ယွၼ်ႉလူမ်းလႅင်ႉတၢႆႊၾူၼ်ႊ ၵႃႇၵျီႇၵီႇ (KAJIKI) ဢၼ်ပတ်ႉထွင်းယူႇတီႈ ၼႂ်းပၢင်ႇလၢႆႇၶႄႇပွတ်းၸၢၼ်းၼၼ်ႉသေ တီႈၼႂ်းမိူင်းႁူမ်ႈတုမ်မၢၼ်ႈ ဢိၵ်ႇပႃးမိူင်းတႆး ၾူၼ်တေတူၵ်းႁႅင်း၊ တေၸၢင်ႈမီးၽေး ၼမ်ႉၼွင်းထူမ်ႈ၊ လိၼ်ႇၵူၼ်ႇပင်း ဝႃႈၼႆ။ ဢူးၵျေႃႇမူဝ်းဢူး ၽူႈၵုမ်းၸီႉသင်ႇ တီႈႁွင်ႈၵၢၼ် ၾၢႆႇၾိင်ႈၾႃႉရႃႇသီႇမိူင်းမၢၼ်ႈ လၢတ်ႈဝႃႈ - ၼႂ်းၶမ်ႈဝၼ်းတီႈ 25 ၼႆႉ လူမ်းလႅင်ႉ ၵႃႇၵျီႇၵီႇ တေၽတ်ႉထွင်းၶဝ်ႈ ၼႂ်းမိူင်းဝႅတ်ႉၼၢမ်း...

တႄႇဝၼ်းတီႈ 04/08/2025 ၼႆႉမႃး ပၢင်ၵုမ်ၶိုၵ်ႉတွၼ်း တႃႇဢုပ်ႇဢူဝ်းၵႄႈလိတ်ႈပၼ်ႁႃ ၵၢၼ်သိုၵ်း၊ ၵၢၼ်မိူင်း ၼႂ်းမိူင်းႁူမ်ႈတုမ်မၢၼ်ႈၼႆသေ ႁူဝ်ပဝ်ႈ ၸုမ်းဢႃႊသီႊယၼ်ႊ ဢွၼ်ႁူဝ်ၼမ်းၼႃႈ ႁွင်ႉဢဝ်ၵူႈမူႇၵူႈၸုမ်း ၸိူဝ်းၵဵဝ်ႇၶွင်ႈ ၶဝ်ႈႁူမ်ႈပၢင်ၵုမ်ၸွမ်း တီႈႁူင်းႁႅမ်း Putrajaya Marriott ဝဵင်းၵူဝ်ႊလူဝ်ႊလမ်ႊပူဝ်ႊ မိူင်းမလေးသျႃး။ ၼႂ်းပၢင်ၵုမ်ၶိုၵ်ႉတွၼ်း တႃႇဢုပ်ႇဢူဝ်းၵႄႈလိတ်ႈပၼ်ႁႃ ၵၢၼ်သိုၵ်း၊ ၵၢၼ်မိူင်း မိူင်းမၢၼ်ႈၼၼ်ႉ မီးၶွင်ႇသီႇၵိူဝ်းၵုမ်လွင်ႈၽွမ်ႉႁူမ်ႈ...

ၶွင်ႇသီႇႁွင်ႈၵၢၼ်ၾၢႆႇသိုဝ်ႇၶၢဝ်ႇ မိူင်းႁူမ်ႈတုမ် (MPC) ဢၼ်ယူႇတႂ်ႈ ဢႃႇၼႃႇသိုၵ်းမၢၼ်ႈ ယိုတ်းမိူင်း မိၼ်းဢွင်ႇလၢႆႇလႄႈ ၶွင်ႇသီႇႁွင်ႈၵၢၼ်ၾၢႆႇသိုဝ်ႇၶၢဝ်ႇ မိူင်းထႆး (NPCT) ႁူမ်ႈ ၵၼ်လူင်းလၢႆးမိုဝ်း MOU တႃႇႁဵတ်းၵၢၼ်ငၢၼ်း ၵဵဝ်ႇလူၺ်ႈၵၢၼ်သိုဝ်ႇၶၢဝ်ႇၸိုင်ႈမိူင်း ၼႆယဝ်ႉ။ ဝၼ်းတီႈ 01/08/2025 ၼႆႉ ႁူဝ်ပဝ်ႈ ၶွင်ႇသီႇႁွင်ႈၵၢၼ်ၾၢႆႇသိုဝ်ႇၶၢဝ်ႇ မိူင်းႁူမ်ႈတုမ် (MPC) တွၵ်ႊတိူဝ်ႊ တိၼ်ႇထုၼ်းဢူး၊...

မိူဝ်ႈၼႆႉ ဝၼ်းတီႈ 31 လိူၼ်ၵျူႊလၢႆႊ သိုၵ်းမၢၼ်ႈယိုတ်းမိူင်း ႁွင်ႉဢဝ်ၶႃႈႁၢပ်ႇၵၢၼ်ၶုၼ် ၼႂ်းၸုမ်းလူင်ပွင်ၸိုင်ႈ ၸိူဝ်းယူႇတႂ်ႈဢၢမ်းၼၢတ်ႈၶဝ်သေ ၸတ်းပၢင်ၵုမ်တီႈၼေႇပျီႇတေႃႇ တႅပ်းတတ်းယုၵ်ႉလိူၵ်ႈၶေႃႈပိုၼ်ၽၢဝ်ႇ ငဝ်းလၢႆးၶိုၵ်ႉၶၵ်ႉ ၸိုင်ႈမိူင်း သေ ၸွမ်ၸိၵ်းသိုၵ်းမၢၼ်ႈ ၸီႉသင်ႇပုတ်ႈၶၢႆႉတၼ်းႁဵၼ်းတူဝ်ၵဝ်ႇၶိုၼ်း။ ပၢင်ၵုမ်ဝၼ်းမိူဝ်ႈၼႆႉ သိုၵ်းမၢၼ်ႈပိုၼ်ၽၢဝ်ႇဝႃႈ - “ ယူႇတီႈၸွမ်ပွင်ၵၢၼ်သိုၵ်း ဢၼ်လႆႈႁပ်ႉပုၼ်ႈၽွၼ်း ယိပ်းဢႃႇၼႃႇၸိုင်ႈမိူင်းမႃး တင်ႈတႄႇဝၼ်းတီႈ 1 လိူၼ်ၾႅပ်ႊပိဝ်ႊရီႊ...

ငိုၼ်းဢၼ်ၵူၼ်းမိူင်းၸၢႆႇယူႇၵူႈဝၼ်းၼႆႉ ၽႂ်ႁဵတ်းဢွၵ်ႇ ၊ မိူဝ်ႈလဵဝ်သမ်ႉပဵၼ်ၽႂ်ၵုမ်း ၼႆ ပဵၼ်ဢၼ်ၵူႈၵေႃႉတေၶႂ်ႈႁူႉ။ ငဝ်းလၢႆးမိူဝ်ႈလဵဝ် ဢိင်ၼိူဝ်ငိုၼ်းၽိူဝ်ႈငိုၼ်းၵႂ်ႈ ၶၼ်ငိုၼ်းတူၵ်းၼႆႉသေ ႁူင်းဢိတ်ႇဢွၵ်ႇငိုၼ်းမၢၼ်ႈ မီးလွင်ႈၶွင်ႈၶမ် လၢႆလွင်ႈဝႆႉ ။ သိုပ်ႇၵႂႃႇၼႃႈ ၵူၼ်းမိူင်းႁူမ်ႈတုမ် ယင်းတေလႆႈၸႂ်ႉတိုဝ်း ငိုၼ်းယွၵ်းငိုၼ်းသိၵ်ႇၵႂႃႇထႅင်ႈလူးၵွၼ်ႇဝႃႈၼႆ။ ႁူင်းၸၢၵ်ႈဢၼ် ဢိတ်ႇဢွၵ်ႇငိုၼ်းမၢင်ၸေႈ ဢၼ်ႁဝ်းႁွင်ႉၵၼ်ဝႃႈ ငိုၼ်းမၢၼ်ႈ ၼႆၼၼ်ႉ မီးၼႂ်းတိူင်းမၵူၺ်း ။...

ၶၼ်ၼမ်ႉမၼ်းလိပ်းလႄႈ ၼမ်ႉမၼ်းၸိူဝ်ႉၾႆးလုမ်ႈၾႃႉဝၼ်းမိူဝ်ႈၼႆႉပုင်ႈၶိုၼ်ႈသုင်ႁႅင်း ၊ ၼႂ်းဝူင်ႈတေမႃး ႁၢင်လိူၼ်ၵျူႊလၢႆႊၼႆႉ ၶၼ်ၼမ်ႉမၼ်းၸၢၵ်ႈၼႂ်းမိူင်းၸၢင်ႈပုင်ႈၶိုၼ်ႈသုင်ၼႆ သိုၵ်းမၢၼ်ႈယိုတ်းမိူင်းပိုၼ်ၽၢဝ်ႇဝႆႉၼႂ်းၽိုၼ်ၶၢဝ်ႇမျၢၼ်ႇမႃႉဢလိၼ်း ၼင်ႇၼႆ။ ဝၼ်းမိူဝ်ႈၼႆႉ ၶၼ်ၼမ်ႉမၼ်းၼႂ်းမိူင်း တီႈဝဵင်းတႃႈၵုင်ႈ ၼမ်ႉမၼ်း 95 ၼိုင်ႈလိတ်ႉ 3020 ပျႃး ။ ၼမ်ႉမၼ်း 92 ၼိုင်ႈလိတ်ႈ 2965 ပျႃး။ တီႈဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း ၼႂ်းဝၼ်းမိူဝ်ႈၼႆႉၶၼ်ၼမ်ႉမၼ်းရူတ်ႉ သႅၼ်း...

ၸဝ်ႈၼႃႈတီႈထႆး ၸိူဝ်းပႂ်ႉဢဝ်ႁူမ်ႇလူမ်ႈ ၼႂ်းၸႄႈဝဵင်းမႄႈသွတ်ႇ လႅၼ်လိၼ်ထႆး - မၢၼ်ႈၼၼ်ႉ ၵူတ်ႇထတ်းတီႉၺွပ်းလႆႈ ႁႅင်းၵၢၼ်ၵူၼ်းမိူင်းမၢၼ်ႈ 5 ၵေႃႉ ၸိူဝ်းဢမ်ႇမီးဝတ်းဝႂ်သင် ဝႃႈၼႆ။ ဝၼ်းတီႈ 14/07/2025 ယၢမ်းၵၢင်ၶမ်ႈ 7 မူင်းၶိုင်ႈ ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ႁႅင်းၵၢၼ်မိူင်းမၢၼ်ႈ 3 ၵေႃႉ တီႈၵဵတ်ႉလၢၼ်ႇ ၼႂ်းပွၵ်ႉ 6...

တႄႇဢဝ် ဝၼ်းတီႈ 01/08/2025 လိူၼ်ၼႃႈၼႆႉၵႂႃႇ မိူင်းဢမေႊရိၵၼ်ႊ တေတိူဝ်းၵဵပ်းၶွၼ်ႇၶူဝ်းၵုၼ်ႇ တီႈမိူင်းမၢၼ်ႈ တႃႇ 40 % ဢၼ်တေႃႉသူင်ႇၶၢႆၶဝ်ႈ ၼႂ်းမိူင်းဢမေႊရိၵၼ်ႊ ဝႃႈၼႆ။ လွင်ႈၸွမ်ၸိုင်ႈ ၻူဝ်ႊၼေႃႊ ထရမ်ႉ တေတိူဝ်းၵဵပ်းၶွၼ်ႇၼိူဝ်ၶူဝ်းၵုၼ်ႇၼႆႉ ယူႇတီႈ မိူင်းဢမေႊရိၵၼ်ႊ လႆႈသူင်ႇၽိုၼ်လိၵ်ႈမႃးတီႈ ႁူဝ်ၼႃႈသိုၵ်းမၢၼ်ႈ ယိုတ်းမိူင်း ၼႂ်းဝၼ်းတီႈ 07/07/2025 ၼႆႉ...

ယႃႈမဝ်းၵမ် ဢၼ်တေႃႉဢဝ်တၢင်း ၸႄႈဝဵင်းၵေးသီး ဝဵင်းမႂ်ႇဝၢၼ်ႈႁႆးမႃး ဢၢၼ်းသူင်ႇၸူး မိူင်းရၶႅင်ႇၼၼ်ႉ ၺႃးၶႃႈႁၢပ်ႇၵၢၼ် တႂ်ႈသိုၵ်းမၢၼ်ႈ တီႉၺွပ်းလႆႈတီႈၼိူဝ်သဵၼ်ႈတၢင်းၵႂႃႇဝဵင်းပျီႇ - ဢွင်ႇလၢၼ်ႇ မိူင်းမၢၼ်ႈတူင်ႈပဵင်း ၵိုင်ႇငိုၼ်း 8 ပီႊလီႊယၼ်ႊပျႃး ၼႆယဝ်ႉ။ မိူဝ်ႈဝၼ်းတီႈ 04/06/2025 ယၢမ်းၵၢင်ဝၼ်း 12 မူင်းၶိုင်ႈ ၸဝ်ႈၼႃႈတီႈ ပလိၵ်ႈၾၢႆႇၵႂၢတ်ႇလၢင်ႉ ၽဵဝ်ႈမူၺ်ႉယႃႈမဝ်းၵမ်ၶဝ် လႆႈႁူႉၶၢဝ်ႇဝႃႈ...

တႄႇလိူၼ်မေႊ ပီ 2025 ၼၼ်ႉမႃး ၵူၼ်းၼႂ်းမိူင်းထႆးလႄႈ မိူင်းမၢၼ်ႈ ဢွၼ်ၵၼ်တိတ်းၸပ်းတၢင်းပဵၼ် ၶူဝ်ႊဝိတ်ႉ 19 ၸိူဝ်ႉသၢႆၽၼ်းမႂ်ႇ လၢမ်းၽႄႈၸူးၵၼ်မႃးၶိုၼ်း ႁၢဝ်ႈႁႅင်း။ ႁွင်ႈၵၢၼ် ၽွင်းလူင် ၾၢႆႇပၢႆးယူႇလီ တႂ်ႈသိုၵ်းမၢၼ်ႈ ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ် ၼႂ်းႁူဝ်လိူၼ်ၵျုၼ်ႊၼႆႉ ထူပ်းႁၼ်ၵူၼ်းၸပ်းတၢင်းပဵၼ်ၸိူဝ်ႉမႅင်း ၶူဝ်းဝိတ်ႉ 19 ၼႂ်းမိူင်းမၢၼ်ႈ မီးၵႂႃႇ 31 ၵေႃႉ၊...

ဝၼ်းတီႈ 04/06/2025 ၼႆႉ တီႈႁိူၼ်းႁေႃၶၢဝ် မိူင်းဢမေႊရိၵၼ်ႊ ပိုၼ်ၽၢဝ်ႇဝႃႈ - ယူႇတီႈ မိူင်းဢမေႊရိၵၼ်ႊ ပိၵ်ႉဢိုတ်းပႅတ်ႈ လွင်ႈပၼ်ၶႂၢင်ႉၵူၼ်းမိူင်း 12 ၸိုင်ႈမိူင်း ၶဝ်ႈမိူင်းၶဝ် ၼႂ်းၼၼ်ႉ ပႃးၵူၼ်းမိူင်းမၢၼ်ႈ မိူင်းၼိုင်ႈ ဝႃႈၼႆ။ ၵူၼ်းမိူင်းမၢၼ်ႈ ၸိူဝ်းၸႂ်ႉဝီႊသႃႊဢႅဝ်ႇလႄႇ၊ ဝီႊသႃႊလုၵ်ႈႁဵၼ်းသေ ၶဝ်ႈၵႂႃႇယူႇသဝ်း ပူၼ်ႉလိူဝ် ၶၢဝ်းယၢမ်း ၼမ်ၶိုၼ်ႈမႃး၊ ၾၢႆႇၼိုင်ႈၵေႃႈ...

ၵၢၼ်ႁဵတ်းဢွၵ်ႇၾႆးၾႃႉ မိူင်းမၢၼ်ႈ ဢၼ်ၼမ်လိူဝ်ပိူၼ်ႈသုတ်းၼႆႉမီး 2,200 မႅၵ်ႊၵႃႊဝတ်ႊသေ မိူဝ်ႈ ဝၼ်းတီႈ 6 လိူၼ်ၵျႅၼ်ႊၼိဝ်ႊရီႊၼႆႉ ပိုၼ်ၽႄႈပၼ်လႆႈ 1,700 မႅၵ်ႊၵႃႊဝတ်ႊၵူၺ်း - လႆႈႁူႉၸွမ်းၼင်ႇ ၶေႃႈမုလ်း တီႈႁွင်ႈၵၢၼ် ၽွင်းလူင်ၾၢႆႇၾႆးၾႃႉၼင်ႇၼႆ။ သိုၵ်းမၢၼ်ႈ ႁဵတ်းႁိုဝ်သေ ၸႅၵ်ႇၽႄပၼ်ၾႆးၾႃႉ ႁွင်ႈၵၢၼ် ၽွင်းလူင်ၾၢႆႇၾႆးၾႃႉမိူင်းမၢၼ်ႈ (MOEP) သိုၵ်းမၢၼ်ႈ လၢတ်ႈဝႃႈ ၾႆးၾႃႉၶၢတ်ႇၼႆႉ...

မိူဝ်ႈႁၢင်လိူၼ်မၢတ်ႊၶျ် ဝၼ်းတီႈ 28 ယၢမ်းၵၢင်ဝၼ်းမွၵ်ႈ 1 မူင်းၼၼ်ႉ လုၵ်ႉတၢင်းသုၼ်ၵၢင်မိူင်းမၢၼ်ႈ တိူင်းၸႄႈၵႅင်းသေ ၽႅၼ်ႇလိၼ်ဝႆ (ဢိင်ႇသၼ်ႇ) ႁႅင်း 7.7 မႅၵ်ႊၼီႊၵျုတ်ႉသေႁိူၼ်းယေး ၵူၼ်ႇၵၢၼ်ႉယူတ်ႇတဵင် ၵူၺ်းဢမ်ႇၵႃး ႁဵတ်းႁႂ်ႈၾႆးသျွတ်ႉသေ ၵိူတ်ႇပဵၼ်ၾႆးမႆႈပႃး။ ၵူၼ်းမိူင်း ႁူပ်ႉတၢင်းတုၵ်ႉ လွင်ႈပၢင်တိုၵ်းသိုၵ်းသိူဝ်ယင်းပႆႇယဝ်ႉ သမ်ႉပေႃးလႆႈတူၵ်းၵိၼ်းထႅင်ႈ ယွၼ်ႉၽေးသၽႃႇဝ ၽႅၼ်ႇလိၼ်ဝႆသေ ႁႃတီႈၸႂ်ယႂ်ႇၸႂ်ယဵၼ်...

မိူဝ်ႈဝၼ်းတီႈ 07/04/2025 သိုၵ်းမၢၼ်ႈ ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ ၵူၼ်းမိူင်းႁူမ်ႈတုမ်ပတ်းပိုၼ်ႉ ၸိူဝ်းၺႃးၽေးၽႅၼ်ႇလိၼ်ဝႆ(ဢိင်ႇသၼ်ႇ) လူႉတၢႆၵႂႃႇ မီး 3,600 ၵေႃႉ မၢတ်ႇၸဵပ်း 5,017 ၵေႃႉလႄႈ ၵူၼ်းၸိူဝ်းႁၢႆဝႆႉၼၼ်ႉ မီး 160 ၵေႃႉ ဝႃႈၼႆ။ လူင်ပွင်ၸိုင်ႈၼွၵ်ႈမိူင်း ၸိူဝ်းဢဝ်ၸၼ်ႉၸိုင်ႈမိူင်းသေၶဝ်ႈမႃးၸွႆႈထႅမ် ႁႅင်းငိုၼ်း၊ ႁႅင်းၵူၼ်း၊ ႁႅင်းၶိူင်ႈၶူဝ်းလႄႈ ယႃႈယႃၸိူဝ်းၼႆႉ မီးၵႂႃႇ...

ၸုမ်းၽူႈလူင်ႉလႅၼ်ႇ မီးပိုၼ်ႉႁူႉပၢႆးႁၼ် ၶူၼ်ႉၶႂႃႉလဵပ်ႈႁဵၼ်းလွင်ႈၽႅၼ်ႇလိၼ်ဝႆ မိူင်းၶႄႇၶဝ် ဢွၵ်ႇၽိုၼ်လိၵ်ႈႁၢႆးငၢၼ်းဝႃႈ ၼႂ်းမိူင်းၶႄႇ ၸၢင်ႈႁူပ်ႉၺႃးၽေးသၽႃႇဝလူင် ႁၢဝ်ႈႁႅင်းလိူဝ် မိူင်းႁူမ်ႈတုမ်မျၢၼ်ႇမႃႇ ဝႃႈၼႆ။ ၼႂ်းၽိုၼ်လိၵ်ႈႁၢႆးငၢၼ်းၼၼ်ႉ တႅမ်ႈပိူင်းၼႄဝႆႉဝႃႈ -“ၽႅၼ်ႇလိၼ်ဝႆ ဢၼ်ပဵၼ်ၸိူင်ႉမိူင်းႁူမ်ႈတုမ် ႁူပ်ႉၺႃးတင်းႁႅင်း 7.7 မႅၵ်ႊၼီႊၵျုတ်ႉၼႆႉ ဢမ်ႇၸႂ်ႈဝႃႈ တေပဵၼ်ပွၵ်ႈၵမ်းလိုၼ်းသုတ်း။ ၼႂ်းမိူင်းၶႄႇလႄႈ ပိုၼ်ႉတီႈႁိမ်းႁွမ်း မိူင်းၶႄႇၵေႃႈ ယင်းတိုၵ်ႉသိုပ်ႇမီးငဝ်းလၢႆး တႃႇတေႁူပ်ႉၺႃး ၽေးၽႅၼ်ႇလိၼ်ဝႆ...