၽူႈမီးပုၼ်ႈၽွၼ်းၶဝ် တိုၵ်ႉမႄးတၢင်းဝႆႉယူႇ ဝႃႈၼႆ။ ဝၼ်းတီႈ 15/05/2025 ၼၼ်ႉ ၾူၼ်တူၵ်းႁႅင်း သဵၼ်ႈတၢင်းၶၢတ်ႇၵွႆ ၼႂ်းၵႄႈတူၼ်ႈတီး - လွႆလႅမ် ၊ တင်ႈတႄႇဝၼ်းတီႈ 20/05/2025 ထိုင် ဝၼ်းတီႈ 03/06/2025 တေမီးလွင်ႈမႄးတၢင်း...

ၵူၼ်းမိူင်းၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်း  ပဵၼ်တွင်ႉႁႄႈ ၊ ၽိဝ်ၼင်ႇၶူမ်းၵၢႆး ၊ ပဵၼ်ၶႆႈပဵၼ်ၼၢဝ် ယွၼ်ႉပိူဝ်ႈလႆႈၸႂ်ႉ ၼမ်ႉဢမ်ႇ ၸိုၼ်ႈသႂ် ဝႃႈၼႆ။ ဝၢႆးလင်ၽႅၼ်ႇလိၼ်ဝႆ ႁၢင်လိူၼ်မၢတ်ႉၶျ် ယဝ်ႉသေ   ၵၢင်လိူၼ် April ၼႆႉ ၾိင်ႈၾႃႉရႃႇသီႇလႅၵ်ႈလၢႆႈ ၾူၼ်တူၵ်းႁၢဝ်ႈႁႅင်း ႁဵတ်းႁႂ်ႈ ၼမ်ႉၼႂ်းၼွင်ႁၢႆးယႃႈဢူၼ် ၊ ၶုၼ်ႇ။ ၵူၼ်းမိူင်းၸိူဝ်းယူႇၼႂ်းၼွင် ၸိူဝ်းၸႂ်ႉၼမ်ႉၼႂ်းၼွင်ၼၼ်ႉ...

ဝၼ်းတီႈ 15/4/2025 ယၢမ်းႁူဝ်ၶမ်ႈ  ၾူၼ်လူင်လူမ်းလူင်တူၵ်းတီႈဝဵင်းတႃႈလိူဝ်ႇ (မၼ်းတလေး) လႄႈ  ဝဵင်းဢမရပူႇရ ၼႂ်းတိူင်းတႃႈလိူဝ်ႇ ႁဵတ်းႁႂ်ႈ ဢွင်ႈတီႈသုမ်ႉသွင်း ၵူၼ်းထူပ်းၽေးၽႅၼ်ႇလိၼ်ဝႆၸိူဝ်းၼၼ်ႉ လူမ်ႉပိဝ် ၼမ်ႉၼွင်းထူမ်ႈ ထႅင်ႈ။ ၼၢင်းယိင်းလုၵ်ႈၸုမ်းၾၢႆႇၸွႆႈထႅမ်ၵူၼ်းထူပ်းၽေးၽႅၼ်ႇလိၼ်ဝႆ လၢတ်ႈၽူႈတွႆႇႁွၵ်ႈဝႃႈ -“ လွင်ႈတၢင်းမႆႈၼႆႉ ဢၼ်ၼိုင်ႈယဝ်ႉ ဢၼ်ၼိုင်ႈ ၊ ပူၼ်ႉမႃးသွင်ဝၼ်းၼႆႉၵူၺ်း ဢွင်ႈတီႈပၢင်သဝ်းသုမ်ႉသွင်းၸိူဝ်းၼၼ်ႉ ဢမ်ႇမီးၽႃႈသိူဝ်ႇ ၽႃႈႁူမ်ႇၶူဝ်းၼွၼ်းၼႆလႄႈ...

ၾၢႆႇၼပ်ႉသၢင်ႈၶူၼ်ႉၶႂႃႉၾိင်ႈၾႃႉရႃႇသီႇမိူင်းမၢၼ်ႈပိုၼ်ၽၢဝ်ႇ ၾူၼ်လူင်လူမ်းယႂ်ႇတေၽတ်ႉပဝ်ႇႁၢင်လိူၼ်ၼႆႉ။ ၾၢႆႇၼပ်ႉသၢင်ႈၶူၼ်ႈၶႂႃႉၾိင်ႈၾႃႉရႃႇသီႇမိူင်းမၢၼ်ႈပိုၼ်ၽၢဝ်ႇမိူဝ်းဝႃးဝၼ်းတီႈ 24/09/2023 ဝႃႈ တႄႇဢဝ်ဝၼ်းတီႈ 28 လိူၼ်သႅပ်ႊထႅမ်ႊပိူဝ်ႊ တေႃႇထိုင်ဝၼ်းတီႈ 3 ဢွၵ်ႊထူဝ်ႊပိူဝ်ႊၼႆႉ ၾူၼ်လူင်လူမ်းလႅင်ႉဢၼ်လုၵ်ႉၼႃႈဝၼ်းဢွၵ်ႇပွၵ်ႈမႃးတၢင်းတူၵ်းၼၼ်ႉ တေၽတ်ႉပဝ်ႇၼႂ်းလၢႆၸႄႈမိူင်းလႄႈတိူင်း ႁႂ်ႈဢွၼ်ၵၼ်ၾၢင်ႉတႃႇဢွၵ်ႇတႃႈပႆတၢင်းလႄႈတႃႇၵႂႃႇႁဵတ်းၵၢၼ်ဝႃႈၼႆဝႆႉ။ လူမ်းလႅင်ႉၼႆႉတေလုၵ်ႉတၢင်းၸဵင်ႇၸၢၼ်းဝၼ်းဢွၵ်ႇၶိုၼ်ႈမႃးလႄႈ ဢၼ်တေတုမ်ႉတိူဝ်ႉၵမ်းသိုဝ်ႈ တေပဵၼ် တိူင်းတၼၢဝ်းသီ တိူင်းပႃႇၵိူဝ်၊ ဢီႊရႃႊဝတီႇ(တိူင်းၼမ်ႉၵဵဝ်) ၊ မိူင်းယၢင်းၽိူၵ်ႇ မိူင်းမွၼ်းလႄႈမိူင်းတႆးပွတ်းၸၢၼ်း ပွတ်းဢွၵ်ႇၵမ်ႈၽွင်ႈ။ လၢမ်းၶၢတ်ႈႁႅင်းလူမ်းၽတ်ႉပဝ်ႇ တီႈၸၢႆးၾင်ႇပၢင်ႇလၢႆႇ...

ၾူၼ်ႁႃႇယႂ်ႇလူမ်းပတ်ႉႁႅင်း လိၼ်ၵူၼ်ႇပင်းသႂ်ႇႁိူၼ်းၵူၼ်းမိူင်းၸႄႈဝဵင်းတႃႈၶီႈလဵၵ်း 2 ၵေႃႉၽူဝ်မေးတၢႆထင်တီႈ။ မိူဝ်ႈၼႆႉ ဝၼ်းတီႈ 14/5/2023  ယၢမ်းႁူဝ်ၼႂ်ၸဝ်ႉ 4 မူင်း ၾူၼ်လူင်လူမ်းႁႅင်းလႄႈ ၵွင်လိၼ်လူင် ၵူၼ်ႇပင်းတဵင်သႂ်ႇ ႁိူၼ်းလင်ၼိုင်ႈ တီႈပွၵ်ႉသၼ်သၢႆး (ၶ) ၸႄႈဝဵင်းတႃႈꧠီႈလဵၵ်း   2 ၵေႃႉၽူဝ်မေး  တၢႆၶမ် ၵွင်လိၼ်။ ၵူၼ်းၼႂ်းပိုၼ်ႉတီႈဝဵင်းတႃႈၶီႈလဵၵ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - ၸႂ်ႈဢေႃႈ ႁိူၼ်းၼႆၵေႃႈ ဢမ်ႇၸၢင်ႈဝႃႈလီလီ...

ၾူၼ်ႁႃႇယႂ်ႇလူမ်းလူင်ၽတ်ႉႁႅင်းသေ ဝတ်ႉဝႃးၽႃသိူဝ်ႇလႄႈ လင်ႁိူၼ်းၵူၼ်းမိူင်း ၼႂ်းၸႄႈဝဵင်းမိူင်းသၢတ်ႇ လူႉၵွႆၼမ်။ မိူဝ်ႈဝႃး ဝၼ်းတီႈ 8/5/2023 ယၢမ်းႁူဝ်ၶမ်ႈ 4 မူင်းပၢႆၼၼ်ႉ ၾူၼ်ႁႃႇယႂ်ႇလူမ်းလူင်ၽတ်ႉႁႅင်းသေ ဝတ်ႉဝႃးၽႃသိူဝ်ႇလႄႈ လင်ႁိူၼ်းၵူၼ်းမိူင်း ပွၵ်ႉဝဵင်းၵွင်း ၊ ပွၵ်ႉဝဵင်းၼိူဝ် ၼႂ်းၸႄႈဝဵင်းမိူင်းသၢတ်ႇ လူႉၵွႆၼမ်။ ၵူၼ်းၼႂ်းပိုၼ်ႉတီႈဝဵင်းမိူင်းသၢတ်ႇၵေႃႉၼိုင်ႈလၢတ်ႈတီႈ ၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၾူၼ်လူင်လူမ်းလူင်ႁႅင်းၼႃႇလႄႈ ႁိူၼ်းၼႂ်းဝၢၼ်ႈႁဝ်းၵွႆၼမ်ဝႆႉဢေႃႈ။မၢင်ႁိူၼ်း လဵၵ်းၽိူၵ်ႇမုင်းႁိူၼ်းၸိူဝ်းၼႆႉ...

ၾူၼ်တူၵ်းႁႅင်း လိၼ်လွႆၵူၼ်ႇသႂ်ႇတၢင်းၵႃးၼႂ်းၵႄႈ လွႆလႅမ်- မိူင်းပွၼ် ၊ ၵူၼ်းၵႃႉ ၸဝ်ႈၵႃးၵႂႃႇမႃးယၢပ်ႇၽိုတ်ႇ ၶၢဝ်းတၢင်းၶွင်ႉၶမ်  ၵူၼ်းမိူင်းၶႂ်ႈႁႂ်ႈ ၾၢႆႇၽွင်းငမ်းမိူင်း တူၺ်းလူၸွႆႈထႅမ်ႁႄႉၵင်ႈပၼ်ယႃႇႁႂ်ႈမီးလွင်ႈ   ၵိတ်ႇၶႂၢင်လွင်ႈၵႂႃႇမႃး။ ဝၼ်းသဝ်လႄႈဝၼ်းတိတ်ႉ ၾူၼ်တူၵ်းႁႅင်း ၶၢဝ်းတၢင်းသွင်ဝၼ်းသေ ထိုင်မႃးမိူဝ်ႈဝႃး ဝၼ်းတီႈ 10/10/2022 ၵၢင်ၼႂ်ၸဝ်ႉ လိၼ်လွႆၵူၼ်ႇၼႂ်းၵႄႈသဵၼ်ႈတၢင်း တူၼ်ႈတီး-လွႆလႅမ် လွင်ႈၵႂႃႇမႃးၸဝ်ႈၵႃးၶဝ် ၶၢင်ႉၶမ် ပိၵ်ႉတၼ်ၵႂႃႇသေ လႆႈပႂ်ႉ...