လုၵ်ႈၸုမ်း ၽူႈမီးၸၼ်ႉတင်း ႁွင်ႈၵၢၼ်လူင်ပွင်ၸိုင်ႈ တင်းသဵင်ႈ တေဢမ်ႇလႆႈၶႂၢင်ႉ ၵပ်းသိုပ်ႇတိတ်းတေႃႇ တၢင်း ၼွၵ်ႈမိူင်းၼႆ တပ်ႉသိုၵ်းၵဝ်ႈၵၢင်ႉ MNDAA ပိုၼ်ၽၢဝ်ႇဢွၵ်ႇဝႆႉ မိူဝ်ႈဝၼ်းတီႈ 10/10/2024 ၼႆႉ ၼင်ႇၼႆ။

ဢိင်ၼိူဝ် လွင်ႈၼႆႉ ယွၼ်ႉမီးၶၢဝ်ႇဢွၵ်ႇမႃးဝႃႈ ၵၢၼ်မိူင်း မိူင်းမၢၼ်ႈၼႆႉ ၸုမ်းၼွၵ်ႈမိူင်းႁၢင်ႈႁႅၼ်း တေၶဝ်ႈၵႅဝ်သေ ၸၢင်ႈႁူပ်ႉလွင်ႈလႅၵ်ႈလၢႆႈယႂ်ႇလူင်ၼႆလႄႈ ၸင်ႇလႆႈပိုၼ်ၽၢဝ်ႇဢွၵ်ႇ ဝႃႈၼႆ။

လိူဝ်ၼၼ်ႉ ၼင်ႇႁိုဝ် ၸုမ်းၼွၵ်ႈမိူင်း တေဢမ်ႇမႃးၸႂ်ႉတိုဝ်း ပႃႇတီႇတင်း တပ်ႉသိုၵ်းၵဝ်ႈၵၢင်ႉ၊ ပဵၼ်တႃႇႁႄႉၵင်ႈ ပတိၵ်ႈၶၢတ်ႈလႄႈ လွင်ႈထဵင်မေႃးၵၼ် ၸိူဝ်းၼၼ်ႉ ဝႃႈၼႆ။

လုၵ်ႈၸုမ်း ၽူႈမီးၸၼ်ႉတင်း ႁွင်ႈၵၢၼ်လူင်ပွင်ၸိုင်ႈ တင်းသဵင်ႈ ဢၼ်ယူႇတႂ်ႈ တပ်ႉသိုၵ်းၵဝ်ႈၵၢင်ႉၼၼ်ႉ တေဢမ်ႇလႆႈၶႂၢင်ႉ ဢွၵ်ႇၶၢဝ်းတၢင်းၵႂႃႇမိူင်းဝၼ်းတူၵ်း မိူၼ်ၼင်ႇ – မိူင်းဢမေႊရိၵၼ်ႊ ၸိူဝ်းၼၼ်ႉ။

ၵဵဝ်ႇၵပ်းၵၢၼ်မိူင်း မိူင်းမၢၼ်ႈၼႆႉသေ တေဢမ်ႇလႆႈၶဝ်ႈႁူမ်ႈ ပၢင်ၵုမ်ၵူႈမိူင်းမိူင်း၊ ၼႂ်းၶၢဝ်းတၢင်း ပီၼႆႉ တေဢမ်ႇလႆႈတွပ်ႇတီႈသိုဝ်ႇၶၢဝ်ႇ မိူင်းဝၼ်းတူၵ်းၶဝ်။ သင်ဝႃႈ ပူၼ်ႉပႅၼ်ၶေႃႈမၢႆမီႈၸိူဝ်းၼႆႉ တေၺႃး ဢဝ်လိူင်ႈၼၵ်းၼႃၵႂႃႇၼႆ ပိုၼ် ၽၢဝ်ႇပႃးဝႆႉၼင်ႇၼႆ။

ဢၢင်ႈဢိင် – RFA