သိုၵ်းမၢၼ်ႈ ယိုတ်းမိူင်း ၼင်ႇၵၼ် ယိုဝ်းၽိတ်းၵၼ်ၶိုၼ်း တီႈဝဵင်းမိူင်းယႆ ၸၢၵ်ႇမၢၵ်ႇတိူဝ်ႉၺႃး ၵူၼ်းမိူင်းလႄႈ သိုၵ်းမၢၼ်ႈ မၢတ်ႇၸဵပ်းၸွမ်း ၵမ်ႈၽွင်ႈ။ ဝၼ်းတီႈ 04/08/2024 ယၢမ်းၵၢင်ဝၼ်း 11 မူင်းၶိုင်ႈ သိုၵ်းမၢၼ်ႈ တူၺ်းၽိတ်းၵၼ်သေ ယိုဝ်းမႅၼ်ႈၵၼ်ၶိုၼ်း တီႈၼႃႈ ႁူင်းယႃ ဝဵင်းမိူင်းယႆ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ တိူဝ်ႉၺႃး ၵူၼ်းမိူင်းမၢတ်ႇၸဵပ်း...

သိုၵ်းမၢၼ်ႈယိုတ်းမိူင်း တင်း ၸုမ်းဢူၺ်းလီပွတ်းႁွင်ႇ ပဵၼ်ပၢင်တိုၵ်းၵၼ် ၼႂ်းၸႄႈဝဵင်းသီႇပေႃႉ 3 ဝၼ်းထပ်းၵၼ်မႃး ၼႆႉ သွင်ၾၢႆႇမီးလွင်ႈမၢတ်ႇၸဵပ်းလူႉတၢႆၼမ်။ တႄႇဢဝ် ဝၼ်းတီႈ 28 - 31/07/2024 ၼႆႉ ၸုမ်းဢူၺ်းလီပွတ်းႁွင်ႇ ဢၼ်ပႃးသိုၵ်းၵဝ်ႈၵၢင်ႉ MNDAA  ၼၼ်ႉ လေႃႇတိုၵ်း တပ်ႉသိုၵ်းမၢၼ်ႈ ၶမယ 147 ဢၼ်ပၵ်းတပ်ႉဝႆႉ တီႈဝၢၼ်ႈၼွင်ၵေႃႈ...

ပတိၵ်ႈၶၢတ်ႈ ဢၼ်ပဵၼ်ယူႇ ၼႂ်းမိူင်းမၢၼ်ႈတင်း မိူင်းတႆးၼႆႉ ႁႂ်ႈဢဝ်လၢႆးႁူပ်ႉထူပ်းဢုပ်ႇဢူဝ်းၵၼ်သေ ၵႄႈလိတ်ႈၵႂႃႇ ၼႆ သိုၵ်းဝႃႉ UWSA ပိုၼ်ၽၢဝ်ႇတိုၵ်းသူၼ်းဢွၵ်ႇမႃး ၼႂ်းဝၼ်းတီႈ 30 လိူၼ်ၵျူႊလၢႆႊၼႆႉ ၼင်ႇၼႆ။ တႃႇပူၵ်းပွင်ၵၢၼ်မိူင်း ဢၼ်လူႉလႅဝ်ၵႂႃႇယွၼ်ႉပၢင်တိုၵ်း တႃႇၵူၼ်းမိူင်း ၸိူဝ်းပၢႆႈၽေးသိုၵ်း တေပွၵ်ႈၶိုၼ်းႁိူၼ်းယေးသေ မီးလွင်ႈႁူမ်ႇလူမ်ႈၼၼ်ႉ ထုၵ်ႇလီဢဝ်လၢႆးငမ်းယဵၼ် ဢုပ်ႇဢူဝ်းၵႄႈလိတ်ႈၵႂႃႇ ဝႃႈၼႆ။ ယၢမ်းလဵဝ် ၼႂ်းမိူင်းမၢၼ်ႈ ပတ်းပိုၼ်ႉၼႆႉ...

ဝၼ်းတီႈ 30 ၵျူႊလၢႆႊ သိုၵ်းၶႄႇၵဝ်ႈၵၢင်ႉ MNDAA ပိုၼ်ၽၢဝ်ႇဝႃႈ ၽွင်းယၢမ်းပၢင်တိုၵ်းၽႅၼ်ယၼ်ႇသိုၵ်း 1027 ၼႆႉ တေၵႅတ်ႇၶႄႁႄႉၵင်ႈပၼ်ပၢႆးမၢၵ်ႈမီးလႄႈၵၢၼ်လူင်းတိုၼ်းလၢင်းၶူဝ်းၶွင်မိူင်းၶႄႇ ဢၼ်မီးၼႂ်းမိူင်းမၢၼ်ႈ မိူင်းတႆးပွတ်းႁွင်ႇ တင်းမူတ်းဝႃႈၼႆ။ ၼႂ်းၶေႃႈပိုၼ်ၽၢဝ်ႇၼၼ်ႉပႃးဝႆႉဝႃႈ- တေၶတ်းၸႂ်ႁူၺ်းႁွင်ႉၸုမ်းဢူၺ်းလီၶဝ်သေ တေလၢတ်ႈႁႂ်ႈပၼ်ၾၢင်ႉၵူၼ်းႁဵတ်းၵၢၼ်ၶဝ်ဝႃႈ ႁႂ်ႈငိူင်ႉဝႄႈပၼ်ဢၼ်တေၸၢင်ႈတုမ်ႉတိူဝ်ႉပၢႆးမၢၵ်ႈမီး လႄႈ ၵၢၼ်ဢၼ်တေပဵၼ်ၼမ်ႉတွၼ်းတႃႇမိူင်းၶႄႇၼၼ်ႉ ၊ သင်ဝႃႈႁၼ်မူႇၸုမ်းလႄႈၵူၼ်းၸိူဝ်းတေၵႂႃႇႁဵတ်းလွင်ႈတုမ်ႉတိူဝ်ႉၼၼ်ႉၵေႃႈႁႂ်ႈႁိပ်ႈႁၢႆးငၢၼ်းပၼ်တီႈၶွမ်ႊမတီႇၵၢၼ်သိုၵ်းႁႂ်ႈၶိုတ်းတၼ်းၵမ်းလဵဝ် ဝႃႈၼႆ။ လိူဝ်ၼၼ်ႉဢမ်ႇၵႃး ႁႂ်ႈၵႅတ်ႇၶႄႁႄႉၵင်ႈပၼ်ပႃး ပၢႆးမၢၵ်ႈမီးလႄႈၵၢၼ်လူင်းတိုၼ်းၵူၼ်းမိူင်းၸိူဝ်းယူႇၼွၵ်ႈမိူင်း လႄႈ...

ၽွင်းၵူၼ်းမိူင်းပၢႆႈၽေးသိုၵ်းယူႇၼႆႉ ႁိူၼ်း ၸွမ်သိုၵ်းလူင် သိူဝ်ထႅၼ်ႈ ၽူႈၼမ်းၼႃႈ ၼႃႇယၵ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢၼ်မီးတီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ၺႃးယႃႉလူႉၵွႆဝႆႉ။ ဝၼ်းတီႈ 30 ၵျူႊလၢႆႊ သိုၵ်းၵဝ်ႈၵၢင်ႉ MNDAA ဢၼ်မီးၼႂ်းဝဵင်းလႃႈသဵဝ်ႈ လိုပ်ႈပႅတ်ႈၵူၼ်းပႂ်ႉႁိူၼ်းၸဝ်ႈသိူဝ်ထႅၼ်ႈသေ ၶဝ်ႈယႃႉႁိူၼ်းယေးၵွႆ ဢဝ်ၶူဝ်းၶွင်ၵႂႃႇပႃးၼႆ - ႁၼ်ၵူၼ်းႁိူၼ်းမၼ်းၸဝ်ႈတႅမ်ႈတၢင်ႇဝႆႉတီႈၾဵတ်ႉသ်ပုၵ်ႉသုၼ်ႇတူဝ်ဝႆႉၼင်ႇၼႆ။ “ၵူၼ်းႁိူၼ်းၶဝ်တႄႉငိူင်ႉပၢႆႈဝႆႉယဝ်ႉ...

သိုၵ်းမၢၼ်ႈ ယိုတ်းမိူင်း လုၵ်ႉတၢင်ႉယၢၼ်းထႅမ်ႁႅင်းသိုၵ်း မုင်ႈၸူး တၢင်းလႃႈသဵဝ်ႈ ၺႃးသိုၵ်းၵဝ်ႈၵၢင်ႉ တင်း BPLA ပႂ်ႉလူမ်ႇယိုဝ်းၸွမ်းတၢင်း တၢႆ 80 ပၢႆ မၢတ်ႇ 50 ပၢႆ။ ဝၼ်းတီႈ 30/07/2024 ယၢမ်းၵၢင်ၼႂ်ၸဝ်ႉ 3 မူင်းပၢႆ ၵႃးသိုၵ်းမၢၼ်ႈ 8 လမ်း လုၵ်ႉတၢင်ႉယၢၼ်း ထႅမ်ႁႅင်းသိုၵ်း...

တပ်ႉၸုမ်းပူတ်းပွႆႇၵူၼ်းမိူင်း BPLA ပိုၼ်ၽၢဝ်ႇ ယိုတ်းလႆႈ တပ်ႉၵွင်သိုၵ်းမၢၼ်ႈ တီႈဝဵင်းလႃႈသဵဝ်ႈ လၢႆတပ်ႉၵွင် ဝႃႈၼႆ။ ၼႂ်းဝၼ်းတီႈ 28 လႄႈ 29 လိူၼ်ၼႆႉ တပ်ႉၸုမ်းပူတ်းပွႆႇၵူၼ်းမိူင်းမၢၼ်ႈ BPLA ႁူမ်ႈတင်း ၸုမ်း ဢူၺ်းလီပွတ်းႁွင်ႇ ဢၼ်ပႃး တပ်ႉသိုၵ်းၵဝ်ႈၵၢင်ႉ MNDAA ၼၼ်ႉသေ လေႃႇတိုၵ်းတပ်ႉသိုၵ်းမၢၼ်ႈ တပ်ႉၵွင်ၾၢႆႇၵပ်းသိုပ်ႇ၊ တပ်ႉၵွင်...

ၶွင်ႇသီႇဢဝ်ၶိုၼ်းၸိုင်ႈတႆးတပ်ႉသိုၵ်းၸိုင်ႈတႆး RCSS/SSA ပိုၼ်ၽၢဝ်ႇတေၵႅတ်ႇၶႄႁႄႉၵင်ႈပၼ်ၵူၼ်းမိူင်း မိူင်းတႆးပွတ်းၸၢၼ်းႁႂ်ႈပေႃးလႆႈၵတ်းယဵၼ် ၊ တႃႇၵေႃႇတင်ႈမိူင်းႁူမ်ႈတုမ်ၾႅတ်ႊတရႄႊၼၼ်ႉ တေႁူပ်ႉၵၼ်တင်းၸုမ်းၵဵဝ်ႇၶွင်ႈသေ တေဢုပ်ႇၵုမ်ၵႂႃႇဝႃႈၼႆ။ ၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး RCSS/SSA ၸတ်းႁဵတ်းပၢင်ၵုမ် 6 လိူၼ်ၶွပ်ႈ ဝၼ်းတီႈ 26 ထိုင် 28 ၵျူႊလၢႆႊၼႆႉ တီႈငဝ်ႈငုၼ်းလွႆတႆးလႅင်း ယဝ်ႉတူဝ်ႈလီငၢမ်းသေ ၸင်ႇဢွၵ်ႇၶေႃႈပိုၼ်ၽၢဝ်ႇၽိုၼ်ၼိုင်ႈ ပႃးဝႆႉ 5 ၶေႃႈ။ “...

သိုၵ်းမၢၼ်ႈ ယိုတ်းမိူင်းတင်း သိုၵ်းၵဝ်ႈၵၢင်ႉ MNDAA ယိုဝ်းၵၼ် တီႈဢိူင်ႇၼွင်ၵေႃႈ ၸႄႈဝဵင်းသီႇပေႃႉ ႁၢဝ်ႈႁႅင်း ႁၢၼ်ႉတေႃႇထိုင်ယၢမ်းလဵဝ် သဵင်ၵွင်ႈပႆႇယဵၼ်။ ဝၼ်းတီႈ 28/07/2024 တႄႇဢဝ်ယၢမ်းၵၢင်ၼႂ်ထိုင် ႁူဝ်ၶမ်ႈ သိုၵ်းၵဝ်ႈၵၢင်ႉ ႁႅၼ်းသိုၵ်းလေႃႇတိုၵ်း တပ်ႉသိုၵ်းမၢၼ်ႈ တပ်ႉၵွင် 147 ဢၼ်ပၵ်းဝႆႉတီႈဢိူင်ႇဝၢၼ်ႈၼွင်ၵေႃႈလႄႈ တပ်ႉၵႃးၵၢပ်ႇလဵၵ်း ဢၼ်မီးဝႆႉတီႈ ဝၢၼ်ႈၼႃးၵၢင် ၼႂ်းၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး...

ရတ်ႉသျႃႊလႄႈ ၶႄႇ ႁူမ်ႈၵၼ်ၾိုၵ်းၵၢၼ်သိုၵ်း ဢဝ်ႁူမ်ႇလူမ်ႈ တၢင်းၵၢင်ႁၢဝ် ၼိူဝ်ၼႃႈပၢင်ႇလၢႆႇ ပႄႊရိၼ်ႊ ႁိမ်းၸႄႈမိူင်းဢႃႊလႃႊသၵႃႊ။ ၽူႈၶၢၼ်ပၢၵ်ႇ ႁွင်ႈၵၢၼ်ၽွင်းလူင်ၾၢႆႇၵႅတ်ႇၶႄ မိူင်းၶႄႇ ၸၢင်းသျႅဝ်းၵိူင်ႇ လၢတ်ႈတီႈသိုဝ်ႇၶၢဝ်ႇရၢႆႊထိူဝ်ႊဝႃႈ - ယိူင်း ဢၢၼ်းတႃႇႁႂ်ႈ သွင်ၸိုင်ႈမိူင်းမီးလွင်ႈယုမ်ႇယမ်ၵၼ် ႁဵတ်းၵၢၼ်ႁူမ်ႈ ၵၼ်လႆႈမၼ်ႈၵိုမ်း ယိုၼ်းယၢဝ်းၵူၺ်း။ ဢမ်ႇၸႂ်ႈယိူင်းဢၢၼ်း တေႃႇၽႂ်မိူင်းလႂ်၊ ဢမ်ႇၵဵဝ်ႇၵၼ်တင်း ၵၢၼ်မိူင်း ၼႂ်းလုမ်ႈၾႃႉ...

သိုၵ်းမၢၼ်ႈ ယိုတ်းမိူင်းတင်း သိုၵ်းယၢင်းလႅင် တိုၵ်ႉသိုပ်ႇပဵၼ်ပၢင်တိုၵ်းၵၼ်ထႅင်ႈ ႁၢဝ်ႈႁႅင်း ၼႂ်းဝၼ်းတီႈ 20 ထိုင် 24 လိူၼ်ၵျူႊလၢႆႊ ပူၼ်ႉမႃးၼႆႉ ဝႃႈၼႆ။ သိုၵ်းမၢၼ်ႈ ၶိုၼ်းသႂ်ႇႁႅင်းတႃႇၶိုၼ်းၵုမ်းလႆႈဝဵင်းလွႆၶေႃ ၸႄႈမိူင်းယၢင်းလႅင် ဢၼ်တူၵ်းၵႂႃႇၼႂ်းမိုဝ်း သိုၵ်းယၢင်းလႅင် ဝႆႉ ၼၼ်ႉ။ လိူဝ်ၼၼ်ႉ ၶႂ်ႈၶိုၼ်းယိုတ်းၵုမ်း သဵၼ်ႈတၢင်းလူင် ပျီႇထွင်ႇၸူႉၶိုၼ်းသေ ၸင်ႇထႅမ် ႁႅင်းသိုၵ်း...

ငဝ်းလၢႆးပၢင်တိုၵ်း ၼႂ်းမိူင်းမၢၼ်ႈ ႁၢဝ်ႈႁႅင်းမႃးယူႇ ၵူႈမိုဝ့်ၵူႈဝၼ်းၼႆ ႁဝ်းၶႃႈၵေႃႈဢွၼ်ၵၼ် ႁူ့ႁၼ် ဝႆ့ယူႇ ႁင်းၽႂ်မၼ်း ၵူႈၵေႃ့ၵူႈၵူၼ်း ။ မိူၼ်ၼင်ႇ ပၢင်တိုၵ်း ၼႂ်းမိူင်းတႆးပွတ်းႁွင်ႇပွၵ်ႈၼႆ့ၵေႃႈ တေလႆႈဝႃႈ ၽႄႈလၢမ်းၵႂႃႇၵႂၢင်ႈၶႂၢင် ထိုင်တီႈၼႂ်း တိူင်းတႃႈလိူဝ်ႇ (မၢၼ်းတလေး) ၸိူဝ်းၼႆ့လူး ၵွၼ်ႇ။ ၵွပ်ႈၼၼ် ပၢင်တိုၵ်း ဢမ်ႇႁွတ်ႈမႃးထိုင် တီႈၸဝ်ႈၵဝ်ႇယူႇ...

သိုၵ်းၵဝ်ႈၵၢင်ႉ MNDAA ပိုၼ်ၽၢဝ်ႇပဵၼ်တၢင်းၵၢၼ် ဝၼ်းတီႈ 25/07/2024 ယၢမ်းၵၢင်ၼႂ် ယိုတ်းလႆႈတပ်ႉတိူင်းသိုၵ်း ယမၶ ဢၼ်ပၵ်းဝႆႉတီႈဝဵင်းလႃႈသဵဝ်ႈယဝ်ႉ ပဵၼ်ၸႄႈတွၼ်ႈယႂ်ႇ တပ်ႉတိူင်းသိုၵ်းယႂ်ႇၶွင်သိုၵ်းမၢၼ်ႈ ဢၼ်တူၵ်းတႂ်ႈၵၢၼ်ၽွင်းငမ်း ၼႃႈလိၼ်ၶိုၵ်ႉတွၼ်း ဢၼ်ႁႅၵ်ႈ ဝႃႈၼႆ။ ပၢင်တိုၵ်းတႃႇဢဝ်လႆႈတိူင်းသိုၵ်းမၢၼ်ႈ ယမၶ ၸဵင်ႇႁွင်ႇဝၼ်းဢွၵ်ႇ ဢၼ်ပၵ်းတီႈဝဵင်းလႃႈသဵဝ်ႈ ၼႆႉ သိုၵ်းၵဝ်ႈၵၢင်ႉ လႆႈၸႂ်ႉၶၢဝ်းယၢမ်းလေႃႇတိုၵ်းပိုတ်းယိုဝ်း 23 ဝၼ်း၊...

မိူဝ်ႈၼႆႉ ဝၼ်းတီႈ 25/07/2024 ယၢမ်းၵၢင်ၼႂ် 4 မူင်း သိုၵ်းၵဝ်ႈၵၢင်ႉ MNDAA ယိုတ်းၵုမ်းလႆႈ တိူင်းသိုၵ်းလႃႈသဵဝ်ႈ ၸဵင်ႇႁွင်ႇဝၼ်းဢွၵ်ႇ (ယမၶ) တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇယဝ်ႉ - သိုဝ်ႇၶၢဝ်ႇၵဝ်ႈၵၢင်ႉ ဢွၵ်ႇဝႆႉၼင်ႇၼႆ။ “ပၢင်တိုၵ်း တီႈဝဵင်းလႃႈသဵဝ်ႈၼႆႉ ယူႇတီႈ တပ်ႉသိုၵ်းၵဝ်ႈၵၢင်ႉ MNDAA လႆႈၸႂ်ႉၶၢဝ်းယၢမ်း 23 ဝၼ်းသေ...

တပ်ႉသိုၵ်းမိူင်းလႃး NDAA ဢဵၼ်ႁႅင်းၼပ်ႉပၢၵ်ႇ ၶဝ်ႈဢဝ်တီႈယူႇဝႆႉ ၸွမ်းသၢပ်ႇဝဵင်းမိူင်းယွင်း ၸိုင်ႈတႆး ပွတ်းဢွၵ်ႇၶူင်း ဝႃႈၼႆ။ ယၢမ်းလဵဝ် တပ်ႉသိုၵ်းမိူင်းလႃး NDAA မႃးယူႇဝႆႉ တီႈဝတ်ႉဝၢၼ်ႈတူင်ႈ တင်းၼမ် ၼႂ်းၸႄႈဝဵင်းမိူင်းယွင်း ၸႄႈတွၼ်ႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ႁူပ်ႉထူပ်းတင်းၵူၼ်းမိူင်းပိုၼ်ႉတီႈသေ လူၺ်ႈလွင်ႈသင်တႄႉ ပႆႇလႆႈႁူႉၸွမ်းၼႆ ၵူၼ်းပိုၼ်ႉတီႈမိူင်းယွင်း ၵေႃႉၼိုင်ႈလၢတ်ႈ။ ဢိင်ၼိူဝ်လွင်ႈၼႆႉ ယူႇတီႈ ၸုမ်းၶၢဝ်ႇၽူႈတွႆႇႁွၵ်ႈ ၵပ်းၸူးတီႈၽူႈမီးပုၼ်ႈၽွၼ်း...