Naim Qassem ၵႅမ်ႁူဝ်ၼႃႈမႂ်ႇ ၸုမ်းယိပ်းၵွင်ႈၵၢင်ႇ ႁိတ်ႉသ်ပူဝ်ႊလႃႊ (Hezbollah) ဢၼ်ပၵ်းၸုမ်းတီႈ မိူင်းလႅပ်ႊပ ၼုၼ်ႊ (Lebanon) ပိုၼ်ၽၢဝ်ႇၼႂ်းထီႊဝီႊပဵၼ်တၢင်းၵၢၼ်ဝႃႈ တေသိုပ်ႇပိုတ်းယိုဝ်းဢိတ်ႉသ်ရေႊ (Israel) ၵႂႃႇထႅင်ႈ ဝႃႈၼႆ။
ဝၢႆးလင် ပဵၼ်ပၢင်တိုၵ်းမႃးၶၢဝ်းတၢင်း ၸမ်ပီ ဝၼ်းတီႈ 27 သႅပ်ႊထႅမ်ႊပိူဝ်ႊ ပူၼ်ႉမႃးၼႆႉ သိုၵ်းဢိတ်ႊသ် ရေႊ ဢဝ်ၶိူင်ႈမိၼ် မႃးပွႆႇမၢၵ်ႇသႂ်ႇ တီႈႁိူၼ်းယေးတိူၵ်ႈ တီႈဝဵင်းပေႊရုတ်ႉ (Beirut) မိူင်းလႅပ်ႊပၼုၼ်ႊ လႄႈ မီးၵူၼ်းမၢတ်ႇၸဵပ်းလူႉတၢႆ။ ၼႂ်းၼၼ်ႉ ႁူဝ်ၼႃႈ ၸုမ်းသိုၵ်းႁိတ်ႉသ်ပူဝ်ႊလႃႊ ဢၼ်ပဵၼ် Hassan Nasrallah ၼၼ်ႉၵေႃႈ မၢတ်ႇၸဵပ်းလူႉတၢႆၸွမ်း။
လွင်ႈၼႆႉ ၸုမ်းသိုၵ်းပႃႊလႅတ်ႉသ်တၢႆႊ (Palestinian Army – PFLP) လၢတ်ႈဝႃႈ ၵူၼ်းၶဝ်မၢတ်ႇၸဵပ်းလူႉ တၢႆ 3 ၵေႃႉ ဝႃႈၼႆသေတႃႉ ယူႇတီႈ ဢိတ်ႉသ်ရေႊတႄႉဢမ်ႇမီးလၢတ်ႈတွပ်ႇလၢတ်ႈသင်။
ဢိင်ၼိူဝ် ႁူဝ်ၼႃႈ ၸုမ်းသိုၵ်း ႁိတ်ႉသ်ပူဝ်ႊလႃႊ လႆႈမၢတ်ႇၸဵပ်းလူႉတၢႆၵႂႃႇၼႆႉသေ တေၸတ်းပၢင်လိူၵ်ႈ တင်ႈႁႃႁူဝ်ၼႃႈဝႆးဝႆးယူႇ Naim Qassem ပိုၼ်ၽၢဝ်ႇလၢတ်ႈပႃးၼင်ႇၼႆ။
ဢိင်ၼိူဝ် ၶေႃႈပိုၼ်ၽၢဝ်ႇ ၵႅမ်ႁူဝ်ၼႃႈသိုၵ်း ႁိတ်ႉသ်ပူဝ်ႊလႃႊၼႆႉသေ ၵူၼ်းမိူင်း ၼႂ်းၸႄႈတွၼ်ႈၵႃႊသႃႊ (Gaza) တႄႉ မႆႈၸႂ်ၵူဝ်ပၢင်တိုၵ်းယႂ်ႇၵႂၢင်ႈမႃးလိူဝ်ၼႆႉယူႇ ဝႃႈၼႆ။
ယၢမ်းလဵဝ်ၵေႃႈ ၽွင်းလူင်ၾၢႆႇၼွၵ်ႈမိူင်း မိူင်းၾရင်ႇသဵတ်ႈ (France) Jean-Noel Barrot ၵေႃႈ ႁွတ်ႈထိုင် ဝႆႉတီႈမိူင်းလႅပ်ႊပၼုၼ်ႊ မိူဝ်ႈဝၼ်းတိတ်ႉ ပူၼ်ႉမႃးၼႆႉ။ ၸွမ်ၽွင်းလူင်မိူင်းလႅပ်ႊပၼုၼ်ႊ Najib Mikati ပိုတ်ႇ လၢတ်ႈတီႈသိုဝ်ႇၶၢဝ်ႇ ၸိုင်ႈမိူင်းၶဝ် ပဵၼ်တၢင်းၵၢၼ်ဝႃႈ – ၸွမ်ၽွင်းလူင်ၼွၵ်ႈမိူင်း မိူင်းၾရင်ႇသဵတ်ႈ တေၶတ်းၸႂ်ႁၢမ်ႈ ဢိတ်ႉသ်ရေႊမႃးပိုတ်းယိုဝ်းၼၼ်ႉ – သိုဝ်ႇၶၢဝ်ႇ VOA ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ