ၶွင်ႊသီႊ ၸၢတ်ႈၸိုင်ႈယူႊရူပ်ႉ တႅပ်းတတ်းမိူဝ်ႈဝၼ်းၸၼ်မိူဝ်ႈဝႃးသေ ပိုၼ်ၽၢဝ်ႇဝႃႈ ယူႇတီႈ EU သေ တေသိုပ်ႇဢိုတ်းႁႅတ်ႉပၢႆးမၢၵ်ႈမီး မိူင်းမၢၼ်ႈၵႂႃႇထႅင်ႈ ပီၼိုင်ႈ ဢႃယုသၢၵ်ႈတၢမ်းတေမီးတေႃႇထိုင် ဝၼ်းတီႈ 30/04/2027 ဝႃႈၼႆ။
ၼႂ်းလိၵ်ႈပိုၼ်ၽၢဝ်ႇၼၼ်ႉပႃးဝႆႉဝႃႈ – ယွၼ်ႉဝႃႈတီႈမိူင်းမၢၼ်ႈၼႆႉ တေႃႇထိုင်ယၢမ်းလဵဝ်တိုၵ်ႉမီးလွင်ႈ ပူၼ်ႉပႅၼ်သုၼ်ႇလႆႈၵူၼ်းလႄႈ ပၵ်းပိူင်ဢၼ်ယႃႉ တီႊမူဝ်ႊၶရေႊသီႊ ယူႇတိၵ်းတိၵ်းလႄႈ ၸင်ႇလႆႈတႅပ်းတတ်းၼင်ႇၼႆ။
ၼႂ်းဢၼ်ဢီႊယူႊႁၢမ်ႈႁႅတ်ႉပၢႆးမၢၵ်ႈမီးၵူၼ်းမိူင်းမၢၼ်ႈဝႆႉၼၼ်ႉ တေပဵၼ် သုၼ်ႇတူဝ် 105 ၵေႃႉလႄႈ ၸုမ်းၵၢၼ်ငၢၼ်း 22 ၸုမ်း။ ၵမ်ႈၼမ်ပဵၼ်ၸဝ်ႈငိုၼ်းသႃး လႄႈမူႇၸုမ်းဢၼ်ႁဵတ်းၵၢၼ်ႁူမ်ႈသိုၵ်းမၢၼ်ႈ ၽူႈၵဵဝ်ႇၶွင်ႈတင်းသိုၵ်းမၢၼ်ႈၸိူဝ်းၼႆႉ။
ဝႃႈၼႆသေတႃႉၵေႃႈ ဢၼ်တုမ်ႉတိူဝ်ႉၵမ်းသိုဝ်ႈသမ်ႉပဵၼ်ၵူၼ်းမိူင်း ၸိူဝ်းႁႃၵိၼ်လဵင်ႉတွင်ႉသိုဝ်ႈသိုဝ်ႈယူဝ်းယူဝ်း။ ၵူၼ်းၽၵ်းၵႃႇၸၼ်ႉထၢၼ်ပိုၼ်ႉထၢၼ်ၼႆႉ ထိုင်တီႈဢိုပ်းယၢၵ်ႈၵေႃႈယင်းမီး ၸဝ်ႈၵၢၼ်ပၢႆးမၢၵ်ႈမီးၵေႃႉၼိုင်ႈလၢတ်ႈၼင်ႇၼႆ။
ဢၼ်ဢိုတ်းႁႅတ်ႉပၢႆးမၢၵ်ႈမီးမိူင်းမၢၼ်ႈၼႆႉ မိူၼ်ၼင်ႇ- ဢမ်ႇသိုဝ်ႉ ဢမ်ႇၶၢႆ ၸွမ်းမိူင်းမၢၼ်ႈ- ဢမ်ႇပၼ်ငိုၼ်းတွင်းလုမ်ႈၾႃႉလႆၶဝ်ႈထိုင်လူင်ပွင်ၸိုင်ႈမိူင်းမၢၼ်ႈ။ ႁူင်းၵၢၼ်ယႂ်ႇ – ၸဝ်ႈပၢႆးမၢၵ်ႈမီး ၸဝ်ႈငိုၼ်းသႃး ၽူႈမႃးလူင်းတိုၼ်းၼႂ်းမိူင်းမၢၼ်ႈၵေႃႈဢွၼ်ၵၼ်ထွၼ်တူဝ်ဢွၵ်ႇမူတ်းမူတ်း ၸဵမ်ၸိူဝ်းၼႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ