ၽွင်းၵူၼ်းမိူင်းတႆးပွတ်းၸၢၼ်း လူဝ်ႇပူၵ်းပွင်ၶိုၼ်းႁိူၼ်းယေး ၸိူဝ်းလူမ်ႉၵွႆယွၼ်ႉၽႅၼ်ႇလိၼ်ဝႆယူႇၼႆႉ ၵႃႈၶၼ်လိၼ်ပုၼ် (ၽိလပ်ႉမျေႇ)သမ်ႉပုင်ႈၶိုၼ်ႈသုင်ႁႅင်းလႄႈ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵိၼ်းၸႂ်။  မိူဝ်ႈၵွၼ်ႇ ၶၼ်လိၼ်ပုၼ် တီႈဝဵင်းတူၼ်ႈတီး ၼိုင်ႈထူင်မီးမွၵ်ႈ 2 မိုၼ်ႇပျႃး၊ ယၢမ်းလဵဝ်ၼႂ်းၶၢဝ်းတၢင်းၼိုင်ႈလိူၼ်ၼႆႉ ပုင်ႈၶိုၼ်ႈသုင်ထိုင် 34000- 35000 ပျႃးယဝ်ႉ  ဝႃႈၼႆ။ ၵူၼ်းၶၢႆလိၼ်ပုၼ် တီႈဝဵင်းတူၼ်ႈတီး  လၢတ်ႈၽူႈတွႆႇႁွၵ်ႈဝႃႈ -“တလဵဝ်ၵႃႈၶၼ်လိၼ်ပုၼ် ၼႆႉ ဢမ်ႇၼိမ် ။ လိၼ်ပုၼ်...

ၸုမ်းလုၵ်ႉၽိုၼ်ႉ 4 ၸုမ်း ဢၼ်တိုၵ်ႉၵိူတ်ႇမီးမႃး ၼႂ်းမိူင်းတႆးပွတ်းၸၢၼ်း ၶၢဝ်းတၢင်းၸွမ်ၸိၵ်း သိုၵ်း မၢၼ်ႈ မိၼ်းဢွင်ႇလၢႆႇ ယိုတ်းမိူင်းမႃးၼႆႉ တေႁူမ်ႈၵၼ်ပဵၼ်ဢၼ်လဵဝ်သေ သိုပ်ႇၵၢၼ်လုၵ်ႉၽိုၼ်ႉ တေႃႇသူႈ သိုၵ်းမၢၼ်ႈၵႂႃႇထႅင်ႈ ဝႃႈၼႆ။ ၸုမ်းလုၵ်ႉၽိုၼ်ႉ 4 ၸုမ်းၼႆႉ ပဵၼ်တပ်ႉ မၢႆ 1005 (SSPDF) ၊ 1008 (SSRY)...

ၵၢၼ်ၽုၵ်ႈယႃႈၼႂ်းၸႄႈဝဵင်း ပၢင်လွင်း၊ သီႇသႅင်ႇ၊ ႁူဝ်ပူင်းၼႂ်းၸိုင်ႈတႆးပွတ်းၸၢၼ်း လိူင်ႇၼမ်မႃးလိူဝ်တၢင်ႇပီ  ပီၼႆႉၵႃႈၶၼ်ယႃႈလမ် ၼိုင်ႈၸွႆႉ ၶိုၼ်ႈထိုင် 13 သႅၼ်ပျႃး။ ၵူၼ်းပိုၼ်ႉတီႈဝဵင်းပၢင်လွင်းလၢတ်ႈဝႃႈ - ယၢမ်းလဵဝ်ပဵၼ်ၶၢဝ်းတႄႇၶုတ်ႇယႃႈလမ်။ ၶၼ်ယႃႈလမ်ပီၼႆႉ မီးယူႇတီႈ 13 သႅၼ် တေႃႇထိုင် 15 သႅၼ်ပျႃး- ဝႃႈၼႆ။  ယၢမ်းလဵဝ် တီႈဝဵင်းပၢင်လွင်းလႄႈသီႇသႅင်ႇၼႆႉ သိုၵ်းမၢၼ်ႈႁူမ်ႈပျီႇတူႉၸိတ်ႉသေ တိုၵ်ႉပိုတ်းယိုဝ်းၵၼ်တင်းသိုၵ်းပဢူဝ်း PNLA...

သိုၵ်းမၢၼ်ႈ ယိုတ်းမိူင်း ႁႄႉႁၢမ်ႈတေႃႉသူင်ႇၼမ်ႉမၼ်းၸိူဝ်ႉၾႆး (ၼမ်ႉမၼ်းၸၢၵ်ႈ) လႄႈ ႁဵတ်းႁႂ်ႈၵူၼ်းမိူင်းတႆးပွတ်း ၸၢၼ်း လၢႆၸႄႈဝဵင်း ထူပ်းတၢင်းယၢပ်ႇၽိုတ်ႇႁႅင်း ယွၼ်ႉပဵၼ်ၶၢဝ်းလူဝ်ႇႁဵတ်းႁႆႈၼႃးသူၼ် ဝႃႈၼႆ။ ယၢမ်းလဵဝ် တီႈမိူင်းၼွင်၊ ၵေးသီး၊ မိူင်းသူႈ၊ မိူင်းၵိုင်လႄႈ မိူင်းယႆ ၸိူဝ်းၼႆႉ ၼမ်ႉမၼ်းၸိူဝ်ႉၾႆးၶၢတ်ႇဝႆႉ ယွၼ်ႉသိုၵ်းမၢၼ်ႈ ႁႄႉႁၢမ်ႈ ဢမ်ႇပၼ်တေႃႉသူင်ႇမႃး ႁဵတ်းႁႂ်ႈၵူၼ်းမိူင်း - ၸဝ်ႈသူၼ်ႁႆႈၼႃး...

ၼႂ်းလိူၼ်သႅပ်ႊထႅမ်ႊပိူဝ်ႊ (လိူၼ်ထူၼ်ႈ 9)လႄႈ လိူၼ်ဢွၵ်ႊထူဝ်ႊပိူဝ်ႊ (လိူၼ်ထူၼ်ႈ 10 ) ၼႆႉ ၾူၼ်တူၵ်းထပ်းၵၼ် ဢမ်ႇထၢတ်ႇ ၼမ်ႉထူမ်ႈၼမ်ႉၼွင်း ၵူၼ်းလူႉတၢႆ၊ ႁိူၼ်းယေးၵူၼ်းမိူင်းလူႉၵွႆ သေဢမ်ႇၵႃး သူၼ်ႁႆႈၼႃးၵူၼ်းမိူင်းလူႉသုမ်းၼမ် ဝၢႆးၼၼ်ႉမႃး ၶၼ်ၵုၼ်ႇလိပ်း ၽၵ်းယိူဝ်ႈၼၢင်းၶဵဝ် - မၢၵ်ႇၶဝ်ႈတဝ်ႈၼမ်ႉ ပုင်ႈၶိုၼ်ႈသုင် 2 ပုၼ်ႈ 3...

တီႈၸႄႈဝဵင်းပၢင်လွင်း မိူင်းတႆးပွတ်းၸၢၼ်း မၢၵ်ႇၶိူဝ်သူမ်ႈ ဢမ်ႇမီးၵႃႈၶၼ် တေဢဝ်ၶၢႆၵေႃႈ တေသုမ်းပႃး ၵႃႈႁႅင်း ၵႃႈ ၼမ်ႉမၼ်းၸၢၵ်ႈၵူၺ်းၼႆသေ ၸဝ်ႈသူၼ်လႆႈပွႆႇပႅတ်ႈ သုမ်းတင်းၼမ်တင်းလၢႆ။ ဝၼ်းတီႈ 05/09/2024 ၼႆႉ ၶၼ်မၢၵ်ႇၶိူဝ်သူမ်ႈ ဝဵင်းပၢင်လွင်း ၼိုင်ႈၸွႆႉ 300 ပျုး၊ သူၼ်မၢၵ်ႇၶိူဝ်သူမ်ႈ ၸိူဝ်းမီးၾၢႆႇဢွၵ်ႇဝၢၼ်ႈၼွင်တရႃးသမ်ႉ မူင်ႈမႅင်းယႃႉ၊ ၾူၼ်ၼမ်လႄႈ မၢၵ်ႇၶိူဝ်သူမ်ႈၼဝ်ႈ ၸဝ်ႈသူၼ်...

မၢၵ်ႇၶိူဝ်သူမ်ႈ ဢၼ်ဢွၵ်ႇတီႈ ၼႂ်းၸႄႈဝဵင်းပၢင်လွင်း ၼွင်တရႃး သီႇၵိပ်ႇလႄႈ ၼႂ်းၸႄႈဝဵင်းယွင်ႁူၺ်ႈ ထုင်ႉၼွင်ႁၢႆးယႃႈ ၸိုင်ႈတႆးပွတ်းၸၢၼ်းၼႆႉ ယွၼ်ႉၵႃႈၶၼ်တူၵ်းႁႅင်း ႁဵတ်းႁႂ်ႈၸဝ်ႈသူၼ်သုမ်းၼမ် ဝႃႈၼႆ။ မိူဝ်ႈႁၢင်လိူၼ်ၵျူႊလၢႆႊၼႆႉ မၢၵ်ႇၶိူဝ်သူမ်ႈ ၼိုင်ႈၸွႆႉလႂ် လႆႈၶၢႆ 2,000 – 2,500 ပျႃး၊ ယၢမ်းလဵဝ် ၼႂ်းႁၢင်လိူၼ်ဢေႃႊၵတ်ႊသ်ၼႆႉ ၼိုင်ႈၸွႆႈလႂ် လႆႈၶၢႆ မွၵ်ႈ 300...

တႄႇႁူဝ်လိူၼ်ဢေႃႊၵတ်ႊသ်ၼႆႉမႃး ၾူၼ်တူၵ်းထပ်းၵၼ်လၢႆဝၼ်းသေ ၼမ်ႉႁူၺ်ႈၼမ်ႉလွႆ မႄႈၼမ်ႉၵႄးၼမ်ႉ ၼွင်းထူမ်ႈၶဝ်ႈၼႂ်းဝၢၼ်ႈၼႂ်းသူၼ် ၼႂ်းပွၵ်ႉၼႂ်းယွမ်ႇ ၵူၼ်းမိူင်းၸိုင်ႈတႆး ပွတ်းၸၢၼ်း လၢႆလၢႆဝဵင်း ႁဵတ်းႁႂ်ႈၵူၼ်းမိူင်းယၢပ်ႇၸႂ်ဝႆႉ။ တီႈဝၢၼ်ႈၼႃးၵူင်း ဝဵင်းလၢင်းၶိူဝ်းၼႆႉ ၼမ်ႉထူမ်ႈႁၢႆႉႁႅင်းမႃး 2-3 ဝၼ်းယဝ်ႉ မိူဝ်ႈၼႆႉ ဝၼ်းတီႈ 28/08/2024 ၼမ်ႉ ႁူၺ်ႈၼမ်ႉလွႆလႄႈ ၼမ်ႉပၢၵ်ႈ ၼွင်းၼမ်ႉထူမ်ႈဝၢၼ်ႈၼႃးၵူင်း ႁၢဝ်ႈႁႅင်း။ ၼမ်ႉတဵင်းသမ်ႉ ၼွင်းဝႆႉၸဵမ်...

ၾူၼ်တူၵ်းထပ်းၵၼ်လၢႆလၢႆဝၼ်းလႄႈ ၼမ်ႉႁူၺ်ႈ ၼမ်ႉလွႆၼွင်း မႄႈၼမ်ႉၵႄးၼမ်ႉ လူၼ်ႉၾၢင်ႇ ထူမ်ႈၶဝ်ႈၼႂ်းဝၢၼ်ႈၼႂ်းသူၼ် ၵူၼ်းမိူင်း ၸိုင်ႈတႆးပွတ်းၸၢၼ်း လၢႆလၢႆဝဵင်း ။ တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်းၼၼ်ႉ ၾူၼ်တူၵ်း ၶၢဝ်းတၢင်း 10 ဝၼ်းပၢႆယဝ်ႉလႄႈ ၼမ်ႉလၢတ်ႈ ၼွင်းလူၼ်ႉၾင်ႇ ၶဝ်ႈၼႂ်းပွၵ်ႉ (1) ၵူၼ်းပိုၼ်ႉတီႈ လႆႈၶၢႆႉၶူဝ်းၶွင် ပၢႆႈသွၼ်ႈယူႇသဝ်း တီႈလွတ်ႈၽေး။ ၵူၼ်းၼမ်ႉၸၢင် ၵေႃႈၼိုင်ႈ...

ၼႂ်းၶၢဝ်းတၢင်း ၼိုင်ႈဝူင်ႈမႃးၼႆႉ ၵူၼ်းပၢႆႈၽေးသိုၵ်း ၼႂ်းၸိုင်ႈတႆးပွတ်းၸၢၼ်း တိူဝ်းမႃးထႅင်ႈ ႁဵင်ပၢႆ ယွၼ်ႉသိုၵ်းမၢၼ်ႈ ယိုဝ်းၵွင်ႈလူင်သႂ်ႇ ဢမ်ႇယွမ်း 100 ၵမ်း ဝႃႈၼႆ။ တႄႇဢဝ် လိူၼ်မေႊ 2024 ၼႆႉမႃး ၵူၼ်းမိူင်း သီႇသႅင်ႇ ၊ ယွင်ႁူၺ်ႈ ၊ ႁူဝ်ပူင်းလႄႈ ပၢင်လွင်း ၼႂ်းၸိုင်ႈတႆးပွတ်း ၸၢၼ်း...

တီႈဝၢၼ်ႈထီႇၶူဝ်း ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်းၼၼ်ႉ ပၢင်တိုၵ်းဢမ်ႇမီးသေ သိုၵ်းမၢၼ်ႈ ယိုဝ်းၵွင်ႈလူင်သႂ်ႇဝၢၼ်ႈလႄႈ ႁဵတ်းႁႂ်ႈၵူၼ်းဝၢၼ်ႈ ဢွၼ်ၵၼ်ပၢႆႈတင်းဝၢၼ်ႈ ဝႃႈၼႆ။ ဝၼ်းတီႈ 27/3/2024 ယၢမ်းဝၢႆးဝၼ်းမွၵ်ႈ 2 မူင်းၼၼ်ႉ သိုၵ်းမၢၼ်ႈ ဢဝ်ၶိူင်ႈမိၼ် မႃးပၼ်ႇလဵပ်ႈတၢင်းဝၢၼ်ႈၼမ်ႉတူၵ်းသေ ယိုဝ်းမၢၵ်ႇလူင်တူၵ်း ဢမ်ႇယွမ်း 20 လုၵ်ႈ ၾႆးမႆႈဝၢၼ်ႈသူၼ်ႁိူၼ်းယေးတင်းၼမ်။ ၵူၼ်းဝၢၼ်ႈ ၵမ်ႈၽွင်ႈတၼ်းပၢႆႈပူၼ်ႉ ၵမ်ႈၽွင်ႈ...

ပၢင်တိုၵ်း ၼႂ်းၵႄႈသိုၵ်းမၢၼ်ႈလႄႈ သိုၵ်းပဢူဝ်း PNLA ၼႂ်းၵႄႈႁူဝ်ပူင်း - မိူင်းပွၼ် ၶၢဝ်းတၢင်း 3-4 ဝၼ်းမႃးၼႆႉ ႁဵတ်းႁႂ်ႈ ၶၼ်ၼမ်ႉမၼ်းၸိူဝ်ႉၾႆး (ၼမ်ႉမၼ်းၸၢၵ်ႈ) ၸိူဝ်းၼႆႉ ပုင်ႈၶိုၼ်ႈ 1 လိတ်ႊလႂ်ထိုင် 3,900 ပျႃး ၼႆယဝ်ႉ။   တႄႇဢဝ် ဝၼ်းတီႈ 21/2/2024 ၼၼ်ႉမႃး...

ဝူင်ႈၼႆႉ ၼႂ်းမိူင်းတႆး ပွတ်းၸၢၼ်း ၵူၼ်းၸပ်းတၢင်းပဵၼ်ၶူဝ်ႊဝိတ်ႉ 19 ၽႄႈၶိုၼ်ႈ မႃးၵူႈဝၼ်းလႄႈ ပၢင်ပွႆးပီမႂ်ႇတႆး ဢၼ်ၸတ်းႁဵတ်းၵူႈပီၼၼ်ႉ ပီၼႆႉဝဵင်းပၢင်လူင် တေဢမ်ႇၸတ်းႁဵတ်းယဝ်ႉဝႃႈၼႆ။ ဝၼ်းတီႈ 18/11/2020 မိူဝ်ႈဝႃးၼႆႉ ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းပၢင်လူင် ႁဵတ်းပၢင်ၵုမ်ၵၼ် ဢုပ်ႇဢူဝ်းလႆႈၸႂ် ၵၼ်ဝႃႈ တေဢမ်ႇၸတ်းႁဵတ်း ပၢင်ပွႆးသူင်ႇၸဵင်၊ ႁပ်ႉၸဵင်၊ ၵိၼ်ၸဵင် ပီမႂ်ႇတႆး ၸိူင်ႉၼင်ႇၵူႈပီ၊...