ၾူၼ်တူၵ်းဢမ်ႇထၢတ်ႇ ၼမ်ႉၼွင်းလိၼ်ၵူၼ်ႇ တီႈဝဵင်းတူၼ်ႈတီး ႁဵတ်းႁႂ်ႈႁိူၼ်း ၵူၼ်ႇပင်းလူႉၵွႆၵႂႃႇလူဝ်ႇတင်းၸွႆႈထႅမ်ဝႆႉ ဝႃႈၼႆ ။
မိူဝ်ႈဝႃး ဝၼ်းတီႈ 11/10/2025 ယၢမ်းဝၢႆးဝၼ်း 4 မူင်း ၾူၼ်တူၵ်းဢမ်ႇထၢတ်ႇ ၼမ်ႉၼွင်းၶဝ်ႈ ၼႂ်းပွၵ်ႉၼႂ်းယွမ်လၢႆလၢႆပွၵ်ႉသေ ႁဵတ်းႁႂ်ႈႁိူၼ်းၼႂ်းပွၵ်ႉ ၺွင်ႇၽိဝ်ႇသၶၢၼ်း ဢၼ်မီးႁိမ်းၸမ် ဝတ်ႉၵျွင်း ဢွင်ႇမင်ၵလႃႇၼၼ်ႉၵူၼ်ႇပင်းၵႂႃႇၼိုင်ႈလင် ၊ ထိုင်ယၢမ်းလဵဝ် ဢမ်ႇမီးၵူၼ်းၵႂႃႇၸွႆႈထႅမ်လႄႈ လူဝ်ႇတင်းၸွႆႈထႅမ်ဝႆႉ ၼႆယဝ်ႉ ။
ၵူၼ်းၸၢႆးပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ ႁိူၼ်းဢၼ်ၵူၼ်ႇၵႂႃႇၼၼ်ႉမီးတင်းၼိူဝ် တီႈသုင် ၊ တီႈႁိူၼ်းၼၼ်ႉ ဢမ်ႇမီးၵူၼ်းယူႇလႄႈ ၵူၼ်းမၢတ်ႇၸဵပ်းတႄႉ ဢမ်ႇမီး ၊ ယွၼ်ႉၵူၼ်ႇလူင်းတင်းတႂ်ႈလႄႈ ႁိူၼ်းတင်းတႂ်ႈမၼ်းၸိူဝ်းၼၼ်ႉၵေႃႈ လူႉၵွႆပႃးၸွမ်း ၊ ၵူၼ်ႇၸဵမ်မိူဝ်ႈဝႃးပုၼ်ႉ ဢမ်ႇမီးၸုမ်းလႂ် မႃးၸွႆႈထႅမ်ပၼ် လူဝ်ႇတင်းၸွႆႈထႅမ်ဝႆႉ ”- ဝႃႈၼႆ ။
တီႈဝဵင်းတူၼ်ႈတီးၼႆႉ ပေႃးပဵၼ်ၾူၼ်တူၵ်းဢမ်ႇထၢတ်ႇၼႆၸိုင်ႇ ၽေးၼမ်ႉထူမ်ႈၼမ်ႉၼွင်း ၊ လိၼ်ၵူၼ်ႇ ႁိူၼ်းယေးလူႉၵွႆၼႃႇလႄႈ ႁိူၼ်းဢၼ်မီးတီႈသုင်ႁိမ်းၾၢင်ႇၼမ်ႉၸိူဝ်းၼၼ်ႉ လီၾၢင်ႉသေယူႇသဝ်းၵၼ်- ၵူၼ်းပိုၼ်ႉတီႈလၢတ်ႈ ။
တီႈဢၼ်လိၼ်ၵႆႉၵူၼ်ႇ တီႈဝဵင်းတူၼ်ႈတီး ပဵၼ် ၼႂ်းပွၵ်ႉ ၸဝ်ႈၸၢမ်ႇထုၼ်း ၊ ပွၵ်ႉၺွင်ႇၽိဝ်ႇသၶၢၼ်း ၊ ပွၵ်ႉၵျွင်းၵျီးသူႉ ဢၼ်မီးႁိမ်းၸမ်ၾၢင်ႇၼမ်ႉ ၸိူဝ်းၼၼ်ႉ ၼႆယဝ်ႉ ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ