မိူဝ်ႈၼႆႉဝၼ်းတီႈ 17 ယၢမ်းၵၢင်ၼႂ် မွၵ်ႈ 10 မူင်း လိူၼ်ၵျႅၼ်ႊၼိဝ်ႊရီႊ ရူတ်ႉၵႃးတၢင်ႇၵူၼ်းဢွၵ်ႇၶၢဝ်းတၢင်း လမ်းၼိုင်ႈ ပိၼ်ႈတူၵ်းႁူၺ်ႈ ဢၼ်မီးၼိူဝ်သဵၼ်ႈတၢင်းၵႂႃႇ ဝဵင်းလွႆလႅမ်- ဝဵင်းၼမ်ႉၸၢင် မိူင်းတႆးပွတ်းၸၢၼ်း ၼႆယဝ်ႉ။
ၼႂ်းရူတ်ႉၵႃးလမ်းဢၼ်ပိၼ်ႈတူၵ်းႁူၺ်ႈၵႂႃႇၼၼ်ႉ ၵူၼ်းမၢတ်ႇၸဵပ်းၵႂႃႇ 9 ၵေႃႉ လႄႈ လူႉတၢႆၵႂႃႇ 1 ၵေႃႉၼႆ ၸုမ်းၾၢႆႇၸွႆႈထႅမ်ၵူၼ်းမၢတ်ႇၸဵပ်း လႄႈ ၸုမ်းၶႄႇၾႆးၼႂ်းပိုၼ်ႉတီႈ ၸိူဝ်းၵႂႃႇၸွႆႈထႅမ်ၼၼ်ႉ လၢတ်ႈၼႄၼင်ႇၼႆ။
လႆႈႁူႉဝႃႈ ရူတ်ႉၵႃးလမ်းၼၼ်ႉ ပိၼ်ႈတူၵ်းၵႂႃႇၼႂ်းႁူၺ်ႈ တီႈၵႄႈၵၢင် မၢႆလၵ်း (177/1) လႄႈ (177/2) ၼိူဝ်သဵၼ်ႈတၢင်းလူင်ဢၼ်လုၵ်ႉတၢင်း ဝဵင်းလွႆလႅမ် ၵႂႃႇတၢင်း ဝဵင်းၼမ်ႉၸၢင်။ ၼႂ်းရူတ်ႉလမ်းၼၼ်ႉ မီးၵူၼ်းၶီႇၵႂႃႇၸွမ်း 11 ၵေႃႉသေ ၵူၼ်းၸၢႆးသၢမ်ၵေႃႉ လႄႈ ၼၢင်းယိင်း 6 ၵေႃႉ မၢတ်ႇၸဵပ်းၵႂႃႇႁၢဝ်ႈႁႅင်း ၼႆယဝ်ႉ။
ၵူၼ်းၵေႃႉလူႉတၢႆၵႂႃႇၼၼ်ႉတႄႉ ပဵၼ်ၵူၼ်းၸၢႆးသေ ၾၢႆႇၸုမ်းၸွႆႈထႅမ်ၶၢႆႇၶႃပေလႅင် ဝဵင်းၼမ်ႉၸၢင် လႄႈ ၸုမ်းပရႁိတၵူၼ်းၼုမ်ႇသၼ်လွႆ တင်း ၽူႈမီးပုၼ်ႈၽွၼ်းၼႂ်းၸုမ်းႁူင်းၶႄၾႆးၸႄႈတွၼ်ႈလွႆလႅမ်ၶဝ် ဢဝ်ၵႃးတေႃႉၵူၼ်းပဵၼ်ၵႂႃႇသူင်ႇတီႈ ႁူင်းယႃလူင်ၵူၼ်းမိူင်း ၸႄႈတွၼ်ႈလွႆလႅမ်ဝႆႉ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ