လိူၼ်တီႊသိမ်ႊပိူဝ်ႊ ဝၼ်းတီႈ 3 ပူၼ်ႉမႃးၼႆႉ ၸုမ်းၶႄႇၵဝ်ႈၵၢင်ႉ MNDAA ႁဵတ်းဢွၵ်ႇၶေႃႈပိုၼ်ၽၢဝ်ႇ တႃႇၵိုတ်းတိုၵ်းၵၼ်တင်း ၸုမ်းသိုၵ်းမၢၼ်ႈ SAC သေ ဢုပ်ႇဢူဝ်းၵႄႈလိတ်ႈၵၢၼ်မိူင်းၼႆမႃးလႄႈ ပဵၼ်ဢၼ်တိူဝ်ႉယွၼ်ႈသႅပ်ႇထိုင် ၸုမ်းၸၢဝ်းလုၵ်ႉၽိုၼ်ႉ ၸိူဝ်းယၼ်ႇၸႂ်ဝႆႉဝႃႈ ၼွၵ်ႈလိူဝ်လၢႆးတိုၵ်းမူၺ်ႉ ဢမ်ႇမီးထႅင်ႈတၢင်ႇတၢင်းယဝ်ႉ။ MNDAA ၼႄၶေႃႈဢၢင်ႈတႄႉ တူၺ်းတေႃႇၵူၼ်းမိူင်း ၸိူဝ်းလႆႈၺႃးတၢမ်ႇသိုၵ်းႁၢဝ်ႈႁႅင်းၼၼ်ႉလႂ်၊ ပိူဝ်ႈတႃႇၵႅတ်ႇၶႄထိင်းသိမ်း လွင်ႈၼိမ်တဵင်ႈၵတ်းယဵၼ်ၸွမ်းလႅၼ်လိၼ် မိူင်းၶႄႇလႄႈ မိူင်းမၢၼ်ႈ...

ၼႂ်းပီၼႃႈၼႆႉ ၶွင်ႇသီႇသိုၵ်းမၢၼ်ႈ တေဢၢၼ်းၸတ်းပဵၼ်ပၢင်လိူၵ်ႈတင်ႈလူင် ၸွမ်းၼႂ်းၼႃႈတီႈၼိမ် ယဵၼ်တၢၼ်ႇတၢၼ်ႇၼၼ်ႉၼႆလႄႈ ၸုမ်းပႃႇတီႇပၢႆးမိူင်းလႄႈ ၸုမ်းလူင်းလၢႆးမိုဝ်း လိၵ်ႈႁူမ်ႈမၢႆၵိုတ်း တိုၵ်းတူဝ်ႈမိူင်းၵမ်ႈၽွင်ႈ ႁွင်ႉႁူၺ်းပႃး ၸုမ်းတူင်ႇဝူင်းၵူၼ်းၵမ်ႈၽွင်ႈသေ ၶိုင်ႁႃႁၢင်ႈႁႅၼ်းယူႇယွတ်ႈယွတ်ႈယဝ်ႉ။ ထႅင်ႈၾၢႆႇၼိုင်ႈသမ်ႉ ၸုမ်းၸၢဝ်းတီႇမူဝ်ႇၶရႅတ်ႉတိၵ်ႉ ၸိူင်ႉၼင်ႇ - K3C ၊ NUG လႄႈ PRCF ၸိူဝ်းၼႆႉ သမ်ႉၶတ်း ၶၢၼ်ႉဝႃႈ ၵွၼ်ႇပႆႇမီးၶေႃႈတူၵ်းလူင်းၵၢၼ်မိူင်း...

ၸဵမ်မိူဝ်ႈဝၼ်းတီႈ 05/11/2024 ပေႃးဝႃႈ မိၼ်းဢွင်ႇလၢႆႇ ၽႅဝ်မိူင်းၶႄႇၵေႃႈ ၶၢဝ်ႇဢွၵ်ႇဝႃႈမၼ်းၵႂႃႇတူၵ်းလူင်း ႁႂ်ႈပွႆႇတပ်ႉၵိၼ်ၸၢင်ႈႁူမ်ႇလူမ်ႈၶွင်မိူင်းၶႄႇ မႃးတူၺ်းလူၵႅတ်ႇၶႄၶူင်းၵၢၼ်မၢၵ်ႈမီးၶႄႇလႄႈ ၵူၼ်းမိူင်းၶႄႇ ဢၼ်မႃးမီးၼႂ်းမိူင်းမၢၼ်ႈၼႆႉ ၵမ်းလဵဝ်။ ၵွပ်ႈပိူဝ်ႈ တင်းသွင်ၾၢႆႇဢမ်ႇပွႆႇၶၢဝ်ႇဢွၵ်ႇၵႂၢင်ႈလႄႈ ၵူၼ်းၼမ်ဢမ်ႇပေႃးသူၼ်ၸႂ်၊ ပိူဝ်ႈႁၼ်ထိုင်ဝႃႈ တေဢမ်ႇပဵၼ်လႆႈ ၼႆၵေႃႈ ပႃးယဝ်ႉ။ ၼႂ်းပိူင်ငဝ်ႈပိုင်းမိူင်း 2008 ဢၼ်တပ်ႉသိုၵ်းမၢၼ်ႈ ဢဝ်ႁဵတ်းၵႃႇထႃႇလူမ်ႈ တူဝ်ၶဝ်ဝႆႉၼၼ်ႉၵေႃႈ တီႈမတ်ႉတႃ 42...

ၵူၼ်း (မၼုသ်းယ) ဢၼ်ၵိူတ်ႇမႃးၼႂ်း လူၵ်ႈလုမ်ႈၾႃႉ (လူဝ်းၵ) လူင်ၼႆႉ မီးလၢႆလိူင်ႈ လူၺ်ႈတၢင်းထုၵ်ႇၸႂ် လႄႈတၢင်းသူင် တၢင်းႁဵတ်းတၢင်းသၢင်ႈ လၢႆပိူင် လၢႆသႅၼ်း ဢၼ်တေမိူၼ်ၵၼ်ၵေႃႈမီး တေဢမ်ႇမိူၼ်ၵၼ် ၵေႃႈမီးတင်းၼမ် ယွၼ်ႉတၢင်းသူင် တၢင်းထုၵ်ႇၸႂ်လႄႈတၢင်းႁဵတ်းၼၼ်ႉသေ ၵၢၼ်ပႅၵ်ႇပိူင်ႈပၢႆးဝူၼ်ႉ ၵၢၼ်ၶွၼ်ႈ ၵုမ်ႇၶွၼ်ႈသႅၼ်း ၸႅၵ်ႇပဵၼ်တူင်ႇဝူင်းသေ ၸင်ႇၵိူတ်ႇပဵၼ်မီးမႃး မုၵ်ႉ မူႇ...

ၽူႈယႂ်ႇၵူၼ်းလူင် ၽူႈၼမ်း ၽူႈဢွၼ်ႁူဝ် ႁိုဝ် ၽူႈပူၵ်းပွင်ၼႃႈႁိူၼ်းၵမ်ႈပႃႈၼမ် တေမီးၸႂ်ၶဵင်ႈၶႅင် ၼိူဝ် ပၢႆးဝူၼ်ႉတူဝ်ၵဝ်ႇသေ ၶႂ်ႈႁႂ်ႈ လုၵ်ႈလၢၼ် ၶႂ်ႈႁႂ်ႈလုၵ်ႈၼွင်ႉ ၶႂ်ႈႁႂ်ႈၽူႈၸွမ်းလင် ၽူႈယူႇတႂ်ႈၶပ်းၵၢၼ် ႁဵတ်းၸွမ်းပၢႆးဝူၼ်ႉတူဝ်ၵဝ်ႇ ႁိုဝ် ပွၼ်ႈပၢႆးဝူၼ်ႉတူဝ်ၵဝ်ႇ ဢမ်ႇၼၼ်ၵေႃႈတၢင်းယုမ်ႇယမ်တူဝ်ၵဝ်ႇလႄႈ ၶႂ်ႈႁႂ်ႈႁပ်ႉပၢႆးဝူၼ်ႉတူဝ်ၵဝ်ႇၵႂႃႇၸတ်းၶိုင် ၼႂ်းၼႃႈတီႈၵၢၼ်ငၢၼ်း ႁိုဝ် ၼႂ်းၸီးဝိတ်ႉ ၵၢၼ်ယူႇၵိၼ် ၵူႈဝၼ်းဝၼ်းပဵၼ်လၵ်း။ ဢၼ်ႁဝ်းႁၼ် လွင်ႈဢၼ်ႁဝ်းဝူၼ်ႉဝႃႈ...

ၽွင်းမိူဝ်ႈ မိူင်းၶႄႇ မွၵ်ႇႁွင်ႉႁူဝ်ပဝ်ႈ ၶွင်ႇသီႇသိုၵ်းမၢၼ်ႈ ၵႂႃႇၶိုၼ်ႈပၢင်ၵုမ်ၸိၵ်းၸွမ် ပွၵ်ႈထီႉ 8 လၢပ်ႈလိၼ်မႁႃႇမႄႈၶွင် တီႈဝဵင်းၶုၼ်ႊမိင်ႊၼၼ်ႉ မိူင်းဢိၼ်ႊတီႊယိူဝ်ႊၵေႃႈ တင်ႈႁူဝ်ၶေႃႈဝႃႈ “ပၢင်ဢုပ်ႇဢူဝ်း ပိူင်ငဝ်ႈပိုင်းမိူင်းလႄႈ လွၵ်းပိူင်ၾႅတ်ႇတရႄႇ”ၼႆသေ မွၵ်ႇထိုင် ၸုမ်း PPFD ၊ NSPNC ၊ CPR ၸိူဝ်းၼႆႉ ၵႂႃႇ ဢုပ်ႇၵုမ်ၵၼ်...

ၼႂ်းလိူၼ်ဢွၵ်ႊထူဝ်ႊပိူဝ်ႊ ဝၼ်းတီႈ 17-18 ၸွမ်သိုၵ်းလူင်ၵမ်ႇသျွင်ႇ ၵေႃႉပဵၼ်ၵႅမ်ႁူဝ်ပဝ်ႈ KIA လႆႈ ၵႂႃႇႁူပ်ႉ တိူင်ႉသျီႊၸွၼ်ႊ (တဵင်ႉသျီႊၵျွၼ်ႊ) တူဝ်တႅၼ်းၶိုၵ်ႉတွၼ်းၶွင်ၶႄႇ ၵဵဝ်ႇလိူင်ႈဢေးသျႃးၼၼ်ႉ တမ်ႈတီႈမိူင်းလႃႈၸၢၼ်းတႃႊ။ ၾၢႆႇၶႄႇတုၵ်းယွၼ်း ႁႂ်ႈၵိုတ်းယိုတ်း လွင်ႈပိုတ်းတိုၵ်း ၸွမ်းလႅၼ် လိၼ်မိူင်းသွင်ၾၢႆႇ ဢၼ်ပဵၼ်ၼႃႈတီႈ NDAK ၸၢဝ်းရဝၢင်ႇ ႁူမ်ႈမိုဝ်းသိုၵ်းမၢၼ်ႈသေ ၵုမ်းၵမ်။ ၵူၺ်းၵႃႈ ၾၢႆႇ...

ၼႂ်းငဝ်းလၢႆးၵၢၼ်သိုၵ်း ၽႄႈလၢမ်း ပတ်းပိုၼ်ႉၸိုင်ႈမိူင်းယူႇၸိူင်ႉၼႆယၢမ်းလဵဝ် ၵူၼ်းၵမ်ႉထႅမ် ႁၼ်လီ ၸုမ်းသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းသမ်ႉ ယိင်ႈၶႅၼ်းတႅမ်ႈတၢင်ႇ ပိုၼ်ၽၢဝ်ႇဢွၵ်ႇမႃး လွင်ႈၶၢဝ်ႇ ဢၼ်လီယုပ်းၽၢၼ်ႈ ဢၼ်သၢင်ႈပၼ်ႁႃ။ ဝၼ်းတီႈ 11/10/2024    ၶျွင့် Telegram ဢၼ်မီးၸိုဝ်ႈဝႃႈ ပႃႉၺုၼ့် (ဘညွန့်) ဢၼ်ဝႃႈၼၼ်ႉ တႅမ်ႈတၢင်ႇ ဝႆႉဝႃႈ ၵူၼ်းပၼ်ၶၢဝ်ႇသိုၵ်းမၢၼ်ႈ ဢၼ်ၸုမ်းသိုၵ်းၵဝ်ႈၵၢင့် MNDAA တီ့ၺွပ်းဝႆ့ၼၼ့်...

မိူဝ်ႈလႆႈငိၼ်းၶၢဝ်ႇဝႃႈ ၸုမ်းလူင်ပွင်ၸိုင်ႈဝီႊတူဝ်ႊတူဝ်ႊ မိူင်းဢိၼ်ႊတူဝ်ႊၼီးသျႃႊ တေႁွင်ႉတူဝ်တႅၼ်း ၸၢတ်ႈၸိုင်ႈလုမ်ႈၾႃႉ၊ EU ၊ ASEAN လႄႈ လၢႆလၢႆၸိုင်ႈမိူင်း ၸိူဝ်းႁႅင်းယႂ်ႇၼၼ်ႉ ႁူပ်ႉဢုပ်ႇၵၼ်တင်း ၸိူဝ်းႁူဝ်ၼႃႈၸုမ်းၸၢဝ်းလုၵ်ႉၽိုၼ်ႉၼႂ်းမိူင်း ႁႂ်ႈလႆႈႁႃလၢႆးၵႄႈလိတ်ႈပၼ်ႁႃ လိူင်ႈမိူင်း မၢၼ်ႈၼၼ်ႉ Bullet လႃႉသူၺ်ႇ သေႃႇသူၼ်းထိုင် ၸုမ်းပႅၼ်ပႄႈၸပ်းၾၢႆႇၶဝ် တႃႇၶွမ်ႈၶတ်းၼႄၵၢင်ၸႂ် တီႈၶူင်ႇႁိူဝ်းမိၼ်တႃႈၵုင်ႈၵွၼ်ႇ။ ၵူၺ်းၵႃႈ ဢမ်ႇပဵၼ်ပၢင် ၶွင်ႇသီႇသိုၵ်းမၢၼ်ႈ...

ပၢင်တိုၵ်းၼႂ်းၸိုင်ႈတႆးပွတ်းႁွင်ႇ ပႆႇၵိုတ်းပႆႇယဵၼ် တီႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ သိုၵ်းတဢၢင်း TNLA + PDF လႄႈ သိုၵ်းမၢၼ်ႈပိုတ်းယိုဝ်းၵၼ်ႁၢဝ်ႈႁႅင်း ၊ သိုၵ်းၸၢဝ်းၶိူဝ်း ယိုတ်းလႆႈတပ်ႉသိုၵ်းမၢၼ်ႈတင်းၼမ် ။ ၽွင်းသိုၵ်းမၢၼ်ႈၵၢၼ်ႉသိုၵ်းယူႇၵူႈတီႈၵူႈဝဵင်းၼႆႉ သိုၵ်းမၢၼ်ႈဢဝ်ၶိူင်ႈမိၼ်မႃးပၼ်ႇလဵပ်ႈ ပိုတ်းယိုဝ်း ႁိူၼ်းယေးၵူၼ်းမိူင်းယူႇၵူႈၶမ်ႈၶိုၼ်း။  ၵူၼ်းမိူင်းလႆႈပၢႆႈၽေးသိုၵ်းယင်းပႆႇၸၢင်ႈပွၵ်ႈၶိုၼ်းႁိူၼ်း ။ တႃႇႁႂ်ႈၵူၼ်းမိူင်း ၵူၼ်းသိုၵ်း တေမီးလွင်ႈၶဝ်ႈၸႂ်ၽိတ်းၼိူဝ်ၵၼ်ၼၼ်ႉ သမ်ႉမီး ၶၢဝ်ႇပွမ်ၶၢဝ်ႇၽၢင်း...

ၵွၼ်ႇပႆႇတႄႇ ပၢင်ၵုမ်လူင် ASEAN ၼၼ်ႉ ဢိၼ်ႊတူဝ်ႊၼီးသျႃႊ ဢၼ်ပဵၼ်မိူင်း ႁူဝ်ပဝ်ႈၵဝ်ႇၶွင် ASEAN မွၵ်ႇႁွင်ႉ တူဝ်တႅၼ်းၶိုၵ်ႉတွၼ်း ၵူႈမိူင်းမိူင်း မႃးႁူပ်ႉဢုပ်ႇဢူဝ်းၵၼ်တင်း ၸုမ်းၸၢဝ်းလုၵ်ႉၽိုၼ်ႉ ဢမ်ႇၼၼ် ၸုမ်းၸၢဝ်းတီႇမူဝ်ႇၶရႅတ်ႉတိၵ်ႉၶဝ် တီႈဝဵင်းလူင်ၵျႃႊၵႃႊတႃႊ။ ပၢင်ဢုပ်ႇဢူဝ်း ၵမ်းၼႆႉ ၵွပ်ႈပိူဝ်ႈ RCSS ၵေႃႈ ၶဝ်ႈပႃးၸွမ်းလႄႈ တေလႆႈဝႃႈ ႁူဝ်ၼပ်ႉတူဝ်တႅၼ်းၸၢဝ်းတႆး ၼမ်လိူဝ်တၢင်ႇၸုမ်းတႄႉယဝ်ႉ။...

ဝၢႆးသေလူမ်းလႅင်ႉ(ၽႃႊယု)ၾူၼ်လူင်ႁုမ်ႇသႂ်ႇမိူဝ်ႈပၢႆလိူၼ်သႅပ်ႉထႅမ်ႊၿိူဝ်ႊရ် 2024 ၼႆႉသေ ႁဵတ်းႁႂ်ႈၼမ်ႉလုပ်ႇ ၼွင်းထူမ်ႈၼႂ်းၵဵင်းမႂ်ႇ မႄႈသၢႆ လႄႈ ၼႂ်း မိူင်းတႆးလၢႆ ၸႄႈဝဵင်းၸႄႈတွၼ်ႈ ႁူမ်ႈတင်း လၢႆၸိုင်ႈမိူင်း တူဝ်ႈလူၵ်ႈ လုမ်ႈၾႃႉၵေႃႈ တုမ်ႉယွၼ်ႉၵၼ်ၵႂႃႇသဵင်ႈၵမ်းၼိုင်ႈယဝ်ႉ ။ ထိုင်မႃးၽွင်း ႁူဝ်လိူၼ်ဢွၵ်ႉထူဝ်ႊၿိူဝ်ႊရ်ၼႆႉ ထႅင်ႈၵမ်းၼိုင်ႈ ။ ယိင်ႈၶႅၼ်းႁၢႆႉႁႅင်းလိူဝ်ၵမ်းဢွၼ်တၢင်းလႄႈ ႁဵတ်းႁႂ်ႈႁူဝ်ၵူၼ်းၼပ်ႉလၢၼ်ႉ တူဝ်ႈၸွတ်ႇ လၢႆပိုၼ်ႉတီႈ...

ၶၢဝ်းတၢင်းသိုၵ်းမၢၼ်ႈၵႆႉဢဝ်မၢၵ်ႇလူင်ပွႆႇသႂ်ႇဢွင်ႈတီႈဢၼ်သိုၵ်းၵဝ်ႈၵၢင်ႉ MNDAA သိုၵ်းတဢၢင်း TNLA ၵုမ်းဝႆႉၸိူဝ်းၼၼ်ႉၼႆႉ  သိုၵ်းၵဝ်ႈၵၢင်ႉ MNDAA လႄႈသိုၵ်းတဢၢင်း TNLA တီႉၺွပ်း ၵူၼ်းၸိူဝ်းဢၼ်ၶဝ်ထၢင်ႇထိူမ်ဝႃႈ ပဵၼ်ၵူၼ်းပၼ်ၶၢဝ်ႇတီႈသိုၵ်းမၢၼ်ႈၼႆသေ ၵူတ်ႇထတ်းထဵတ်ႈထၢမ်ဝႆႉ။ ယၢမ်းလဵဝ်ၵူၼ်းမိူင်းဝဵင်းလႃႈသဵဝ်ႈလၢတ်ႈဝႃႈ -ဢၼ်ၶဝ်တီႉဝႆႉမီးမွၵ်ႈ 30 ၵေႃႉလွင်ႈၼႆႉ ပဵၼ်ၶၢဝ်ႇဢၼ်ၵူၼ်းမိူင်းဝဵင်းလႃႈသဵဝ်ႈလၢတ်ႈမိူၼ်ၵၼ်တင်းဝဵင်း။ ၵူၺ်းၵႃႈၼႂ်းဝူင်ႈဝၢင်ႈၼႆႉ သမ်ႉမီးၶၢဝ်ႇလိုဝ်းၽႄႈၼႂ်းသိုဝ်ႇၼႅင်ႈသၢၼ်ဝႃႈ သိုၵ်းၵဝ်ႈၵၢင်ႉၶႃႈႁႅမ် ၵူၼ်းၸၢဝ်းမၢၼ်ႈ ၸိူဝ်းယူႇဝဵင်းလႃႈသဵဝ်ႈ - ဢၼ်ပွင်ႇၶၢဝ်ႇပၼ်သိုၵ်းမၢၼ်ႈ...

ႁွင်ႈၵၢၼ် လူင်ပွင်ၸိုင်ႈတင်းသဵင်ႈလႄႈ ၽူႈမီးၸၼ်ႉ ၾၢႆႇသိုၵ်းတင်းသဵင်ႈ ၶွင်ၸုမ်းၽွင်းငမ်းၵဝ်ႈၵၢင်ႉ MNDAA ၼႂ်းတွၼ်ႈလိၼ်ၶိုၵ်ႉတွၼ်းမၢႆ 1 ၼႆႉ တေဢမ်ႇလႆႈဢွၵ်ႇၶၢဝ်းတၢင်းၸူး ဢႃႊသီႊယၼ်ႊ ASEAN ၊ ဢမေႊရိၵၼ်ႊ (American) လႄႈ ၸိူဝ်းမိူင်းဝၼ်းတူၵ်း တေဢမ်ႇလႆႈၶိုၼ်ႈ ပၢင်ၵုမ်ၵူႈမိူင်း မိူင်း ဢၼ် ၵဵဝ်ႇတင်း မိူင်းမၢၼ်ႈ။ တေဢမ်ႇလႆႈႁူပ်ႉထူပ်း ထၢမ်တွပ်ႇလူၺ်ႈတင်းသိုဝ်ႇၶၢဝ်ႇ...

ပီ2019 ပူၼ်ႉမႃးၼၼ်ႉ ထႆးထူပ်းၽေးႁုၵ်းႁၢႆႉၵၢၼ်ပိၼ်ႇပႅင်လႅၵ်ႈလၢႆႈ လိၼ် ၾႃႉ ဢႃးၵၢသ်ႇ(လူမ်း) ၼင်ႇဢၼ်ႁၼ်မႃးၸႅင်ႈလႅင်းတင်ႈတႄႇ ၼႃႈၾူၼ်။ ၸဵမ်လွင်ႈ ထူပ်းၽေးႁႅင်ႈလႅင်ႉသေ ဝၢႆးၼၼ်ႉၵေႃႈ တၢမ်းမႃးလူၺ်ႈမဵတ်ႉၼမ်ႉ ၾူၼ်ႁႃႇလဵၵ်ႉႁႃႇယႂ်ႇ တေႃႇထိုင်ပေႃး  ပဵၼ်မႃးၽေးၼမ်ႉလုပ်ႇ ထူမ်ႈၼွင်း ၵမ်းယႂ်ႇလူင် တီႈၸႄႈတွၼ်ႈဢုၿူလ်ႊရၢၶျ်ႉထႃႊၼီႊ။ ၽွင်းၼင်ႇၼၼ် ၼႂ်းဝဵင်းလူင်မိူင်းၵွၵ်ႇ(ၵုင်းထဵပ်ႈ) ၵေႃႈ ပဵၼ် မိူင်းဢၼ်ယူႇၼႂ်းငဝ်းလၢႆးဢၼ်လႆႈၶဵင်ႇတႃႉ   ဢၼ်တေၸၢင်ႈၸူမ်ယူႇတႂ်ႈၼမ်ႉပၢင်ႇလၢႆႇ။...