ၼႂ်းပီၼႆႉ ၵူၼ်းမိူင်းၶႄႇ ၸိူဝ်းသိုဝ်ႉႁွင်ႈသဝ်းၶွၼ်ႊတူဝ်ႊ တီႈဝဵင်းၵဵင်းမႂ်ႇ မိူင်းထႆး လူတ်းယွမ်းၵႂႃႇႁႅင်းသေ ၵူၼ်းမိူင်း ႁူမ်ႈတုမ်မၢၼ်ႈ လႄႈ မိူင်းဢမေႊရိၵၼ်ႊ သိုဝ်ႉယူႇသဝ်းၼမ်မႃး ဝႃႈၼႆ။ မိူဝ်ႈၵူႈပွၵ်ႈပူၼ်ႉမႃး ၵူၼ်းမိူင်းၸိူဝ်းသိုဝ်ႉႁွင်ႈၶွၼ်ႊတူဝ်ႊၼမ်လိူဝ်ပိူၼ်ႈ ၼႂ်းဝဵင်းၵဵင်းမႂ်ႇ မိူင်းထႆးၼႆႉ ပဵၼ်ၵူၼ်းမိူင်းၶႄႇ။ ၵူၺ်းၵႃႈယၢမ်းလဵဝ် ၵူၼ်းမိူင်းၶႄႇဢၼ်သိုဝ်ႉၶွၼ်ႊတူဝ်ႊ လူတ်းယွမ်းလူင်းၵႂႃႇႁႅင်းဝႆႉ - သုၼ်ၶေႃႈမုလ်းၾၢႆႇသိုဝ်ႉၶၢႆ ၼင်လိၼ် ႁိူၼ်းယေးၼႂ်းမိူင်းထႆး (REIC)...

သင်ဢမေႊရိၵၼ်ႊ ၵိုတ်းလွင်ႈတုၵ်းယွၼ်း ႁႂ်ႈၶူဝ်ႊရီႊယိူဝ်ႊႁွင်ႇ ပွႆႇၽႃႈပႅတ်ႈ လွင်ႈၶိူင်ႈယိပ်းၵွင်ႈၵၢင်ႇ ၶိူင်ႈၼိဝ်ႊၶလီႊယႃႊၼၼ်ႉၸိုင် ၶူဝ်ႊရီႊယိူဝ်ႊႁွင်ႇ တိုၼ်းတူဝ်ႈတၼ်းဝႆႉ တႃႇဢုပ်ႇၵုမ်ၵၼ်တင်း ဢမေႊ ရိၵၼ်ႊယူႇ ဝႃႈၼႆ။ ၽူႈဢွၼ်ႁူဝ် မိူင်းၶူဝ်ႊရီႊယိူဝ်ႊႁွင်ႇ ၶိမ်ႊၵျွင်ႊဢိုၼ်ႊ Kim Jong Un လၢတ်ႈဝႃႈ - တႃႇမိူင်းၶူဝ်ႊရီႊယိူဝ်ႊႁွင်ႇ တေပူၼ်ႉ လွတ်ႈ လွင်ႈပိၵ်ႉဢိုတ်းႁႅတ်ႉႁၢမ်ႈၼၼ်ႉ တိုၼ်းတေဢမ်ႇဢဝ်ၶိူင်ႈၼိဝ်ႊၶလီႊယႃႊ...

ၸွမ်ၸိုင်ႈမိူင်းဢမေႊရိၵၼ်ႊ တေႃႊၼႄႊထရမ်ႉ မၵ်းမၼ်ႈၸိုင်ႈမိူင်း 23 မိူင်း ပႃးမိူင်းႁူမ်ႈတုမ်မၢၼ်ႈ၊ မိူင်းဢိၼ်းတီးယိူဝ်းလႄႈ မိူင်းပႃႊၵိတ်ႊသတၼ်ႊ ပဵၼ်မိူင်းႁဵတ်းဢွၵ်ႇပိုၼ်ၽႄႈယႃႈမဝ်းၵမ် ဢမ်ႇၼၼ် တေႃႉသူင်ႇၵႃႉၶၢႆယႃႈမဝ်းၵမ်ၶၢမ်ႈလႅၼ်လိၼ် ဝႃႈၼႆ။ လွင်ႈၼႆႉ ၸွမ်ၸိုင်ႈထရမ်ႉ လႆႈတႅပ်းတတ်းယိုၼ်ႈတၢင်ႇၵႂႃႇတီႈ United States Congress ၼႂ်းဝၼ်းတီႈ 15 လိူၼ်သႅပ်ႊထႅမ်ႊပိူဝ်ႊၼႆႉ - ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း မိူင်းဢမေႊရိၵၼ်ႊ ပိုၼ်ၽၢဝ်ႇဝႆႉၼင်ႇၼႆ။ ၼႂ်း...

ပူၼ်ႉမႃးလိူၼ်ၵျူႊလၢႆႊ လိူၼ်ဢေႃႊၵတ်ႊသ် ပီၼႆႉ ၸွမ်ၸိုင်ႈမိူင်းဢမေႊရိၵၼ်ႊ ပိုၼ်ၽၢဝ်ႇတႃႇတိူဝ်းၵဵပ်း ၶွၼ်ႇၼိူဝ်လၢႆလၢႆၸိုင်ႈမိူင်းၼႂ်းလုမ်ႈၾႃႉ။ ႁဵတ်းႁႂ်ႈသုၵ်ႉယုင်ႈတူၵ်းၸႂ်လႂ်တိုၼ်ႇၵၼ်ၵႂႃႇမူတ်း။ ၽွင်းၶၢဝ်း ပၢႆးမၢၵ်ႈမီးလုမ်ႈၾႃႉတူၵ်းယူႇယၢမ်းလဵဝ် ဢမေႊရိၵၼ်ႊသမ်ႉ ပိုၼ်ၽၢဝ်ႇၸိူင်ႉၼႆၼႆႉ ႁဵတ်းႁႂ်ႈၵူၼ်းမိူင်း ၸိူဝ်းယူႇၼႂ်းၸိုင်ႈမိူင်းဢၼ်တိုၵ်ႉႁုၼ်ႈမုၼ်းယူႇၸိူဝ်းၼၼ်ႉၵေႃႈ ပဵၼ်ဢၼ်မႆႈၸႂ်သုၵ်ႉၸႂ်။ ၶၼ်ၶွၼ်ႇလုမ်ႈၾႃႉသုင် ၼႂ်းဝၼ်းမိူဝ်ႈၼႆႉ ၽႂ်တေပဵၼ်ၵေႃႉလႆႈ ၼမ်ႉတွၼ်းၽွၼ်းလီ။ ၽႂ်တေပဵၼ်ၵူၼ်းၵိၼ်းၸႂ် ၼႆယဝ်ႉ။ ၵဵဝ်ႇလူၺ်ႈ ၸွမ်ၸိုင်ႈမိူင်းဢမေႊရိၵၼ်ႊ တူဝ်ႊၼေႃႊ ထရမ်ႉ...

တႄႇဢဝ်ဝၼ်းတီႈ 25/08/2025 ၼႆႉၵႂႃႇ ဢမေႊရိၵၼ်ႊလႄႈ ဢိၼ်ႇတူဝ်ႇၼီးသျႃး ႁူမ်ႈၵၼ်တင်းၸိုင်ႈမိူင်း ၸိူဝ်းပဵၼ်ဢူၺ်းလီၵၼ် 11 မိူင်းသေ တႄႇၾိုၵ်းၽွၼ်ႉၵၢၼ်သိုၵ်းၵႂႃႇ တႃႇၶၢဝ်းတၢင်း ၼိုင်ႈဝူင်ႈ ဝႃႈၼႆ။ လွင်ႈႁူမ်ႈၵၼ်ၾိုၵ်းၽွၼ်ႉၵၢၼ်သိုၵ်း ပွၵ်ႈၼႆႉ ယိူင်းဢၢၼ်းတႃႇႁႂ်ႈၼႂ်းပိုၼ်ႉတီႈ ဢေးသျႃး - ပၸိၾိၵ်ႉ မီးလွင်ႈၵတ်းယဵၼ်ၼိမ်သဝ်း ၼႆယဝ်ႉ။ ပၢင်ၾိုၵ်းၽွၼ်ႉၵၢၼ်သိုၵ်း “Super Garuda Shield” ၼႆႉ...

ဢမေႊရိၵၼ်ႊ ပိုၼ်ၽၢဝ်ႇယုၵ်ႉလိူၵ်ႈပႅတ်ႈ ဝီႊသႃႊႁဵၼ်းလိၵ်ႈ လုၵ်ႈႁဵၼ်း 6,000 ပၢႆ ယွၼ်ႉႁဵတ်းၽိတ်းပူၼ်ႉပႅၼ်ပၵ်းပိူင်မၢႆမီႈ ၼႂ်းမိူင်းၶဝ် ဝႃႈၼႆ။ ၽွင်းလူင် ႁွင်ႈၵၢၼ်ၾၢႆႇၼွၵ်ႈမိူင်း မိူင်းဢမေႊရိၵၼ်ႊလၢတ်ႈဝႃႈ - ယွၼ်ႉလုၵ်ႈႁဵၼ်းၸိူဝ်းၼၼ်ႉ ႁဵတ်းၽိတ်းပူၼ်ႉပႅၼ်ပၵ်းပိူင်မၢႆမီႈ မိူင်းဢမေႊရိၵၼ်ႊလႄႈ ယူႇသဝ်းပူၼ်ႉလိူဝ်ၶၢဝ်းယၢမ်း (Overstay) - ဝႃႈၼႆ။ ၼႂ်းၼၼ်ႉ ၵမ်ႈၼမ်ပဵၼ်လုၵ်ႈႁဵၼ်း ၸိူဝ်းမီးဝႆႉပိုၼ်းႁဵတ်းၽိတ်းပၵ်းပိူင်မၢႆမီႈ မိူၼ်ၼင်ႇ ၽိတ်း မေႃးႁဵတ်းႁၢႆႉၵၼ်၊...

ဢမေႊရိၵၼ်ႊတင်း ၵျပၼ်ႊ တူၵ်းလူင်းလႆႈၸႂ် လူင်းလၢႆးမိုဝ်းႁူမ်ႈၵၼ်ဝႃႈ လွင်ႈတေၵဵပ်းၶွၼ်ႇ ၶူဝ်းၵုၼ်ႇမိူင်းၵျပၼ်ႊ ၸိူဝ်းသူင်ႇၶၢႆၶဝ်ႈၼႂ်းမိူင်းဢမေႊရိၵၼ်ႊၵႂႃႇ တႃႇ 15% ဝႃႈၼႆ။ ဝၼ်းတီႈ 22/07/2025 ၼႆႉ ၸွမ်ၸိုင်ႈမိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉ တႅမ်ႈတၢင်ႇတီႈ ၼိူဝ်သိုဝ်ႇတူင်ႇဝူင်းၵူၼ်းမၼ်းၸၢႆးဝႃႈ - တီႈၼႂ်းၶေႃႈတူၵ်းလူင်းၵၼ်ၼၼ်ႉ ပႃးလွင်ႈမိူင်းၵျပၼ်ႊ တေလူင်းတိုၼ်းလၢင်း ၼႂ်းမိူင်းဢမေႊရိၵၼ်ႊ တႃႇငိုၼ်းဢမေႊရိၵၼ်ႊ 550...

ဝၼ်းတီႈ 09/07/2025 ၼႆႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တႅမ်ႈလိၵ်ႈတုမ်ႉတွပ်ႇသူင်ႇထိုင် တီႈလူင်ပွင်ၸိုင်ႈမိူင်းဢမေႊရိၵၼ်ႊ ၸွမ်ၸိုင်ႈ ၻူဝ်ႊၼေႃႊ ထရမ်ႉဝႃႈ ႁႂ်ႈလူတ်းပၼ်ၶွၼ်ႇၵႃႉၶၢႆၵုၼ်ႇ တီႈမိူင်းမၢၼ်ႈ တႃႇ 10 ဝၢၵ်ႈ (%) ဢမ်ႇၼၼ် 20 ဝၢၵ်ႈ (%) သေ ၾၢႆႇမိူင်းႁူမ်ႈတုမ် (မိူင်းမၢၼ်ႈ) မီးၵၢင်ၸႂ်ၶႂ်ႈသူင်ႇတူဝ်တႅၼ်း...

ဝၼ်းတီႈ 08/07/2025 ၼႆႉ သိုၵ်းမၢၼ်ႈ ပိုၼ်ၽၢဝ်ႇဢွၵ်ႇဝႃႈ လႆႈႁပ်ႉလိၵ်ႈပွင်ႇလႅင်း ဢၼ်ၸွမ်ၸိုင်ႈမိူင်း ဢမေႊရိၵၼ်ႊ ၻူဝ်ႊၼေႃႊ ထရမ်ႉ သူင်ႇယိုၼ်ႈမႃး လွင်ႈတႃႇၵဵပ်းၶွၼ်ႇၽိူမ်ႉၼၼ်ႉယဝ်ႉသေ တေႁၢင်ႈႁႅၼ်းဢုပ်ႇဢူဝ်းငူပ်ႉငီႉၵၼ်ၵႂႃႇ ၼႆယဝ်ႉ။ ၸွမ်သိုၵ်းၸေႃႇမိၼ်းထုၼ်း ၽူႈၶၢၼ်ပၢၵ်ႇ တပ်ႉသိုၵ်းမၢၼ်ႈ မွၵ်ႇလၢတ်ႈဝႃႈ -“ႁဝ်းၶႃႈ လႆႈႁပ်ႉလိၵ်ႈ ဢၼ်ပွင်ႇလႅင်းမႃးၼၼ်ႉလီငၢမ်းယဝ်ႉ။ ၵဵဝ်ႇၵပ်းလူၺ်ႈလိၵ်ႈၼႆႉသေ တွၼ်ႈတႃႇမိူင်းမၢၼ်ႈၼႆႉ ပဵၼ်လွင်ႈလီသုတ်း ၶဝ်ႈပႃးၼႂ်းၶၵ်ႉၵၢၼ်တႃႇတေလႆႈငူပ်ႉငီႉၵၼ်ၵႂႃႇ...

တႄႇဢဝ် ဝၼ်းတီႈ 01/08/2025 လိူၼ်ၼႃႈၼႆႉၵႂႃႇ မိူင်းဢမေႊရိၵၼ်ႊ တေတိူဝ်းၵဵပ်းၶွၼ်ႇၶူဝ်းၵုၼ်ႇ တီႈမိူင်းမၢၼ်ႈ တႃႇ 40 % ဢၼ်တေႃႉသူင်ႇၶၢႆၶဝ်ႈ ၼႂ်းမိူင်းဢမေႊရိၵၼ်ႊ ဝႃႈၼႆ။ လွင်ႈၸွမ်ၸိုင်ႈ ၻူဝ်ႊၼေႃႊ ထရမ်ႉ တေတိူဝ်းၵဵပ်းၶွၼ်ႇၼိူဝ်ၶူဝ်းၵုၼ်ႇၼႆႉ ယူႇတီႈ မိူင်းဢမေႊရိၵၼ်ႊ လႆႈသူင်ႇၽိုၼ်လိၵ်ႈမႃးတီႈ ႁူဝ်ၼႃႈသိုၵ်းမၢၼ်ႈ ယိုတ်းမိူင်း ၼႂ်းဝၼ်းတီႈ 07/07/2025 ၼႆႉ...

ဝၼ်းတီႈ 22/06/2025 ၶၢဝ်းယၢမ်းမိူင်းဢီႊရၢၼ်ႊ ၵၢင်ၼႂ် 2 မူင်းပၢႆ 10 မိၼိတ်ႉၼၼ်ႉ မိူင်းဢမေႊရိၵၼ်ႊ ၸႂ်ႉၶိူင်ႈမိၼ် B-2 သေ ပွႆႇမၢၵ်ႇသႂ်ႇ ၼႂ်းဢွင်ႈတီႈၶူၼ်ႉၶႂႃႉ ၵဵဝ်ႇၵပ်းပၢႆးသၢႆႊ ၼိဝ်ႊၶလီႊယိူဝ်ႊ ၼႂ်းမိူင်းဢီႊရၢၼ်ႊ။ ၶိူင်ႈမိၼ်ဢမေႊရိၵၼ်ႊၼၼ်ႉ ပွႆႇမၢၵ်ႇသႂ်ႇ 2 လုၵ်ႈ ဢၼ်မီးၼမ်ႉၼၵ်းပွၼ်ႊ 3 မိုၼ်ႇ။...

ဝၼ်းတီႈ 04/06/2025 ၼႆႉ တီႈႁိူၼ်းႁေႃၶၢဝ် မိူင်းဢမေႊရိၵၼ်ႊ ပိုၼ်ၽၢဝ်ႇဝႃႈ - ယူႇတီႈ မိူင်းဢမေႊရိၵၼ်ႊ ပိၵ်ႉဢိုတ်းပႅတ်ႈ လွင်ႈပၼ်ၶႂၢင်ႉၵူၼ်းမိူင်း 12 ၸိုင်ႈမိူင်း ၶဝ်ႈမိူင်းၶဝ် ၼႂ်းၼၼ်ႉ ပႃးၵူၼ်းမိူင်းမၢၼ်ႈ မိူင်းၼိုင်ႈ ဝႃႈၼႆ။ ၵူၼ်းမိူင်းမၢၼ်ႈ ၸိူဝ်းၸႂ်ႉဝီႊသႃႊဢႅဝ်ႇလႄႇ၊ ဝီႊသႃႊလုၵ်ႈႁဵၼ်းသေ ၶဝ်ႈၵႂႃႇယူႇသဝ်း ပူၼ်ႉလိူဝ် ၶၢဝ်းယၢမ်း ၼမ်ၶိုၼ်ႈမႃး၊ ၾၢႆႇၼိုင်ႈၵေႃႈ...

ၼႂ်းဝူင်ႈဝၢင်ႈၼႆႉ ၸွမ်ၸိုင်ႈမိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉလႄႈ ၸွမ်ၸိုင်ႈမိူင်းၶႄႇ သျီၵျိၼ်ႉၽိင် တေဢုပ်ႇဢူဝ်းၵၼ် ၵဵဝ်ႇၵပ်းလွင်ႈ ၵၢၼ်ၵႃႉၶၢႆ ၼႂ်းၵႄႈသွင်ၸိုင်ႈမိူင်းၼႆ ၽူႈမီး ပုၼ်ႈၽွၼ်း တီႈႁိူၼ်းႁေႃၶၢဝ် ၵေႃႉၼိုင်ႈ ယိုၼ်ယၼ်လၢတ်ႈဝႆႉၼင်ႇၼႆ။ မိူဝ်ႈလိူၼ်မေႊ ပူၼ်ႉမႃးၼႆႉ ၵဵဝ်ႇၵပ်းလွင်ႈ ၵၢၼ်ၵႃႉၶၢႆသေ မိူင်းဢမေႊရိၵၼ်ႊတင်း မိူင်းၶႄႇ ႁူပ်ႉဢုပ်ႇၵၼ် တီႈၵျီႊၼီႊပႃ မိူင်းသုတ်ႊသလၼ်ႊ။ တီႈပၢင်ဢုပ်ႇဢူဝ်းၼၼ်ႉ...

ရူတ်ႉၵႃးထရႅၵ်ႉ တၢင်ႇၽိုင်ႈ လမ်းၼိုင်ႈ ပိၼ်ႈၶွမ်ႈ တီႈၼိူဝ်သဵၼ်ႈတၢင်းလူင် ၼႂ်းၸႄႈတွၼ်ႈ ဝေႃႊသျိၼ်ႊတၼ်ႊ မိူင်းဢမေႊရိၵၼ်ႊ - လႅၼ်လိၼ်တိတ်းၸပ်း မိူင်းၶၼေႊတိူဝ်ႊ။ ၽိုင်ႈ လွတ်ႈဢွၵ်ႇၵႂႃႇ 250 လၢၼ်ႉတူဝ်၊ ၸဝ်ႈၼႃႈတီႈၶဝ် ပၼ်ၾၢင်ႉၵူၼ်းမိူင်း ၸိူဝ်းယူႇသဝ်းၼႂ်းပိုၼ်ႉတီႈ ႁႂ်ႈငိူင်ႉဝႄႈ ဢွင်ႈတီႈ ပဵၼ်ၽေးၵိုင်ႉၵၢင်ႉၼၼ်ႉ ဝႃႈၼႆ။ ဝၢႆးလင် ပဵၼ်ၽေးၵိုင်ႉၵၢင်ႉယဝ်ႉ ၽူႈႁၢပ်ႇၵၢၼ်...

ဢီႊလုၼ်ႊမၢၵ်ႉသ် ၽူႈမၢၵ်ႈမီးသုင်သုတ်း ၼႂ်းလုမ်ႈၾႃႉ ဢၼ်ဢွၼ်ႁူဝ် ႁွင်ႈၵၢၼ် (DOGE) လူင်ပွင်ၸိုင်ႈ မိူင်းဢမေႊရိၵၼ်ႊၼၼ်ႉ ယိုၼ်ယၼ်လၢတ်ႈဝႃႈ ၼႂ်းဢမ်ႇႁိုင်သင်ၼႆႉ တေၵိုတ်းလိုဝ်ႈ ၼႃႈၵၢၼ်ပုၼ်ႈၽွၼ်းသေ ဢွၵ်ႇယၢၼ်ႁိူၼ်းႁေႃၶၢဝ် ၸွမ်ၸိုင်ႈဢမေႊရိၵၼ်ႊၵႂႃႇယဝ်ႉ ဝႃႈၼႆ။ မၼ်းၸၢႆးတႅမ်ႈတၢင်ႇဝႆႉတီႈၼိူဝ် သိုဝ်ႇတူင်ႇဝူင်း X သုၼ်ႇတူဝ်မၼ်းဝႃႈ - ၶၢဝ်းယၢမ်း ဢၼ်လႆႈ ႁပ်ႉပုၼ်ႈၽွၼ်းပဵၼ် ၽူႈႁၢပ်ႇၵၢၼ်ၶိုၵ်ႉတွၼ်း လူင်ပွင်ၸိုင်ႈ...