လူင်ပွင်ၸိုင်ႈမိူင်းၶႄႇ ပိုၼ်ၽၢဝ်ႇဢွၵ်ႇမႃးပဵၼ်တၢင်းၵၢၼ် ၵဵဝ်ႇလူၺ်ႈၶၢဝ်းတၢင်း ၸွမ်ၸိုင်ႈ မိူင်းဢမေႊရိၵၼ်ႊ တေႃႊၼႄႊလ်ထရမ်ႉ တေၵႂႃႇတီႈမိူင်းၶႄႇ။ ႁိူၼ်းႁေႃၶၢဝ် မိူင်းဢမေႊရိၵၼ်ႊၵေႃႈ ပိုၼ်ၽၢဝ်ႇဝႆႉဝႃႈ ၼႂ်းၵၢင်လိူၼ်မေႊၼႆႉ ၸွမ်ၸိုင်ႈထရမ်ႉ တေဢွၵ်ႇၶၢဝ်းတၢင်းၵႂႃႇတီႈမိူင်းၶႄႇၼႆသေတႃႉ ၾၢႆႇမိူင်းၶႄႇတႄႉ တိုၵ်ႉယိုၼ်ယၼ်ပိုၼ်ၽၢဝ်ႇဢွၵ်ႇမႃး ၼႂ်းဝၼ်းတီႈ 11 လိူၼ်မေႊ (မိူဝ်ႈၼႆႉ)ၵူၺ်း။ သိုဝ်ႇၶၢဝ်ႇ သျိၼ်ႊႁႂႃႊ လူင်ပွင်ၸိုင်ႈမိူင်းၶႄႇ ႁၢႆးငၢၼ်းဝႆႉဝႃႈ - ၼႂ်းဝၼ်းတီႈ 13...

ၶုၼ်ႁေႃၶမ်း ၶျႃးလ်သ် လႄႈ ၼၢင်းၶၢင်းႁူဝ် ၵႃႊမီႊလႃႊ မိူင်းဢိင်းၵလဵတ်ႈ ဢႅဝ်ႇယဵမ်ႈႁွတ်ႈထိုင်ၸိုင်ႈမိူင်း ဢမေႊရိၵၼ်ႊ ဝၼ်းတီႈ 27 -30/04/2026 ။ ဝၼ်းဢၼ် ၶုၼ်ႁေႃၶမ်းဢိင်းၵလဵတ်ႈႁွတ်ႈထိုင်ဢမေႊရိၵၼ်ႊၼၼ်ႉ ၸွမ်ၸိုင်ႈထရမ်ႉ လႄႈမေးၼၢင်း မီႊလႃႊၼီႊယႃႊ မႃးပႂ်ႉႁပ်ႉတွၼ်ႈထိုင် ၶူင်ႇႁိူဝ်းမိၼ်တပ်ႉလူမ်းဢမေႊရိၵၼ်ႊ တီႈၸႄႈမိူင်း မႄႊရီႊလႅၼ်ႊ သေ ႁွင်ႉမိူဝ်းၶၢမ်ႇၶႅၵ်ႇတီႈႁိူၼ်းႁေႃၶၢဝ်ၸွမ်ၸိုင်ႈ။ ဝၢႆးလင်ၶၢဝ်းတၢင်း ၼၢင်းႁေႃၶမ်း ဢႄႊလိသပႅတ်ႉ...

ပလိၵ်ႈမိူင်းဢမေႊရိၵၼ်ႊ ၶဝ်ႈၵူတ်ႇထတ်းႁိူၼ်းၵေႃႉဢၼ်ထၢင်ႇထိူမ်ဝႃႈပဵၼ်ၵေႃႉငွႆးယိုဝ်းၸွမ်ၸိုင်ႈ တီႈပၢင်ၵိၼ်ၶဝ်ႈႁူမ်ႈမူႇၽူႈသိုဝ်ႇၶၢဝ်ႇလႄႈၸွမ်ၸိုင်ႈထရမ်ႉ ။ ဝၼ်းသဝ်တီႈ 25/04/2026 ယၢမ်းၵၢင်ၶမ်ႈ(ၶၢဝ်းယၢမ်းမိူင်းဢမေႊရိၵၼ်ႊ) ၼၼ်ႉ ယူႇတီႈၸုမ်းလူင်ပွင်ၸိုင် ၸုမ်းၸွမ်ၸိုင်ႈ ၸိုင်ႈမိူင်းၸတ်းႁဵတ်းပၢင်ၵိၼ်ၶဝ်ႈႁူမ်ႈမူႇ ယုၵ်ႉယွင်ႈလုၵ်ႈႁဵၼ်းၽူႈသိုဝ်ႇၶၢဝ်ႇ ႁိူၼ်းႁေႃၶၢဝ် - ပၢင်ၵိၼ်ၶဝ်ႈႁူမ်ႈမူႇၸတ်းႁဵတ်းတီႈ ႁူင်းႁႅမ်း ႁေႊလ်တၼ်ႊ ၸိုင်ႈမိူင်း ဝေႃႊသျိၼ်ႊတၼ်ႊ၊ တူဝ်ၸွမ်ၸိုင်ႈထရမ်ႉ ဢိၵ်ႇပႃးတင်း ၵႅမ်ၸွမ်ၸိုင်ႈ လႄႈ ၸုမ်းၽွင်းလူင်ၶဝ် ဢိၵ်ႇမေးၼၢင်းၶဝ်ၵေႃႈၶဝ်ႈႁူမ်ႈ...

ဝၼ်းတီႈ 23/04/2026 ၼႆႉ ဢမေႊရိၵၼ်ႊပိုၼ်ၽၢဝ်ႇဢွၵ်ႇမႃးဝႃႈ - တႃႇတေယိုတ်းသိမ်းလႆႈ ၵၢၼ်လႅၼ်ၵိၼ်ငိုၼ်းတင်းဢွၼ်ႊလၢႆႊ ၵျႃႊၽျႅၼ်ႉၼၼ်ႉ ၽႂ်ပၼ်လႆႈငိူၼ်ႈၶၢဝ်ႇ ငဝ်ႈငုၼ်းလႅၼ်ငိုၼ်းတင်းဢွၼ်ႊလၢႆႊ Tai Chang ဢၼ်မီးဝႆႉ ၼႂ်းမိူင်းယၢင်းၽိူၵ်ႇ (ၼႂ်းၼႃႈလိၼ်သိုၵ်းယၢင်း DKBA ၵုမ်းၵမ်)လႆႈၸိုင် တေပၼ်ငိုၼ်းသူး ၻေႃႊလႃႊ 10 လၢၼ်ႉ ဝႃႈၼႆ။ ႁွင်ႈၵၢၼ်ၽွင်းလူင် ၽၼ်ႇတႃႇငိုၼ်းတွင်း ဢမေႊရိၵၼ်ႊ...

မိူဝ်ႈၼႆႉ ဝၼ်းတီႈ 18 လိူၼ်ဢေႊပရႄႊလ် ဝၼ်းသဝ် ႁူဝ်ပဝ်ႈသၽႃးမိူင်းဢီႊရၢၼ်ႊ ပိုၼ်ၽၢဝ်ႇလၢတ်ႈဢွၵ်ႇ မႃးပဵၼ်တၢင်းၵၢၼ်ဝႃႈ သင်မိူင်းဢမႄႊရိၵၼ်ႊ တိုၵ်ႉသိုပ်ႇဢိုတ်း တႃႈႁိူဝ်းမိူင်းဢီႊရၢၼ်ႊယူႇၸိုင် တေဢိုတ်းပႅတ်ႈ သဵၼ်ႈတၢင်း ႁိူဝ်းသၢင်းၽေႃး တေႃႉၼမ်ႉမၼ်းၸိူဝ်ႉၾႆး (ၸၢၵ်ႈ) ၼမ်ႉႁေႃႊမုၵ်ႉၼၼ်ႉ ပႅတ်ႈၶိုၼ်း ၼႆယဝ်ႉ။ Mohammad Bagher Ghalibaf ၵေႃႉပဵၼ်ႁူဝ်ပဝ်ႈသၽႃးမိူင်းဢီႊရၢၼ်ႊ တူၵ်ႇတၵ်ႉလၢတ်ႈဝႃႈ -...

ၸွမ်ၸိုင်ႈမိူင်းဢမေႊရိၵၼ်ႊ ၻေႃႊၼႄႊလ်ထရမ်ႉ လၢတ်ႈတီႈသိုဝ်ႇၶၢဝ်ႇ New York Post မိူဝ်ႈဝႃးဝၼ်းတီႈ 14/04/2026 ဝႃႈ ဢုပ်ႇလွင်ႈငမ်းယဵၼ်ၵၼ်တင်းဢီႊရၼ်ႊဢွင်ႇမၢၼ်လႄႈ လႆႈသင်ႇပိၵ်ႉသဵၼ်ႈတၢင်းၼမ်ႉ ႁေႃႊမူတ်ႉသ်- ႁဵတ်းႁႂ်ႈဢမ်ႇမီးႁိူဝ်းလတ်းၽၢၼ်ႇလႆႈ ၼႂ်းၶၢဝ်းတၢင်း 2 ဝၼ်းၼႆႉ ၸၢင်ႈမီးလွင်ႈလၢၵ်ႇလၢႆး လွင်ႈလီၵေႃႈၸၢင်ႈပဵၼ်လႆႈ လွင်ႈႁၢႆႉၵေႃႈၸၢင်ႈပဵၼ်လႆႈဝႃႈၼႆ။ ၵူၺ်းၵႃႈ ဝၢႆးလင်ထရမ်ႉ ပိုၼ်ၽၢဝ်ႇႁၢမ်ႈႁိူဝ်းလတ်းသၢႆၼမ်ႉႁေႃႊမူတ်ႉသ်ယဝ်ႉၶၢဝ်းတၢင်း 24 ၸူဝ်ႈမူင်း မိူဝ်ႈဝၼ်းတီႈ...

ၸွမ်ၸိုင်ႈထရမ်ႉ မိူင်းဢမေႊရိၵၼ်ႊ တွပ်ႇလၢတ်ႈတီႈသိုဝ်ႇၶၢဝ်ႇ Fox News ဝႃႈ ယွၼ်ႉပိူဝ်ႈဢီႊရၼ်ႊ ဢမ်ႇတူၵ်းလူင်းဢၼ်ဢမေႊရိၵၼ်ႊၶႂ်ႈလႆႈလႄႈ တေပိၵ်ႉသဵၼ်ႈတၢင်းၼမ်ႉ ႁေႃႊမူတ်ႉသ်ႁႂ်ႈလႆႈ ဝႃႈၼႆ။ ထရမ်ႉ လၢတ်ႈမိူဝ်ႈဝၼ်းတီႈ 12/04/2026 ဝႃႈ ဢုပ်ႇၵုမ်လွင်ႈၵိုတ်းတိုၵ်းၵၼ်တင်း ဢီႊရၼ်ႊ ဢမ်ႇလႆႈလႄႈ တေပိၵ်ႉသဵၼ်ႈတၢင်းၼမ်ႉႁေႃႊမူတ်ႉသ်။ ၵမ်းၼႆႉတႄႉတေပိၵ်ႉႁိုင်လႄႈ တေႁၼ်ၽွၼ်းယွၼ်ႈမၼ်းယူႇ။ ဢီႊရၼ်ႊ တေၶိုၼ်းမႃးတူၵ်းလူင်းပၼ်ႁဝ်း ဢၼ်ႁဝ်းၶႆႈလႆႈၼၼ်ႉယူႇ။ ”-...

ပၢင်တိုၵ်း ဢီႊရၼ်ႊလႄႈဢမေႊရိၵၼ်ႊ တီႈသၢႆၼမ်ႉႁေႃႊမူတ်ႉသ်ၼၼ်ႉ မၢၵ်ႇလူင်တူၵ်းသႂ်ႇ ႁိူဝ်းၵုၼ်ႇထႆး ၽွင်းႁၢင်လိူၼ်မၢတ်ႉၶျ် ၵူၼ်းၸွမ်းႁိူဝ်းထႆး 3 ၵေႃႉ လူႉတၢႆ။ ဝၼ်းတီႈ 8/4/2026 ၽွင်းလူင်ၾၢႆႇၼွၵ်ႈမိူင်း မိူင်းထႆး လၢတ်ႈတီႈပၢင်သပ်းၸႅင်ႈၶၢဝ်ႇဝႃႈ  ၸုမ်းၾၢႆႇ ၸွႆႈထႅမ် မိူင်းဢူဝ်ႊမၼ်ႊ တင်း ဢီႊရၼ်ႊ ႁူမ်ႈၵၼ်တင်း ၾၢႆႇၶွမ်ႊပၼီႊႁိူဝ်းသေ ၶတ်းၸႂ် သွၵ်ႈႁႃ တႃႇပၼ်တၢင်းၸွႆႈထႅမ်ယူႇသေတႃႉ...

ၼႂ်းဝၼ်းတီႈ 8 လိူၼ်ထူၼ်ႈသီႇ ၵၢင်ၼႂ် ဢမေႊရိၵၼ်ႊ တင်း ဢီႊရၼ်ႊ တူၵ်းလူင်းၵိုတ်းတိုၵ်းၵၼ် တႃႇၶၢဝ်းတၢင်း 2ဝူင်ႈ၊ တူၵ်းလူင်းၵၼ်လၢႆလၢႆ ဢိၵ်ႇပႃး တႃႇပိုတ်ႇၶိုၼ်းသၢႆၼမ်ႉ Hormuz။ ၵူၺ်းၵႃႈ ဢိတ်ႉသ်ရေႊ ဢၼ်ပဵၼ်ဢူၺ်းလီၵၼ်တင်း ဢမေႊရိၵၼ်ႊၼၼ်ႉ ၸႂ်ႉၶိူင်ႈၵွင်ႈလူင်ယိုဝ်းတိုၵ်းသႂ်ႇ ၼႂ်းမိူင်း လႅၵ်ႊပၼုၼ်ႊ မီးၵူၼ်းလူႉတၢႆမွၵ်ႈ 200 ၵေႃႉ ႁိူၼ်းယေးလူႉၵွႆတင်းၼမ်၊...

ၸွမ်ၸိုင်ႈမိူင်းဢမေႊရိၵၼ်ႊ ၻေႃႊၼႄႊလ်ထရမ်ႉ တင်း လူင်ပွင်ၸိုင်ႈ ဢီႊရၼ်ႊ သွင်မိူင်း ဢွၵ်ႇမႃးပိုၼ်ၽၢဝ်ႇလၢတ်ႈဝႃႈ တေၵိုတ်းတိုၵ်းၵၼ် ၸူဝ်ႈၶၢဝ်း တႃႇၶၢဝ်းတၢင်း သွင် ဝူင်ႈ။ ၼႂ်းၶၢဝ်းတၢင်းၵိုတ်းတိုၵ်းၵၼ် ႁိုင်သွင်ဝူင်ႈၼႆႉ ၾၢႆႇမိူင်းဢီႊရၼ်ႊ တေလႆႈႁၢင်ႈႁႅၼ်းပိုတ်ႇပၼ်ၶိုၼ်း သဵၼ်ႈတၢင်းၼမ်ႉႁေႃႊမုတ်ႉသ် ပၼ်ႁိူဝ်းသၢင်းၽေႃးတေႃႉၼမ်ႉမၼ်းမဵၼ် လတ်းၽၢၼ်ႇၵႂႃႇလႆႈ လွတ်ႈလႅဝ်း ယႃႇႁႂ်ႈမီးၽေးၶဵၼ်သင်ၼႆ ၸွမ်ၸိုင်ႈမိူင်းဢမေႊရိၵၼ်ႊ တေႃႊၼႄႊထရမ်ႉ...

ၽွင်း ဢမေႊရိၵၼ်ႊ သူင်ႇႁႅင်းသိုၵ်းၵႂႃႇ ၼႂ်းပိုၼ်ႉတီႈတႃဝၼ်းဢွၵ်ႇၵၢင်ထႅင်ႈ 3500 ၼၼ်ႉ ႁူဝ်ပဝ်ႈသၽႃးမိူင်းဢီႊရၼ်ႊ လၢတ်ႈဝႃႈ - သင်တပ်ႉသိုၵ်းမိူင်းဢမေႊရိၵၼ်ႊ ၶဝ်ႈၵႂႃႇၼႂ်းပိုၼ်ႉတီႈ ၼႃႈလိၼ်မိူင်းဢီႊရၼ်ႊၸိုင် တူဝ်ႈတၼ်းတႃႇတေတိုၵ်းတေႃးၶိုၼ်းယဝ်ႉ ဝႃႈၼႆ။ Mohammad-Bagher Ghalibaf ႁူဝ်ပဝ်ႈသၽႃးမိူင်းဢီႊရၼ်ႊ မၢပ်ႇမႂ်ဝႃႈ - ဢမေႊရိၵၼ်ႊ ၼႄၾၢင်ႁၢင်ႈ ယိုၼ်ႈမိုဝ်းတႃႇဢုပ်ႇၵုမ်သေတႃႉ ၾၢႆႇလင်သမ်ႉ လၵ်ႉႁၢင်ႈႁႅၼ်းတႃႇတေတိုၵ်းတေႃးဝႆႉယူႇ ဝႃႈၼႆ။ ငဝ်ႈငုၼ်းတိူင်းသိုၵ်းပွတ်းၵၢင်...

ၸွမ်ၸိုင်ႈမိူင်းဢမေႊရိၵၼ်ႊ တေႃႊၼႄႊလ်ထရမ်ႉလၢတ်ႈဝႃႈ - တႃႇတေၵိုတ်းပၢင်တိုၵ်းၼၼ်ႉ လႆႈဢုပ်ႇ ၵၼ်တင်း မိူင်းဢီႊရၼ်ႊယဝ်ႉသေ ပဵၼ်ပၢင်ဢုပ်ႇၵုမ်ဢၼ်မီးလွင်ႈၶႅမ်ႉလႅပ်ႈတေႉတေႉ ဝႃႈၼႆ။ ၵူၺ်းၵႃႈ ဝၢႆးလင်ၼၼ်ႉဢမ်ႇႁိုင် ႁူဝ်ပဝ်ႈသၽႃး မိူင်းဢီႊရၼ်ႊ Mohammad Bagher Ghalibaf တႅမ်ႈတၢင်ႇဝႆႉတီႈၼိူဝ်သိုဝ်ႇတူင်ႇဝူင်းမၼ်းဝႃႈ - ဢမ်ႇလႆႈမီးလွင်ႈႁူပ်ႉဢုပ်ႇၵုမ်သင်ၵၼ် တင်း ဢမေႊ ရိၵၼ်ႊ။ ဢမေႊရိၵၼ်ႊၶႂ်ႈၸႂ်ႉတိုဝ်းၶၢဝ်ႇပွမ်သေ ၶတ်းၸႂ်ၵုမ်းထိင်းလွၵ်းၵၢတ်ႇ ၼမ်ႉမၼ်းမဵၼ်ၵူၺ်း...

ငဝ်ႈငုၼ်းသိုၵ်း ပႅၼ်ႊတၵုၼ်ႊ (Pentagon) မိူင်းဢမေႊရိၵၼ်ႊ ယိုၼ်ယၼ်လၢတ်ႈၵႂႃႇ ၼႂ်းဝၼ်းတီႈ 10 လိူၼ်မၢတ်ႉၶျ်ၼႆႉဝႃႈ ၼႂ်းပၢင်တိုၵ်း တီႈမိူင်းဢီႊရၼ်ႊၼၼ်ႉ ၵူၼ်းသိုၵ်း ဢမေႊရိၵၼ်ႊ ၸိူဝ်းမၢတ်ႇၸဵပ်း မီးဝႆႉမွၵ်ႈ 140 ၵေႃႉ ဝႃႈၼႆ။ ပၢင်တိုၵ်းၼႆႉ တႄႇမႃးၼႂ်းဝၼ်းတီႈ 28 လိူၼ်ၾႅပ်ႉပိဝ်ႊရီႊသေ ယၢမ်းလဵဝ် ႁိုင်မႃးၶၢဝ်းတၢင်း 3 ဝူင်ႈ...

ၶွမ်ႊပၼီႊသုၼ်ႇလဵဝ် မိူင်းၶႄႇဢၼ်ၼိုင်ႈလၢတ်ႈဝႃႈ - သွပ်ႇၶၢဝ်ႇလႆႈၶေႃႈသိူင်ႇလပ်ႉ (signal) ႁိူဝ်းမိၼ်ႁၢႆတူဝ်ပွႆႇမၢၵ်ႇ B-2 ဢၼ်တပ်ႉလူမ်းမိူင်းဢမေႊရိၵၼ်ႊ ၸႂ်ႉတိုဝ်းဝႆႉၼၼ်ႉယဝ်ႉ ဝႃႈၼႆ။ ၶွမ်ႊပၼီႊသုၼ်ႇလဵဝ်ၼႆႉ မီးၸိုဝ်ႈဝႃႈ Jinga Technology ငဝ်ႈလုမ်းပၵ်းဝႆႉတီႈမိူင်းၶႄႇ။ ပဵၼ်ၶွမ်ႊပၼီႊ လွၵ်းလၢႆးပၢႆးၸၢင်ႈ ဢၼ်လူင်းလၢႆးမိုဝ်းဝႆႉၸွမ်း တပ်ႉသိုၵ်းမိူင်းၶႄႇ(PLA) သေ ၵဵပ်းၶေႃႈမုလ်း ၾၢႆႇၵၢၼ်သွပ်ႇၶၢဝ်ႇ ၵမ်ႉၸွႆႈပၼ်ဝႆႉ။ ၸွမ်းၼင်ႇၶေႃႈမုလ်း ၾၢႆႇၶွမ်ႊပၼီႊၶဝ်သွပ်ႇၶၢဝ်ႇလႆႈဝႆႉသေ ၼႂ်းဝၼ်းတီႈ...

မိူင်းဢမေႊရိၵၼ်ႊ တင်း မိူင်းဢီႊရၼ်ႊ ယိုဝ်းၵၼ်မႃးႁိုင်ၶၢဝ်းတၢင်း 10 ဝၼ်းပၢႆယဝ်ႉလႄႈ သင်တေသိုပ်ႇပဵၼ်ၵႂႃႇႁိုင်လိူဝ်ၼၼ်ႉၸိုင် ၵၢၼ်ပၢႆးမၢၵ်ႈမီးလုမ်ႈၾႃႉ ၸၢင်ႈလူႉၵွႆ လႄႈ ႁၢႆႉၸႃႉႁႅင်းလိူဝ်ၼႆႉထႅင်ႈ ဝႃႈၼႆ။ မိူဝ်ႈဝၼ်းတီႈ 11 လိူၼ်မၢတ်ႉၶျ် ၽူႈၶၢၼ်ပၢၵ်ႇ သိုၵ်းမိူင်းဢီႊရၼ်ႊ ပၼ်ၾၢင်ႉ တူၵ်ႇတၵ်ႉထိုင် မိူင်းဢမႄႇရိၵၼ်ႇ ႁႂ်ႈႁၢင်ႈႁႅၼ်းတူဝ် ပႂ်ႉႁပ်ႉလွင်ႈၶဵင်ႇတႃႉလူင် ဢၼ်ၸၢင်ႈတုမ်ႉ ...