ၼႂ်းဝၼ်းတီႈ 26/6/2026 ယၢမ်းႁူဝ်ၶမ်ႈ ၾူၼ်တူၵ်းလူမ်းၽတ်ႉပဝ်ႇႁႅင်း တီႈဝဵင်းၵုင်းထဵပ်ႈ ၸိုင်ႈထႆး ႁဵတ်းႁႂ်ႈ လၵ်းသဝ်ၾႆး 40 လၵ်း တီႈၼႂ်းၸႄႈတွၼ်ႈလတ်ႊၵရႃႊပၢၼ်ႊ(လတ်ကရာဗန်း) ၼိူဝ်သဵၼ်ႈတၢင်း သျႃႇလွင်ႇၵရုၼ်ႊ (ချာလောင်ကရွန်) လူမ်ႉတဵင်ႇသဵၼ်ႈတၢင်းလူႉၵွႆႇၵႂႃႇ ။ ယၢမ်းလဵဝ် လႅင်းၾူင်း လႅင်းဢိၼ်ႊတိူဝ်ႊၼႅတ်ႉၶၢတ်ႇဝႆႉၼႆယဝ်ႉ ။ ႁွင်ႈၵၢၼ်ၾၢႆႇၽွင်းငမ်းၼႂ်းပွၵ်ႉ ပိုၼ်ၽၢဝ်ႇလၢတ်ႈဝႆႉဝႃႈ လၵ်းသဝ်ၾႆးလူမ်ႉတဵမ် ပိၵ်ႉဢိတ်းသဵၼ်ႈတၢင်းလႄႈ ႁဵတ်းႁႂ်ႈ...

ၽူႈလူင်ႉလႅၼ်ႇၾၢႆႇၼမ်ႉ မိူင်းဢမေႊရိၵၼ်ႊ မႃးၵူတ်ႇထတ်းၼမ်ႉ တီႈလႅၼ်လိၼ်ထႆးသေ ယိုၼ်ယၼ်ၸိၸမ်ႈဝႃႈ ၼမ်ႉဝူၺ်ႇႁင်ႈၼႆႉပဵၼ်ယွၼ်ႉ ၵၢၼ်ၶုတ်းႁႄႈၼႂ်းမိူင်းတႆး ၸွမ်းလႅၼ်လိၼ်ထႆး - ထုၵ်ႇလီၵႄႈလိတ်ႈပၼ်ႁႃဝႆးဝႆး ဝႃႈၼႆ။ ၶူးပူင်သွၼ်လူင် ပရေႃႊၾႅတ်ႊသိူဝ်ႊ ၻွၵ်ႊတိူဝ်ႊ Danny Reible တီႈၸၼ်ႉၸွမ်Texas Tech University မိူင်းဢမေႊရိၵၼ်ႊ ၵႂႃႇထင်သဝ်းတီႈမိူင်းထႆး၊ ႁူမ်ႈၵၼ်တင်း ၶူးပွင်သွၼ် လူင်တီႈၸၼ်ႉၸွမ် မႄႈၾႃႉလူင်၊...

သဵၼ်ႈတၢင်းရူတ်ႉၾႆးမရၼ ဢၼ်မီးတီႈၼႂ်းၸႄႈတွၼ်ႈ ၵၢၼ်ႊၶျၼပူႊရီႊ လႅၼ်လိၼ်မၢၼ်ႈ-ထႆးၼၼ်ႉ လူင်ပွင်ၸိုင်ႈမိူင်းထႆးတုၵ်းယွၼ်းႁႂ်ႈပဵၼ်ၶူဝ်းပူၺ်ႈလုမ်ႈၾႃႉ ၼႆ ႁွင်ႈၵၢၼ် ၽွင်းလူင်သိင်ႇဝႅတ်ႉလွမ်ႉ မိူင်းၸိုင်ႈထႆးပိုၼ်ၽၢဝ်ႇဝႆႉၼင်ႇၼႆ။ သဵၼ်ႈတၢင်းရူတ်ႉၾႆး မရၼ ၼႆႉ ၵေႃႇသၢင်ႈဝႆႉၸဵမ်မိူဝ်ႈပၢၼ် ၵျပၼ်ႊယိုတ်းမိူင်းၼႂ်းၵုၼ်ၶဵဝ်ဢေႊသျႃႊ။ ပဵၼ်ၶူဝ်းပူၺ်ႈ ဢၼ်မီးဢႃယု 80 ပီပၢႆ။ လူင်ပွင်ၸိုင်ႈထႆး မၵ်းမၼ်ႈဝႆႉပဵၼ် ပိုၼ်ႉတီႈ ပႃႇထိူၼ်ႇဢၼ်ႁၵ်ႉသႃဝႆႉ။ မီးၵူၼ်းၼွၵ်ႈမိူင်းၼႂ်းမိူင်း မႃးဢႅဝ်ႇယဵမ်ႈၵိုၼ်းၶွၼ်ႈ။ ၼႂ်းမိူင်းထႆးမၵ်းမၼ်ႈဝႆႉပဵၼ်ပိုၼ်ႉတီႈႁၵ်ႉသႃဝႆႉသေ ယုၵ်ႉမုၼ်းပဵၼ်တီႈဢႅဝ်ႇယဵမ်ႈသေတႃႉ...

လိူၼ်မေႊ 2026 ၼႆႉ လူင်ပွင်ၸိုင်ႈထႆး တိုၵ်ႉပိုၼ်ၽၢဝ်ႇ တႃႇၵႂၢတ်ႇလၢင်ႉႁႅင်းၵၢၼ် ဢၼ်ဢမ်ႇယူႇၸွမ်းပၵ်းပိူင်ၸိုင်ႈမိူင်း တႃႇၶၢဝ်းယၢဝ်းၶၢဝ်းပွတ်းၼႆသေ ၵူတ်ႇထတ်းတီႉၺွပ်းမႃးယူႇၶိူဝ်းယႂ်း ။ ၵွၼ်ႇၼႃႈၼၼ်ႉၵေႃႈ လူင်ပွင်ၸိုင်ႈထႆး ပိုၼ်ၽၢဝ်ႇဝႆႉ ၶၢဝ်းယၢမ်းတမ်ႇၼွႆႉမွင်ၸႂ်ၸွမ်းၸဝ်ႈၼၢင်းလူင်တူၼ်ထူၼ်ႈၵဝ်ႈ ဢၼ်ၸၢမ်ႇပူႈၼွၼ်းၽေးၵႂႃႇၽွင်းႁၢင်ပီ ပီၵၢႆသေ ယင်းပႆႇလႆႈလုမ်းလႃးသၢင်းၵဵဝ်ႇၽဝ်ၶၢပ်ႈတူဝ်။ ၵမ်းၼႆႉသမ်ႉ မိူင်းထႆး မႃးမီးလွင်ႈတမ်ႇၼွႆႉမွင်ၸႂ်ထႅင်ႈ ယွၼ်ႉပိူဝ်ႈ လုၵ်ႈယိင်းလူင် ၸဝ်ႈမုၼ်ယႂ်ႇၶုၼ်ႁေႃၶမ်းတူၼ်ထူၼ်ႈသိပ်း လႆႈၸၢမ်ႇပူႈၼွၼ်းၽေးၵႂႃႇထႅင်ႈ...

ႁွင်ႈၵၢၼ်ၾၢႆႇၾိင်ႈၾႃႉၾူၼ်လူမ်းမိူင်းထႆး ပိုၼ်ၽၢဝ်ႇပၼ်ၾၢင်ႉဝႃႈ - တႄႇဢဝ်ဝၼ်းတီႈ 4 တေႃႇထိုင် ဝၼ်းတီႈ 9 ၼႂ်းလိူၼ်ၵျုၼ်ႊၼႆႉ ၾူၼ်တေတူၵ်းထပ်းၵၼ် တီႈၼႂ်းမိူင်းထႆး၊ မၢင်ၸႄႈတွၼ်ႈ ၾူၼ် တေတူၵ်းၼမ်ႁႅင်း၊ ၼမ်ႉတေထူမ်ႈတေၼွင်း၊ ႁႂ်ႈဢွၼ်ၵၼ်ၾၢင်ႉၽေး ၼမ်ႉႁူၺ်ႈၼမ်ႉလွႆလႄႈ ႁွၼ်ၼမ်ႉပၢင်ႇလၢႆႇၶိုၼ်ႈသုင်ၸိူဝ်းၼႆႉ ဝႃႈၼႆ။ လူမ်းလႅင်ႉ ဢၼ်လုၵ်ႉတၢင်း ၸဵင်ႇၸၢၼ်းဝၼ်းတူၵ်းမႃးၼၼ်ႉ တေလတ်းၽၢၼ်ႇ ၽတ်ႉထွင်းၶဝ်ႈ ၼႂ်းမိူင်းထႆးလႄႈ...

ၸၢႆးသူႉလႄႈၼၢင်းၶမ်းဢိင်ႇ ႁႅင်းၵၢၼ်ယၢၼ်မိူင်း ယူႇၼႂ်းၸႄႈတွၼ်ႈၵဵင်းမႂ်ႇ ၼင်ႇၵၼ် ၵိၼ်လဝ်ႈပီႊယႃႊသေ လၢတ်ႈလွင်ႈၼွၼ်းလူၺ်ႈၵၼ် သမ်ႉဢမ်ႇတူၵ်းလူင်းလႆႈၸႂ်လီလီလႄႈ ထိုင်တီႈၽိတ်းမေႃးၵၼ် ဢဝ်ၵၼ်တၢႆ- လွင်ႈၼႆႉ လိုဝ်းယူႇၼႂ်းသိုဝ်ႇတူင်ႇၵူၼ်းၼႂ်းမိူင်းထႆးမိူင်းတႆး  ။ ၶဝ် ၶိၼ်းၵၼ်ၵိၼ်လဝ်ႈ မိူဝ်ႈဝၼ်းတီႈ 16/05/2026 တီႈႁွင်ႈၸၢႆးသူႉ ဢၼ်ၶၢတ်ႈယူႇ တီႈၼႂ်းဝဵင်းသၼ်ၽီသိူဝ်ႈ မိူင်းၵဵင်းမႂ်ႇ ။ ၽွင်းၵိၼ်ၵုမ်းၵၼ်ယူႇၼၼ်ႉ ၼၢင်းၶမ်းဢိင်ႇ ယွၼ်းၼွၼ်းၸွမ်းၸၢႆးသူႉ ။...

လုၵ်ႈဢွၼ်ႇလဵၵ်ႉ ႁႅင်းၵၢၼ်တႆးၵူၼ်းမိူင်းၵျွၵ်ႉမႄး ၸပ်းတၢင်းပဵၼ် ၸိူဝ်ႉမႅင်းၶဝ်ႈၼႂ်းသဵၼ်ႈလိူတ်ႈ (တိတ်ႇၶျိူဝ်ႉၼႂ်းၵသႄလိူတ်ႈ- ติดเชื้อในกระแสเลือด) သေ လႆႈၶဝ်ႈယူတ်းယႃ တူဝ်ဝႆႉတီႈႁူင်းယႃလႄႈ ယၢမ်းလဵဝ်လူဝ်ႇတၢင်းၸွႆႈထႅမ်ငိုၼ်းတွင်းယူႇ ဝႃႈၼႆ။ လုၵ်ႈဢွၼ်ႇၵေႃႉၼႆႉ ၸိုဝ်ႈႁွင်ႉၼွင်ႉၼမ်ႉထိပ်း(ႁိုဝ်) ၼွင်ႉ Lisa /လီသႃႉ တိုၵ်ႉမီးဢႃယု 5 ၶူပ်ႇ ပဵၼ်တၢင်းပဵၼ် ၼမ်ႉထူမ်ႈပွတ်ႇ၊ တပ်းၵႂ်ႈသေ ထိုင်တီႈၸိူဝ်ႉမႅင်းၶဝ်ႈထိုင်ၼႂ်းသဵၼ်ႈလိူတ်ႈ။ ပဵၼ်လုၵ်ႈယိင်း ၸၢႆးၵျေႃႇတဵင်း လႄႈ...

ၵူၼ်းၼွၵ်ႈမိူင်း ၸိူဝ်းဢဝ် ဝီႊသႃႊ Visa 60 ဝၼ်းသေ ၶဝ်ႈမႃးၼႂ်းမိူင်းထႆးယဝ်ႉ ႁဵတ်းၵၢၼ်ဢမ်ႇထုၵ်ႇမႅၼ်ႈၸွမ်း ပၵ်းပိူင်ၼမ်ၶိုၼ်ႈမႃးၵူႈမိုဝ်ႉၵူႈဝၼ်းလႄႈ ႁွင်ႈၵၢၼ်ၽွင်းလူင်ၼွၵ်ႈမိူင်း မိူင်းထႆး ႁၢင်ႈႁႅၼ်း တေလူတ်းယွၼ်ႇၶိုၼ်း သုၼ်ႇလႆႈ Free Visa 60 ဝၼ်း ႁႂ်ႈပဵၼ်ၵႂႃႇ 30 ဝၼ်းၵူၺ်းယဝ်ႉဝႃႈၼႆ ။ ၽွင်းလူင်ၾၢႆႇၼွၵ်ႈမိူင်း မိူင်းထႆး သီႊႁသၵ်ႊ...

ၶၢဝ်ႇထႆး The Nation Thailand ႁၢႆးငၢၼ်းဝႆႉ ၼႂ်းဝၼ်းတီႈ 10 လိူၼ်မေႊၼႆႉဝႃႈ ထူပ်းႁၼ်ၶႆႇမူင်ႈမႅင်း လႄႈ တူဝ်မူင်ႈမႅင်းတၢင်းပဵၼ် တီႈၽၵ်းယွတ်ႈၼၢင်းၶဵဝ် ဢၼ်ၵူၼ်းမိူင်းထႆး ၵႆႉဢွၼ်ၵၼ်ၵိၼ်ယူႇၵူႈဝၼ်း။ ယွၼ်ႉၼၼ် ႁႂ်ႈဢွၼ်ၵၼ်ၾၢင်ႉသေ ၵိၼ်ၽၵ်းၶဵဝ် ဢၼ်လိပ်း ဝႃႈၼႆ။ လွင်ႈၼႆႉ ဢိင်ၼိူဝ်ၶေႃႈမုလ်း တီႈႁွင်ႈၵၢၼ်ၾၢႆႇပၢႆးသၢႆႊ ယႃႈယႃ၊ ႁွင်ႈၵၢၼ်ၾၢႆႇပၢႆးယူႇလီ လႄႈ...

ၼႂ်းဝူင်ႈၼႆႉ သိုဝ်ႇၶၢဝ်ႇၼႂ်းမိူင်းထႆး Chiang Mai News ႁၢႆးငၢၼ်းဢွၵ်ႇမႃးဝႃႈ ၸဝ်ႈၼႃႈတီႈထႆးၵူတ်ႇထတ်းတီႉၺွပ်းလႆႈ ယႃႈမဝ်းၵမ် 5 လၢၼ်ႉပၢႆ ၼႂ်းၸႄႈတွၼ်ႈၵဵင်းႁၢႆး၊ တီႉလႆႈပႃး လုၵ်ႈဢွၼ်ႇၸၢႆး တိုၵ်ႉမီးဢႃယု 14-15 ပီ လၢႆလၢႆၵေႃႉ ဝႃႈၼႆ။ ပူၼ်ႉမႃးဝၼ်းတီႈ 4/5/2026 ႁူဝ်ၶမ်ႈမွၵ်ႈ 6 မူင်း ၸဝ်ႈၼႃႈတီႈၵူတ်ႇထတ်း ဢွၼ်ႇၸၢႆးၵေႃႉၼိုင်ႈ...

ၽွင်းလူင်ၾၢႆႇၼွၵ်ႈမိူင်း ၽူႈႁၢပ်ႇၵၢၼ်လူင်ပွင်ၸိုင်ႈ မိူင်းထႆး လႄႈ မိူင်းၶႄႇ ဢွၵ်ႇၶၢဝ်းတၢင်းၵႂႃႇတီႈဝဵင်းလူင် ၼေႇပျီႇတေႃႇ ပိူဝ်ႈတႃႇႁူပ်ႉထူပ်းဢုပ်ႇဢူဝ်းၸွမ်း ၸွမ်ၸိုင်ႈယိုတ်းမိူင်း မိၼ်းဢွင်ႇလၢႆႇ ပဵၼ်တၢင်းၵၢၼ် ၼႆယဝ်ႉ။ မိူဝ်ႈဝၼ်းတီႈ 21/4/2026 ၽွင်းလူင်ၾၢႆႇၼွၵ်ႈမိူင်း မိူင်းထႆး သီႇႁသၵ်ႇ ၽူင်းၵဵတ်ႇၵႅဝ်ႉ Sihasak Phuangketkeow လုၵ်ႉမိူင်းထႆး ဢွၵ်ႇၶၢဝ်းတၢင်းၵႂႃႇတီႈ ဝဵင်းလူင် ၼေႇပျီႇတေႃႇ တႃႇႁူပ်ႉထူပ်းဢုပ်ႇဢူဝ်းၸွမ်း...

တင်ႈတႄႇလိူၼ်မေႇမႃး ႁၢၼ်ႉတေႃႇထိုင် လိူၼ်ဢေႇပရႄႇလ်ၼႆႉ တီႈမိူင်းထႆး ႁူပ်ႉပၼ်ႁႃၾုၼ်ႇၵႂၼ်း PM 2.5 လူမ်းဢမ်ႇသႅၼ်ႈသႂ်လႄႈ ၵူၼ်းၸိူဝ်းသုတ်ႇၺႃးၾုၼ်ႇၵႂၼ်းၸၢင်ႈ ၸပ်းတၢင်းပဵၼ်ပွတ်ႇ ၼမ်တိူဝ်းလိူဝ် မႃးႁႅင်းတေႉတေႉ ၼႆယဝ်ႉ။ မိူဝ်ႈပူၼ်ႉမႃး ဝၼ်းတီႈ 17 လိူၼ်ဢေႊပရႄႇလ် တွၵ်ႊတိူဝ်ႊ Atikun Limsukon ၵႅမ်ပႃႇမွၵ်ႉၶ လႄႈ ၽူႈလူင်ႉလႅၼ်ႇ ၾၢႆႇယူတ်းယႃ တၢင်းပဵၼ်ၶိုၵ်ႉၶၵ်ႉ...

ဝၼ်းတီႈ 17/04/2026 ႁွင်ႈၵၢၼ်ၾၢႆႇပႂ်ႉတူၺ်းၾူၼ်လူမ်းၾိင်ႈၾႃႉမိူင်းထႆးပိုၼ်ၽၢဝ်ႇ ၾူၼ်လူင်လူမ်းလႅင်ႉမၢၵ်ႇႁဵပ်းတေတူၵ်းၼႂ်းဝၼ်းတီႈ 17 ထိုင် 20 လိူၼ်ထူၼ်ႈ 4 ၼႆႉလႄႈ ႁႂ်ႈၵူၼ်းမိူင်းၸိူဝ်းၽုၵ်ႇသွမ်ႈမၢၵ်ႇၶဝ်ႈတဝ်ႈၼမ်ႉ ႁႂ်ႈလုမ်းလႃးတႃႇႁႄႉၵင်ႈလွင်ႈလုသုမ်းလႄႈလွင်ႈလွတ်ႈၽေး။ ဢိင်ၼိူဝ်ႁႅင်းလူမ်းမႆႈ တၢင်းမိူင်းၶႄႇသုင် ႁဵတ်းႁႂ်ႈလူမ်းၼႂ်းၼမ်ႉပၢင်ႇလၢႆႇၶႄႇၸၢၼ်း သုတ်ႉၶၢႆႉယၢႆႉတူဝ်လူင်းမႃးတၢင်းမိူင်းတႆး မိူင်းထႆး ။ ၵွပ်ႈၼႆ ၼႂ်းၶၢဝ်းတၢင်း 3 ဝၼ်းၼႆႉ ၼႂ်းပိုၼ်ႉတီႈၸဵင်ႇႁွင်ႇဝၼ်းဢွၵ်ႇ...

ၶၢဝ်းသွၼ်းၼမ်ႉ လိူၼ်ႁႃႈၼႆႉ ၶႅၵ်ႇၵူၼ်းမိူင်းၼွၵ်ႈ ၸိူဝ်းၶဝ်ႈမႃးဢႅဝ်ႇတွင်ႈထဵဝ်း ၼႂ်းမိူင်းထႆး ၼမ်ႁႅင်းၵူႈပီ လႄႈ လူင်ပွင်ၸိုင်ႈ မိူင်းထႆးၶဝ် မုင်ႈမွင်း ယိူင်းဢၢၼ်း တႃႇလႆႈငိုၼ်းၶဝ်ႈ တီႈၸဝ်ႈၵၢၼ်ပၢႆးမၢၵ်ႈမီး ၸိူဝ်းၵဵဝ်ႇၵွင်ႉတင်း ၵၢၼ်တွင်ႈထဵဝ်း မွၵ်ႈ 1 တေႃႊလႃႊ ပီႊလီႊယႅၼ်ႊ ဝႃႈၼႆ။ ၵူၼ်းတၢင်ႇၸၢဝ်းၶိူဝ်း ၸိူဝ်းလုၵ်ႉတၢင်းမိူင်း ၶဝ်ႈမႃးဢႅဝ်ႇလႄႇ ၼႂ်းမိူင်းထႆး ၵွၼ်ႇၼႃႈပႆႇထိုင်...

ဝၢႆးလင်တၢင်းပဵၼ်ၶူဝ်ႊဝိတ်ႉလၢမ်းၽႄႈယဝ်ႉၼႆႉ ယိူင်းဢၢၼ်းတႃႇယုၵ်ႉမုၼ်းပၢႆးမၢၵ်ႈမီးၸိုင်ႈမိူင်းၶိုၼ်းၼႆႉသေ လူင်ပွင်ၸိုင်ႈမိူင်းထႆးၸတ်းႁဵတ်းပွႆးသွၼ်းၼမ်ႉၵိုၼ်းၶွၼ်ႈၵူႈပီ ပီၼႆႉၵေႃႈၸတ်းႁဵတ်းပွႆးသွၼ်းၼမ်ႉတႄႇဝၼ်းတီႈ 12/04/2026 မႃးတေဢၢၼ်းၸတ်းတေႃႇထိုင်ဝၼ်းတီႈ 17/04/2026 ။ ပီၼႆႉ ၵူၼ်းၼွၵ်ႈမိူင်း ၼႂ်းလုမ်ႈၾႃႉ မႃးၶဝ်ႈႁူမ်ႈၼမ်။ လူင်ပွင်ၸိုင်ႈမိူင်းထႆးပိုၼ်ၽၢဝ်ႇဝႃႈပဵၼ်ၵူၼ်းဝၼ်းဢွၵ်ႇၵၢင်ၼမ် လႅပ်ႈတေပၢႆႈပၢင်တိုၵ်းသေမႃးၶဝ်ႈႁူမ်ႈပၢင်ပွႆးတႃႇယူတ်းယႃၸႂ်ဝႃႈၼႆ။ ပွႆးသွၼ်းၼမ်ႉမိူင်းထႆးပီၼႆႉ ဢၼ်ၵိုၼ်းသုတ်းပဵၼ်ဝဵင်းလူင်ၵုင်းထဵပ်ႈ မိူၼ်ၼင်ႇသဵၼ်ႈတၢင်း သဵၼ်ႈတၢင်းသီလူမ်းလႄႈသဵၼ်ႈတၢင်းၶဝ်ႈသၢၼ်။ တီႈမိူင်းၵဵင်းမႂ်ႇသမ်ႉ ၵူၼ်းၵိုၼ်းသုတ်း တီႈၾႆးၶဵဝ်လႅင်ရိၼ်းၶမ်း ၼႃႈၵၢတ်ႇလူင်မေႊယႃႊ ။ မီးၵူၼ်းၼႂ်းမိူင်းထႆးလၢႆလၢႆဝဵင်း လႄႈမီးပႃးၵူၼ်းၼွၵ်ႈမိူင်း ၼႂ်းလုမ်ႈၾႃႉ ။...